Timor Oriental News

22/08/2026

Governu no EUTL iha ona konkordánsia atu altera dekretu-lei foun ko...

20/08/2026

20/08/2026

𝗣𝗥 𝗛𝗼𝗿𝘁𝗮 𝗛𝘂𝘀𝘂 𝗝𝗲𝗿𝗮𝘀𝗮𝘂𝗻 𝗙𝗼𝘂𝗻 𝗧𝗿𝗮𝗻𝘀𝗳𝗼𝗿𝗺𝗮 𝗟𝗲𝗴𝗮𝗱𝘂 𝗙𝗔𝗟𝗜𝗡𝗧𝗜𝗟 𝗯𝗮 𝗣𝗿𝗼𝘀𝗽𝗲𝗿𝗶𝗱𝗮𝗱𝗲 𝗡𝗮𝘀𝗶𝗼𝗻𝗮́𝗹

𝗕𝗮𝘂𝗰𝗮𝘂, 𝟮𝟬 𝗔𝗴𝗼𝘀𝘁𝘂 𝟮𝟬𝟮𝟲-Prezidente Repúblika hanesan mos Komandante Supremu F-FDTL, José Ramos-Horta, ohin lidera serimónia solene komemorasaun aniversáriu ba da-51 Forsa Armada Libertasaun Nasionál Timor-Leste (FALINTIL), iha fatin istóriku Foho- Matebian, Postu Administrativu Quelicai, Munisípiu Baucau.

Serimónia ne'e hala'o ho partisipasaun lideransa estadu, veteranu, diplomata, membru F-FDTL, no sidadaun sira atu onra no komemora luta, sakrifísiu no kontribuisaun FALINTIL ba prosesu restaurasaun independénsia Timor-Leste.

Iha nia diskursu, Prezidente Ramos-Horta hato'o omenajen ba mártir sira, erói sira ne'ebé sei moris, no ema hotu ne'ebé kontribui iha Rezisténsia Armada, Rede Klandestina no Frente Esterna. Nia subliña katak forsa moral, unidade no sakrifísiu husi kombatente sira durante luta armada sai fundasaun importante ba restaurasaun independénsia Timor-Leste.

Prezidente mós destaka transformasaun husi FALINTIL nu'udar movimentu libertasaun nasionál ba F-FDTL nu'udar instituisaun repúblikana modernu ne'ebé hakru'uk ba Estadu Direitu no prinsípiu demokrátiku. Nia konsidera modernizasaun setór defeza nu'udar prioridade atu responde ba ameasa foun sira iha sékulu 21, inklui ameasa sibernétika, krime transnasionál, risku relasionadu ho intelijénsia artifisiál no impaktu mudansa klimátika.

Iha kontestu ida-ne'e, Xefe Estadu subliña importánsia investimentu iha rekursu umanu, hametin kapasidade F-FDTL no dezenvolve parseiria defeza estratéjika ho nasaun parseiru, inklui Austrália, Portugál no membru ASEAN sira, hodi kontribui ba pás no estabilidade rejionál.

Protesaun ba espasu marítimu nasionál no dezenvolvimentu projetu Greater Sunrise mós sai nu'udar pontu importante iha diskursu Prezidente. Nia konsidera protesaun no jestaun rekursu marítimu nu'udar parte husi afirmasaun soberania nasionál no kapasidade Timor-Leste atu jere ninia rekursu naturál.

Prezidente Ramos-Horta afirma katak Timor-Leste presiza parseria estratéjika forte, liuliu ho Austrália, atu hametin seguransa marítima no fahe responsabilidade no kustu ba patrullamentu, monitorizasaun no kontrolu iha tasi territorial no Zona Ekonómika Ezkluziva.

Iha nia mensajen ba jerasaun foun no lideransa atuál, Prezidente husu atu redefine patriotismu tuir realidade Timor-Leste iha era modernu. Nia subliña katak onra legadu FALINTIL la'ós de'it liuhusi rekoñesimentu ba sakrifísiu iha kampu funu, maibé mós liuhusi governasaun di'ak, integridade, respeitu ba instituisaun no esforsu atu kria prosperidade ba sidadaun hotu.

Prezidente mós lembra katak pás sustentável presiza justisa sosiál, edukasaun di'ak no protesaun ambientál. Nia konvida povu Timor-Leste atu transforma independénsia ne'ebé hetan liuhusi luta no sakrifísiu ba nasaun ida ne'ebé dezenvolvidu, inkluzivu no garante oportunidade ba sidadaun hotu.

Komemorasaun aniversáriu FALINTIL ba da-51 iha Foho Matebian sai momentu importante atu reafirma memória istórika, onra erói no mártir sira, no hametin kompromisu jerasaun ohin nian atu kontinua harii Timor-Leste ida-ne'ebé dame, soberanu, demokrátiku no prósperu.

15/08/2026

𝗛𝗔𝗥𝗘𝗘 𝗙𝗜𝗟𝗔!!!

𝗧𝗶𝗺𝗼𝗿-𝗟𝗲𝘀𝘁𝗲 𝗡𝘂’𝘂𝗱𝗮𝗿 𝗘𝘀𝘁𝗮𝗱𝘂 𝗗𝗶𝗿𝗲𝗶𝘁𝘂 𝗗𝗲𝗺𝗼𝗸𝗿𝗮́𝘁𝗶𝗸𝘂 𝗜𝗵𝗮 𝗡𝗲’𝗲𝗯𝗲́ 𝗘𝗺𝗮 𝗵𝗼𝘁𝘂 𝗧𝗲𝗻𝗸𝗲 𝗛𝗮𝗸𝗿𝘂𝗸 𝗯𝗮 𝗟𝗲𝗶

Timor-Leste adopta no hametin sistema demokrátiku ne’ebé bazeia ba Estadu de Direitu, supremasia Lei-Inan no lei, no respeitu ba instituisaun demokrátika.

Iha sistema ida-ne’e, ema hotu, inklui autoridade públika, instituisaun Estadu no sidadaun, tenke hakruuk ba Lei-Inan no lei sira. Labele iha podér liu lei.

Demokrasia Timor-Leste nian bazeia ba vontade povu, respeitu ba direitus umanus no liberdade fundamentál, separasaun no ekilíbriu podér, no funsionamentu independente no responsável husi instituisaun Estadu sira.

Orden no estabilidade nasionál tenke harii liu husi respeitu ba lei no mekanizmu demokrátiku, la’ós liu husi arbitráriu ka uza podér fora husi limite legál.

Governu nia kompromisu atu hametin lei no orden, justisa, transparénsia, responsabilidade no boa governasaun, hodi garante katak instituisaun públika sira hala’o sira-nia knaar tuir Lei-Inan no lei ne'ebé vigór.

Timor-Leste sei kontinua harii Estadu ida ne’ebé demokrátiku, justu no responsavel, iha ne’ebé lei mak sai baze ba autoridade, no vontade povu mak sai fonte soberania.

11/08/2026

𝗧𝗶𝗺𝗼𝗿-𝗟𝗲𝘀𝘁𝗲 𝗥𝗲𝗮𝗳𝗶𝗿𝗺𝗮 𝗚𝗿𝗮𝘁𝗶𝗱𝗮𝘂𝗻 𝗕𝗮 𝗦𝗼𝗹𝗶𝗱𝗮𝗿𝗶𝗲𝗱𝗮𝗱𝗲 𝗖𝘂𝗯𝗮 𝗡𝗶𝗮𝗻 𝗡𝗼 𝗟𝗲𝗴𝗮𝗱𝘂 𝗙𝗶𝗱𝗲𝗹 𝗖𝗮𝘀𝘁𝗿𝗼

Díli, 11 Agostu 2026- Prezidente Repúblika, José Ramos-Horta, reafirma apresiasaun no gratidaun Timor-Leste ba solidariedade Cuba nian, liuliu iha área saúde, edukasaun no dezenvolvimentu rekursu umanu, durante komemorasaun sentenáriu hosi matebian lider Cuba, Fidel Castro, ne'ebé hala'o iha Arkivu no Muzeu Rezisténsia Timorense, Díli, tersa (11/08).

Iha ninia diskursu ba dignatáriu no konvidadu sira, inklui Embaixadóra Cuba ba Timor-Leste, Prezidente Ramos-Horta reflete kona-ba influénsia no legadu Fidel Castro iha mundu, liuliu ninia relasaun ho Timor-Leste. Prezidente konsidera Fidel Castro nu'udar "belun boot" ba povu Timor-Leste, no destaka solidariedade Cuba nian nu'udar parte importante hosi prosesu dezenvolvimentu Timor-Leste iha períodu pós-independénsia.

Prezidente Ramos-Horta mensiona mos enkontru importante ho Fidel Castro iha Kuala Lumpur, iha 2003, hamutuk ho Primeiru-Ministru, Kay Rala Xanana Gusmão. Enkontru ne'e akontese iha momentu Timor-Leste hahú konsolida nia independénsia no enfrenta dezafiu boot sira iha área dezenvolvimentu no rekonstrusaun pós-konflitu.

Ramos-Horta destaka kontribuisaun Cuba liuhusi haruka profisionál saúde ba Timor-Leste, ne'ebé fó apoiu importante ba sistema saúde nasionál. Cuba mos fornese bolsa estudu ba joven timoroan sira iha área médika, ne'ebé kontribui ba formasaun no dezenvolvimentu jerasaun profisionál saúde Timor-Leste nian.

Alende área saúde, Prezidente destaca impaktu programa alfabetizasaun Cuba nian, "Yo, sí puedo", ne'ebé ajuda sidadaun timoroan rihun ba rihun aprende lee no hakerek. Programa ne'e implementa iha períodu ida ne'ebé Timor-Leste sei enfrenta limitasaun iha asesu ba edukasaun no alfabetizasaun.

"Timor-Leste la haluha ninia belun sira," afirma Prezidente Ramos-Horta, hodi subliña katak solidariedade no apoiu internasionál ne'ebé Cuba fó ba Timor-Leste sei nafatin iha memória povu timoroan.

Iha okaziaun ne'e, Xefe Estadu mos reafirma pozisaun Timor-Leste kona-bá Cuba iha kontestu internasionál, inklui opozisaun ba inkluzaun Cuba iha lista Estadu Patrosinadór ba Terorizmu.

Prezidente argumenta katak kontribuisaun Cuba iha área saúde, edukasaun no ajuda umanitária tenke konsidera iha avaliasaun kona-ba relasaun internasionál. Nia apela ba komunidade internasionál atu promove diálogu, kooperasaun no solidariedade, liuliu iha tempu ne'ebé mundu enfrenta dezafiu ekonómiku no enerjétiku.

Komemorasaun sentenáriu Fidel Castro ne'e sai mos nu'udar oportunidade atu reafirma amizade no solidariedade entre povu Timor-Leste no Cuba, ne'ebé durante tinan barak dezenvolve kooperasaun iha área saúde, edukasaun no dezenvolvimentu umanu.

11/08/2026

Akompaña no tuir mós plataforma media sosiál sira tuirmai ne...