04/11/2025
各位 「小李非都」 嘅舊聽眾、新聽眾，首先要同大家講句〝多謝晒！〞小李非都不經不覺，已經第5️⃣年。真係好多謝你哋一直以嚟，聽我哋幾個（又或者係兩個元老級主持）貼地吹水，由平時返工嘅鎖碎事、揸車遇到嘅黐線司機，到大家都 iykyk（If You Know You Know）嘅心事。嗰段時間，真係做得好開心！但係大家都知，我嘅人生角色 Upgrade 咗啦嘛！ 係時候要重新調整節目啦！
🚨 轉型原因：👩🏻時間永遠唔夠用！
其實我都考慮咗好一段長時間，係咪應該轉做單人主持呢？以前約嘉賓一齊錄音，夾下放工時間、或者星期六日都無問題。但依家真係難以抽身，時間同精力好難兼顧。同埋因為時間真係永遠唔夠用！為咗唔想節目斷斷續續更新，又唔想做衰個節目名(因為每個follow 都係辛苦儲返嚟🥹)
所以我決定.....
👩🏻 核心主持變動：會由我 MissyElly 一個人做核心，專心蒐集資料同大家用廣東話講故事。（當然，如果遇到啱嘅嘉賓或者話題，我都會邀請朋友上嚟一齊傾吓偈，保持節目嘅話題彈性！）
穩定而有質素嘅更新：依家唔使再夾嘉賓主持時間（成日要人就我，我自己都唔好意思！）。我一有空檔時間就可以即刻錄音，保證可以穩定地每個星期用聲音陪住大家返學放工，仲有塞車嘅你！
話題升級🔺🔺我哋一齊用聲音講下世界各地嘅見聞！
以前講貼地話題可能係迎合市場，想建立多啲聽眾群。但而家要講嘅世界見聞，先係我 MissyElly 真正想同大家分享嘅！節目主題會由以前嘅無聊八卦，升級到講下 世界見聞！我會同你講嚟自世界各地得意有趣嘅文化同埋歷史故事。當然唔少得嘅係我最鍾意嘅 靈異事件 啦！👻
衷心多謝大家一直以嚟嘅支持，希望你哋會繼續支持「小李非都」！
🌟 敬請期待新系列更新【小李非都：世界奇聞館】
MissyElly @小李非都
