08/08/2023
စစ်အာဏာရှင်စနစ်တိုက်ဖျက်ရေး အထွေထွေသပိတ်တပ်ပေါင်းစု
ရှစ်လေးလုံးလူထုအရေးတော်ပုံ (၃၅) နှစ်မြောက်နေ့အထိမ်းအမှတ် သဝဏ်လွှာ
နေ့စွဲ ။ ။ ဩဂုတ်လ ၈ ရက်၊ ၂၀၂၃ ခုနှစ်။
၁၉၈၈ ခုနှစ်တွင် ပေါ်ပေါက်ခဲ့သော ရှစ်လေးလုံးလူထုအရေးတော်ပုံသည် ၂၀၂၃ ခုနှစ်၊ ဩဂုတ်လ ၈ ရက်နေ့ တွင် (၃၅) နှစ်မြောက်ပြီဖြစ်ပေသည်။ သို့သော်လည်း လွန်ခဲ့သည့် ၃၅ နှစ်ကာလကတည်းက လူထုလူတန်းစား အသီးသီးတို့ တောင်းဆိုတိုက်ပွဲဝင်ခဲ့သည့် တောင်းဆိုချက်များသည် အာဏာသိမ်းစစ်အုပ်စု အဆက်ဆက်၏ ယုတ်မာ ရိုင်းစိုင်းမှု၊ လူမဆန်စွာ ဖိနှိပ်မှုများကြောင့် ယနေ့အချိန်အထိ တစိုးတစိမျှ မရရှိနိုင်သေးပေ။
ယနေ့လက်ရှိ နွေဦးတော်လှန်ရေးသည် အမှန်စင်စစ်အားဖြင့် ရှစ်လေးလုံးလူထုအရေးတော်ပုံကြီး၏ နောက် ဆက်တွဲအရေးတော်ပုံတရပ်ဖြစ်သလို၊ ရှစ်လေးလုံးလူထုအရေးတော်ပုံသည် နွေဦးတော်လှန်ရေး၏ အရင်းခံရာ ရေသောက်မြစ်လဲ ဖြစ်သည်ဟု ကျွန်ုပ်တို့ ရှုမြင်သည်။
ခေတ်အဆက်ဆက် မတရားအာဏာသိမ်းစစ်အုပ်စုအနေဖြင့် လူထုလိုလားတောင်းဆိုချက်များကို လုံးဝ လစ်လျူရှုပြီး အကြမ်းဖက်ရက်စက်စွာ နှိမ်နင်းခြင်းနည်းနာကိုသာ အစဉ်တစိုက် အဖန်တလဲလဲအသုံးပြုလျက် ရှိသည်။ သို့သော် ခေတ်အဆက်ဆက် လူထုဆန့်ကျင်ခုခံမှု ( Civil Resistance Movement ) များသည် စစ်အုပ်စု၏ အဆိုပါနည်းနာများကို ရင်ဆိုင်အံတုလျက် စစ်အုပ်စု၏ အရှိုက်ကို တရစပ်ထိုးနှက်လျက်ရှိသည်မှာ အထင်အရှား ပေါ်လွင်လျက်ရှိပေသည်။ မတရားမှုကို ခုခံတွန်းလှန်သည့် လူထု၏စိတ်ဓာတ်သည် ပို၍ ခိုင်မာအားကောင်းလျက် ရှိကြောင်း ယနေ့ လူထုတော်လှန်ရေးပုံရိပ်များက သက်သေခံလျက်ရှိပေသည်။
ရှစ်လေးလုံးစိတ်ဓာတ်ဆိုသည်မှာ ဒီမိုကရေစီရေး၊ လူ့အခွင့်အရေးနှင့် စစ်အာဏာရှင်စနစ်တိုက်ဖျက်ရေးပင် ဖြစ်သည်။ နွေဦးတော်လှန်းရေး၏ စိတ်ဓာတ်ဆိုသည်မှာ ရှစ်လေးလုံးစိတ်ဓာတ်ကို ပိုမိုအားကောင်း မြင့်မားအောင် လွှင့်တင်လျက် ဒီမိုကရေစီရေး၊ စစ်အာဏာရှင်စနစ်တိုက်ဖျက်ရေးနှင့် တန်းတူရေးနှင့်ကိုယ်ပိုင်ပြဌာန်းခွင့်ကို အာမခံ သည့် ဖက်ဒရယ်ဒီမိုကရေစီပြည်ထောင်စုထူထောင်ရေးတို့ပင် ဖြစ်ပေသည်။ ထို့ကြောင့် မိမိတို့အားလုံးအနေဖြင့် ဒီမို ကရေစီရေး၊လူ့အခွင့်အရေး၊ စစ်အာဏာရှင်စနစ်တိုက်ဖျက်ရေး၊ ဖက်ဒရယ်ဒီမိုကရေစီပြည်ထောင်စု ထူထောင်နိုင်ရေး အတွက် မဝေးတော့သော ပြည်သူ့အောင်ပွဲကို ရယူနိုင်ရန် မဆုတ်မနစ် ဆက်လက်တိုက်ပွဲဝင်သွားမည်ဖြစ်ကြောင်း သန္နိဌာန်ပြုအပ်ပါသည်။
စစ်အာဏာရှင်စနစ်တိုက်ဖျက်ရေး အထွေထွေသပိတ်တပ်ပေါင်းစု
