MTP Gen.HQ & All Branch Activities

28/03/2025

WELCOME FELICITATION

Atlia tari 17th-20th Pamih liata India rah State 8 Ataopasuana Cultural Cha-y-pi 8th NE Youth Festival, Gangtok la asie pa eima Thyutliapazy cha zahnia zala liana khata eima rah hawka Tipi Ferry liata ta a roʻnah kawpata Meisavaih MTP pachhuapanohna ta Ydy pa ama cha. Abeipa chhithana ta atlabo kawpata Lyma chhao ta eima rah amà vaw ngia thei pa he Aly chhita, eima palaikhei hmeiseih.

Gangtok liana he ta Marapa zy chei-o' za palasa ei ta, Folksong nata Rock band Ataopasuana liata zà hlao ei ta, vahnei chhi kawpata 'Regenades band' zy ta Sakhana Lyma ama vaw to.

He eima ydyna liata MTP Br. Tipi Ferry zyta theilapa ti paha kawpa maniah a chhuanohoa ei ta eima ly hmeiseih. Cha hleikhòta MTP GEN.HQ tawta Pupa N Solomon Beihlotha AGS, Pupa T Beihronga Secy A & C, Pupa Khusa Khaila, Finance Secy nata Pupa P. Robert EC member zy nata Maraland rock society members zy chhaota miah za deichhypata Ydy khei hra ei ta, eima ly ngaita. Eima Thyutliapa zy hmiala ama sie lymâ nawpa liata Khokheina sà chaipa eima hla.

Sd/-
Secretary
Infor & Publicity
MTP Br: Meisavaih 'E'

28/03/2025

Lynabie reina

14/02/2025

Live telecast...

10/02/2025

_Office Of The_
_Mara Thyutlia Py_
_Branch: Council Vaih_
_Siaha_

_Dated.Siaha the 7th Hmypi 2025_

*Council Vaih MTP,JVAC,Vc, Joint Meeting hneipa a chá*

Tári.10/02/2025 (Hriatua-noh): Eima pahnosa khai ha chiehpa hawta eima Vaih liata chhienoh amohôna suno làta eima khei tyhpazy nata hmo hro hropa kyh liata kó nata Daihti váro ano-eihta asie tyhpa cha, Eima MTP Gen Hqrs nata Council vaih MTP hmalana sie lymàpa tawhta sukha ta MTP ku liata khitlàh mohóna cha siekheipa vaw chà ta, Alypa a chá ngaita kaw.

Tàri 07/02/2025(Pachynoh) zàlá dawh 2;00pm liana khata, Puhpa L.Beirangia (Adviser MTP) pahrána Opi Council vaih liata *Atakó 2025 Chhienoh amahóna kyh* Joint Meeting hneipa a chá

Joint Meeting he Council Vaih *MTP President Mokhai Khithie.* Chhithana ry liata hneipa chá ta, Council vaih JVAC chhituhpazy ta, eima vaih liata Chhienoh amohóna ano-eihta ta siekhao leipa ta, MTP Branch liata eima zydua heta lóraoh kawpa ta siekhoh awpa ta eimá hawna zy hlao miah patlohkheipa ha ei ta, MTP liata ykhoh awpa ta Aparyhna a miakhana cháta ahmaophakyna joint meeting hneipa a chá

*Puhpa Lalmaka Tluangneh.JVAC Chairman* nata ahrialàhpazy ta, ama JVAC Properties zy MTP liata miah hlàh ei ta, Biereina phapa nata vaih chàta pha via hei thei awpa khona ama hneipazy cha, hlaopatloh khei awpa ahawna zy reina hneipa ta, meeting lia ávaw hlaopa zydua meeting daihti chhóh liata apha thei chaina hawta ryraona sianó kawpa ta khitlâh chhitha awpa ta khona zy reipahmaoh khoh chyupa a chá:-

1. Vaihchhó cháta WhatsApp group taopa hluh kawpa he (Deleted) pachhásapa chá sala, Group sákha taopa liata ypakhy khai nawpa ta MTP lá tawhta hmalana avaw hnei aw.

2. Yru Hlabu Mizo Version nata Mara Version bukha chhóh liata tao awpa ta MTP ta hmalana avaw hnei aw.

3. Yru palôhawna Progrmme Set awpa ta MTP Br, Secretary ku liata sopa chà ta, Ngo's nano nanopa zy pathluapa-eihna yleipa ta a tao tyh aw

Khitláh pha nawpa cháta Vaih nópawpa Members avypakhypa zy tawhta Biepha ngàsàpa nata pahruana pitlohpa pha ngàsàpazy nata pasyupalina pha ngàsàpa zy Advice pha ngàsàpa zy reina nata nahthliena hneipa chá ta, Branch MTP ta abyuhpa nata angiahpa zydua cha, MTP ta hmala pazi pàh lymà awpa chá aw ta, lóraoh kawpa ta eima siekhoh lymà aw tahpa ta aly kawpa ta reipahmao khohna hneipa chà ta, thlahchhàna ta daihti pachhàsapa a chá

Puhpa L.Beirangia Adviser MTP chhóhkhazy ta amá pasaih ngaita kawpa , joint Meeting peimawh ngaita kawpa avaw hlaopazy chàta, Zàlà patipahàh ngaitapa miah pachhuanohpa ei ta, alypa nata thaphapa ta pybie ngaitapa ta zàla pati niedo khohpa a chá.

Ama chhóhkha chó liata MTP,JVAC nata VC mohta alynabie eima reih hmeiseih

_Council Vaih MTP branch thachhá leipa ta hmia tóh via lymá mawh sy_

*Sd/-*
*Rothangpuia Fanchun*
*Secretery*
Info&Publicity
MTP Branch:Council Vaih
Siaha

09/01/2025

_Office of the_
_Mara Thyutlia Py_
_Branch: Council Vaih_
_Siaha_

_Dated Siaha the 7th Nawh.2025_

_*Council Vaih MTP Music Video Release haw*_

Dt.8/1/2025:*Puhpa KT.Beichô IRAS(Rtd)* ta, tari 7/1/2025(Hriahei-záh) 7:00pm pa khata,
_Liari tlona Mararah_ tahpa *Council Vaih MTP Music Video* eima taopa cha, aly kawpa ta a Release

Programme he Puhpa KT. Beimokhai, President, MTP Branch, Council Vaih ta pahnie kawpa ta chhitha ta, Devotion he Kmc. S. Váhro, MTP Br, Adviser ta a hmáh

Puhpa H. Riaka, Secretary Music Board ta fin.report pie ta,
Puhpa Welborn Manner Azyu, Director of Music Board tawhta technical report a pie.

St. N. Enocka, GS ta, Hlaphô review pha kawpa ta hnei ta, chakhai tawhta, eima Khichhailaipa Puhpa KT. Beicho, IRAS (Rtd) ta biereina a hnei.
Bierei tláhpipazy:
1. MTP Council Vaih Branch heta Music video hlaotloh kawpa ta nama pachhuapaboh theipa he pha ngaita kaw ta alypa a chá hmeiseih. Mara chipho nata reih abohna peimawh ngitapa hla nata bie he palaiseihsa via lymâ achhuah ula.
2. Nama Branch, cultural Troupe chhao aduah thei hra ula,
3. Mara chábu chhao MTP General Conference liata Agenda taopa chá thei sala apha ngaita kaw aw
4. Maraparah khipi chaipa Siaha- khih liana heta phohro chihropa reih nanopa hrozie nanopa ta khihsa láhpa ta charei hólópa ta apahlaopahli kawpa ta ypá pita, chahawhpa nahzy hry liata azipa aráh leilósaw Marapa he eima riethei chai ta, chaváta Marásawzy he hria pasana kyh liatazy, tiamana liatazy eimá hra awpa apeimawh ngaita kaw
5. Riahpha ngaitapa ta tiama ngáchhihna hneina chô ta,Hmiatô via lymà achhuah ei suh u
6. Mizoram state sawhkhá ry liata Secretary/Commissioner raihria daihti no khata, Chief Secretary nata keima ngáláh he my 9am pata Office a tló tua tyhpa eima chá
7. Marapa saw zy, khatai su lia rai y sila, eima riapha sala.tiam sila, pahrána su nata khihsana lia maihta eima tiama chai awpa apeimwh hmeiseih.
Atahmá he MTP chhituhpazy nama reiraona hria pasana nata riahphana nama ngáchhihna tiamana váta atanoh music video release thei awpa ta avw ypa he eima zydua cháta nata marapa zawpi zydua cháta hmasiena chhaichhi phapa a chá thei nawpa ta aly kawpa ta ei pahy tahpa ta apalàhá.

Biereina short speech hneipa chá ta.
1. Puhpa L.Beirángia. Sr.Adviser
2. Puhpa T. Beihronga, Secy, MTP Hqrs, siaha
3. Puhpa Fc Tei-ei, VCP
4. Puhpa K.Malsawma, council vaih
5. Puhpa K. Beingiachhie, Sr. EO.MADC.Siaha
6. MCHP council vaih tawhta pasyuna bie phapa nahthliena hneipa a cha

Vote of thanks. Puhpa A. Beireitha, Secretary, SW tawhta alynabie reina hnei ta. Laisa J. Angelina ta thai kawpa ta avypazy hlata miah a palópahawh,

Puhpa M. Hi**er, Vice president ta daihti chhàna thlahchhána hnei ta, Music Video - "Liari Tlona" music video paláhána alyna thopi dona kyhchhi hneipa a chá.

Eima hruana zy miah pachá peimawhsa ruhpa Media lá tawhta Puhpa Jeffry moonlight editor nata Laisa Evelyn chozah nata C.Lalramnghaka zyta miah ama hlao.
Eima Ràh news Editor nahzy chó liata alynabie eima reih hmeiseih.

_Council Vaih MTP Branch.thachhá leita hmialá tóh lymá mawh sy_

*Sd/-*
Rothangpuia Fanchun
*Secretary*
Info&Publicity
MTP Br.Council Vaih
Siaha
---------------------
Click here: https://youtu.be/4HTIrZRdLFM?si=_qFdL_zV0hIKrx3s

08/01/2025

Dt.08/01/2025: Council Vaih MTP Branch ta, Music Video ama taopa, thai kawpa nata ângia ngaita kawpa ta ama sapa,
*Liari tlóna Mararáh*_ tahpa Hla, Mokhai Khithie phipa, FT Studio Recording Siaha liata record-pa, Puhpa Lalremruata J. Siaha Soundtrack
kuzô, nata Video cover& Editing Satlia TomJohn Video-Graphy. Kuzô châ ta, Vaw nahthlie hra tua mah y.

Liari tlona Mararâh - MTP Branch, Council Vaih, Siaha.Council Vaih MTP Branch ta, Music Video ama taopa, thai ngaitapa nata ángia kawpa ta ama sapa, _*Liari ...

05/10/2024

MTP Platinum JUBILEE alyna Kychhih taonaa liata nie awpa SEIHTOHPA

05/10/2024

Dt.5/10/2024:
MTP Two Wheeler Rally
Click here:-

Phiata 05 2024, Mara Thyutlia Py General Headquarters, Siaha ta ko 70 tlohna Platinum Jubilee Two Wheeler Rally eima hnei na.

03/09/2024

08/08/2024

*SAHMA FACTORY PARAOPA A CHÂ*

*_Tari, 7/8/2024(Pakhy noh) liata MTP Br:New Laty zy ta, Puhpa J. Thysâly Kô-42 of Kaochao 'E' ei Sahma Factory New Laty râh Beinô kiah liata pa cha paraopa a châ._*

*_Sahma pathuna Páh 4, Chini bag-1, nata Khamir(Yeast) By -3 zy patuhpa chata, asu liata paraopâ pa a châ._*


*_Sd/-_*

*General Secretary*
*MTP Branch : New Laty*

08/08/2024

Indegenous Games ahmána

08/08/2024

Circular
ENGLISH (VERSION)