Newsroom On the Go

Home
Newsroom On the Go

Your daily rundown, wherever you go.

27/08/2026

Sinupalpal ni Senador Bam Aquino ang pahayag na maging si Ninoy Aquino ay may ginamit na alias sa naging paglilitis ng Impeachment Court kahapon, Agosto 25.

Ayon kay Aquino, totoo na ginamit ni Ninoy ang alias na Marcial Bonifacio ngunit hindi naman gumamit ng confidential funds ang namayapang senador.

Ang konteksto nito ay ang pagtatanggol na ang paggamit ng alias ay hindi naman masama at gumamit pa nga nito ang mga bayani. Ngunit dapat itong ilagay sa tamang konteksto na ang mga bayani ay gumamit ng alias upang magtago habang nakikipaglaban para sa bayan, hindi magtago sa pananagutan sa ating bayan.

12/08/2026

Patok sa social media ngayon ang mga post ng maraming residente ng Navotas City dahil hindi lumubog sa baha ang buong siyudad kahit walang hintuan ang pagbuhos ng ulan sa Metro Manila at maraming bahagi ng bansa.

Isa ang video ni Gng. Flor Alfonso na ipinakita at tuwa at pagkamangha nang makita ang isang bangka na tipikal na ginagamit sa lungsod kapag tumataas ang baha dulot ng malakas na ulan o high tide.

Pero masaya si Alfonso na nakaparada lang ito sa gilid dahil nga walang baha sa Navotas.

Tulad ni Alfonso, marami pang Navoteño ang nagpahayag ng galak na hindi na bumabaha sa Navotas dahil sa gumagana ang lahat ng pumping stations, flood gates at coastal d**e ng lungsod na nagpapanatiling tuyo sa mga kalsada at komunidad ng siyudad.

12/08/2026

Kasalukuyang nagpapagaling ang a*ong si Milo na na-rescue sa guho sa Guisad Surong landslide sa Baguio City.

Ayon sa Baguio City PIO, wala silang nakitang external injuries sa a*o matapos ito ma-rescue.

Sa kabila nito, "mildy dehyrdated" ang a*o kung kaya't agad itong binigyan ng pagkain, inumin, at electrolytes.

12/08/2026

Arestado ang isang 42-anyos na delivery rider matapos umanong holdapin ang isang burger stand sa bahagi ng E. Rodriguez Avenue, Barangay Kristong Hari, Quezon City.

Sa kuha ng CCTV noong madaling-araw ng Agosto 7, kita ang suspek habang nakasakay sa kaniyang motorsiklo. Sa isa pang anggulo, makikita ang kaniyang pagliko sa Balete Drive matapos makapang-holdap.

Ayon sa 34-anyos na biktima, bumili pa ng pagkain ang lalaki bago isinagawa ang krimen.

Nang iabot ang order, doon na nagdeklara ng holdap ang suspek at tinangay ang nasa P5,200 na kita ng burger stand.

Kahit naka-helmet ang suspek, nakalabas ang mukha nito kaya madali itong nakilala ng biktima.

Masakit para sa biktima ang nangyari dahil ibabawas pa sa kaniyang sweldo ang nanakaw na pera.

Natunton at naaresto ang suspek nitong Martes sa San Jose del Monte, Bulacan habang dumadalo sa isang pagtitipon.

Lumabas sa imbestigasyon na nabaon sa utang sa online sugal ang suspek at ilang beses nang nasangkot sa kaparehong krimen at dati nang naaresto sa Bulacan dahil sa pagnanakaw.

12/08/2026

Arestado ang isang 39-anyos na lalaki matapos mahuling nagpapanggap na miyembro ng Manila Traffic and Parking Bureau (MTPB) sa Tondo, Maynila nitong Lunes ng gabi.

Ayon kay PCapt. Ryan Jay Balagtas, Smokey Mountain police commander, dakong 6:20 p.m. nang mapansin ng mga lehitimong miyembro ng MTPB Sector 2 ang ginagawang pagpara ng suspek sa mga motoristang dumadaan sa kahabaan ng Mel Lopez Boulevard.

Matapos mabuking, sinubukan pa nitong takasan ang mga awtoridad.

Napag-alaman sa imbestigasyon na pangatlong beses na itong ginawa ng suspek, na dating miyembro rin ng MTPB ngunit natanggal sa serbisyo.

Nakumpiska mula sa suspek ang ginamit nitong MTPB uniform. Sa ngayon, nahaharap siya sa mga ka*ong usurpation of authority at illegal use of uniform or insignia.

07/08/2026

PANOORIN: Mga mambabatas, naghain ng kani-kanilang bersyon ng panukalang batas na nagpapalawig sa annual income threshold exemption sa income tax. Kapag naisabatas, mas tataas ang take-home pay ng mga working class sector.

21/07/2026

Sa ginanap na Day 8 ng Impeachment Trial ni Bise Presidente Sara Duterte kanina, buong husay na ipinakita ni Senator Bam Aquino kanina kung paano dapat na inilalatag ng isang senator-judge ang isang impartial na tanong.

Sa kanyang pagtatanong kay NBI Director Melvin Matibag, diretsa, maikli, walang ligoy, at walang insinuation ng pagpanig sa kahit kanino ang kanyang pagtatanong.

Ito rin ang nagtulak kay Matibag na sagutin nang diretsa at walang ligoy ang tanong ni Aquino.

20/07/2026

Mula sa dating ikalawang pwesto, umakyat ang Pilipinas sa unang pwesto sa ASEAN sa pinakamataas na residential power rate matapos pumalo sa ₱12.43/kWh ang average na singil sa kuryente nitong Hunyo 2026.

Ayon sa DOE, kabilang sa mga nakaapekto sa pagtaas ang serye ng yellow alerts at sunod-sunod na pagpalya ng mga power plant sa Visayas.

14/07/2026

Magpapakalat ang National Capital Region Police Office (NCRPO) ng 20,229 na mga pulis bilang bahagi ng seguridad para sa ikalimang State of the Nation Address (SONA) ni Pangulong Ferdinand Marcos Jr. sa Hulyo 27.

Ayon kay NCRPO chief Maj. Gen. Anthony Aberin, humigit-kumulang 9,700 pulis ang itatalaga para sa civil disturbance management upang mapanatili ang kaayusan at seguridad sa mga inaasahang kilos-protesta.

Bukod sa Batasang Pambansa, magbabantay rin ang mga pulis sa Malacañang, Senado, Embassy of the United States, People Power Monument, at EDSA Shrine.

Nilinaw ni Aberin na paunang bilang pa lamang ang mga nakatalagang tauhan at maaari pa itong mabago depende sa sitwasyon habang papalapit ang SONA.

Sa kasalukuyan, sinabi rin ni Aberin na wala pa silang namomonitor na anumang seryosong banta na may kaugnayan sa gaganaping SONA.

14/07/2026

Maliwanag na naipakita ng prosekusyon sa Impeachment Trial na may criminal intent si Bise Presidente Sara Duterte sa kanyang pagbibitaw ng banta na may kinausap siya para patayin ang Presidente, ang First Lady, at ang dating House Speaker.

Iyan ang naging obserbasyon ni Adolfo Azcuna, dating Associate Justice ng Supreme Court. Hindi rin umano ito maituturing na biro dahil may kapasidad ang Bise na isakatuparan ang bantang ito.

Address

Website

http://newsroomonthego.com/

Alerts

Be the first to know and let us send you an email when Newsroom On the Go posts news and promotions. Your email address will not be used for any other purpose, and you can unsubscribe at any time.