14/03/2023
Vaaki va muganga wa Vuhehli ehansi ka masipala wa Giyani va rhurhumela hi ku chava endzhaku ko kumeka ka ntsumbu wa jaha ra makume ntlhanu wa malembe hi vukhale hi Musumbhunuku, ti 13 ta Dzivamisoko kwalomu ka awara ya 08h30.
GIYANI -Vaaki va muganga wa Vuhehli ehansi ka masipala wa Giyani va rhurhumela hi ku chava endzhaku ka ntsumbu wa jaha ra makume ntlhanu wa malembe hi vukhale hi Musumbhunuku, ti 13 ta Dzivamisoko kwalomu ka awara ya 08h30.
Ku hehliwa leswaku ku lava ku tiva swi sungurile loko nhloko ya xikolo xa le hansi xa Vuhehli yi tihlanganise na makwavo wa mufi yi vutisa leswaku sesi wa yena u kwihi endzhaku ka loko a swi vonile leswaku a nga kona exikolweni a nga nyikanga xiviko xa leswaku hikokwalaho ka yini a nga ri exikolweni na yena selfoni a yi timiwile.
Makwavo wa mufi u hatlise a ya laha a tshamaka kona ku ya n’wi lava, Loko a fika, u kume leswaku gede ya ha lotleriwile kambe rivanti ra kamara ra yena ri pfulekile naswona nghilazi ya fasitere yi tshovekile.
U tlhele a swi kota ku kuma ku nghena a nga si nghena ekamareni ra mufi a hlangana na nun'hwelo wo hlamarisa ivi a hetelela a nghena endlwini laha a nga kuma sesi wa yena a etlele emubedweni a nga hefemuli.
Muofisiri wa vuhlanganisi wa le Giyani SAPS sajeni Ridgewell Rikhotso, u vula leswaku Maphorisa ya vitaniwile laha vugevenga byi nga humelela kona laha va nga pfula nandzu wa vulavisisi.
Maphorisa ya paluxe leswaku mufi loyi i Nkhensani Dorries Maswanganyi.
Source: Tzaneen voice
