Peterson Media

Peterson Media media

03/02/2026

Iran kontinye lanse misil ak dròn kont Izrayèl ak lòt peyi nan rejyon an kòm repons a atak militè yo. 
Li pa sèlman yon ti tir misil yo te lanse plizyè atak sou baz militè, peyi vwazen, epi alye Izrayèl/Etazini. 
Militan ki gen relasyon ak Iran tankou Hezbollah ap fè atak tou kont Izrayèl. 
Iran te menase menm fèmen Strait of Hormuz pou entèdi pase bato si konfli a kontinye, sa ki ta afekte machandiz ak petwòl atravè mond lan. 

Nan moman sa a, gen lagè aktyèl ki poko fini sa vle di pa gen siy klè ke Iran pare pou chita pou yon dyalòg total kounye a. Repons militè ak lansman misil yo ap kontinye jiskaske yon akò negosyasyon rive oswa okenn pati pa santi yo ka fè plis benefis ak lagè a. 

Pope Francis lanse yon apèl bay prèt yo pou yo pa prepare omeli yo avèk Entèlijans Atifisyèl (IA).Lidè Legliz Katolik la...
02/26/2026

Pope Francis lanse yon apèl bay prèt yo pou yo pa prepare omeli yo avèk Entèlijans Atifisyèl (IA).

Lidè Legliz Katolik la fè konnen sèvo moun dwe kontinye travay, e entèlijans natirèl nou dwe pratike pou nou pa pèdi kapasite reflechi ak medite. Li ensiste sou enpòtans preparasyon pèsonèl ak refleksyon espirityèl nan misyon pastoral la.

An menm tan, Pap la mete an gad kont kous dèyè likes sou rezo sosyal tankou TikTok, li dekri fenomèn sa kòm yon ilizyon ki ka fè moun pèdi sans sa ki vrèman esansyèl.

02/25/2026

🇭🇹 NOUVÈL | Bato “Masa Lasa” koule ant Karyès. Enspektè nan Service Maritime et de Navigation d’Haiti (SEMANAH), Vilbrun Vilmeus, konfime ke batiman “Masa Lasa” koule madi 24 fevriye 2026 pandan li t ap soti Karyès pou ale Ansagalè.

Nan yon mesaj vokal responsab SEMANAH Ansagalè a pataje sou WhatsApp, li fè konnen:

Yon maren deja rive atè
Maren an sou gwo chòk e li poko kapab pale
Plis enfòmasyon ofisyèl anonse pou demen

Daprè plizyè lòt sous, batiman an te chaje ak siman. Pou kounye a, pa gen detay sou kantite pasaje ni manm ekipaj ki te abò.

🇲🇽 Tansyon ogmante nan MeksikSekretè Sekirite Meksiken an anonse ke 25 manm Gad Nasyonal la pèdi lavi yo pandan yo t ap ...
02/23/2026

🇲🇽 Tansyon ogmante nan Meksik

Sekretè Sekirite Meksiken an anonse ke 25 manm Gad Nasyonal la pèdi lavi yo pandan yo t ap konbat sicarios ki lye ak Cartel Jalisco Nueva Generación (CJNG).

Selon enfòmasyon ki sòti nan men Ioan Grillo, yon jounalis britanik ki espesyalize nan kestyon katèl dwòg ak sekirite nan Amerik Latin, chèf katèl la El Mencho ta lokalize apre otorite yo te swiv mennaj li, sa ki ta mennen yo rive jwenn kote li t ap kache a.

Sitiyasyon an montre nivo vyolans ak presyon ki kontinye ap ogmante ant fòs sekirite yo ak gwoup ame yo nan Meksik.

ALÈT SEKIRITE NAN SIKILASYONDepi kèk lane, plizyè chofè kamyonèt ann Ayiti deside pa itilize gazolin oubyen dyezèl ankò,...
02/23/2026

ALÈT SEKIRITE NAN SIKILASYON

Depi kèk lane, plizyè chofè kamyonèt ann Ayiti deside pa itilize gazolin oubyen dyezèl ankò, akoz pri a ki vin trò chè epi rate gaz ki konn fè yo pèdi anpil jou travay. Nan chèche yon solisyon pou yo ka kontinye bwase, yo vire sou gaz pwopàn.

Sou wout Boudon ak nan plizyè estasyon pwopàn, li fasil pou wè liy kamyonèt k ap vin fè gaz. Men jodi a, estrateji a chanje: gen chofè ki pa sèlman fè konvèsyon, men ki ranplase tank gaz machin nan nèt pou mete bonbòn gaz dirèkteman pou fè trafik.

Plizyè nan yo rekonèt klèman ke pratik sa gen gwo danje ladan l. Yon flit gaz, yon aksidan, oswa yon ti etensèl ka lakoz eksplozyon ki mete lavi chofè a, pasaje yo, ak lòt moun sou wout la an danje. Men malgre risk la, yo pran chans lan paske reyalite ekonomik la fòse yo chèche mwayen pou siviv.

Jiskaprezan, DCPR (Direksyon Santral Polis Routyè), ki gen responsablite pou kontwole sikilasyon ak sekirite sou wout yo, poko anonse okenn mezi ofisyèl pou regle oswa kontwole sitiyasyon sa.

Kesyon an rete:
👉 Ki kote sekirite pasaje yo ye?
👉 Èske gen kontwòl sou konvèsyon sa yo?
👉 Èske lavi sitwayen yo vrèman pwoteje?

Nou bezwen plis siveyans, plis regilasyon, ak plis konsyans pou evite yon trajedi anvan li rive.

22 fevriye, yon dat ki make lagè kont katèl dwòg nan Meksik.An 2014, Joaquín El hapo Guzmán, ansyen chèf katèl Sinaloa, ...
02/23/2026

22 fevriye, yon dat ki make lagè kont katèl dwòg nan Meksik.

An 2014, Joaquín El hapo Guzmán, ansyen chèf katèl Sinaloa, te arete pa fòs sekirite Meksiken yo. Apre ekstradisyon li Ozetazini, li te kondane a prizon avi an 2019, kote li toujou ap sèvi santans li.

Jodi a, 22 fevriye 2026, gen enfòmasyon ki pale de yon gwo operasyon ki ta vize Nemesio Oseguera Cervantes, alias El Mencho,chèf CJNG la. Sepandan, jiska moman sa a, pa gen konfimasyon ofisyèl piblik ki valide lanmò li.

De non sa yo make yon epòk nan istwa krim òganize nan Amerik Latin nan. Lagè kont katèl yo kontinye ap gen gwo enpak sou sekirite nan rejyon an.

Peterson Media

Tantativ kidnaping echwe nan Delmas 33Lendi 23 fevriye a, fòs lòd yo rive dejwe yon nouvo tantativ kidnaping pa lwen Sai...
02/23/2026

Tantativ kidnaping echwe nan Delmas 33

Lendi 23 fevriye a, fòs lòd yo rive dejwe yon nouvo tantativ kidnaping pa lwen Saint-Louis de Gonzague, nan zòn Delmas 33.

Selon enfòmasyon ki disponib yo, de (2) moun yo prezime kòm kidnapè, ki te abiye ak inifòm fòs sekirite, pèdi lavi yo pandan entèvansyon an. Yo te sou bò yon machin Nissan Patrol ki gen plak SE-00871.

Malerezman, echanj kout zam lan lakoz yon polisye pèdi lavi li tou. Jij de pè a te deplase sou plas pou fè konsta legal la.

Nou prezante senpati nou bay fanmi polisye ki mouri a. Sitiyasyon sekirite a mande plis vijilans ak inite nan mitan tout sitwayen yo.

Nouvèl tris pou ansyen Premye Minis laAnsyen Premye Minis Ayiti, Laurent Lamothe, pèdi sèl pitit gason li, Louis G. Lamo...
02/22/2026

Nouvèl tris pou ansyen Premye Minis la

Ansyen Premye Minis Ayiti, Laurent Lamothe, pèdi sèl pitit gason li, Louis G. Lamothe.

Dapre enfòmasyon ki disponib yo, timoun nan te gen sèlman 9 mwa.

Se yon moman doulè pou fanmi an. Nan sikonstans konsa, anpil moun ap voye mesaj senpati ak kondoleyans bay fanmi Lamothe.

Nou swete fanmi an fòs ak kouraj nan moman difisil sa a.

02/22/2026

Ensekirite nan Meksik: Yon Baz Gad Nasyonal Atake nan Jalisco

Dapre plizyè sous lokal, yon baz Gad Nasyonal Meksiken ta sibi yon atak ak eksplozif nan vil San Juan de los Lagos, nan eta Jalisco.

Atak la ta asosye ak gwoup kriminèl ki rele CJNG (Cartel Jalisco Nueva Generación), ki se youn nan òganizasyon kriminèl ki pi aktif nan rejyon an.

Otorite yo poko bay tout detay ofisyèl sou kantite viktim oswa domaj ki fèt, men ensidan sa a ogmante enkyetid sou sitiyasyon sekirite nan zòn nan.

Nou ap kontinye swiv dosye sa pou plis enfòmasyon.

01/20/2026

Yon gwo dife eklate nan komin Bio Bio, nan peyi Chili. Dife a fè gwo dega epi lakoz lanmò plizyè moun. Otorite yo ap mennen ankèt pou konnen kòz egzak trajedi a, pandan ekip sekou yo ap kontinye pote asistans bay viktim yo.

Address

23 Hannon Street
Boston, MA
02124

Website

Alerts

Be the first to know and let us send you an email when Peterson Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Peterson Media:

Shortcuts

Share

Category