Cricket Kerala

  • Home
  • Cricket Kerala

Cricket Kerala CRICKET KERALA is the face book home for all cricket lovers to know more about cricket and its young talents..

✨ഉർവിലിൻ്റെ സൂപ്പർ അർദ്ധ സെഞ്ചുറിയോടെ ചെന്നൈക്ക് ജയം✨ഐപിഎൽ മത്സരത്തിൽ ഞായറാഴ്ച നടന്ന മത്സരത്തിൽ ലക്നൗ സൂപ്പർ ജയൻ്റ്‌സ്നെ...
11/05/2026

✨ഉർവിലിൻ്റെ സൂപ്പർ അർദ്ധ സെഞ്ചുറിയോടെ ചെന്നൈക്ക് ജയം✨

ഐപിഎൽ മത്സരത്തിൽ ഞായറാഴ്ച നടന്ന മത്സരത്തിൽ ലക്നൗ സൂപ്പർ ജയൻ്റ്‌സ്നെ 5 വിക്കറ്റിന് തകർത്ത് ചെന്നൈ സൂപ്പർ കിങ്സ്.

14 പന്തിൽ 28 റൺസ് നേടി സഞ്ജു ഔട്ടായപ്പോൾ വൺ ഡൗൺ ആയി ഇറങ്ങിയ ഉർവിൽ പട്ടേൽ ആണ് ചെന്നൈയുടെ വിജയത്തിൻ്റെ ആണിക്കല്ല്.

13 പന്തിൽ 50 റൺസ് തികച്ച് വേഗമേറിയ അർദ്ധ സെഞ്ച്വറി എന്ന റെക്കോർഡ്👏 നേടിയതിനോടൊപ്പം തൻറെ ടീമിനെ വിജയത്തിലേക്ക് നയിക്കുക കൂടി ആയിരുന്നു ഉർവിൽ. ആകെ 23 പന്തിൽ 65 റൺസ് ആണ് അദ്ദേഹം നേടിയത്.

അവസാന ഓവറുകളിൽ റൺ റേറ്റ് കുറഞ്ഞതോടെ കളി സമ്മർദത്തിലായി.

അവസാന 2 ഓവറിൽ 21 റൺസ് വേണമായിരുന്നു ജയിക്കാൻ. 19-ാം ഓവറിൽ 11 റൺസ് നേടി, തുടർന്ന് വന്ന ഓവറിൽ 2 വൈഡ് ആയി, പിന്നെ വന്ന 2 പന്തുകൾ തുടരെ സിക്സ് അടിച്ചു ശിവം ദുബെ കളി ജയിപ്പിച്ചു.
സ്കോർ 19.2 ഓവറിൽ 208/5

സഞ്ജു സാംസൺ (14 പന്തിൽ 28)
ഋതുരാജ് ഗെയ്ക്വാഡ് 28 പന്തിൽ 42)
ഉർവിൽ പട്ടേൽ (23 പന്തിൽ 65)
കാർത്തിക ശർമ (20 പന്തിൽ 20)
ബ്രിവിസ് (12 പന്തിൽ 10)
ശിവം ദുബെ* (7 പന്തിൽ 15)
പ്രശാന്ത് വീർ* (12 പന്തിൽ 17)

ആദ്യം ബാറ്റ് ചെയ്ത ലക്നൗ സൂപ്പർ ജയൻ്റ്‌സ് 20 ഓവറിൽ 8 വിക്കറ്റിന് 203 റൺസ് ആണ് എടുത്തത്. ഓപ്പണർ ജോഷ് ഇംഗ്ലീസ് നേടിയ 85 റൺസ് ആണ് എൽ എസ് ജി യുടെ മികച്ച സ്കോറിന് ആധാരം.

11/04/2026

🎊 ഐപിഎൽ പൂരം 🎊

✨റോയൽ തിളക്കത്തോടെ രാജസ്ഥാൻ റോയൽസ് ✨

തുടരെയുള്ള നാലാം വിജയം റോയൽ ചലഞ്ചേഴ്സ് ബംഗളൂരുവിനെതിരെ നേടി കൊണ്ട് പോയിൻ്റ് പട്ടികയിൽ ഒന്നാം സ്ഥാനം നില നിർത്തി രാജസ്ഥാൻ റോയൽസ്.
വെള്ളിയാഴ്ച നടന്ന മത്സരത്തിൽ ബംഗളൂരുവിനെതിരെ ആറ് വിക്കറ്റ് ജയമാണ് ടീം കരസ്ഥമാക്കിയത്.

ആദ്യം ബാറ്റ് ചെയ്ത ബാംഗ്ലൂർ 20 ഓവറിൽ 201 റൺസ് നേടി. ബാംഗ്ലൂരുവിന്റെ മുൻനിര ബാറ്റ്സ്മാൻമാർ തകർന്നപ്പോഴും ക്യാപ്റ്റൻ രജത് പടിദാർ ആണ് റോയൽ ചലഞ്ചേഴ്സ് ബാംഗ്ലൂരിനെ ഭേദപ്പെട്ട സ്കോറിൽ എത്തിച്ചത്. 40 പന്തിൽ 63 റൺസാണ് പടിദാർ നേടിയത്.

രണ്ടാം പകുതിയിൽ 18 ഓവറിൽ 4 വിക്കറ്റ് നഷ്ടത്തിൽ രാജസ്ഥാൻ വിജയം നേടി.
15 പന്തിൽ 50 തികച്ച വൈഭവ് സൂര്യവംശി 26 പന്തിൽ 78 റൺസ് (7 സിക്സും 8 ഫോറും) ആണ് അടിച്ചുകൂട്ടിയത്.
ധ്രുവ് ജുറൽ 43 പന്തിൽ 81 റൺസ് എടുത്ത് പുറത്താവാതെ നിന്നു. ഇരുവരുടെയും കൂട്ടുകെട്ടിൽ പിറന്ന 108 റൺസ് ആണ് രാജസ്ഥാൻ്റെ വിജയത്തിന് മുതൽക്കൂട്ടായത്.

31/03/2026

🎊 ഐപിഎൽ പൂരം 🎊

ഇന്ത്യൻ പ്രീമിയർ ലീഗ് ക്രിക്കറ്റ് പത്തൊമ്പതാം സീസണിലെ ആദ്യ മത്സരം ഗംഭീരമാക്കി രാജസ്ഥാൻ റോയൽസ്.

ചെന്നൈ സൂപ്പർ കിംഗ്സിനെതിരായ ആദ്യ മത്സരത്തിൽ ഗംഭീര വിജയത്തോടെ രാജസ്ഥാൻ റോയൽസ്.

ആദ്യം ബാറ്റ് ചെയ്ത ചെന്നൈ 19.4 ഓവറിൽ 127 റൺസിന് ഓൾഔട്ടായി.
ചെന്നൈ ടീമിലെ അരങ്ങേറ്റം സഞ്ജുവിന് അത്ര സുഖകരമായിരുന്നില്ല. ഒരു ഫോർ അടിച്ചെങ്കിലും ഏഴു പന്തിൽ ആറ് റണ്ണെടുത്ത് സഞ്ജു ക്ലീൻ ബൗൾഡ് ആയി. പിന്നീട് ഇറങ്ങിയ ബാറ്റ്സ്മാൻമാർക്കും തിളങ്ങാൻ ആയില്ല. ശിവം ദുബൈ സിക്സ് അടിച്ചു തുടങ്ങിയെങ്കിലും ആറു റൺസ് എടുത്ത് ഔട്ടായി. എട്ടാമനായി ഇറങ്ങിയ ജാമി ഓവർടണിന്റെ മികവാണ് ചെന്നൈയെ 100 കടത്തിയത്.

രണ്ടാം ഇന്നിംഗ്സിൽ രാജസ്ഥാൻ റോയൽസിന് ലക്ഷ്യം കണ്ടെത്താൻ എളുപ്പമായിരുന്നു. 15 പന്തിൽ അർദ്ധ സെഞ്ച്വറി നേടിയ വൈഭവ് സൂര്യ വംശിയുടെ ഇടിവെട്ട് ബാറ്റിംഗ് രാജസ്ഥാന്റെ ജയം വേഗത്തിലാക്കി. 12.1 ഓവറിൽ രണ്ട് വിക്കറ്റിന് 128 റൺസ് എടുത്ത് രാജസ്ഥാൻ ലക്ഷ്യം കണ്ടു.
26 റൺസിന് രണ്ട് വിക്കറ്റ് വീഴ്ത്തിയ നാന്ദ്രെ ബർഗർ ആണ് കളിയിലെ താരം.

രാജസ്ഥാൻ റോയൽസിലേ തന്റെ അരങ്ങേറ്റം ഓൾറൗണ്ടർ രവീന്ദ്ര ജഡേജ അവിസ്മരണീയമാക്കി.
മൂന്ന് ഓവർ എറിഞ്ഞ താരം 18 റൺസിന് രണ്ട് വിക്കറ്റ് എടുത്തു.

30/03/2026

🎊 ഐപിഎൽ പൂരം 🎊

💥തിളങ്ങി മുംബൈ💥

ഞായറാഴ്ച നടന്ന മത്സരത്തിൽ തുടക്കം തോൽവിയോടെ എന്ന തങ്ങളുടെ പതിവ് തെറ്റിച്ച്, കൊൽക്കത്ത നൈറ്റ് റൈഡേഴ്സിനെ പരാജയപ്പെടുത്തി മുംബൈ ഇന്ത്യൻസ്.

ടോസ് നഷ്ടപ്പെട്ട് ആദ്യം ബാറ്റ് ചെയ്ത കൊൽക്കത്ത 20 ഓവറിൽ 4 വിക്കറ്റ് നഷ്ടത്തിൽ 220 റൺസ് എടുത്തു.
ക്യാപ്റ്റൻ അജിൻക്യ രഹാനെ(40 പന്തിൽ 67)
ഫിൻ അലൻ(17 പന്തിൽ 37)
ആംഗ്രിഷ് രഘുവംശി(29 പന്തിൽ 51)
റിങ്കു സിംഗ്(21 പന്തിൽ 33*) എന്നിവരുടെ ബാറ്റിംഗ് മികവിലാണ് കൊൽക്കത്ത മികച്ച സ്കോറിൽ എത്തിയത്.

കൂറ്റൻ റൺസ് പിന്തുടർന്ന മുംബൈ ഇന്ത്യൻസ്, ഓപ്പണർമാരുടെ തകർപ്പൻ ബാറ്റിങ്ങിലൂടെ മികച്ച സ്കോറിലെത്തി. 11.5 ഓവറിൽ 148 റൺസ് ആണ് ഓപ്പണർമാരായ രോഹിത് ശർമയും (38 പന്തിൽ 78) റയാൻ റിക്കൾട്ടനും(43 പന്തിൽ 81) ചേർന്ന് എടുത്തത്.
ഐപിഎൽ മത്സരത്തിലെ രോഹിത്തിൻ്റെ അമ്പതാം അർധസെഞ്ചുറി ആയിരുന്നു ഇത്.
19.1 ഓവറിൽ 4 വിക്കറ്റ് നഷ്ടത്തിൽ 224 റൺസ് എടുത്ത് ടീം വിജയം കണ്ടു. ടീമിൻ്റെ ഉയർന്ന റൺസ് ചേസ് വിജയം കൂടിയാണിത്.

കൂടാതെ ടി ട്വന്റിയിൽ 300 മത്സരങ്ങൾ കളിക്കുന്ന ആദ്യ ഇന്ത്യൻ ടീമായും മുംബൈ ഇന്ത്യൻസ് തിളങ്ങി.

29/03/2026

🎉പൂരം കൊടി കയറി മക്കളേ...🎉

🎊ഐപിഎൽ പൂരം🎊

💥ഐപിഎൽ ടി ട്വൻ്റി ക്രിക്കറ്റ് 19-ാം സീസണിലെ ഉൽഘാടന മത്സരത്തിൽ സൺ റൈസേഴ്സ് ഹൈദരാബാദിനെ 6 വിക്കറ്റിന് തോൽപ്പിച്ച് റോയൽ ചലഞ്ചേഴ്സ് ബംഗളൂരു💥

ആദ്യം ബാറ്റ് ചെയ്ത സൺ റൈസേഴ്സ് ഹൈദരാബാദ് ഇഷാൻ കിഷൻറെ വെടിക്കെട്ട് പെർഫോമൻസിലൂടെ (38 പന്തിൽ 80) 20 ഓവറിൽ 9 വിക്കറ്റിന് 201 റൺസ് എടുത്തു.

മറുപടി ബാറ്റിങ്ങിൽ ദേവ്ദത്ത് പടിക്കലിൻ്റെയും(26 പന്തിൽ 61) വിരാട് കോലിയുടെയും(38 പന്തിൽ 69*)തീ പടർത്തിയ പ്രകടനത്തിലൂടെ 15.4 ഓവറിൽ 4 വിക്കറ്റ് നഷ്ടത്തിൽ ബംഗളൂരു വിജയം കണ്ടു.

23/02/2026

വനിതാ ഏഷ്യ കപ്പ് ക്രിക്കറ്റ് കിരീടം നേടി ഇന്ത്യൻ പെൺപുലികൾ👏👏👏

വനിതകളുടെ റൈസിംഗ് സ്റ്റാർ ഏഷ്യ കപ്പ് ക്രിക്കറ്റിൽ ഇന്ത്യ എ ടീമിന് കിരീടം.
ഇന്ത്യ എ ടീം 20 ഓവറിൽ 7 വിക്കറ്റ് നഷ്ടത്തിൽ 134 റൺസ് എടുത്തു. 34 പന്തിൽ 51 റൺസ് എടുത്ത് തേജൽ ഹസാബ്നിസ് ആണ് കളിയിലെ താരം.

മറുപടി ബാറ്റിംഗിന് ഇറങ്ങിയ ബംഗ്ലാദേശ് 19.1 ഓവറിൽ 88 റൺസിന് പുറത്തായി.
12 റൺസിന് മൂന്നു വിക്കറ്റ് നേടിയ പ്രമേ റാവത്താണ് ഇന്ത്യൻ ബൗളർമാരിൽ തിളങ്ങിയത്.

23/02/2026

അടി തെറ്റി ഇന്ത്യ

ഐസിസി ടി ട്വൻ്റി വേൾഡ്കപ്പ് മത്സരങ്ങളിൽ തോൽവിയറിയാതെ സൂപ്പർ 8ൽ കയറിയ ഇന്ത്യയെ ആദ്യ മത്സരത്തിൽ തന്നെ അടിയറവ് പറയിച്ച് ദക്ഷിണാഫ്രിക്ക.

ടോസ് നേടി ബാറ്റിങ് തിരഞ്ഞെടുത്ത ദക്ഷിണാഫ്രിക്കയുടെ ആദ്യ 3 വിക്കറ്റുകൾ നാലോവറുകൾ തികയും മുൻപേ തന്നെ നഷ്ടമായിരുന്നു. തുടർന്ന് ഡി വാൾഡ് ബ്രിവിസും (29 പന്തിൽ 45) ഡേവിഡ് മില്ലറും(35 പന്തിൽ 63) ചേർന്ന് 51 പന്തിൽ 97 റൺസ് അടിച്ച് ദക്ഷിണാഫ്രിക്കയെ ഭേദപ്പെട്ട സ്കോറിൽ എത്തിച്ചു. ആകെ 20 ഓവറിൽ 9 വിക്കറ്റ് നഷ്ടത്തിൽ ദക്ഷിണാഫ്രിക്ക 187 റൺസ് എടുത്തു.

മറുപടി ബാറ്റിംഗിന് ഇറങ്ങിയ ഇന്ത്യയ്ക്ക് ആദ്യ നാല് ഓവറുകളിൽ തന്നെ മൂന്നു വിക്കറ്റ് നഷ്ടമായി. കൃത്യമായ ഇടവേളകളിൽ തുടരെ തുടരെ വിക്കറ്റ് വീണതോടെ ഇന്ത്യയുടെ ചെറുത്തുനിൽപ്പ് ഫലം കണ്ടില്ല. ആറാമനായി ഇറങ്ങിയ ശിവം ദുബൈ 42 റൺസ് എടുത്തതാണ് ആകെയുള്ള ഭേദപ്പെട്ട സ്കോർ. ഒരു ഘട്ടത്തിൽ 100 റൺസ് കടക്കുമോ എന്നുപോലും തോന്നിപ്പിക്കുന്ന തരത്തിൽ ആയിരുന്നു ഇന്ത്യൻ ബാറ്റിംഗ് നിരയുടെ തകർച്ച. ഒടുവിൽ 18.5 ഓവറിൽ 111ന് എല്ലാവരും പുറത്തായി.

19/02/2026

2026 ടി20 ലോകകപ്പ് സൂപ്പർ 8 യോഗ്യത നേടിയ ടീമുകൾ

ഗ്രൂപ്പ് എ-
ഇന്ത്യ, പാകിസ്താൻ

ഗ്രൂപ്പ് ബി-
ശ്രീലങ്ക, സിംബാബ്‌വെ

ഗ്രൂപ്പ് സി-
വെസ്റ്റ് ഇൻഡീസ്, ഇംഗ്ലണ്ട്

ഗ്രൂപ്പ് ഡി-
ദക്ഷിണാഫ്രിക്ക, ന്യൂസിലാൻഡ്

19/02/2026

💥നാലിൽ നാലും ജയിച്ച് ഇന്ത്യ ഗ്രൂപ്പ് ജേതാക്കൾ💥

ടി ട്വൻ്റി ലോകകപ്പ് പ്രാഥമിക റൗണ്ടിലെ അവസാന മത്സരത്തിൽ നെതർലാൻഡ്‌സിനെതിരെ ഇന്ത്യയ്ക്ക് 17 റൺസ് വിജയം.
ഇതോടെ ഗ്രൂപ്പ് എ യിൽ, കളിച്ച നാല് മത്സരങ്ങളും ജയിച്ച് ഇന്ത്യ ഗ്രൂപ്പ് ജേതാക്കൾ ആയി.

10 ഓവറിൽ 74 റൺസ് എടുക്കുന്നതിനിടെ ഇന്ത്യയ്ക്ക് മൂന്നു വിക്കറ്റ് നഷ്ടമായി. തുടർന്ന് സൂര്യകുമാർ യാദവ് (28 പന്തിൽ 34), ശിവം ദുബെ (31 പന്തിൽ 66), ഹാർദിക് പാണ്ഡ്യ (21 പന്തിൽ 30) എന്നിവർ നല്ലൊരു സ്കോർ പടുത്തുയർത്തി. ആകെ 20 ഓവറിൽ 6 വിക്കറ്റിന് 193 റൺസ്.
രണ്ടാം ഇന്നിങ്സിൽ അവസാനഘട്ടം വരെ പൊരുതിയ ശേഷം ആണ് നെതർലാൻഡ്സിനു 7 വിക്കറ്റ് നഷ്ടത്തിൽ 176 റൺസ് നേടാൻ ആയത്.
ഇന്ത്യയ്ക്ക് വേണ്ടി വരുൺ ചക്രവർത്തി 3 ഓവറിൽ 14 റൺസിന് 3 വിക്കറ്റ് നേടി.

31 പന്തിൽ 66 റൺസും, 2 വിക്കറ്റും നേടിയ ശിവം ദുബെ ആണ് കളിയിലെ താരം

17/02/2026

🎊ശ്രീലങ്ക സൂപ്പർ എട്ടിൽ🎊

തിങ്കളാഴ്ച്ച നടന്ന മത്സരത്തിൽ ഓസ്ട്രേലിയയെ 8 വിക്കറ്റിന് തോൽപ്പിച്ച് ശ്രീലങ്ക സൂപ്പർ എട്ടിൽ കടന്നു.

ആദ്യ ഇന്നിംഗ്സിൽ മികച്ച രീതിയിൽ ആണ് ഓസ്ട്രേലിയൻ ബാറ്റർമാർ കളിച്ചത്. ക്യാപ്റ്റൻ മിച്ചൽ മാർഷും (27 പന്തിൽ 54) ട്രാവിസ് ഹെഡും (29 പന്തിൽ 56) ചേർന്ന് 8.3 ഓവറിൽ 104 റൺസ് ചേർത്ത ശേഷം ആണ് കൂട്ടുകെട്ട് പിരിഞ്ഞത്. ഓപ്പണർമാർ പുറത്തായതോടെ കളിയുടെ ഗതി മാറി. ആകെ 20 ഓവറിൽ 181 റൺസ് എടുത്ത ഓസ്ട്രേലിയയ്ക് എല്ലാ വിക്കറ്റും നഷ്ടമായി.
മറുപടി ബാറ്റിംഗിന് ഇറങ്ങിയ ശ്രീലങ്ക 18 ഓവറിൽ ലക്ഷ്യം കണ്ടു. ഓപ്പണർ പത്തും നിസ്സാങ്കയുടെ തകർപ്പൻ ബാറ്റിംഗിൽ ഓസ്ട്രേലിയക്കെതിരെ സ്വന്തം മണ്ണിൽ ശ്രീലങ്കയ്ക്ക് ഉജ്ജ്വല വിജയം നേടാനായി.
10 ഫോറും 5 സിക്സും ഉൾപ്പെടെ 52 പന്തിൽ 100 റൺസ് എടുത്ത് പുറത്താകാതെ നിന്ന്, ഈ ലോകകപ്പിലെ ആദ്യ സെഞ്ച്വറി നേടിയ പത്തും നിസ്സാങ്കയാണ് കളിയിലെ താരം.

Address


Website

Alerts

Be the first to know and let us send you an email when Cricket Kerala posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share