04/12/2024
യൂറോപ്പിലെ ആകമാന സിറിയൻ ക്നാനായ പള്ളികളുടെ നേതൃത്വത്തിലും, ക്നാനായ അസോസിയേഷന്റെ മേൽനോട്ടത്തിൽ രൂപീകൃതമായ സംഘടനയായ യൂറോപ്യൻ ക്നാനായ കമ്മ്യൂണിറ്റിയുടെ ആഭിമുഖ്യത്തിലും നടക്കുന്ന എട്ടാമത് യൂറോപ്യൻ ക്നാനായ വാർഷിക സംഗമം 2025 ജൂൺ 28 ശനിയാഴ്ച്ച ലെസ്റ്റർ മഹേർ സെന്ററിൽ വെച്ച് നടത്തപ്പെടുവാൻ തീരുമാനമായി..
സംഗമത്തിനോടാനുബന്ധിച്ചുള്ള ടിക്കറ്റ് വില്പനയുടെ ഉത്ഘാടനം 24- നവംബർ സെന്റ് സൈമൺ ക്നാനായ പള്ളി ബെർമിങ്ഹാമിൽ വച്ച് ഇടവക വികാരി Fr സജി കൊച്ചേത്,Dr രാജു എബ്രഹാം മഴുവെഞ്ചരിലിനു മെയിൽ കോർഡിനേറ്റർ അപ്പു മണലത്ര, ജനറൽ സെക്രട്ടറി ജോ ഒറ്റതൈക്കൽ, ജനറൽ ട്രഷറാർ ജിനു കോവിലാൽ,യുറോപ്യൻ ക്നാനായ കമ്മ്മ്യൂണിറ്റി വൈസ് പ്രസിഡൻ്റ്റ് പ്രമിനോ, സെക്രട്ടറി സിബി, ട്രഷറാർ രാജീവ് മറ്റുകമ്മറ്റിഅംഗങ്ങളുടെ സാനിധ്യത്തിൽ നൽകികൊണ്ട് കേന്ദ്ര നിലയിലുള്ള ഉത്ഘാടനം നടത്തപ്പെട്ടു..
വരും ദിവസങ്ങളിൽ യൂറോപ്പിലെ എല്ലാ ദേവാലയങ്ങളിലും ടിക്കറ്റ് വില്പന തുടങ്ങുമെന്ന് ഭാരവാഹികൾ അറിയിച്ചു..
തനതായ പൈതൃകത്തിലും തനിമയിലും ഏറെ അഭിമാനിക്കുന്ന , അത് നെഞ്ചിലേറ്റുന്ന ക്നാനായ മക്കൾ തങ്ങളുടെ സമുദായ വലിയ മെത്രാപ്പോലീത്തയുടെയും സമുദായ ഭാരവാഹികളുടെയും മഹനീയ സാനിധ്യത്തിൽ തങ്ങളുടെ പ്രിയ സഹോദരങ്ങളുമായി കൂടിച്ചേരുന്ന ഒരു സുവർണ്ണ ദിനം കൂടിയാണ് ക്നാനായ സംഗമം.
യൂറോപ്പിലെ ഓരോ ക്നാനായ മക്കളുടെയും സ്വകാര്യ അഹങ്കാരമായ യൂറോപ്യൻ ക്നാനായ സംഗമത്തിൽ പങ്കെടുക്കുവാൻ യൂറോപ്പിന്റെ നാനാഭാഗത്തുള്ള സമുദായാംഗങ്ങൾ എല്ലാവരും ഒരുക്കങ്ങൾ തുടങ്ങിക്കഴിഞ്ഞു.
നേരത്തെ തന്നെ അവധികൾ എടുത്തു, ഹോട്ടൽ മുറികളും കോച്ചുകളുമെല്ലാം ബുക്ക്‌ ചെയ്തു തങ്ങളുടെ സംഗമം ഒരു ആഘോഷമാക്കി തീർക്കാനുള്ള ഒരുക്കത്തിലാണ് യൂറോപ്പിലെ ക്നാനായ മക്കൾ.
