27/03/2023
🔴 මේ කතාව මේ නංගි ගැන නෙමෙයි.. මෙහෙම දන් දෙන්න හැමෝටම පුලුවන් කියලා දැනුවත් කරීම අරමුණ... කියවන්න..
- නොදන්නා අයටත් ජීවත් වෙන්න... ජීවිතය දෙන මිනිසෙකු වන්න - 🖤
ඔබේ නිරෝගි අවයව මරනයෙන් පසු ඉතා ඉක්මනින් ලබා දුනහොත් අන් ජීවිත ජීවත් කිරීමට හැකි නේද ඔබත් සිතන්න....❤️
___________________________________
පෙරුම් දම් පුරන බෝසත් උතුමකුගේ මග යමින් තමන් ජීවත්ව සිටියදීම මෙන්ම මරණින් පසු අන් කෙනෙකුගේ යහපත පිණිස තම සිරුරේ අවයව දන්දීමේ අවස්ථාව වර්තමානයේදීද උදාවී තිබේ.
ඇත්තටම ජීවිතයක් බේරා ගන්නට නම් ඔබ වෛද්‍යවරයෙකුම විය යුතු නැත. සිතේ කරුණාව උපද්දවා ගැනීමට හැකියාව ඇත්නම් ඔබටත් මේ ලෝකයේ ජීවිතය අයැදින රෝගීන් වෙනුවෙන් බොහෝ දේ කිරීමට පුළුවන.
🔴 ඔබට ආකාර තුනකින් මේ සදහා දායක විය හැකිය. ඒ වගේම ඔබට ඒකට විශේෂ සුදුසුකම්ද තිබිය යුතුයි..
🔹1. "ඇස් දන් දීම"
ළදරු වියේ සිට මහළු විය දක්වා වයස සිමාවක් නැත. පැය 3ක් ඇතුලත ඇස් ලබාගත හැකි පරිදි 0112692051 දුරකථන අංකය මගින් අක්ෂිදාන සංගමයට දැනුම් දී ඇස් දන්දීම සිදු කල යුතුය.
🔹2. "සිරුරේ කොටස් දන් දීම"
(පටක, ඇස්, හදවත, වකුගඩු, අස්ථි , සම,.....)
මිය යන විට වයස අවුරුදු 70ට අඩු නම් පැය 12ක් ඇතුලත අවශ්‍ය පටක ලබාගැනීමට සිරුර පටක බැංකුවට ගෙන යා යුතුය.
සිරුර නැවත අවශ්‍ය නම් ආපසු භාරදිය හැකිය.
මෙසේ ලබා ගන්නා කොටස් අනතුරු වලට ලක්වීමෙන් බරපතල අවස්ථාවලට ලක් වන්නන් වෙනුවෙන් නොමිලේම සපයා දෙයි.
🔹3. "වෛද්ය විද්යාලයට සිරුර භාරදීම."
වයස් සීමාවක් නැත.
▪️ඒසේම විවිධ වෛරස් අසාදන, සමාජරෝග වලින් මිය යන අයගේ සිරුරු කොටස් මෙලෙස දන් දිය නොහැක.
▪️නීතිමය ගැටලු සහිත හා සියදිවි හානිකරගත් පුද්ගලයන්ගේ සිරුරු මෙලෙස කොටස් ලබා ගැනීමට බාර ගනු නොලැබේ.
______________________________________
🔴 ඒ සදහා;
- සාමාජිකත්වය ලබාගන්නා ආකාරය -
ඇස් සහ සිරුර දන්දීම සඳහා අන්තර්ජාලය ඔස්සේ ලියාපදිංචිවීමට, ඔබට පහත වෙබ් අඩවියට පිවිසීමෙන් එය සිදු කළ හැකිය.
http://htb.mobitel.lk/
🔹1. පළමුව ඔබ පොරොන්දු පත්‍රයක් ලබාගතයුතුය.
පොරොන්දු පත්‍රයක් පහත සදහන් අයගෙන් හෝ ඔබ ප්‍රදේශයේ පොරොන්දු පත්‍ර ලබාදෙන අයෙක් සිටිනම් ඔහුගෙන් ලබාගන්න.
🔹2. පොරොන්දු පත්‍රය A හා B ලෙස කොටස් දෙකකින් යුක්ත වේ. එම කොටස් දෙකම පුරවා. B කොටස පමණක් ඔබ පොරොන්දු පත්‍රය ලබාගත් අයට ආපසු ලබාදෙන්න.
🔹3. B කොටස ලබා දීමෙන් පසුව කහ පැහැති සාමාජික කඩ් පත ඔබට ලැබෙනු ඇත.
🔹4. සාමාජික කඩ් පතේ ඔබගේ හැදුනුම්පත් අංකය දමා, දායකයාගේ අත්සන ලෙස සදහන් ස්ථානයේ ඔබගේ අත්සන යොදන්න.
(එය ලැමිනේට් කර හෝ හානි නොවී තබාගත හැකි ක්‍රමයක් අනුගමනය කර පසුම්බියේ දමාගෙන සිටීමෙන්;
නිවසින් බැහැරව සිටින විටකදී මියගියහොත් ඔබගේ පාර්ථනය ඉටු කරගැනීම සදහා වැඩි අවස්ථාවක් උදාවෙනු ඇත .)
🔹5. ඔබට ලැබුණු සාමාජික කඩ් පතේ ඇති දායක අංකය, ඔබ පිරවූ පොරොන්දු පත්‍රයේ A කොටසේ ඇති දායක අංකය යන ස්ථානයේ දමන්න.
(එයද ලැමිනේට් කර හෝ හානි නොවී තබාගත හැකි ක්‍රමයක් අනුගමනය කර , නිතර පෙනන තැනක තැබීමෙන් ඔබ මියගියහොත් ඔබගේ පාර්ථනය ඉටු කරගැනීම සදහා වැඩි අවස්ථාවක් උදාවෙනු ඇත. )
🔴 පොරොන්දු පත්‍ර ලබා ගැනිමට හා වැඩි විස්තර දෑනගැනිම සඳහා
කොළඹ 07, විද්‍යා මාවතේ ශ්‍රීලංකා අක්ෂි දාන සංගමයේ මිනිස් පටක බැංකුව වෙතින් හෝ,
පැය 24 පුරා ක්‍රියාත්මක මෙම දුරකථන අංක ඇමතීමෙන් ලබා ගන්න.
කොළඹ - අක්ෂිදාන සංගමය -
011-2692051 ,
011-2698040 / 41 / 43 ,
011-5742929
ඔබත් අන් අයගේ යහපත උදෙසා පොරොන්දු පත්‍ර ලබාදෙන අයෙක්නම්,
ඔබගේ විස්තර මෙහි සදහන් කරන්න.
එවිට ඔබගේ ප්‍රදේශය අවට පොරොන්දු පත්‍ර අවශ්‍යතාවයන් ඇති අයට ඔබ හරහා පහසුවෙන් පොරොන්දු පත්‍ර ලබාගැනීමේ අවස්ථාව ඉටුකරගත හැකි බැවින් එය ඉතා කාර්යක්ෂම සේවයක් වනු ඇත.
_______________________________________
ඒ උතුම් දානය ක්‍රියාවට නංවමින් අපගේ ශරීරය සහ ශරීර කොටස් පහන් සිතින් යුතුව ජීවිතයක් ජීවත් කරවීම පිණිස දන් දෙන්නට කිසි සේත්ම පැකිළිය යුතු නැත. ඒ තුළින් රැස් කර ගත හැකි පින අප්‍රමාණය.
ඒ වෙනුවෙන් මරණින් පසු ඔබත් ඔබේ ඇස් හෝ සිරුරේ කොටස්; ඒ අවශ්‍යතාවයන්ගෙන් පෙලෙන අපේම මිනිසුන් උදෙසා පරිත්‍යාග කිරීමට කැමති ඔබ; ඉහත දැක්වූ පරිදි ඒ මහා පුණ්‍ය කර්මයට නොපමාව සහභාගීවන්න
(Copied post)
