12/10/2025
Isa ka lineman nga nagatrabaho sa mga linya sang kuryente sa Escalante makahalanusbo nga nadulaan sang kabuhi pagkatapos nga nakuryente samtang naga-duty kahapon, Oktubre 11 sa National Road, atubang sang Vicente Gustilo District Hospital (VGDH), Sitio Bug-as, Barangay Balintawak, syudad sang Escalante,
Suno sa mga otoridad, ginkilala ang biktima sa kay Orly Justine Celiz, lalaki, yara sa legal ang pang-edaron, empleyado sang Prime Power Company kag residente sang syudad sang Victorias, Negros Occidental.
Sandig sa report sang Escalante PNP, ang biktima nagabutang sang mga suspension equipment sa poste sang aksidente ini nga natandugan ang live conductor kag gilayon nga nakuryente.
Gilayon naman nga nagresponde ang mga katapo sang NONECO, Bureau of Fire Protection (BFP), City Disaster Risk Reduction and Management Office (CDRRMO) kag Escalante PNP para sa isa ka rescue operation kag maipanaog ang biktima gikan sa pagkakuryente.
Gindala pa ang biktima sa nasambit nga ospital apang gindeklarar na lamang ini nga Dead on Arrival (DOA) sang doctor.
