12/10/2025
Kunada, "Madi unay ti adu ammo na, ta no ad-adu ti ammom, ad-adu met ti mabalin mo a pagbasolan." Dayta ti makagapo no apay nga awan ti mayat nga agbasa iti biblia, ta saan da kayat iti agbalin a responsible kadagiti basol nga maaramidda a mabasa iti daytoy.
Ngem panunutentayo daytoy kakabsat, no saantayo kayat a manayunan dagiti ammotayo, kasano tayo ngarud kasigurado nga dagiti ar-aramidentayo iti agdama a panagdaydayaw wenno panagserbi iti Apo ket kusto ken makaay-ayo Kenkuana? Idinto ta saan mo ket ngarud nga ammo? Kuna ti biblia,
Taga-Roma 10:2
[Mabalinko a paneknekan a napasnekda unay nga agserbi iti Dios. Ngem saan a nainsiriban ti kinapasnekda.]
Ibagbaga ti bersikulo nga adda wagas iti panagserbi nga saan a nainsiriban, kayat na asawen, saan nga kusto diay paraan na.
Kuna pay ti biblia, "Love God with all your mind". Anya ngarud ti kayat na a sawen dayta? Saan kadi nga ibagbaga na nga no pudno nga ay-ayatem ti Apo ket dapat, pag-isipam no kusto diay wagas nga panangayatmo, kasi baka mali diay wagas mo a mangayat kenkuana?
Kakabsatko, agadal tayo. Dayta mindset nga "dika agadal ta ad-adu ti pagbasulam" ket deception ti kabusor. Tandaananyo no kasano a naallilaw ni Eva, gapu iti kinakirang ti ammona, nagballigi ti uleg a nangallilaw kenkuana.
Ammoyo kadi nga ti saan a panagbasa ti biblia ket ad-adda nga iduron natayo nga agbasol ket iti kasta maiyadayo tayo iti presensya ti Apo? Kuna ti biblia,.
Dagiti Salmo 119:11
[Idulinko dagiti lintegmo iti pusok tapno saanak nga agbasol kenka.]
Ibilang ti biblia a maag ti tao a dina kayat ti agsursuro.
Dagiti Proverbio 1:7
[...Laisen dagiti maag ti kinasirib ket dida kayat ti agsursuro.]
Isunga ti bilin ti Apo kadatayo, agbasa ken agadaltayo iti sasaona ta dayta ti mangisalakan kadatayo iti kinaignorante kadagiti bambanag nga rumbeng kuma nga maammoantayo.
1 Pedro 2:2
[Kaskay la koma kayyanak a maladaga a kanayon a mawaw iti puro a gatas a naespirituan tapno iti yiinumyo, dumakkelkayo ket maisalakankayo.]
Nagadu nga professionals, nagadu nga babaknang, nagadu nga natatan-ok iti posisyon na nga tao a no maipanggep iti nadiosan a panagbiag ti tungtungan, agmulagat da lattan, apay? Dida ngamin ammo.
Ti tao nga dina kayat ti agadal, awan duma na iti ayop. Ti ayop, awan ti rule nga sursurutenna, ubraenna ti kayatna, dayta ti mangibaba iti kinasiasino na. Ngem datayo, tao tayo. Adda konsensya tayo, makabasa ken makaawattayo iti sao, isunga ammotayo ti aramidentayo no laketdi ta agadaltayo.
Isunga kakabsat a kristyano, maki-bible study tayo kuma, maki-sunday school tayo kuma, agpa-discipleship tayo kuma. Ditau kuma makuntento nga panay "Amen" maisawsawangtayo. Tandaanantayo a ti kinaawan iti ammo, isu ti pakatayan ti tao. Nasayaat lang kuma no patay lang a pisikal, ngem no ti kinaignorante tayo ket maipanggep iti sasao ti Apo, sigurado umabot tayo pa idiay impyerno.
Oseas 4:6
[Gapu ta awan ammoda, madadael dagiti tattaok. Gapu ta linaksidyo ti pannakaammo, ken ti pannursuro ti Dios nalipatanyo, laksidenkayto met agraman dagiti annakyo ...]
Agadal tayo kakabsat, tapno no adda met agdamag kadatayo panggep iti pammatitayo ket uray kaskasano, adda met maisungbat tayo.
1 Pedro 3:15-16
[... Sisasaganakayo koma a kanayon nga agpalawag no saludsodenda maipapan iti namnama nga adda kadakayo, ...]
No ditay kayat ti agadal, nasaysayaat la kuman a ditay naiyanak ditoy lubong. Awan serserbi ti biag no kasta.
Dagiti Proverbio 14:7
[Adaywam dagiti maag; awan ti maisuroda kenka.]
Goodnight.🫰❤️
