99.7 One Radio News FM Daet

  • Home
  • 99.7 One Radio News FM Daet

99.7 One Radio News FM Daet Patas na maghahatid ng mga balita at tamang impormasyon. Magsisilbing tulay at boses para sa iisang hangarin na makapaglingkod sa bayan.

One Music, One Voice, One Mission, One Radio

This is 99.7 One Radio News FM Daet, "Basta One, The Best Yan!

MAYOR JOJO FRANCISCO, NAGBABALA SA PATULOY NA PAGTAAS NG VEHICULAR ACCIDENTS SA LABO; NANAWAGAN SA RESPOSABLENG PAGMAMAN...
18/07/2025

MAYOR JOJO FRANCISCO, NAGBABALA SA PATULOY NA PAGTAAS NG VEHICULAR ACCIDENTS SA LABO; NANAWAGAN SA RESPOSABLENG PAGMAMANEHO

Nagbabala si Mayor Jojo Francisco sa patuloy na pagtaas ng bilang ng mga vehicular accidents sa kanilang bayan batay sa pinakahuling Comparative Report of Incidents Responded (per quarter) ng Municipal Disaster Risk Reduction and Management Office (MDRRMO).

Ayon sa ulat, mula sa 269 na kaso noong 2023, umakyat ito sa 306 na kaso noong 2024. Sa taong 2025, nakapagtala na ng 118 kaso mula Enero hanggang Mayo 31 pa lamang.

Narito ang comparative breakdown ng mga sanhi ng aksidente (2024 vs 2025 - January to May):

With Positive Alcoholic Breath: Bumaba mula 134 kaso (2024) tungo sa 35 kaso (2025).
Overspeeding / Road Condition: Bumaba mula 41 kaso (2024) tungo sa 24 kaso (2025).
Stray Animals: Bumaba mula 30 kaso (2024) tungo sa 12 kaso (2025).

Bagama't may pagbaba sa ilang sanhi, nanawagan si Mayor Francisco na maging maingat ang lahat, dahil posibleng lumampas pa ang kabuuang bilang ng aksidente ngayong taon kung magpapatuloy ang trend.
Dahil dito, muling nanawagan ang alkalde sa sumusunod:
Pagsunod sa mga alituntunin ng LTO: Kabilang dito ang tamang bilis, paggamit ng helmet at seatbelt, at pag-iwas sa pagmamaneho nang lasing.

Pairalin ang defensive driving: Alalahanin na hindi lang sarili ang dapat protektahan kundi pati ang ibang motorista at pedestrian.

Itigil ang pagiging kamote rider: Ang pagmamadali at paglabag sa batas trapiko ay maaaring mauwi sa trahedya.

Tiniyak ng Mayor na aktibong tumutugon at nagmomonitor ang MDRRMO at PNP sa mga insidente, ngunit mas makakabuti kung mapipigilan ang aksidente bago pa man mangyari. Hinihikayat din niya ang Land Transportation Office (LTO) na maging mas mahigpit at masusi sa pagbibigay ng lisensya upang tanging mga karapat-dapat at responsableng motorista lamang ang pahintulutang magmaneho.

Binigyang-diin ni Mayor Francisco na ang kaligtasan ng bawat isa ay responsibilidad ng lahat, at nanawagan siyang magsama-sama para sa mas ligtas na kalsada sa buong bayan ng Labo.

BAGONG TEKNOLOHIYA SA PINEAPPLE-BASED FARMING SYSTEM, IPINAKILALA SA CAMARINES NORTE: DAGDAG KITA SA PAGSASAKA NG PINYAI...
18/07/2025

BAGONG TEKNOLOHIYA SA PINEAPPLE-BASED FARMING SYSTEM, IPINAKILALA SA CAMARINES NORTE: DAGDAG KITA SA PAGSASAKA NG PINYA

Isang makabuluhang talakayan ang isinagawa noong Hulyo 16, 2025, sa Provincial Capitol hinggil sa research project na "Technology Adaptation of Pineapple-Based Farming System (Queen Pineapple + Taro + Corn + Peanut) in Camarines Norte."

Ang proyekto, na pinangunahan ng DA RFU 5 Central Bicol Experiment Station (CBES), ay nagpakilala ng innovative intercropping approach kung saan ang Queen Pineapple ay sasamahan ng gabi, mais, at mani. Layunin nito na magbigay ng karagdagang ani at kita sa mga magsasaka. Ipinakilala rin ang Site-Specific Nutrient Management (SSNM) technology para sa mas episyenteng paggamit ng abono.

Bilang highlight, nagkaroon ng taste test ng muffins at macaroons na gawa sa pineapple flour, na nagpapakita ng pagiging malikhain sa paggamit ng mga bahagi ng pinya. Ang proyektong ito ay inaasahang magsisilbing modelo para sa iba pang lugar sa Pilipinas.

TATLONG WANTED NA INDIBIDWAL, ARESTADO SA CAMARINES NORTETatlong lalaking wanted sa batas ang sunod-sunod na naaresto sa...
18/07/2025

TATLONG WANTED NA INDIBIDWAL, ARESTADO SA CAMARINES NORTE

Tatlong lalaking wanted sa batas ang sunod-sunod na naaresto sa iba't ibang bayan ng Camarines Norte nitong Huwebes, Hulyo 17, 2025. Ang mga operasyon ay bahagi ng pinaigting na kampanya ng Philippine National Police (PNP) upang panagutin ang mga may kinakaharap na kaso at mapanatili ang kaayusan sa komunidad.

Unang nadakip dakong alas-5:10 ng hapon sa Purok 3, Brgy. Plaridel, Basud, si alyas Ricky, 31, na may warrant of arrest para sa kasong Qualified Theft. Inilabas ang warrant noong Hulyo 16, 2025, at may inirekomendang piyansang PHP 10,000.00. Si Ricky ay nasa kustodiya na ng Daet Municipal Police Station.
Samantala, dalawang lalaki naman ang naaresto sa bayan ng Labo bandang alas-5:40 ng hapon. Si alyas JOJO, 35, ng Purok 4A, Barangay Dallas, Labo, ay nadakip dahil sa paglabag sa Section 77 ng Presidential Decree 705 (Revised Forestry Code of the Philippines), na may piyansang P18,000.00.

Kasabay nito, inaresto rin si alyas "Estong", 56, isang minero mula sa Purok-4, Brgy. Dumagmang, Labo, dahil sa kasong paglabag sa Presidential Decree 449 o Cockfighting Law of 1974. Ang warrant para kay Estong ay inilabas pa noong Pebrero 17, 2014, at may inirekomendang piyansang PHP 12,000.00.

Ang mga operasyon, na bunga ng masusing intelihensiya at koordinasyon ng iba't ibang unit ng pulisya, ay nagpapakita ng patuloy na dedikasyon ng kapulisan sa pagpapatupad ng batas. Kasalukuyan nang nasa kustodiya ng mga kinauukulang himpilan ng pulisya ang tatlong naarestong suspek para sa kaukulang disposisyon.

18/07/2025

BREAKING NEWS: TRUCK AT TRCYCLE NAGSALPUKAN SA BAYAN NG TALISAY. DALAWA SUGATAN.

Dalawang katao ang sugatan matapos magsalpukan ang isang truck at tricycle sa Maharlika Highway, Purok 5, Barangay San Isidro, Talisay, kaninang mag-aalas otso ng umaga, Hulyo 18, 2025.

Nagtamo ng mga galos sa iba't ibang bahagi ng katawan at ulo ang driver at pasahero ng tricycle, na agad isinugod ng MDRRMO-Talisay sa Camarines Norte Provincial Hospital. Ligtas naman ang driver at pahinante ng truck.

Agad rumesponde ang Talisay Municipal Police Station upang imbestigahan ang insidente, na nagdulot ng halos 20 minutong pagtigil ng trapiko. Patuloy pa ang imbestigasyon upang matukoy ang sanhi ng aksidente, habang nasa kustodiya ng PNP ang driver ng truck para sa kaukulang pagtatanong at disposisyon.

17/07/2025

BALITA SA UMAGA. JULY 17, 2025

17/07/2025

Narito ang mga Balitang Lokal na aming ihahatid sa One Radio Balita sa Umaga ngayong July 18, 2025.

 TATLONG WANTED NA INDIBIDWAL, ARESTADO SA CAMARINES NORTE!

 PCG CAMARINES NORTE, MAHIGPIT NA NAKIKIPAG-UGNAYAN SA GITNA NG BAGYONG "CRISING"; PAGLALAYAG, IPINAGBABAWAL!

 BAGONG TEKNOLOHIYA SA PINEAPPLE-BASED FARMING SYSTEM, IPINAKILALA SA CAMARINES NORTE: DAGDAG KITA SA PAGSASAKA NG PINYA!

 MAYOR JOJO FRANCISCO, NAGBABALA SA PATULOY NA PAGTAAS NG VEHICULAR ACCIDENTS SA LABO; NANAWAGAN SA RESPOSABLENG PAGMAMANEHO!

 SP COMMITTEE ON PUBLIC UTILITIES, TUTUTUKAN ANG PROBLEMA SA TUBIG NG CAMARINES NORTE; PRIME WATER, BIBIGYAN NG ULTIMATUM!

LIBRENG SEMINAR SA PAGBABABUYAN, ISASAGAWA SA BAYAN NG TALISAY KATUWANG ANG ISANG FEEDS MANUFACTURERIsang libreng semina...
17/07/2025

LIBRENG SEMINAR SA PAGBABABUYAN, ISASAGAWA SA BAYAN NG TALISAY KATUWANG ANG ISANG FEEDS MANUFACTURER

Isang libreng seminar tungkol sa tamang pamamahala ng babuyan ang gaganapin bukas, Biyernes, Hulyo 18, 2025, simula 1:00 ng hapon, sa Tomas V. Mancenido (TVM) Complex sa Talisay. Ito ay inisyatiba ng Lokal na Pamahalaan ng Talisay sa pamamagitan ng Office of the Municipal Agriculture – Livestock Sector katuwang ang isang feed manufacturer.

Tatalakayin sa seminar ang Proper Hog Management (Swine Nutrition) at Farm Biosecurity, na mahalaga para mapabuti ang produktibidad at kaligtasan ng mga babuyan. Lahat ng hog raisers at sinumang interesado sa pagbababuyan ay iniimbitahang dumalo upang makakuha ng mahalagang kaalaman mula sa mga eksperto at mapalago ang kanilang negosyo.

BAGONG PRO 5 REGIONAL DIRECTOR, AGAD NAGPATAWAG NG COMMAND CONFERENCE PARA SA KAAYUSAN NG BICOLHindi nag-aksaya ng panah...
17/07/2025

BAGONG PRO 5 REGIONAL DIRECTOR, AGAD NAGPATAWAG NG COMMAND CONFERENCE PARA SA KAAYUSAN NG BICOL

Hindi nag-aksaya ng panahon si PBGEN NESTOR C BABAGAY, JR., ang bagong Acting Regional Director ng Police Regional Office 5 (PRO 5). Agad niyang pinangunahan ang kanyang kauna-unahang Command Conference kahapon, Hulyo 16, 2025, sa Camp BGen Simeon A. Ola, Legazpi City.

Dinaluhan ang pagpupulong ng mga pinuno ng pulisya sa rehiyon, kung saan inilatag ni PBGEN Babagay Jr. ang kanyang mga plano at estratehiya para palakasin ang kapayapaan at seguridad sa Bicol. Hinihikayat din niya ang lahat ng tauhan na manatiling tapat sa kanilang tungkulin, kumilos nang may integridad at walang kinikilingan, at patuloy na maglingkod sa komunidad.

DOT BICOL, PUSPUSAN ANG SUPORTA SA TURISMO NG CAMARINES NORTE:PAGSASANAY PARA SA MGA COMMUNITY GUIDES, NAGTAGUMPAYPatulo...
17/07/2025

DOT BICOL, PUSPUSAN ANG SUPORTA SA TURISMO NG CAMARINES NORTE:PAGSASANAY PARA SA MGA COMMUNITY GUIDES, NAGTAGUMPAY

Patuloy ang pagtutok ng Department of Tourism (DOT) Bicol sa pagpapalakas ng turismo sa Camarines Norte. Matagumpay na nailunsad ang "Community Guides Seminar" noong Hulyo 16, 2025, sa Catherine's Restaurant, Bagasbas, Daet. Ang Day 1 ng pitong-araw na seminar na ito ay naglalayong bigyang kapangyarihan at sanayin ang mga magiging tour guides ng probinsya.

Nagbigay ng buong suporta ang mga lokal na opisyal, kabilang sina Provincial Administrator Don Eduardo S. Padilla at Acting Vice Governor Hon. John Carlo "Lukad" De Lima, na nagbigay ng inspirasyon sa mga kalahok.

Sa seminar, ibinahagi ni Mr. Abel C. Icatlo ng Camarines Norte Provincial Tourism Operations Office ang kasaysayan at kultura ng probinsya, habang itinuro naman ni Ms. Irene Castillar ng Camarines Norte PDRRMO ang Basic First Aid.

Ang aktibidad na ito ay bunga ng kolaborasyon ng DOT Region V sa pamumuno ni Regional Director Herbie Aguas at ng Camarines Norte Provincial Tourism Office, na may layuning bumuo ng dynamic at may kasanayang tourism frontliners.

Ang programa, na magtatapos sa Hulyo 22, ay inaasahang magbibigay ng hanapbuhay at magpapalakas sa ekonomiya ng komunidad sa pamamagitan ng pagbibigay ng de-kalidad na serbisyo sa mga turista.

DATING REBELDE, TUMANGGAP NG PINANSYAL NA TULONG MULA SA PAMAHALAANG PANLALAWIGANDalawang dating rebelde ang tumanggap n...
17/07/2025

DATING REBELDE, TUMANGGAP NG PINANSYAL NA TULONG MULA SA PAMAHALAANG PANLALAWIGAN

Dalawang dating rebelde ang tumanggap ng tulong pinansyal mula sa Pamahalaang Panlalawigan nitong Hulyo 15, 2025. Ang simpleng seremonya ay isinagawa sa Governor's Office Conference Room, na pinangunahan ni Acting Governor Dennis Riel.

Ang bawat benepisyaryo ay nakatanggap ng ₱10,000.00 bilang bahagi ng programa ng Provincial Social Welfare and Development Office (PSWDO) para suportahan ang kanilang muling pagbabalik sa mapayapang pamumuhay. Ang inisyatibong ito ay nagpapakita ng patuloy na suporta ng lokal na pamahalaan sa mga dating miyembro ng armadong grupo upang magkaroon sila ng panibagong simula.

Klase sa Primarya at Sekundarya, Suspendido sa Daet Camarines Norte Dahil sa Bagyong "Crising"Dahil sa masamang panahon ...
17/07/2025

Klase sa Primarya at Sekundarya, Suspendido sa Daet Camarines Norte Dahil sa Bagyong "Crising"

Dahil sa masamang panahon na dulot ng Tropical Cyclone "CRISING" at paglakas ng Southwest Monsoon, suspendido ang lahat ng face-to-face classes sa pampubliko at pribadong paaralan, mula Primarya hanggang Sekundarya, ngayong Hulyo 17 hanggang Hulyo 18, 2025.

Upang matiyak ang pagpapatuloy ng pag-aaral, inatasan ang mga paaralan na magpatupad ng modular o alternatibong learning modalities sa panahong ito. Ibig sabihin, magpapatuloy pa rin ang pag-aaral sa bahay gamit ang mga modules o online na pamamaraan.

Mahigpit na pinapayuhan ang mga magulang at guardians na agad sunduin ang kanilang mga anak mula sa paaralan. Walang mag-aaral sa elementarya ang papayagang lumabas ng eskwelahan nang hindi kasama ng magulang o guardian. Kung itinuturing na delikado ang pagbiyahe, inaatasan ang mga paaralan na panatilihing ligtas ang mga estudyante sa loob ng campus hanggang sa bumuti ang lagay ng panahon. Paalala ni One, manatiling alerto at ligtas ngayong masama ang panahon.

Address


Website

Alerts

Be the first to know and let us send you an email when 99.7 One Radio News FM Daet posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 99.7 One Radio News FM Daet:

Shortcuts

  • Address
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share