09/06/2025
Aadaa hojii keenya cimsinee, aadaa gargaaramtummaa cabsina!
= = =
Jijjiiramaa asitti mootummaan karoora xiiqii gaara hiyyummaa jigsee badhaadhina biyyatti galmaan gahuu danda'an baasuudhaan xiyyeeffannoo olaanaa kennee hojjechaa jira. Kanaanis Inisheetivoti adda addaa wabii nyaataa mirkaneessuu danda'an bocamuun hojiirra ooluudhaan milkaa'innoonni abdachiisoon argamaa jiru.
Biyyi keenya jijjiiramaan dura gargaaramtummaa jala kan turte yoo ta'u, kunimmoo birmadummaa ishee kan tuqu ture. Mootummaanis biyyatti gargaaramtummaa jalaa akka baatu gochuudhaan birmadummaa biyyatti guutuu taasisuuf kallattii hojii kaa'uudhaan hojiilee misoomaa iyyummaaa biyyattii seenaa taasisan hedduu hojjechaa jira
Mootummaan wabii midhaan nyaataa mirkaneessuun cinatti oomisha alaa galu kan keessatiin bakka buusuu, al ergii guddisuufi carraa hojii uumuu irratti karoora xiiqii baafachuun hojii hojjeteen bu'aaleen agarsiistu badhaadhina biyyatti ta'an hedduun mul'achaa jiru.
Karoora xiiqii mootummaan badhaadhina biyyatti mirkaneessuuf baafatee hojiirra jiru kanas milkeessuun kan danda'amu yoo hawaasi keenya damee hojii irratti hirmaachaa jiru kamiirrattiyyuu jabaatee yoo hojjeteedha waan ta'eef, ciminaan hojii hojjechuun barbaachisaadha.
Walumaagalatti Karoora mootummaan gargaaramtummaa seenaa taasisuudhaan galma badhaadhinaa qabamee jiru milkeessuuf tarsiimoowwan adda addaa bocee hojiirra akka oolu godhee jiru kanas hawaasi keenyaas fudhatee aadaa hojii isaa cimsuudhaan aadaa gargaaramtummaa biyya keenyaaf hin malle jalaa bahuuf xiiqiin hojjechuun murteessaadha.
