29/04/2025
Ki katto katne ki lad pathai khubor ki la shim hi halade ïa ka bynta k*m ki nongbishar, da kaba kloi ban pynrem ïa ki Khasi tang shu pynpaw kano kano ka jingkynnoh da ki pulit ne ki bor synshar k*mjuh ki mynder, khlem da don ka jingtohkit kaba hok.
Lehse, ka jingkulmar ha NEHU ka dei ka jingpharep kaba lah iasylla lypa da ki kynhun kynshan ia u VC pyrshah ia ki kynhun pyrshah VC, bad kane buit saiñpyrthei ba la pynkhreh da u nonghikai Hindi, uba dei u dkhot ka Hindutva bad u paralok ba ha syndah bad Prof. S.K. Shukla, Vice Chancellor ka NEHU pyrshah ia ki nongialam ka NEHUSU na ka bynta ban pynkylla lyngkñia ia ki, lada ym dei k*mta ngim ngeit ba ki spah ngut ki samla p**e ka NEHU kin mih shakhmat ban pyrshah ia ka jingrung jubor ki pulit ban wan kem jubor ia ki nongialam ka NEHUSU.
Ngi dei ban sngewthuh, Ka huri hura ha NEHU kam dei kaba dang thymmai, hynrei ka dei ka jingpyrshang kynshoit politik ka tnat RSS ha u VC. Khyndiat ban shu pynkynmaw ia ka jingiakhih ka NEHUTA, NEHUSU bad ka VPP pyrshah ia ka jingleh donbor ki briew ka RSS ha kaba lah mih ki jing kynnoh pyrshah ia u Prof. Prabha Shankar Shukla ba u lah pyndonkam bakla ia katei ka jaka p**e sha ka shlem politik bad pynïeng ïa ka riti synshar Hindi-Hindu-Brahmini kaba ktah mationg ia katei ka skulbah, shuh shuh ka jingthungkam sopsop sha ki briew kiba ym dei ki trai shnong, k*m u Col. Omkar Singh k*m u Registrar bad u Amit Gupta k*m u Deputy Registrar (Academics) kiba dei ki briew ka RSS, bad ka lah don ka jingkynnoh ba u VC u la pynkheiñ ruh ia ka hok ban tip da ka jingpynkylla ïa ki kot ki sla kiba don jing kheiñ jingdiah bad ka jingpynkheiñ ïa ki kyndon treikam jong ka skulbah NEHU, bad ka jingshim rai donbor tang bad ki katto katne ki jingmunjur ki nonghikai kiba dei ki briew ka RSS ia ki kam ki jam kiba don hapoh katei ka skulbah NEHU.
Kine kiei kiei ki pynpaw ba ka RSS-BJP ki lah ban treikam tyngeh lyngba ki briew ba stad, ban pynjot noh thiaw ia ka lawei ki samla ka jaitbynriew Khasi bad ki bymdei Hindu, bad ban khanglad ruh ia ka bor ki trai muluk bad knieh ia ki kam ki jam ruh k*mjuh khnang ban pynrung ia ki briew kiba iajan bad kane ka kynhun sh*tniam Hindu, k*mba la pruit dak da u VC Shukla ha kine ki bnai kiba lah dep, bad u la pan ruh ki shipai ban iada kyrpang ha NEHU na ka sorkar India. Kine ki lah urlong ha NEIGRIHMS ruh, ha kaba ki briew ka sorkar India kiba dei ki RSS ki lah pynmih hura hura bad mynta ki lah pynap da ki tnat Central Defence. Ki briew kiba pyrkhat Jylliew, ki sngewthuh ia kine ki huri hura kiba iadei bad buit politik ki briew kiba don ha ka bor bahakhlieh duh na Delhi.
Parari, long kiba stad kiba sian. Ngim dei ban ngat ha u shangkhawiah kiba lah pynap shrip ki nongwei. Ka jingthmu ban knieh lut noh ia ka nongkynti ka jaitbynriew ka lah iaid beit ha ka buit barieh kita kiba bat ia u lakam shynshar mo.
Khatduh. Ngi pyn kynmaw parari, katba ym pat weng ia ki heh sorkar kiba shusieh ka RSS ha kino kino ki tnat treikam lada dei ha ka tnat p**e ne tnat ai jing sumar ne kiwei ki tnat sorkar ngim artatien ki huri hura kin nang mih pyrthei nangne shakhmat.
