04/11/2025
Loke a pasa awe na Miss Universe 2025 na Tailandia ta revela e presion emocional, cultural pero tambe e presion financiero cu e participantenan tin cu deal cune tra’i cortina. Un certamen na e nivel aki no ta smile y zwaai so!
Mi ta admira e corahe di e candidatanan cu a lanta para y sali bay hunto cu Miss Mexico demostrando solidaridad. E no ta un desicion asina facil pa tuma.
Mi ta compronde e participantenan cu a keda den e sala tambe. Bo por mira e tension riba nan cara. Mi por imagina cu nan lo tin miedo. Kico ta e consecuencia? Represaya di parti di e organisacion? Nan ta den un pais desconoci pa nan. Nan soño di carga e corona ta na peliger. Nan lo desapunta nan pais? E realidad di e mundo ki ta cu no ta tur hende ta sinti nan safe pa lanta para, ni si nan kier.
Manera Miss Mexico a bisa: E corona no mester costa bo bo dignidad.
No lubida cu Miss Universe ta un negoshi. Un negoshi traha riba soñonan, beyesa y imagen di hende muhe y principalmente pa e motibonan ey, dignidad y respet mester ta na prome luga. Sin esey e corona ta perde tur su balor.
