PLR TV

14/06/2025

കുറവിലങ്ങാട് PDM Retreat Centre ൽ ഏകദിന കൺവെൻഷനും വിദ്യാർത്ഥികൾക്കുവേണ്ടിയുള്ള പ്രത്യേക പ്രാർത്ഥനയും നടത്തപ്പെട്ടു.

കുറവിലങ്ങാട് : കുറവിലങ്ങാട് കുറവിലങ്ങാട് PDM Retreat Centre ൽ ഏകദിന കൺവെൻഷനും വിദ്യാർത്ഥികൾക്കുവേണ്ടിയുള്ള പ്രത്യേക പ്രാർത്ഥനയും നടത്തപ്പെട്ടു. ഇന്ന് (2025 ജൂൺ 14) രാവിലെ 08:30 ന് ജപമാലയോടെ ശുശ്രൂഷകൾ ആരംഭിച്ചു. തുടർന്ന് ദൈവസ്തുതിപ്പുകളും, വചന പ്രഘോഷണവും, വിടുതൽ ശുശ്രൂഷകളും നടത്തപ്പെട്ടു. ബഹുമാനപ്പെട്ട സേവ്യർ ഖാൻ വട്ടായിലച്ചൻ വചനം പങ്കുവെച്ച് ദൈവജനത്തിനുവേണ്ടി പ്രത്യേകം പ്രാർത്ഥിച്ചു. തുർന്ന് ബഹുമാനപ്പെട്ട ബിനോയി കരിമരുതിങ്കൽ അച്ചൻ ദിവ്യബലിക്ക് മുഖ്യ കാർമികത്വം വഹിച്ചു. ദിവ്യബലിക്ക് ശേഷം പരിശുദ്ധ കുർബാനയുടെ ആരാധനയും വെഞ്ചരിപ്പ് ശുശ്രൂഷകളും നടത്തപ്പെട്ടു. ആരാധനയിൽ വിദ്യാർത്ഥികൾക്കുവേണ്ടി പ്രത്യേകം പ്രാർത്ഥിച്ചു. തുടർന്ന് ആദ്യത്തെ സെക്ഷൻ പൊതുവായ ശുശ്രൂഷകൾ സമാപിച്ചു. ബഹുമാനപ്പെട്ട വൈദികർ ദൈവജനത്തെ കണ്ട് പ്രാർത്ഥിച്ചു. അതേത്തുടർന്ന് ഉച്ചകഴിഞ്ഞുള്ള ശുശ്രൂഷകൾ ആരംഭിച്ചു. ഉച്ചകഴിഞ്ഞ് ജപമാലയോടെ ശുശ്രൂഷകൾ ആരംഭിച്ചു. വിശുദ്ധ കുർബാനയ്ക്ക് ബഹുമാനപ്പെട്ട സേവ്യർ ഖാൻ വട്ടായിലച്ചൻ നേതൃത്വം നൽകി. തുടർന്ന് ദൈവസ്തുതിപ്പുകളും, വചന പ്രഘോഷണവും, വിടുതൽ ശുശ്രൂഷകളും നടത്തപ്പെട്ടു. പരിശുദ്ധ കുർബാനയുടെ ആരാധനയോടെ പൊതുവായ ശുശ്രൂഷകൾ സമാപിച്ചു.

Posted By: RM Media Team

07/06/2025

A C ജോസഫ് (ബ്രദർ റെജി അറയ്ക്കലിന്റെ ചാച്ചൻ - 91) നിര്യാതനായി.

അട്ടപ്പാടി സെഹിയോൻ മിനിസ്ട്രീസ് മുൻ ജനറൽ കോർഡിനേറ്ററും Anointing Fire Catholic Ministries (AFCM) ഇന്ത്യയിലെ ജനറൽ കോർഡിനേറ്ററും ആയ ബ്രദർ റെജി അറയ്ക്കലിന്റെ ചാച്ചൻ A C ജോസഫ് (91) നിത്യസമ്മാനത്തിനായി വിളിക്കപ്പെട്ടു.

സെഹിയോൻ ധ്യാനകേന്ദ്രത്തിന്റെ ആരംഭകാലം മുതൽ തന്നെ ബഹുമാനപ്പെട്ട സേവ്യർ ഖാൻ വട്ടായിലച്ചന്റെയും, ബിനോയി കരിമരുതിങ്കൽ അച്ചന്റെയും, സെഹിയോനിലെ മറ്റു വൈദികരുടെയുമൊപ്പം ദൈവിക ശുശ്രൂഷകളിൽ രാപകൽ അധ്വാനിച്ചുകൊണ്ടിരിക്കുന്ന ബ്രദറാണ് റെജി ബ്രദർ. അട്ടപ്പാടി സെഹിയോനിലും കൽക്കുരിശുമലയിലും PDM ലും AFCM ന്റെ ശുശ്രൂഷകളിലും ഇപ്പോഴും റെജി ബ്രദർ ശുശ്രൂഷകളിൽ മുഴുവൻ സമയവും വ്യാപൃതനാണ്.

ചാച്ചന്റെ വേർപാടിൽ ദുഃഖിക്കുന്ന റെജി ബ്രദറിന്റെയും കുടുംബാംഗങ്ങളുടെയും ദുഃഖത്തിൽ സെഹിയോനും, PDM കുടുംബവും, ASJM സിസ്റ്റേഴ്സും, ലോകം മുഴുവനുമുള്ള AFCM കമ്മ്യൂണിറ്റികളും പങ്കുചേരുകയും പ്രാർത്ഥിക്കുകയും ചെയ്യുന്നു. മൃത സംസ്കാരകർമ്മം നാളെ (08-06-2025, ഞായർ) ഉച്ചകഴിഞ്ഞ് 02:00 മണിയ്ക്ക് പാലക്കാട് പനംകുറ്റിയിലുള്ള ഭവനത്തിൽ ആരംഭിച്ച് രാജഗിരി (near Vadakanchery) തിരുഹൃദയ ദേവാലയത്തിൽ നടത്തപ്പെടുന്നു. പരേതനുവേണ്ടി നമുക്ക് പ്രാർത്ഥനയിൽ ഒന്നിക്കാം.

30/05/2025

ഏവർക്കും സ്വാഗതം.......

Posted By: Ruha Mount Media Team

09/05/2025

Posted By: RM Media Team

06/05/2025

ആയിരങ്ങൾക്കനുഗ്രഹമായ് നടവയൽ അഭിഷേകാഗ്‌നി ബൈബിൾ കൺവെൻഷൻ സമാപിച്ചു.

അട്ടപ്പാടി: ഫാ. സേവ്യർ ഖാൻ വട്ടായിൽ PDM നേതൃത്വം നൽകിയ നടവയൽ (വയനാട്) അഭിഷേകാഗ്നി ബൈബിൾ കൺവെൻഷൻ സമാപിച്ചു. രാവിലെ 09:00 മണിയ്ക്ക് ജപമാലയോടെ ഇന്നത്തെ ശുശ്രൂഷകൾ ആരംഭിച്ചു. ബഹുമാനപ്പെട്ട വട്ടായിലച്ചൻ ശുശ്രൂഷകൾക്ക് നേതൃത്വം നൽകി. തുടർന്ന് 12:00 മണിയ്ക്ക് വിശുദ്ധ കുർബാന അർപ്പിക്കപ്പെട്ടു. വിശുദ്ധ കുർബാനയ്ക്ക് മാനന്തവാടി രൂപതാ മെത്രാൻ മാർ ജോസ് പൊരുന്നേടം പിതാവ് മുഖ്യകാർമികത്വം വഹിച്ചു. വിശുദ്ധ കുർബാനയ്ക്ക് ശേഷം വചന സന്ദേശവും തുടർന്ന് ദിവ്യകാരുണ്യ പ്രദക്ഷിണവും നടത്തപ്പെട്ടു. 04:30 ന് പൊതുവായ ശുശ്രൂഷകൾ സമാപിച്ചു. തുടർന്ന് ബഹുമാനപ്പെട്ട വൈദികർ ദൈവജനത്തെ പ്രത്യേകം കണ്ടു പ്രാർത്ഥിച്ചു.

Posted By: RM Media Team

05/05/2025

നടവയൽ അഭിഷേകാഗ്നി കൺവെൻഷൻ: ദൈവം കരുണ ചൊരിഞ്ഞ മൂന്നാം ദിനം.

അട്ടപ്പാടി: നടവയൽ അഭിഷേകാഗ്നി കൺവെൻഷൻ മൂന്നാം ദിനത്തിലെ ശുശ്രൂഷകൾ സമാപിച്ചു. രാവിലെ 09:00 മണിയ്ക്ക് ജപമാലയോട് കൂടി ശുശ്രൂഷകൾ ആരംഭിച്ചു. ദിവ്യബലിക്ക് ബഹുമാനപ്പെട്ട മാനന്തവാടി രൂപത വികാരി ജനറാൾ ഫാ. പോൾ മുണ്ടോലിക്കൽ മുഖ്യകാർമികത്വം വഹിച്ചു. തുടർന്നുള്ള ശുശ്രൂഷകൾക്ക് ബഹുമാനപ്പെട്ട വട്ടായിലച്ചൻ നേതൃത്വം നൽകി. ഉച്ചകഴിഞ്ഞ് 04:30 ന് ദിവ്യകാരുണ്യ ആരാധനയോടെ ശുശ്രൂഷകൾ സമാപിച്ചു.

Posted By: RM MediaTeam

04/05/2025

ദൈവാനുഗ്രഹത്തിന്റെ രണ്ടാം ദിനം: നടവയൽ അഭിഷേകാഗ്നി ബൈബിൾ കൺവെൻഷൻ.

അട്ടപ്പാടി: നടവയൽ അഭിഷേകാഗ്നി ബൈബിൾ കൺവെൻഷന്റെ രണ്ടാം ദിനം ദൈവാനുഗ്രഹനിറവിൽ സമാപിച്ചു. രാവിലെ 09:30 ന് ജപമാലയോടെ ഇന്നത്തെ ശുശ്രൂഷകൾ ആരംഭിച്ചു. ബഹുമാനപ്പെട്ട വട്ടായിലച്ചൻ വചനശുശ്രൂഷയ്ക്ക് നേതൃത്വം നൽകി. തുടർന്ന് മാനന്തവാടി രൂപത സഹായമെത്രാൻ മാർ അലക്സ് താരാമംഗലം പിതാവ് വിശുദ്ധ കുർബാനയ്ക്ക് മുഖ്യകാർമികത്വം വഹിച്ചു. ഉച്ചകഴിഞ്ഞുള്ള വചനശുശ്രൂഷകൾക്ക് ബഹുമാനപ്പെട്ട വട്ടായിലച്ചനും സാംസൺ മണ്ണൂർ അച്ചനും വചനം പങ്കുവെച്ചു. തുടർന്ന് ദിവ്യകാരുണ്യ ആരാധനയോടെ ഇന്നത്തെ ശുശ്രൂഷകൾ സമാപിച്ചു.

Posted By : RM Media Team

03/05/2025

നടവയൽ അഭിഷേകാഗ്നി ബൈബിൾ കൺവെൻഷന് തുടക്കമായി.

അട്ടപ്പാടി: ഫാ. സേവ്യർ ഖാൻ വട്ടായിൽ PDM നേതൃത്വം നൽകുന്ന വയനാട് നടവയൽ അഭിഷേകാഗ്നി കൺവെൻഷൻ ആരംഭിച്ചു. ഇന്ന് (2025 മെയ് 03) രാവിലെ 09:30 ന് ബഹുമാനപ്പെട്ട നടവയൽ ഹോളി ക്രോസ്സ് ആർക്കി എപ്പിസ്കോപ്പൽ തീർത്ഥാടന പള്ളി വികാരി ഗർവാസീസ് അച്ചൻ ബൈബിൾ പ്രതിഷ്ഠിച്ച് കൺവെൻഷൻ ആരംഭിച്ചു.തുടർന്ന് വചന ശുശ്രൂഷയ്ക്ക് വട്ടായിലച്ചൻ നേതൃത്വം നൽകി. ആർച്ച് ബിഷപ്പ് എമരിറ്റസ് മാർ ജോർജ് ഞരളക്കാട്ട് ദിവ്യബലിക്ക് മുഖ്യകാർമികത്വം വഹിച്ചു. തുടർന്ന് ഫാ. സാംസൺ മണ്ണൂർ വചനസന്ദേശം നൽകി. ദിവ്യകാരുണ്യ ആരാധനയോടെ ഇന്നത്തെ ശുശ്രൂഷകൾ സമാപിച്ചു.

Posted By: RM Media Team

28/04/2025

കുറവിലങ്ങാട് ഏകദിന കൺവെൻഷനിൽ നിന്ന്.....

26/04/2025

കുറവിലങ്ങാട് ഏകദിന കൺവെൻഷൻ.

21/04/2025

16/04/2025

ദൈവാനുഗ്രഹത്തിന്റെ വലിയ ദിനങ്ങൾ: അട്ടപ്പാടി ജെല്ലിപ്പാറ അഭിഷേകാഗ്നി കൺവെൻഷൻ സമാപിച്ചു.

അട്ടപ്പാടി: ഫാ. സേവ്യർ ഖാൻ വട്ടായിൽ PDM നേതൃത്വം നൽകിയ അട്ടപ്പാടി ജെല്ലിപ്പാറ അഭിഷേകാഗ്നി കൺവെൻഷൻ സമാപിച്ചു. 03:30 ന് ജപമാലയോടെ കൺവെൻഷൻ ശുശ്രൂഷകൾ ആരംഭിച്ചു. പാലക്കാട് രൂപതാധ്യക്ഷൻ അഭിവന്ദ്യ മാർ പീറ്റർ കൊച്ചുപുരക്കൽ പിതാവ് ദിവ്യബലി അർപ്പിച്ച് സന്ദേശം നൽകി. തുടർന്നുള്ള ശുശ്രൂഷകൾക്ക് വട്ടായിലച്ചൻ നേതൃത്വം നൽകി. വിദ്യാർത്ഥികൾക്കും യുവജനങ്ങൾക്കും വേണ്ടി പ്രത്യേക പ്രാർത്ഥനകൾ നടത്തപ്പെട്ടു. പ്രത്യേകം വെഞ്ചരിച്ച ജപമാലകൾ അവർക്ക് സമ്മാനമായി നൽകി. കൺവെൻഷനിൽ സംബന്ധിച്ച അപ്പച്ചന്മാർക്കും അമ്മച്ചിമാർക്കും ജപമാലകൾ സമ്മാനമായി നൽകി. 09:00 മണിയ്ക്ക് ദിവ്യകാരുണ്യ ആരാധനയോടെ പൊതുവായ ശുശ്രൂഷകൾ സമാപിച്ചു. ബഹുമാനപ്പെട്ട ജോൺ മരിയ വിയാനി അച്ചൻ എല്ലാവർക്കും പ്രത്യേകം നന്ദി പറഞ്ഞു.

Posted By: RM Media Team