True News (2025)

05/11/2024

ကူမင်းရောက်နေတဲ့ စစ်ခေါင်းဆောင် တရုတ်လုပ်ငန်းရှင်တွေနဲ့ တွေ့ဆုံ

နိုဝင်ဘာ ၅၊ ၂၀၂၄

ကူမင်းမြို့ကို ရောက်ရှိနေတဲ့ စစ်ခေါင်းဆောင် မင်းအောင်လှိုင်ဟာ တရုတ်စီးပွားရေးလုပ်ငန်းရှင်တွေနဲ့ တွေ့ဆုံခဲ့ပြီး မြန်မာပြည်ရဲ့ လျှပ်စစ်ကဏ္ဍမှာ ရင်းနှီးမြှုပ်နှံဖို့ ဖိတ်ခေါ်ခဲ့ကြောင်း စစ်ကောင်စီထောက်ခံတဲ့ ဝါဒဖြန့် တယ်လီဂရန်ချန်နယ်တွေမှာ ဖော်ပြထားပါတယ်။

မင်းအောင်လှိုင်ဟာ မဟာမဲခေါင်ဒေသခွဲ (GMS) ရဲ့ ၈ ကြိမ်မြောက် ထိပ်သီးအစည်းအဝေး၊ ၁၀ ကြိမ်မြောက် ဧရာဝတီ-ကျောက်ဖရား-မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာထိပ်သီးအစည်းအဝေးနဲ့ ၁၁ ကြိမ်မြောက် ကမ္ဘောဒီးယား-လာအို-မြန်မာ-ဗီယက်နမ် ပူးပေါင်းဆောင်ရွက်မှု ထိပ်သီးအစည်းအဝေးတွေကို တက်ရောက်ဖို့ အင်္ဂါနေ့မနက်မှာ ကူမင်းကိုသွားရောက်ခဲ့တာပါ။

ဆွေးနွေးပွဲကို ယူနန်ပြည်နယ်၊ ကူမင်းမြို့က Hualuxe hotel မှာ ပြုလုပ်ခဲ့ပြီး မြန်မာ့လျှပ်စစ်ဓါတ်အား ဖွံဖြိုးမှုစီမံကိန်း၊ EV ကဏ္ဍနဲ့ ပြည်ပ တိုက်ရိုက်ရင်းနှီးမြှုပ်နှံမှု အခွင့်အလမ်းတွေအပါအဝင် အခြားကဏ္ဍတွေကို ဆွေးနွေးခဲ့ကြတယ်လို့ သိရပါတယ်။

မြန်မာနိုင်ငံအနေနဲ့ စီးပွားရေးပူးပေါင်းဆောင်ရွက်မှုတွေ ဆက်လက်လုပ်ဆောင်သွားမှာဖြစ်သလို စစ်ကောင်စီအနေနဲ့ အတတ်နိုင်ဆုံး အကောင်းဆုံးဖြစ်အောင် ဆောင်ရွက်ပေးသွားမှာဖြစ်ကြောင်း၊ မြန်မာနိုင်ငံမှာ ယုံယုံကြည်ကြည် လာရောက် ရင်းနှီးမြှုပ်နှံနိုင်သလို လာရောက် ဆွေးနွေးနိုင်ကြောင်း စစ်ခေါင်းဆောင်က ပြောသွားခဲ့တာပါ။

ဒီနေ့နိုဝင်ဘာလ ၅ ရက် မနက်ပိုင်း အာဏာသိမ်းစစ်‌ခေါင်းဆောင် မင်းအောင်လှိုင် တရုတ်ခရီးစဉ်ထွက်ခွာပြီး နာရီပိုင်းအကြာမှာပဲ နေပြည်တော် အေလာလေဆိပ်၊ လေယာဉ်ပြေးလမ်းအနီးမှာ ပေါက်ကွဲမှုတစ်ရပ် ဖြစ်ပွါးခဲ့တယ်လို့လည်း စစ်တပ်ဝါဒဖြန့် တယ်လီဂရန်ချန်နယ်တွေမှာ ဖော်ပြထားပါတယ်။

အာဏာသိမ်းပြီးနောက်ပိုင်း ကမ္ဘာ့အသိုင်းအဝိုင်းအကြား အပယ်ခံဖြစ်နေတဲ့ စစ်ခေါင်းဆောင်ဟာ သူ့ရဲ့ အဓိကမဟာမိတ်ဖြစ်တဲ့ တရုတ်နဲ့ ရုရှားကို စစ်ရေး၊ နိုင်ငံရေးအရ အထူးအားကိုးနေတာဖြစ်ပါတယ်။

တရုတ်အစိုးရက နှစ်နိုင်ငံ အစိုးရချင်း တရားဝင်တွေ့ဆုံဖို့ သီးသန့်ဖိတ်ကြားချက်မဟုတ်တဲ့တိုင် တရုတ်ဦးဆောင်ကျင်းပတဲ့ ဒီလို ထိပ်သီးအစည်းအဝေးတွေကို တက်ရောက်ခွင့်ရတဲ့အပေါ် နိုင်ငံတကာ တရားဝင်မှုအဖြစ် စစ်ကောင်စီက သူ့ရဲ့ ဝါဒဖြန့် မီဒီယာတွေမှာ ကျယ်ကျယ်ပြန့်ပြန့် ဖော်ပြနေတာပါ။

အာဏာသိမ်းပြီးနောက်ပိုင်း မင်းအောင်လှိုင်ဟာ ရုရှားကို အကြိမ်ကြိမ်သွားရောက်ခွင့်ရခဲ့ပြီး သမ္မတပူတင်နဲ့ တွေ့ဆုံနိုင်ခဲ့ပေမယ့် သူ့ရဲ့ ပထမဆုံး တရုတ်ခရီးစဉ်ကတော့ ၄ နှစ်နီးပါးအထိ ကြာမြင့်ခဲ့ပြီး တရုတ်သမ္မတ ရှီကျင့်ပင်နဲ့ တွေ့နိုင်ဖို့ကလည်း မသေချာလှပါဘူး။

ပုံစာ - အာဏာသိမ်းစစ်ခေါင်းဆောင် တရုတ်လုပ်ငန်းရှင်တွေနဲ့ တွေ့ဆုံစဉ်

21/10/2024

တရုတ်နှင့် အမေရိကန်ကြားက NUG

အချို့အဖွဲ့တွေက NUG ကိုဝေဖန်ရာမှာ NUG က တိုင်းရင်းသားလက်နက်ကိုင်တွေနဲ့ သဘောတူညီချက်မရလို့ ထိုတိုင်းရင်းသားတွေထဲက ခေါင်းဆောင်တွေက NUG အစိုးရအဖွဲ့ထဲမပါတာဟာ NUG က ဦးဆောင် မစည်းရုံးနိုင်လို့ဆိုပြီး အဆိုပါတိုင်းရင်းသားလက်နက်ကိုင်ခေါင်းဆောင်တွေကို အပြစ်မတင်ဘဲ NUG ကိုသာ ဦးတည်တိုက်ခိုက်တာ တွေ့ရပါတယ်။ စာရေးသူကတော့ ဒီတော်လှန်ရေးမှာ NLD မျိုးဆက်သစ်ခေါင်းဆောင်တွေက စဉ်းစားပုံလုံးဝပြောင်းသွားခဲ့ပြီး ယခု စဉ်းစားပုံပြောင်းဖို့ paradigm shift က တိုင်းရင်းသားလက်နက်ကိုင်ခေါင်းဆောင် မျိုးဆက်သစ်တွေနဲ့ မီဒီယာတွေမှာသာ တာဝန်ရှိတယ်လို့ ရေးလေ့ရှိပါတယ်။
ယခုဆောင်းပါးမှာ ပြည်သူတွေမသိသေးတဲ့ တရုတ်နဲ့ အင်္ဂလိပ်၊ အမေရိကန်ကြားက NUG အကျပ်အတည်းယခင် NLD အစိုးရ အကျပ်အတည်းကို အနည်းငယ်ချပြလိုပါတယ်။ ဒီအချက်တွေက အမေရိကန်က မအလကိုပြောခဲ့တဲ့ သတင်းတွေ၊ တရုတ်က ဝ ကိုပြောခဲ့တာတွေ၊ KIA ကိုပြောခဲ့တာတွေနဲ့ တရုတ်က မအလကို ပြောခဲ့တာတွေ၊ အင်္ဂလိပ်၊ အမေရိကန်က ယခင် NLD အစိုးရကို ပြောခဲ့တာတွေ၊ ယခု NUG ကိုပြောခဲ့တယ်ဆိုတာတွေအပေါ် စာရေးသူသိသလောက် အခြေခံထားပါတယ်။
စာရေးသူအနေနဲ့ အမေရိကန်က မအလကို ဘာတွေပြောခဲ့သလဲဆိုတာ ဆောင်းပါးရေးခဲ့တာကို https://www.myattunoo.com/post/အမ-ရ-ကန-က-မအလက-ဘ-ပ-ခ-သလ အားလုံးဖတ်မိမယ်ထင်ပါတယ်။ ဒါကို တရုတ်လဲဖတ်မိမှာပါ။ ဒီကိစ္စကို အနောက်အုပ်စုလက်အောက်က မီဒီယာတွေက ဘာမှမတင်နိုင်တာ သတင်းမလိုက်နိုင်တာ အံ့ဩစရာ မကောင်းနေဘူးလား? စာရေးသူရေးတာ မှန်/မမှန်ဆိုတာကို သူတို့က တရုတ်နဲ့ ဝ ကိစ္စမှာ တရုတ်သံရုံးကိုမေးလေ့ရှိသလို ဒီကိစ္စမှာ အမေရိကန်သံရုံးကိုမေးတာ မကြားရသလို အမေရိကန်နိုင်ငံခြားရေးရုံး သတင်းစာရှင်းလင်းပွဲတွေ၊ ကာကွယ်ရေးဝန်ကြီးဌာန ပင်တကွန်က သတင်းစာရှင်းလင်းပွဲမှာလဲ မေးတာ မတွေ့ရပါ။ ထိုစဉ်က စာရေးသူက ပုံနဲ့တကွတင်ခဲ့သူက ဝ မျိုးဆက်သစ်ခေါင်းဆောင် ဒုတိယအထွေထွေအတွင်းရေးမှူး ပေါက်အိုက်ခမ်းပုံပါ။ ထိုလူကို ယခုတရုတ်ကခေါ်တွေ့ပြီး ဝ ကို MNDAA နဲ့ TNLA ကို မကူညီဖို့ ခေါ်ပြောတာဟာ မထူးဆန်းနေဘူးလား။ ထိုသတင်းကို တစ်ပါတီစနစ်ကျင့်သုံးတဲ့ တရုတ်နဲ့ ဝ က သတင်းပေါက်ကြားတာကလဲ ထူးဆန်းနေပြန်ပါတယ်။ ယခုဖြစ်ပုံက အမေရိကန်က မအလကို တရုတ်ဟာ ‘ဝ’ ကတဆင့် ကိုးကန့်ကိုကူညီတာကို အထောက်အထားနဲ့ပြောပြလို့ တရုတ်ကလဲ သူမကူညီဘူးဆိုပြီး ယခုမှ ပေါ်ပေါ်တင်တင် မအလဘက်က လုပ်ပြနေပုံပါ။ အမေရိကန်သာ ဝင်မပါခဲ့ရင် တရုတ်က ဖိအားပေးပါ့မလား? တရုတ်-အမေရိကန်၊ အာဆီယံက မြန်မာကို ကျရှုံးနိုင်ငံဖြစ်မှာ တကယ့်ကိုစိုးရိမ်နေလို့လား? ဒါက သီးသန့်နောက်မှ ရေးပါ့မယ်။
ဒီနေရာမှာ အမေရိကန်ရဲ့ ယခင်ကပြောဆိုခဲ့တာတွေကို ပြည်သူတွေနားလည်အောင် ပြောပြလိုပါတယ်။ ယခင်က အမေရိကန်ဟာ NLD အစိုးရလက်ထက်မှာ ဝ နယ်ထဲက ဘိန်း၊ ဆေးပြားတွေကို တိုက်ဖျက်ဖို့၊ ဘိန်း၊ ငွေကြေးခဝါချသူတွေကို သူ့ထံလွှဲအပ်ဖို့ တောင်းဆိုလေ့ရှိပါတယ်။ ထို့အတူ ဇော်ဌေးက အမေရိကန်ဆန့်ကျင်ရေး ဆောင်းပါးရေးချိန်မှာ အတိုင်ပင်ခံအထိ တိုင်ခဲ့ပါတယ်။ ခြိမ်းခြောက်ခဲ့ပါတယ်။ ရိုကိစ္စ ခြိမ်းခြောြ်တာကတော့ ထည့်မရေးတော့ပါ။ အီးယူကလဲ ရိုကိစ္စမရှင်းရင် အထည်ချုပ်စက်ရုံ အခွင့်ထူးခံကို ပိတ်မယ်ဆိုပြီး NLD အစိုးရကို ခြိမ်းခြောက်ခဲ့ပါသေးတယ်။ ယခု မအလကို အဆိုပါအီးယူက ဘာလုပ်ရဲပါသလဲ? အထည်ချုပ်လဲ ဆက်ချုပ်နေဆဲပါ။ ထို့အတူပါဘဲ NUG ကိုလဲ သူ့ကို ကမ္ဘာကအသိအမှတ်ပြုစေလိုရင် သူ့အစိုးရထဲမှာ ဘိန်း၊ ဆေးပြားရောင်းဝယ်သူ၊ ငွေမဲငွေဖြူလုပ်သူတွေ၊ လူအစုလိုက်အပြုံလိုက်သတ်ရာမှာ ပါဝင်တဲ့ လက်နက်ကိုင်တွေ၊ ပါဝင်ခဲ့တဲ့ အမျိုးသားရေးအစွန်းရောက်ပါတီတွေနဲ့ ကင်းရှင်းရမယ် သူ့အစိုးရမှာ ထိုသူတွေပါဝင်ရင် ကမ္ဘာက ဆက်ဆံရခက်မယ်ဆိုတာကို ပြောလေ့ရှိပါတယ်။ ဒါက NUG ကို တော်လှန်ရေးမှာ အဓိကကျတဲ့ လက်နက်ကိုင်အဖွဲ့တွေနဲ့ ဆက်ဆံရခက်အောင် အမေရိကန်နဲ့ အနောက်အုပ်စုက လုပ်ထားတာကို ပြည်သူတွေမြင်သာအောင် ထောက်ပြတာပါ။ အမေရိကန် ဘိုင်ဒင်အစိုးရရဲ့ ပြဿနာက NUG ကို ကမ္ဘာကအသိအမှတ်ပြုအောင် ဘာလိုတယ်ဘာညာ ဆရာလုပ်ပြီး ဘာလက်နက်မှ မထောက်ပံ့တာက ပြဿနာပါ။ ဒါတင်လားဆိုတော့ မဟုတ်သေးပါ။ အင်္ဂလိပ်၊ အမေရိကန်နဲ့ အနောက်အုပ်စုဟာ NUG ကို တရားဝင်သံရုံးအနေနဲ့ အသိအမှတ်မပြုခဲ့ပေမယ့် AA က ရိုဟင်ဂျာကိုသတ်တယ် မီးရှို့တယ်ဆိုတဲ့ သတင်းတွေ မီဒီယာအပေါ်မှာ ထွက်လာချိန်မှာ သူတို့နိုင်ငံက NUG သံအမတ်တွေကိုခေါ်ပြီး ရိုဟင်ဂျာအတွက် NUG က ဘာလုပ်ပေးထားလဲ AA ကို မထိန်းဘူးလားဆိုပြီး ခေါ်ပြောခဲ့ပါသေးတယ်။ တရုတ်က စာထုတ်သလို ခေါ်ဆူတာပေါ့။ ဒါကြောင့် စာရေးသူတို့က ရခိုင်မှာ AA က အချုပ်အခြာအာဏာပိုင်ပြီး NUG အောက်မှာလဲ သူက ဝင်ပါတာမရှိဆိုတာကို အားလုံးသိအောင် ရှင်းပြနေရတာပါ။ ဘယ်သူမှားတယ် မှန်တယ်ဆိုတာကို ဝင် မငြင်းပါ။ ဒါက တော်လှန်ရေးမှာ NUG ကိုပြောဆိုနေသူတွေသိအောင် ရှင်းပြတာပါ။
နောက်ဝေဖန်သူတွေ တတိယအုပ်စုတွေပြောလေ့ရှိတာက NUG က တိုင်းရင်းသားတွေကို မစည်းရုံးနိုင်ဘူး ဒါကလဲ NUG ညံ့တာဆိုပြီး အပြစ်တင်တာပါ။ ဒီနေရာမှာ NUG တစ်ခုထဲမပြီးဘဲ တိုင်းရင်းသားတွေရဲ့ တွေးခေါ်ပုံပြောင်းလဲမှ ရမယ်ဆိုတာကို စာရေးသူ ထောက်ပြချင်ပါတယ်။ စာရေးသူအနေနဲ့ နိုင်ငံရေးသဘောတူညီချက်ရှိရမယ်ဆိုတာကို ထောက်ခံပါတယ်။ ယခု နိုင်ငံရေးသဘောတူညီမှု မရရှိတာက NUG ဦးဆောင်မှုနဲ့မဆိုင်ဘဲ အခြားမျိုးဆက်သစ် တိုင်းရင်းသားခေါင်းဆောင်များကလဲ အတွေးအခေါ်ပြောင်းဖို့လိုပါတယ်။ DASSK လက်ထက်မှာတောင် မစည်းရုံနိုင်ခဲ့လို့ လက်ရှိတိုင်းရင်းသားအဖွဲ့တွေရဲ့ တွေးခေါ်ပုံအရ အလုံးစုံ စုစည်းဖို့က မဖြစ်နိုင်ပါ။ မြင်သာအောင် ချပြရရင် ကရင်အချင်းချင်း မညီညွတ်တာ၊ ချင်းမှာ မညီညွတ်တာ၊ ရှမ်းမှာ မညီညွတ်တာတွေဟာ NUG နဲ့ မဆိုင်ပါ။ ဒီကိစ္စတွေမှာ NUG ကို အပြစ်တင်လို့မရပါ။ NUG က မစည်းရုံးနိုင်ရင် ဘာကြောင့် ကိုတေဇာဆန်း၊ မောင်ဆောင်းခ၊ စိုးဝင်းဆွေတို့က အဆိုပါ တိုင်းရင်းသားတွေကို မစည်းရုံးနိုင်တာဘာလဲ? NUG မပါလဲ သူတို့အချင်းချင်း စည်းလုံးခဲ့ရင် ဖယ်ဒရယ်ဆွဲရင် မရဘူးလား? ဒီနေရာမှာ ပြဿနာက အမြစ်တွယ်နေတဲ့ အဖွဲ့များစွာကွဲလိုတဲ့ မြန်မာ့စိတ်ရင်းကြောင့်ပါ။ ဒီအဖွဲ့ကွဲလိုတဲ့စိတ်ကို ပြင်မှ ရမှာပါ။
ယခု NUG လုပ်နေတာက သူ့ကိုပေးထားချက်ထဲက သူလုပ်နိုင်တာကို တရုတ်နဲ့ အမေရိကန်ကြားက တတ်နိုင်သလောက်လုပ်နေတာပါ။ NUG ကိုထောက်ပို့သူအများစု ၈၀% က နိုင်ငံခြားက NLD အမာခံတွေမိုလို့ သူက တတ်နိုင်သလောက် သူ့မဲဆန္ဒနယ်ကို မထိခိုက်စေဘဲ လုပ်ဆောင်နေပါတယ်။
အားရသလားဆိုတော့ ၁၀၀% မဖြစ်နိုင်ရင်တောင် ၇၀% လောက် လုပ်ဆောင်နိုင်နေပါတယ်။ NUG ကို ဦးဆောင်မှု မပေးနိုင်ဘူးလို့ အပြစ်တင်နေသူက မိမိအဖွဲ့တောင် သုံး လေးဖွဲ့ ထပ်ကွဲနေတာက များပါတယ်။ စာရေးသူတို့အားလုံး ဒီတော်လှန်ရေးမှာ အတွေးအခေါ်ပြောင်းဖို့လိုပါတယ်။ ပြည်သူတွေက ဘုန်းကြီးတွေကိုတောင် ဝေဖန်ပြီး အတွေးအခေါ်ပြောင်းလာသလို NLD မျိုးဆက်သစ်နဲ့ သူတို့ထောက်ခံသူတွေကလဲ လူမျိုးမစွဲဘဲ ထောက်ပံ့နေတာ ထောက်ခံနေတာ တွေ့ရပါတယ်။ ယခုပြောင်းလဲရမှာက တိုင်းရင်းသားလက်နက်ကိုင်တွေရဲ့ မျိုးဆက်သစ်ခေါင်းဆောင်တွေရဲ့ တွေးခေါ်မှုပါ။ သူတို့အတွေးအခေါ်ပြောင်းပြီး NUG နဲ့ ပေါ်တင်မဟုတ်ဘဲ ပေါင်းလို့ရသလိုပေါင်းခဲ့ရင် စည်းလုံးစွာနဲ့ တရုတ်/အမေရိကန်/အာဆီယံဖိအားတွေကို ရင်ဆိုင်နိုင်မှာပါလို့ ပြောပါရစေ။
တရုတ်ဟာ တစ်ပါတီကွန်မြူနစ်ဖြစ်ပြီး အာဏာရှင်နိုင်ငံပါ။ သူက စာရေးသူတို့ ဒီမိုကရေစီကို အစကထဲက မထောက်ခံခဲ့လို့ သူ့ထံက မျှော်လင့်ချက်လဲ မထားရှိခဲ့ပါ။ အမေရိကန်ကတော့ ဘိုင်ဒင်ကအစ ဘလင်ကန်အဆုံး ဒီမိုကရေစီထောက်ခံကြောင်း လေနဲ့ထထအော်လို့ မျှော်လင့်ချက်အများကြီးထားခဲ့ပါတယ်။ အင်္ဂလိပ်ဟာလဲ ထိူ့အတူပါဘဲ။ ဒါပေမယ့် အားလုံးကလေပါဘဲ။ ပြည်သူနဲ့ ခေါင်းဆောင်အားလုံး ပြည်ပမျှော်တာလျှော့် နှစ်ယောက်ပေါင်း နှစ်ဖွဲ့ဖြစ်လိုတဲ့စိတ်တွေလျှော့ပြီး NLD မျိုးဆက်သစ်ခေါင်းဆောင်တွေ အမြင်ပြောင်းခဲ့သလို တိုင်းရင်းသားမျိုးဆက်သစ်ခေါင်းဆောင်များလဲ အမြင်ပြောင်းပြီး စည်းလုံးစွာ ပူးပေါင်းဆောင်ရွက်ခြင်းဖြင့် တရုတ်၊ အမေရိကန်ဖိအားကို NUG နဲ့အတူ တွန်းလှန်နိုင်ကြပါစေ။ မီဒီယာများလဲ တော်လှန်ရေးလုပ်ချိန်မှာ အမေရိကန်စံနဲ့ မဝေဖန်ဘဲ တော်လှန်ရေးလို တွေးခေါ်နိုင်ပါစေ။

https://www.myattunoo.com/post/တရ-တ-န-င-အမ-ရ-ကန-က-က-nug

14/09/2024

ရေဘေး ကတော့ခဏပါ။အများဆုံး ခံရလှတစ်ပတ်ပါဘဲ။ ရေကျသွားလျှင်ပြီးသွားပါပြီ။ အိမ်တွေပျက်စီးတာပြန်လည်တည်ဆောက်ရေးလုပ်လို့ရသေးတယ်။ လယ်ယာတွေပျက်စီးတာ ရိက္ခာရှားပါမယ်။

စစ်ဘေးကတော့ နှစ်ချီကြာပါမယ်။ လေယာဉှ်ဗုံးဒဏ်၊လက် နှက်ကြီးဒဏ်၊ စစ်ပွဲဖြစ်လို့ အိုးအိမ်စွန့်ပြေးရ၊ ငတ်နေကြသူအများကြီးပါဘဲ။ စစ်ဘေးကို ရေဘေးထပ်ပေါင်းတော့ စစ်ဘေးကြောင့် ပြေးနေရတဲ့ ဒုက္ခသည် တွေ ပိုဆိုးတာပေါ့။ အဓိက ကရင်ပြည်။ကယားပြည်။

နေပြည်တော် ဘာညာ ဒေသ ကတော့ စစ်ဘေးမခံရသေးဘူး ၊သိပ်ပြဿနာ မရှိပါဘူး။ ကူမယ် လှူမယ်ဆိုသူတွေ နေပြည်တော် ပျင်းမနား ကူ မှာလား။စစ်ဘေးရေဘေး နှစ်ခု ဖြစ်နေရာကူမှာလားစဉ်းစား ကြဖို့ပါ။ ရေဘေးဖြစ်နေတာတောင် လေယာဉ်ဗုံးကျဲ ခံရသေးတယ်။တောင်ကြီး၊ကလောဘာညာ စစ်ဘေး မခံရသေးဘူး။

စစ်တောင်းမြစ်၊သံလွှင်မြစ်တကြော တွေက စစ်ဘေး၊ ရေဘေး နှစ်ခုခံရတယ်။ ဧရာဝတီ မြစ်ထဲ ဆင်းလာတဲ့ရေက ဧရာဝတီ တိုင်းရေကြီးမယ်။လယ်တွေ ဆုံးရှုံးနိုင်ပါတယ်။

ရေဘေးကတော့ခဏပါ၊ စစ်ဘေးက နှစ်လဲကြာလာသလိုထပ်လဲ ဒုက္ခဖြစ်နေပါအုံးမယ်။

ဒီပိုစ်ရေးတာဟာ ပေါ်ပျူလာဖြစ်ရေးပေါ်ပင် ကို ထလုပ်ကြတာထက် ရေငတ် နေသူ ရေတိုက်ဖို့ပါဘဲ။မပြည့်တဲ့ အိုး ဖြည့် ကြဖို့ တင်ခြင်းပါ။

နှစ်ထပ်ကွမ်းဒုက္ခဖြစ်နေရာကူမှာလား။ ရေဘေးတစ်ခုထဲ ဖြစ်နေရာကူမှာလား။ ကူကြမယ်ဆိုလည်း ရေဘေး၊စစ်ဘေး နှစ်ထပ်ကွမ်းနေရာပိုကူ ကြလျှင် ပိုသင့်တော်ပါတယ်။

မင်းသမီးခိုင်နှင်းဝေ ကို ရေဘေးအတွက် လှူကြတယ်။ မင်းသမီးခိုင်နှင်းဝေသည် စကစ ကူခိုင်းသည့်နေရာဘဲကူမှာပါဘဲ။ ဒါကိုသဘောပေါက်ဖို့လိုပါတယ်။ စစ်ဘေး ရေဘေး နှစ်ခု နေရာတော့ မင်းသမီးခိုင်နှင်းဝေကူမည်မဟုတ်၊စကစ ကို သူ မလွန်ဆန်ပါ။ ဆယ်လီနောက်ကို လိုက်နေကြတာထက် တကယ် အကူညီဖြစ်မည့်သူတွေ မြေပြင် မှတကယ်ကူညီနေကြသူတွေ ဆက်သွယ်ကြပါ။ ကူကြပါလို့မေတ္တာရပ်ခံပါတယ်။

သဘာဝဘေး၊စစ်ဘေး ကိစ္စ ကုညီရေးကိစ္စတွေ အဲဒီအာဏာမသိမ်းမီအချိန်အခါက လမ်းကြောင်းအတွက် စခ ကို သတင်းပို့ သွားရ၍
ကူညီမည့် ပစ္စည်းရိက္ခာအားလုံး အုပ်ချုပ်ရေးအဖွဲ့အစည်း ကိုဘဲအပ်ခဲ့ရဖူး၍ သိပါတယ်။ စစ်မက်ဖြစ်ပွားရာနေရာကို အစိုးရအုပ်ချုပ်ရေး ထိမ်းချုပ်မြေကသွားရသည့်အတွက် အစိုးရအဖွဲ့အစည်း၊ စစ်တပ်ကို သတင်းပို့ရပါတယ်။သတင်းပို့ရသည့်အတွက် စစ်ရှောင်တွေ ထံ လူ သာသွားတွေ့ဆုံခိုင်းပြီးပါလာသည့် ဆေးဝါး/ရိက္ခာကို တပ်နယ်သို့မဟုတ် အစိုးရအုပ်ချုပ်ရေးအဖွဲ့သာအပ်ရပါတယ်။ ဒါကအာဏာမသိမ်းမီကာလ NLD လက်ထက်စစ်ဘေးရှောင်ကူညီဖူးတဲ့ အ‌တွေ့အကြုံပါ။ ဒီသဘောတွက်ဆရလျှင် မင်းသမီးခိုင် နှင်းဝေ ကူမည့် အစီအစဉ်သည် စကစ လက်အောက် ကနေ သွားပါလိမ့်မည် ။ သူ့ကို ဒါ တမင်ဖေါင်းထုတာမဟုတ်ပါ သူသည် ပရဟိတ စိတ်ခံရှိ၍ မိဘမဲ့ ကလေးထိမ်းသိမ်းရေးဂေဟာဖွင့်ထားသူပါ။ ဒီအတွက် သူ့ကလေးတွေ အတွက် စကစ ကို anti ပြုဝံ့မည့်သူမဟူတ်ပါ။ ဒီ အတွက် မင်းသမီးခိုင်နှင်းဝေ ကူမည့်နေရာများသည် စကစ လမ်းညွှန်သည့်နေရာများသာဖြစ်နေမှာဖြစ်ပြီး။စစ်ဘေး၊ရေဘေးနေရာ နှစ်ခုဆုံသည့်နေရာ သူလုပ်မည်မဟုတ်ပါ။ မြန်မာပြည် စစ်မက်ဖြစ်ပွား၍
စစ်ဘေးဒုက္ခဖြစ်ပွားရာနေရာအတွက် ကူဖို့ လှူကြပါလို့၊ ဘယ်လောက်မတည်ပါမည် လို့ မင်းသမီးခိုင်နှင်းဝေ မပြုလုပ်ခဲ့ဖူးပါဘူး။ ဒါဟာသူမလုပ်ရဲလို့ လားဒါမှမဟုတ်တစ်နိုင်ငံလုံးစစ်ဘေးဖြစ်နေချိန် အိမ်‌တွေ မီးရှို့ ခံနေရချိန် မသိမကြားခဲ့လေသလား။ နေပြည်တော် ပျဉ်းမနား၊ရမည်းသင်းရေလွှမ်းမှ ကူညီဖို့ ထလုပ်ပါတယ်။ စစ်ကိုင်း/မကွေး စကစ ကthatဖြတ်လို့လူတွေထောင်ဂဏန်းသေ၊ လူပေါင်းသောင်းချီ အိုးမဲ့ အိမ်မဲ့ ဖြစ် နေတာကို မင်းသမီးခိုင်နှင်းဝေ က ပေါ်တင်မကူရဲလျှင် တောင် လျှို့ ဝှက်ပြီးမကူညီဖူးပါဘူး။
ရေဘေးကြုံရတာပြည်သူတင်မဟုတ်ပါဘူး။ စကစ တပ်တွေ၊စကစ ဝန်ထမ်းတွေ မိသားစုတွေလဲ ပါ နေပါတယ်။ မင်းသမီးခိုင်နှင်းဝေ ကမကထ ပြုတဲ့ကိစ္စသည် သက်သက်ခိုင်အောက်ကနေ သွားလိမ့်မည်ဆိုတာ မမေးဘဲသိနိုင်သည့်အရာပါ။ မိဘမဲ့ကျောင်း၊မိဘမဲ့ဂေဟာသည် သက်သက်ခိုင်ရုံးကနေ ခွင့်ပြုမှ လုပ်လို့ရတာပါ။ ဒါကိုတလရ ဆိုတဲ့ ကောင်ဒေ၊ကောင်မဒေလဲ ရောယောင်လပ်ခုပ်တီးနေတာအံ့ဩစရာပါဘဲ။ဆယ်လီဆို ယုံလို့ပုံအပ်ကြတာပါဘဲ။ သက်သက်ခိုင်အောက်ကနေ ကူညီနေရသည့် အပိုင်းဖြစ်၍ တကယ်ဒုက္ခ ဖြစ်မည့်နေရာတွေ တော့
တော်လှန်ရေးနယ်မြေဖြစ်၍ရောက် မည်မဟုတ်ပါ။သူဘယ်နေရာကို ကူမည်လဲခန့် မှန်းကြည့်ပေါ့ဗျာ။

ဒါဟာ ဒီမင်းသမီးကို မုန်း၍မဟုတ် အကောင်းအဆိုးဝေခွဲတက်အောင်တင်ပြခြင်းသာဖြစ်ပါတယ်။

Photo
တစ်ရွာလုံးပြာဖြစ်သွားသည့် စစ်ဘေး ပုံ။

30/08/2024

ဆီလေးဖြတ်လိုက် ဆီစျေးလေး တက်လိုက် မီးလေးဖြတ်လိုက် မီတာခလေးတက်လိုက် အဘကျမှ အကုန်ကျမယ်

15/08/2024

မြင်းခြံ တောင်သာ နွားထိုးကြီးကို ထိန်းချုပ်ထားနိုင်ပြီဆိုတော့ မိတ္ထီလာကို လာတော့မယ့် အခြေအနေ၊

မိတ္ထီလာဆိုတာက နေပြည်တော်အတွက် အဓိက ခံစစ်ကြီး၊ တော်လှန်ရေးအဖွဲ့တွေ ဘယ်လောက်အထိ လုပ်နိုင်မလဲဆိုတာ စောင့်ကြည့်ရမှာဘဲ

မိတ္ထီလာကိုသာ သိမ်းနိုင်လိုက်ပြီဆိုရင်တော့...

တော်လှန်ရေးအတွက် အကြီးမားဆုံး အောင်ပွဲကြီးတခုပါဘဲ၊ ပြည်သူ့ဘက်တော်သားတွေ ဘေးကင်းကြပါစေ

ရဲဘော်ဆက်လျှောက်

16/07/2024

မြန်မာနိုင်ငံရဲ့ အန္တရာယ်ရှိသူ တဦးအကြောင်း
Serge Pun (ခေါ်) သိမ်းဝေ (သို့မဟုတ်) အောင်သောင်း ကို နောက်ကွယ်က တိတ်တိတ်ကူညီပြီး
မြန်မာနိုင်ငံကို အားရပါးရ ဖျက်ဆီးခဲ့သူတစ်ယောက်။

အာဏာရူးသန်းရွှေ နဲ့ သူ့ တပည့်တစ်သိုက် အတော်ကြာကြာ ရပ်တည်နိုင်ခဲ့ပြီး တိုင်းပြည်က သံယံဇာတ
တွေ ခိုးထုတ် ဗြောင်ထုတ်ပြီး လူချမ်းသာ ကြီးတွေ ဖြစ်သွားအောင် နောက်ကွယ်က တိတ်တိတ် ကူခဲ့တဲ့သူ
တွေ အများကြီး ရှိခဲ့ပါတယ် ၊
အဲဒီအထဲမှာ ရှေ့ဆုံးက ပါခဲ့တဲ့သူတစ်ယောက်ကတော့ Serge Pun (ခေါ်) သိမ်းဝေ ပဲဖြစ်ပါတယ် ၊

သိမ်းဝေဟာ အောင်သောင်းနဲ့ ပေါင်းပြီး နောက်ကွယ်ကနေ ပါဝင်လှုပ်ရှားခဲ့သူပါ ၊ အပြည်ပြည်ဆိုင်ရာ ရာဇဝတ်မှုဥပဒေတွေကို သန်းရွှေ နဲ့ အဖွဲ့ မပါနိုင်အောင် လိမ်မာပါးနပ်စွာရှောင်ရှားနိုင်အောင် ကူညီနိုင်ခဲ့ သူပါ ၊

အမေရိကန် လွှတ်တော်ထဲအထိ သန်းရွှေ တို့ အုပ်စု အတွက် လော်ဘီလုပ်ပေးမယ့်သူတွေ ထွက် လာအောင် ချိန်းချက်လုပ်ပေးခဲ့တာလည်း သိမ်းဝေ ရဲ့ လက်ချက်ပါပဲ ၊

ဆိုင်ကယ်တွေ မော်တော်ကားတွေ ဖုန်းတွေ အဆမတန်ဈေးတက်တာတွေ ကအစ ထုတ်လုပ်ခွင့် လိုင်စင်တွေ ကို တစ်နှစ်တစ်ကြိမ် စက်မှု(၁) ကို လာဘ်ငွေအများကြီးထိုးပြီး လုပ်ခဲ့ရတဲ့ လမ်းကြောင်းတွေ ကို ထွင်ပေးခဲ့တာလည်း အဲဒီ သိမ်းဝေ ရဲ့ အကြံတွေပါပဲ ၊

Suzuki Motor ကို အယုံသွင်းပြီး မြန်မာနိုင်ငံ ထဲခေါ်လာပြီး ဒီကျမှ စက်မှု(၁) ကနေ ကန့်သတ်ထားလို့ တစ်နှစ်မှ အစီ ၁၀၀ လောက်ပဲ ထုတ်ရသယောင်ယောင် အောင်သောင်း နဲ့ပေါင်းပြီး Suzuki Motor ကို နောက်ကျောက ဓါးနဲ့ ထိုးခဲ့တာလည်း အဲဒီ သိမ်းဝေ ပါပဲ

နိုင်ငံတကာမျက်နှာစာမှတော့ ဂျပန်နိုင်ငံက အထင်ကရ ကုမ္ပဏီကြီးတစ်ခုဖြစ်တဲ့ Suzuki Motor ရဲ့ Partner တစ်ယောက် အဖြစ် ထွန်းသစ်စ မြန်မာနိုင်ငံမှာ အနစ်နာခံ ဝင်ရောက် ရင်းနှီးမျြုတ်နှံတဲ့ သူတစ်ယောက်လို့ နာမည်ကောင်းယူခဲ့ပါသေးတယ် ၊

တရုတ်နိုင်ငံ ထဲမှာ သိမ်းဝေရဲ့ တရားမဝင် ပိုင်ဆိုင်မှုတွေလည်း အများကြီးရှိပါတယ် ၊ အကျင့်ပျက်ခြစားတဲ့ တရုတ်ထိပ်ပိုင်းခေါင်းဆောင်တွေနဲ့ လည်း သိမ်းဝေ နဲ့ ရင်းနှီမှုတွေရှိနေပါတယ် ၊

မြန်မာနိုင်ငံထဲမှာ မြေကွက်တွေ ဈေးတက်လာအောင်လုပ်တဲ့တဲ့ အဓိက တရားခံ လက်သည် တစ်ယောက် လည်းဖြစ်ပါတယ် ၊

တချိန်က လေယာဉ်ပျံပေး ဆွဲခဲ့ဖူးတဲ့ ဒီမိုကရေစီဘက်တော်သား ကိုစိုးမြင့် ဦးဆောင် တည်ထောင်ထားတဲ့
ပြည်ပ အခြေစိုက် မစ္စျိမ သတင်းဌာနကိုလည်း မကြာခင်က ဝယ်ယူခဲ့ပြီး Exile Media တခု ကျဆုံးခန်းကို ဖန် တီးခဲ့သူ တစ်ယောက်၊ ဦးသိမ်းဝေ ခေါ် Serge Pun။

FMI လုပ်ငန်းစု၊ YOMA ဘဏ်လုပ်ငန်းတွေနဲ့ မြန်မာစစ်ဗိုလ်ချုပ်ကြီးများရဲ့ မတရားရယူထားတဲ့ ပိုင်ဆိုင် မှုတွေနဲ့ ငွေမည်းတွေကို ဖြူစင်အောင် ငွေကြေးခဝါချပေးနေသူ၊ အကာအကွယ်ပေးနေသူ Serge ခေါ် သိမ်းဝေ။

ခေတ်မကောင်းစဉ်က မြန်မာနိုင်ငံသား ဘဝကို စွန့်ပစ်ခါ ခေတ်ကောင်းလို့ ဗိုလ်ချုပ်တွေနဲ့ ပေါင်းစားလို့ ရတဲ့ အခါ မြန်မာပြည်ပြန်လာပြီး ဂုတ်သွေးစုတ် ခေါင်းပုံဖြတ် အမြတ်ကြီးစား Serge Pun။

မြန်မာနိုင်ငံကို ချစ်တဲ့သူအားလုံး Serge Pun (ခေါ်) သိမ်းဝေ ကို စောင့်ကြည့်ကြဖို့ လိုမယ်လို့ ပြောချင် ပါတယ် ။

Credit to:mmplayboys

14/07/2024

MNDAA ဟာ ၄ ရက် အပစ်အခတ် ရပ်စဲတယ် ဆိုပြီး တရုတ် ဘာသာနဲ့ ရုတ်တရက် ကြေညာတာ တွေ့ရတယ်။ အကြောင်းရင်းက CCP ရဲ့ ညီလာခံ ရှိနေလို့ တရုတ်ရဲ့ စိုးရိမ် ပူပန်မှုအရ ရပ်ပေးထားတယ်လို့ ဆိုတယ်။ အဲဒီမတိုင်ခင်က လောက်ကိုင်ရဲ့ လူနေရပ်ကွက် တွေကို စစ်ရှုံးကောင်စီက ဗုံးကျဲ တိုက်ခိုက်မှုတွေ ပြုလုပ်ခဲ့တာ တွေ့ရတယ်။

MNDAA ဟာ လောက်ကိုင်ကို ဗုံးကျဲနိုင်တယ် ဆိုတဲ့ အချက်ကို အစောကြီး ကတည်းက ကြိုတွက် ထားတဲ့အတွက် ကျောင်းတွေတောင် ပိတ်ခိုင်း ထားတာ တွေ့ရပါတယ်။ ဒါကြောင့် ဒါက သူတို့ မမျှော်လင့် ထားတဲ့ အခြေအနေ မဟုတ်ဘူးလို့ သုံးသပ်နိုင်တယ်။ ဒါပေမယ့် ဒီဖြစ်ရပ် အပေါ် တုံ့ပြန်ပုံက နည်းနည်း ထူးခြားတယ်။ ပြောရရင် တမင်ကို ဒီအခြေအနေ ဖြစ်လာအောင် တမင် စောင့်နေ သလားလို့တောင် ထင်ရတယ်။

အရင်ကဆို စစ်ရှုံးကောင်စီ ဘက်က စစ်ရေးပစ်မှတ် တွေကိုပဲ လေကြောင်း တိုက်ခိုက်တာပါ ဆိုပြီး ပေါက်ဖော်ကြီးကို အကြိမ်ကြိမ် လိမ်ညာ ပြောခဲ့တယ်။ ဒါပေမယ့် အခုလို နလပိန်းတုံး လော်ဘီတွေ မြှောက်ပေးတာ အဟုတ်မှတ်ပြီး တရုတ်ကနေ လှမ်းကြည့်ရင် မြင်ရတဲ့ နေရာကို စစ်ရေးပစ်မှတ် မဟုတ်ဘဲ အသားလွတ် ဗုံးကျဲတဲ့ လုပ်ရပ်ဟာ တကယ်ဆို လူကျွံဘောပဲ။ MNDAA ဟာ လူကျွံထောင်ချောက် ဖမ်းဖို့ စောင့်နေတဲ့သူတွေသာ ဆိုရင် ဒါက အကောင်းဆုံး ပြကွက်ပဲ။

လောလောဆယ်တော့ အခြေအနေ တွေကတော့ တိတိကျကျ ပြောဖို့ ခက်တယ်။ ဒါပေမယ့် လားရှိုးကို သိမ်းနိုင်ဖို့ လက်တကမ်း အလိုသာ လိုတော့တဲ့ မြောက်ပိုင်း မဟာမိတ်တွေဟာ တခြား ဖိအား မပါဘဲ လှည့်ပြန်သွားဖို့ မဖြစ်နိုင် သလောက်ပဲ။ CCP ညီလာခံကနေ ဆုံးဖြတ်ချက် တစုံတရာကို စောင့်ဆိုင်း နေသလား ဆိုတာ ကတော့ သူတို့ ကိုယ်တိုင်ပဲ သိမယ်။ ကျွန်တော့် အမြင်တော့ အခု အပစ်အခတ် ရပ်လိုက်တာဟာ မုန်တိုင်း မလာခင် လေပြေ တိုက်တာ လို့ပဲ ခံစားရတယ်။

10/07/2024

အမှန်တော့ သိုးနေတဲ့ ထမင်းကို ဘယ်အိုးထဲ ပြောင်းထည့်ထည့် မထူးခြားပါဘူး။ ရွေးကောက်ပွဲ ပြန်လုပ်ပြီး မင်းအောင်လှိုင်ပဲ သမ္မတ ဖြစ်ဖြစ်၊ သိန်းစိန်ကြီးပဲ ပြန်တင်တင် ဒီအုပ်စုပဲ ဆက်ပြီး အုပ်ချုပ်ဖို့ ကြိုးစားမယ် ဆိုရင် တိုင်းပြည်က ဒုံရင်း ဒုံရင်းပဲ ဖြစ်နေမှာပဲ။ တော်လှန်ရေး အင်အားစုတွေ ကလည်း လက်ခံမှာ မဟုတ်ဘူး။ ဘာပဲရင်းနှီး ပေးဆပ်ရပါစေ၊ ယိုင်နဲ့နေတဲ့ စစ်အုပ်စုကို အပြီးသတ် တွန်းလှဲဖို့ အားလုံးက သံဓိဌာန် ချထား ပြီးပြီ။

ဒီအချိန်မှာ စစ်ရှုံးကောင်စီ ဘက်တော်သားတွေ အနေနဲ့ အထိအခိုက် သက်သာချင်ရင် လုပ်လို့ ရတာ တနည်းပဲ ရှိတယ်။ အဲဒါက မတရား ဖမ်းဆီးထားတဲ့ အမေစု တို့လို ခေါင်းဆောင်တွေကို ပြန်လွှတ်၊ အာဏာစွန့်ပြီး ၂၀၀၈ ခြေဥကို အပြီး ဖျက်သိမ်း၊ အာဏာသိမ်း စစ်ခေါင်းဆောင်တွေနဲ့ စစ်ရာဇဝတ်မှု ကျူးလွန်ထားတဲ့ သူတွေကို ဖမ်းဆီးပြီး ထိုက်တန်တဲ့ ပြစ်ဒဏ်တွေ ချမှတ်ဖို့ပဲ။ ဒီနည်းလမ်းကပဲ တိုင်းပြည်ရဲ့ ပဋိပက္ခတွေ အပြီးတိုင် ချုပ်ငြိမ်းပြီး လမ်းကြောင်း မှန်ပေါ် ပြန်ရောက် စေလိမ့်မယ်။

07/07/2024

ထွင်နေပြန်ပြီ အရက္ခနိုင်ငံတော်တဲ့။
အာရကန်ကနေ ရခိုင်၊
ရခိုင်ကနေ ရက္ခပူရ၊ ပြီရင် ရက္ခိုင်ပြည်၊ အခုက အာရက္ခပြည်...
သမိုင်းကို ဒီလောက် ကမောက်ကမား ထွင်နိုင်တာ သူတို့ဘဲရှိတယ်။

07/07/2024

MDY PDF ရဲ့ ဦးဆောင်သူ တစ်ဦးဖြစ်တဲ့ ဒေါက်တာ စိုးသူရဇော်။ နိုင်ငံ့ဝန်ထမ်း ဘဝကလည်း စစ်တပ်ရဲ့ လူမျိုးရေး၊ ဘာသာရေး ဝါဒမှိုင်းတွေကို တိုက်ဖျက်တဲ့ “ဇီးပင်ကြီးစစ်တမ်း” နဲ့ လူသိများခဲ့ သလို အခုချိန်မှာလည်း စစ်အာဏာရှင် စနစ်ကို တိုက်ဖျက်နေသူ။

06/07/2024

သိန်းစိန်ကို ခေါ်တွေ့တယ်

စိုးဝင်းကို ခေါ်တွေ့တယ်

မအလကို ခေါ်မတွေ့ဘူး

ဒါက ဘောမတွေ လောင်ကြဖို့ပါ

စစ်အုပ်စု အပြောင်းအလဲက ပြည်သူအတွက် ဘာအကျိုးမှ မရှိဘူး

သိုက်စာဖတ်ရာ နားထောင်ပါ ဥစ္စာရနိုးနိုး လုပ်စရာ ဘာအကြောင်းမှ မရှိဘူး

ဒီသတင်းတွေဟာ ရန်သူထဲ အက်ကြောင်းပေါ်နေတာကို သိရတာက လွဲရင်

စစ်အာဏာရှင် အမြစ်ပြတ်ဖို့

ဖက်ဒရယ်ဒီမိုကရေစီအတွက် နှမ်းစေ့တောင် အသုံးမဝင်ဘူး

05/07/2024

ခွက်ဟောင်းတွေ
စုတ်ကုန်တာပဲ

ကွာလတီ မကောင်းတဲ့ခွက်
စုတ်မှာပဲ

ခွက်စုတ်တွေပဲ
ဒီရက်ပိုင်း တွေ့နေရလို့ ရေးမိတာ

True News

05/11/2024

21/10/2024

14/09/2024

30/08/2024

15/08/2024

16/07/2024

14/07/2024

10/07/2024

07/07/2024

07/07/2024

06/07/2024

05/07/2024

Address

Website

Alerts

Shortcuts

Share