05/09/2025
ခင်များဟာ မဟော်သဓာ မဟုတ်ပေမယ့်
ကျမသိချင်သမျှ အရာတိုင်းကို ကျမရဲ့ ခေါင်းလေးတစ်ဖက်စောင်း မျက်နှာလေး မော့ချီကာ
မေးခွန်းတစ်ခု ထုတ်လိုက်တာနှင့် ခင်များမှာ
တိကျမှန်ကန်နေတဲ့အဖြေဟာ အမြဲတစေအဆင်သင့်ရှိနေတတ်သလို စီမံခန့်ခွဲတဲ့နေရာမှာလည်း ခင်များဟာ smart ဖြစ်နေတတ်တယ်☁️
အပြင်သွားချိန်တိုင်းလည်း
"ကျတော် မုန့်ဝယ်ကျွေးတာ ဘယ်သူ့ကိုမှ မပြောပြရဘူးနော်" ဆိုပြီးလည်း ခင်များက နှုတ်ပိတ်တတ်သေးသတဲ့လေ☁️
ဘယ်ရမလဲကွယ် ကျမပဲလေ
ခေါင်းကို ခပ်မြန်မြန်ညိမ့် လက်ပိုက်ကာ နှုတ်ခမ်းကိုချွန်ပြီး ကျမပုံစံအတိုင်း ဂျစ်ကန်ကန်နဲ့ အရေးမစိုက်သလိုလို စိတ်မပါသလိုလို ပုံစံနဲ့ " OK " ဆိုပြီး ကတိ ကိုလွယ်လွယ်ပေးလိုက်တော့လည်း ခင်များက ယုံတာပဲမဟုတ်လား☁️
နှစ်ယောက်သား ဆိုင်ကယ်ပေါ်မှာ ရယ်လို့မောလို့ပေါ့☁️ ကျမဟာ သစ္စာဖောက်ပီသစွာနဲ့ ခင်များကိုလည်း လိုက် စနောက်နေသလို ပိပိရိရိနဲ့
မျက်လုံးများ မှေးသွားတဲ့အထိ အော်ရယ် နေတယ်ဆိုပေမယ့် စိတ်ထဲမှာတော့ ခင်များကိုပေးထားတဲ့ကတိကို ဖျက်မှာ ခင်များမသိသေးဘူးဆိုတဲ့အတွေးနဲ့ပေါ့
Team တစ်ခုလုံးက လူတယောက်ချင်းစီတိုင်းကိုဝယ်ကျွေးထားတဲ့ မုန့်ကိုင်ပြီး ခင်များဝယ်ကျွေးတာဖြစ်ကြောင်း တဟားဟား နဲ့အော်ရယ်ပြီး သစ္စာဖောက်ခံရတာလည်း ခဏခဏ ဆိုပေမယ့်
ခင်များဟာ အမှတ်မရှိဘူးထင်ပါတယ်
ကျမရဲ့လုပ်ရပ်တိုင်းကို ပြုံးပြီးကြည့်နေလေရဲ့☁️
