Dawei Watch TV

26/09/2025

သွေးလင်းထက်ဟာ ဝါရင့် SAM-A ကို မယှဉ်နိုင်ခဲ့ဘဲ အမှတ်နဲ့ အရေးနိမ့်သွားခဲ့ရပြီ

Dawei Watch၊ စက်တင်ဘာ ၂၆

ONE Friday Fights 126 ပြိုင်ပွဲကြီးရဲ့ ဆဌမမြောက်တွဲဆိုင်းအဖြစ် အားပြိုင်ခဲ့တဲ့ ထိုင်းဝါရင့်ဖိုက်တာကြီး SAM-A နဲ့ မြန်မာဖိုက်တာလေး သွေးလင်းထက်တို့ရဲ့ပွဲစဉ်မှာ SAM-A က သွေးလင်းထက်ကို အမှတ်နဲ့ အနိုင်ယူသွားခဲ့ပါတယ်။

ပထမပွဲချီအတွင်း နှစ်ယောက်ယှဉ်ထိုးချိန်မှာ သွေးလင်းထက်က SAM-A ရဲ့မျက်လုံးကို နှိုက်မိသလိုဖြစ်သွားလို့ SAM-A ဟာ ပွဲဆက်ထိုးဖို့အတွက် ကျန်းမာရေးဆိုင်ရာတာဝန်ရှိသူတွေရဲ့စစ်ဆေးမှုကို ခံယူလိုက်ရပါသေးတယ်။

သွေးလင်းထက်ဟာ သူအားသန်တဲ့ ပတ်တံတောင်ကွက်ကို ထုတ်သုံးဖို့ ကြိုးစားခဲ့ပေမယ့် SAM-A က အလွတ်မပေးစတမ်း ကာကွယ်သွားခဲ့လို့ ထိုင်တိုင်းမပေါက်ခဲ့ပါဘူး။

ဒါတောင်မှ ဒုတိယပွဲချီမှာ သွေးလင်းထက်ရဲ့ပတ်တံတောင်တစ်ချက်ထိမှန်လိုက်တာနဲ့ SAM-A က Knockdown ကျသွားခဲ့လို့ အမှတ်စဉ်ရေတွက်ခံလိုက်ရပါသေးတယ်။

သွေးလင်းထက်ဟာ အသာစီးအနေအထားကို ရောက်သွားသည့်တိုင် ပွဲ Tempo ကို ထိန်းချုပ်ဖို့ မတတ်တာကြောင့် SAM-A က တန်ပြန်တိုက်စစ်ဆင်လာချိန်မှာ အခက်တွေ့သွားရပါတယ်။

SAM-A ဟာ Knockdown ကျသွားပြီးတဲ့နောက် အတင်းလိုက်ကစားတာကြောင့် သွေးလင်းထက်ဟာ ကြိုးဝိုင်းဒေါင့်ဆီရောက်တဲ့အထိ နောက်ပြန်ဆုတ်လိုက်လိုက်ရပြီး ခံစစ်ကစားရတဲ့အနေအထားဆီကို ပြန်ရောက်သွားခဲ့ပါတယ်။

အထူးသဖြင့် SAM-A ရဲ့အမြင့်ခြေကန်ချက်တွေက သွေးလင်းထက်ကို ထိမှန်တာ များလွန်းတာကြောင့် အဲ့ဒီခြေကန်ချက်တွေကနေတဆင့် SAM-A ဟာ အမှတ်တွေ ပြန်လည်ရရှိသွားခဲ့ပါတယ်။

တတိယပွဲချီအရောက်မှာ SAM-A က သွေးလင်းထက်ကို Knockdown ပြန်ကျအောင် ထိုးလိုက်နိုင်လို့ အခြေအနေအရပ်ရပ်က SAM-A အသာစီးရသွားပြီဆိုတာကို ပိုပြီး ပေါ်လွင်သွားစေခဲ့ပါတယ်။

သွေးလင်းထက်ဟာ ဒုတိယပွဲချီတစ်ဝက်လောက်ကစပြီး သက်လုံကျသွားခဲ့သလို ကစားအားလည်း ထိုးကျသွားတာကြောင့် တတိယပွဲချီတစ်ခုလုံး SAM-A ကို ထိရောက်တဲ့ဖိအားပေးမှုတွေ ပြန်လုပ်နိုင်စွမ်း မရှိခဲ့ပါဘူး။

SAM-A နဲ့ အရှိန်အဝါ၊ ဝါနဲ့သမ္ဘာကို ရှိန်နေခဲ့တာကလည်း ဒီပွဲမှာ သွေးလင်းထက် ရှုံးပွဲကြုံသွားရခြင်းရဲ့အကြောင်းရင်းတစ်ခုပဲဖြစ်ပါတယ်။ ပွဲအပြီးမှာ တစ်ယောက်ကိုတစ်ယောက် အလဲမထိုးနိုင်ခဲ့လို့ အမှတ်ပေးဒိုင်လူကြီးတွေရဲ့အဆုံးအဖြတ်ကို ခံယူလိုက်ရပြီး အမှတ်ပေးဒိုင်လူကြီးအားလုံးက SAM-A ကို တညီတညွတ်တည်း အနိုင်ပေးလိုက်ကြပါတယ်။

သွေးလင်းထက်ဟာ ONE ကစားသမားဘဝဖြတ်သန်းမှုတလျှောက် ဒုတိယမြောက်ရှုံးပွဲကို ရင်ဆိုင်လိုက်ရပြီး အမေရိကန်ဒေါ်လာတစ်သိန်းနဲ့စာချုပ်ကြီးနဲ့လည်း နီးကပ်ပြီးမှ အလှမ်းပြန်ဝေးသွားရပြန်ပါတယ်။

26/09/2025

သွေးလင်းထက်ပွဲ စောင့်ကြည့်သူများ၊ မကြာခင် စတော့မယ်

Dawei Watch၊ စက်တင်ဘာ ၂၆

အခုဆိုရင် ONE Friday Fights 126 ပြိုင်ပွဲကြီး စတင်နေပါပြီ။

ဒီညမှာ ပရိသတ်တွေ စိတ်ဝင်စားမှုမြင့်တက်နေတာက မြန်မာဖိုက်တာ သွေးလင်းထက် ထိုးမယ့်ပွဲပါပဲ။ သွေးလင်းထက်ဟာ ထိုင်းဝါရင့်ဖိုက်တာ ဆမ်အေနဲ့ ထိုးရမှာပါ။

အသက် ၄၂ နှစ်အရွယ် ဆမ်အေကို အနိုင်ရခဲ့ရင် သွေးလင်းထက်ဟာ အမေရိကန်ဒေါ်လာတစ်သိန်းတန်စာချုပ်ကြီးနဲ့ နီးစပ်သွားဖို့ ရှိနေပါတယ်။

ဆမ်အေနဲ့ သွေးလင်းထက်တို့ရဲ့ပွဲကို မြန်မာစံတော်ချိန် ည ၉ နာရီခန့်မှာ ကြည့်ရဖို့ ရှိနေပါတယ်။

26/09/2025

စက်တင်ဘာလ ၂၆ ရက် တနင်္သာရီနေ့စဉ်သတင်း အစီအစဉ်

*************

Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့

- လုပ်ငန်းပိတ်သိမ်းဖို့ ကြေညာထားတဲ့ ကံပေါက်သတ္တုလုပ်ကွက်တွေ ငွေပေးပြီး ပြန်လည်ပတ်နေတဲ့အကြောင်း

- တနင်္သာရီ တကူ‌ရွာဒေသခံ ခဲမိုင်းလုပ်သားတစ်ဦး ကျောက်လုံးပြုတ်ကျပြီး ထိခိုက်သေဆုံးသွားတဲ့သတင်း

- ထားဝယ်မှာ ထီးဖြူဆောင်းပြီး ပလ္လင်ပေါ်တရားဟောတဲ့ အမျိုးသားတစ်ဦး ဖမ်းဆီးခံရတဲ့အကြောင်း

- အသက် ၈နှစ်ကျော်အရွယ် မိန်းကလေးကို အကြိမ်ကြိမ်မုဒိမ်းကျင့်ခဲ့တယ်ဆိုတဲ့လူကို ဖမ်းဆီးတဲ့သတင်း

- သရက်ချောင်း ကနက်သီရိရွာသားနှစ်ဦး ဝင်းဝတံတားဂိတ်အနီး ဖမ်းဆီးခံရတဲ့အကြောင်း

- ရွှေနဲ့ဘတ်ဈေးအတက်အကျအခြေအနေ စတဲ့သတင်းတွေကို တင်ဆက်ပေးသွားမှာပါ။

တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့ Subscribe လုပ်ထားကြဖို့ ပန်ကြားအပ်ပါတယ်။

Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတ.....

26/09/2025

စက်တင်ဘာလ ၂၆ ရက် တနင်္သာရီနေ့စဉ်သတင်း အစီအစဉ်

*************

Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့

- လုပ်ငန်းပိတ်သိမ်းဖို့ ကြေညာထားတဲ့ ကံပေါက်သတ္တုလုပ်ကွက်တွေ ငွေပေးပြီး ပြန်လည်ပတ်နေတဲ့အကြောင်း

- တနင်္သာရီ တကူ‌ရွာဒေသခံ ခဲမိုင်းလုပ်သားတစ်ဦး ကျောက်လုံးပြုတ်ကျပြီး ထိခိုက်သေဆုံးသွားတဲ့သတင်း

- ထားဝယ်မှာ ထီးဖြူဆောင်းပြီး ပလ္လင်ပေါ်တရားဟောတဲ့ အမျိုးသားတစ်ဦး ဖမ်းဆီးခံရတဲ့အကြောင်း

- အသက် ၈နှစ်ကျော်အရွယ် မိန်းကလေးကို အကြိမ်ကြိမ်မုဒိမ်းကျင့်ခဲ့တယ်ဆိုတဲ့လူကို ဖမ်းဆီးတဲ့သတင်း

- သရက်ချောင်း ကနက်သီရိရွာသားနှစ်ဦး ဝင်းဝတံတားဂိတ်အနီး ဖမ်းဆီးခံရတဲ့အကြောင်း

- ရွှေနဲ့ဘတ်ဈေးအတက်အကျအခြေအနေ စတဲ့သတင်းတွေကို တင်ဆက်ပေးသွားမှာပါ။

တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့ Subscribe လုပ်ထားကြဖို့ ပန်ကြားအပ်ပါတယ်။

26/09/2025

မြိတ်-ပုလောလမ်းပိုင်း ပိတ်ထားသဖြင့် ကားများပိတ်မိ

Dawei Watch| စက်တင်ဘာ ၂၆

မြိတ်-ပုလော ပြည်ထောင်စုကားလမ်း ယနေ့ စက်တင်ဘာလ ၂၆ ရက် နံနက်အစောပိုင်းကစပြီး လမ်းပိုင်းပိတ်ထားသဖြင့် ယင်းလမ်းပိုင်းတွင် ကားများပိတ်မိနေကြောင်း ယာဉ်လိုင်းလုပ်ငန်းလုပ်ကိုင်သူအချို့နှင့် ဒေသခံအချို့က ပြောသည်။

အဆိုပါလမ်းပိုင်းတွင် ပုလောမြို့နယ်၊ မီးလောင်ချောင်းရွာမှ မကျည်းကုန်းရွာအထိ မိုင် ၂၀ ကျော် အကွာအဝေး လမ်းပိတ်နေခြင်းဖြစ်ကြောင်း ၎င်းတို့က ဆိုသည်။

စစ်အာဏာရှင်တပ်နှင့် တော်လှန်ရေးတပ်များ နှစ်ဖက်စလုံးက ပိတ်ထားခြင်းဖြစ်ကြောင်း ယာဉ်လိုင်းလုပ်ငန်း လုပ်ကိုင်သူအချို့က ပြောဆိုသည်။

စစ်ရေးတင်းမာနေသောကြောင့် လမ်းပိတ်ထားသည်ဟု သိရပြီး ပစ်ခတ်မှုများရှိနေသည်ဟုလည်း သတင်းကြားသိရကြောင်း ၎င်းတို့က ပြောသည်။

သရက်ချောင်းမြို့နယ်သို့ Dead body (ရုပ်အလောင်း) ပို့ဆောင်ရန် မြိတ်မြို့ဘက်မှ လာစဉ် မီးလောင်ချောင်းရွာတွင် နံနက် ၆ နာရီတည်းက ပိတ်မိနေသဖြင့် ပြန်လှည့်လာရကြောင်း အရေးပေါ်လူနာကူညီသယ်ဆောင်ပေးနေသည့် ပရဟိတအဖွဲ့က အမျိုးသားတစ်ဦးက ဆိုသည်။

“လေးနာရီလောက်ကြာတယ် စောင့်နေတာ။ နောက်ဆုံး မစောင့်နိုင်လို့ ပြန်လှည့်လာလိုက်တယ်” ဟု ၎င်းက ပြောသည်။

လမ်းပိတ်ထားသဖြင့် ခရီးသည်ကားများနှင့် ကုန်တင်ကားများ၊ အိမ်စီးကားများ လမ်းတစ်လျှောက်ပိတ်မိနေပြီး မနက်ဖြန် ထွက်မည့်ကားများလည်း လမ်းကြောင်း ပြန်ဖွင့်မဖွင့် အခြေအနေကို စောင့်ကြည့်နေကြောင်း ယာဉ်လိုင်းလုပ်ငန်းလုပ်ကိုင်သူ အချို့က ပြောဆိုသည်။

“တိုက်ပွဲဖြစ်လို့ ပိတ်ထားတယ်လို့ပဲပြောတယ်။ ဘယ်နားမှာဖြစ်တာလဲတော့ မသိဘူး။ မနက်ဖြန်အထိ စောင့်ကြည့်ပြီးမှပဲ နောက်ထပ်ကား ထွက် မထွက်သိနိုင်မယ်” ဟု မြိတ်မြို့က ခရီးသည်တင်ယာဉ်လိုင်းလုပ်ငန်းလုပ်ကိုင်သည့် အမျိုးသမီးတစ်ဦးက ပြောသည်။

ယနေ့ ညနေပိုင်းအထိ ကားလမ်းပြန်ဖွင့်သည်ဟု မကြားရသေးသလို ပစ်ခတ်မှုမှာ မည်သည့်နေရာတွင်ဖြစ်နေသည်ကို အတိအကျမသိကြောင်း ယာဉ်လိုင်းလုပ်ကိုင်သူအချို့က ဆိုသည်။

အထက်အခြေအနေများနှင့်ပတ်သက်၍ အဆိုပါဒေသတွင် လှုပ်ရှားသည့် ကရင်အမျိုးသားကာကွယ်ရေးတပ်မတော်-KNDO တပ်ရင်း(၇) တပ်ခွဲ(၅) တပ်ခွဲမှူး စောဗဟုကို ဆက်သွယ်မေးမြန်းရာ အခြားနေရာသို့ ရောက်နေသဖြင့် သတင်းမသိရသေးဟု ပြန်လည်ဖြေကြားသည်။

မြိတ်-ပုလော ပြည်ထောင်စုကားလမ်း ပလမြို့ဝန်းကျင်တွင် တိုက်ပွဲများဖြစ်ပွားနေသဖြင့် အဆိုပါလမ်းပိုင်းမှာ ပြီးခဲ့သည့် ဇူလိုင်လ ကတည်းက မကြာခဏ ပိတ်ပင်ခံရလေ့ရှိသည်။

ပုံစာ - မြိတ်-ပုလောလမ်းပိုင်းတွင် ပိတ်မိနေသည့်ကားများ (ပုံဟောင်း)

26/09/2025

စစ်အာဏာရှင်တပ်၏ ရိက္ခာကားနှစ်စီးကို တနင်္သာရီ၊ရမ်းဖိုရွာတွင် မိုင်းဆွဲတိုက်ခိုက်

Dawei Watch |စက်တင်ဘာ ၂၆

မြိတ်မြို့ဘက်မှ တနင်္သာရီမြို့နယ်သို့ ပို့ဆောင်မည့် စစ်အာဏာရှင်တပ် ရိက္ခာကားနှစ်စီးကို တော်လှန်‌ရေးပူးပေါင်းတပ်များက ရမ်းဖိုရွာတွင် မိုင်းဆွဲတိုက်ခိုက်ခဲ့ကြောင်း တော်လှန်ရေးတပ်ဖွဲ့၏ ထုတ်ပြန်ချက်အရသိရသည်။

စက်တင်ဘာ ၂၅ ရက် ညနေ ၄ နာရီ ၄၅ မိနစ်ခန့်တွင် မြိတ်မြို့ဘက်မှလာသည့် စစ်အာဏာရှင်တပ် ရိက္ခာကားနှစ်စီးကို ရမ်းဖိုရွာတံတားကြီးတွင် မိုင်းနှစ်လုံးဆွဲ၍ တိုက်ခိုက်ရာ စစ်အာဏာရှင်တပ်သားများ ထိခိုက်မှုရှိကြောင်း ဗိုလ်ခရင်းတပ်ဖွဲ့၏ ထုတ်ပြန်ချက်တွင် ဖော်ပြထားသည်။

ရိက္ခာကားနှစ်စီးကို မိုင်းဆွဲတိုက်ခိုက်ပြီးနောက် ကားပေါ်တွင်လိုက်ပါလာသည့် စစ်အာဏာရှင်တပ်သား ၁၀ ဦးခန့်အပါအဝင် လမ်းကင်းယူထားသည့် စစ်အာဏာရှင်တပ်သားများနှင့် တော်လှန်‌ရေးတပ်ဖွဲ့တို့ အပြန်အလှန် ပစ်ခတ်မှုဖြစ်ပွားခဲ့ကြောင်း တော်လှန်ရေးတပ်ဖွဲ့ဝင်တစ်ဦးက ဆိုသည်။

“သူတို့ဘက်က ထိခိုက်မှုရှိတယ်။အရေအတွက်တော့ မသိရသေးဘူး။တော်လှန်ရေးတပ်ဖွဲ့ဝင်တွေက ဘေးကင်းတယ်။တိုက်ပွဲအတွင်း သူတို့ဘက်က လက်နက်ကြီး ပစ်လိုက်သေးတယ်”ဟု အထက်ပါ တပ်ဖွဲ့ဝင်က ပြောသည်။

အဆိုပါမိုင်းဆွဲတိုက်ခိုက်မှုကိုမြိတ်ပြည်သူ့ကာကွယ်ရေးအဖွဲ့၊ မြိတ်ခရိုင်ပြည်သူ့ကာကွယ်ရေးအဖွဲ့၊ တနင်္သာရီပြည်သူ့ ကာကွယ်ရေးအဖွဲ့ ဇုန် ၃ နှင့် ဗိုလ်ခရင်းတပ်ဖွဲ့ တို့က ပူးပေါင်းတိုက်ခိုက်ခဲ့ကြောင်း ထုတ်ပြန်ချက်တွင်ဖော်ပြထားသည်။

အပြန်အလှန်ပစ်ခတ်မှုဖြစ်ပြီးနောက် ရိက္ခာလာပို့သည့်ကားနှစ်စီးက တနင်္သာရီမြို့ဘက်သို့ ဆက်လက်မောင်းနှင်သွားကြောင်း တော်လှန်ရေးတပ်ဖွဲ့ဝင်အချို့ထံမှ သိရသည်။

စက်တင်ဘာလ ၂၆ ရက်(ယနေ့) နံနက်တွင်လည်း တနင်္သာရီမြို့နယ်ဘက်မှ မြိတ်မြို့သို့ပြန်လာသည့် စစ်အာဏာရှင်တပ်ယာဉ်တန်းကို တော်လှန်ရေးတပ်များက ကမ်းတိုရွာတွင် မိုင်းဆွဲတိုက်ခိုက်ခဲ့သည်ဟု သိရကြောင်း ဒေသခံတစ်ဦးက ဆိုသည်။

“ကားက ကျောက်(တင်)ကား အဖြူနဲ့အပြာဖြစ်ပြီး ထိခိုက်ဒဏ်ရာရသူတွေကို ပြန်သယ်လာတယ်လို့ သိရတယ်။နာရေးကားတစ်စီးလည်း လိုက်လာတယ်။မိုင်းဆွဲလိုက်တယ်လို့ ကြားရတယ်”ဟု အထက်ပါ ဒေသခံက ပြောသည်။

အထက်ပါမိုင်းဆွဲတိုက်ခိုက်မှုနှင့် ပတ်သက်၍ အသေးစိတ်အခြေအနေကို ဆက်လက်စုံစမ်းနေဆဲ ဖြစ်သည်။

ပုံစာ - ဗိုလ်ခရင်းတပ်ဖွဲ့ဝင်များကို တွေ့ရစဉ်။

ဓာတ်ပုံ - ဗိုလ်ခရင်းတပ်ဖွဲ့

26/09/2025

ဘန်ကောက်မှာ မြန်မာကိုယ်ဝန်သည်အမျိုးသမီးတစ်ဦး အငှားယာဉ်ပေါ် ကလေးမွေး

ဘန်ကောက်မှာ မြန်မာကိုယ်ဝန်သည်အမျိုးသမီးတစ်ဦး အငှားယာဉ်ပေါ် ကလေးမွေး - https://t.me/daweiwatchWebsite - http://www.daweiwatch.com/Facebook...

26/09/2025

UFC 5 ဂိမ်းထဲမှာ ဂျိုရှူအာဗန် ပါဝင်လာ၊ ဒီဂိမ်းရဲ့ ပထမဆုံး မြန်မာကိုယ်စားပြုဖိုက်တာ ဖြစ်ပြီ

Dawei Watch၊ စက်တင်ဘာ ၂၆

ချင်းဖိုက်တာလေး ဂျိုရှူအာဗန် ဟာ EA Sports က ဖန်တီးထုတ်လုပ်တဲ့ UFC ဂိမ်းထဲမှာ ပါဝင်လာခဲ့ပါပြီ။ Xbox နဲ့ Play Station 5 တို့မှာ ကစားလို့ရနေပြီဖြစ်တဲ့ UFC 5 ဂိမ်းထဲမှာ ဂျိုရှူအာဗန်ကို EA Sports က ထည့်သွင်းလိုက်တာပါ။

ဂျိုရှူအာဗန် ဟာ UFC ဂိမ်းမှာ ပါဝင်ခွင့်ရတဲ့ ပထမဆုံး မြန်မာကိုယ်စားပြုဖိုက်တာလေးအဖြစ်လည်း မှတ်တမ်းဝင်သွားခဲ့ပါတယ်။ EA Sports ဟာ ဂျိုရှူအာဗန်ကို ဂိမ်းထဲမှာထည့်သွင်းဖို့အတွက် ရွိုင်းဗောလ်နဲ့ ပွဲထိုးဖို့ ပြင်ဆင်နေချိန်ကတည်းက ရိုက်ကူးရေးတွေ လာရောက်ဆောင်ရွက်ခဲ့တာပါ။

အခုလို ကမ္ဘာကျော်ဂိမ်းကြီးမှာ ဂိမ်းဇာတ်ကောင်အဖြစ် ပါဝင်ခွင့်ရသွားတဲ့အတွက် ဂျိုရှူအာဗန် ဟာ ပုံရိပ်အသုံးပြုခဆိုင်ရာ အကျိုးခံစားခွင့်တွေလည်း အများအပြား ရရှိလာတော့မှာပဲဖြစ်ပါတယ်။

တချို့သော ဂိမ်းကစားသူတွေဟာ UFC ဂိမ်းထဲမှာ ဂျိုရှူအာဗန် ပါဝင်လာပြီဆိုတဲ့သတင်းကို ကြားသိလိုက်ရအပြီးမှာ ဂျိုရှူအာဗန်နဲ့ ပန်တိုဂျာ ထိုးတဲ့ပွဲကို ဖန်တီးပြီး အပြိုင်အဆိုင် စတင်ဆော့ကစားနေပြီပဲဖြစ်ပါတယ်။

ပန်တိုဂျာနဲ့ ဂျိုရှူအာဗန်တို့ဟာ လာမယ့်ဒီဇင်ဘာလကိုရောက်ရင် ပွဲထိုးရတော့မှာဖြစ်ပြီး ဒီပွဲက ဂျိုရှူအာဗန်အတွက် ခါးပတ်လုပွဲ၊ ပန်တိုဂျာအတွက် ချန်ပီယံခါးပတ်ကာကွယ်ပွဲအဖြစ် အသက်ဝင်လာမှာဖြစ်ပါတယ်။

UFC ဂိမ်းထဲမှာ ဂိမ်းဇာတ်ကောင်အဖြစ် သူ ပါဝင်လာပြီဆိုတဲ့အကြောင်းကို သူ့ရဲ့ကစားအားပါဝါတွေ၊ ကြယ်ပွင့်အဆင့်သတ်မှတ်ချက်တွေနဲ့အတူ ဂျိုရှူအာဗန်ကလည်း သူ့ရဲ့ page မှာ လွှင့်တင်ဖော်ပြပြီး အတည်ပြုထားပြီဖြစ်ပါတယ်။

26/09/2025

ထားဝယ်မှာ ထီးဖြူဆောင်းပြီး ပလ္လင်ပေါ်တရားဟောတဲ့ အမျိုးသားတစ်ဦး ဖမ်းဆီးခံရ

ထားဝယ်မှာ ထီးဖြူဆောင်းပြီး ပလ္လင်ပေါ်တရားဟောတဲ့ အမျိုးသားတစ်ဦး ဖမ်းဆီးခံရ - https://t.me/daweiwatchWebsite - http://www.daweiwatch.com/Fa...

26/09/2025

လုပ်ငန်းပိတ်သိမ်းဖို့ ကြေညာထားတဲ့ ကံပေါက်သတ္တုလုပ်ကွက်တွေ ငွေပေးပြီး ပြန်လည်ပတ်

လုပ်ငန်းပိတ်သိမ်းဖို့ ကြေညာထားတဲ့ ကံပေါက်သတ္တုလုပ်ကွက်တွေ ငွေပေးပြီး ပြန်လည်ပတ် - https://t.me/daweiwatchWebsite - http://www.dawe...

26/09/2025

နေတိုးနှင့် EU က ရုရှားပေါ် အမှန်တကယ်စစ်ကြေညာထားပြီးဖြစ်ဟု ရုရှားက ကုလတွင် စွပ်စွဲ

Dawei Watch | စက်တင်ဘာ ၂၆

နေတိုးနှင့် ဥရောပသမဂ္ဂ (EU) သည် ယူကရိန်းကို အသုံးချကာ ရုရှားအပေါ် စစ်ပွဲဆင်နွှဲနေကြောင်း ရုရှားနိုင်ငံခြားဝန်ကြီးက ကုလသမဂ္ဂတွင် စက်တင်ဘာလ ၂၅ ရက်က ပြောကြားလိုက်သည်။

ယူကရိန်းအနေဖြင့် ၎င်းတို့ ဆုံးရှုံးထားသည့် ပိုင်နက်အားလုံးကို ပြန်ယူနိုင်မည်ဟု ယူဆကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့ပြီးနှစ်ရက်အကြာတွင် ရုရှားနိုင်ငံခြားရေးဝန်ကြီးက ကုလသမဂ္ဂ၌ G-20 နိုင်ငံခြားရေး ဝန်ကြီးများ အစည်းအဝေးတွင် ယင်းသို့ ပြောကြားခဲ့ခြင်း ဖြစ်သည်။

“နောက်ထပ်ရှင်းလင်းတဲ့ ဥပမာတစ်ခုကတော့ ယူကရိန်းမှာ ဖြစ်နေတဲ့ အကျပ်အတည်းဟာ အနောက်အုပ်စုရဲ့ လှုံ့ဆော် သွေးထိုးမှုကြောင့် ဖြစ်တယ်ဆိုတာပါပဲ။ နေတိုးနဲ့ ဥရောပသမဂ္ဂ (EU) ဟာ ကျွန်တော့်နိုင်ငံအပေါ် တကယ့်စစ်ပွဲတစ်ခု ကြေညာထားခဲ့ပြီးပါပြီ။ ဒီစစ်ပွဲမှာ သူတို့က တိုက်ရိုက်ပါဝင်နေကြတာပါ” ဟု ရုရှားနိုင်ငံခြားရေးဝန်ကြီး Sergei Lavrov က ဆိုသည်။

ရုရှားနိုင်ငံခြားရေးဝန်ကြီး Sergei Lavrov သည် အလားတူ မှတ်ချက်များကို ယခင်ကလည်း ပြောဆိုခဲ့ဖူးသည်။

သို့သော် ယခုတစ်ကြိမ်တွင်မူ ကုလသမဂ္ဂအဆောက်အအုံ၌ G-20 နိုင်ငံခြားရေးဝန်ကြီးများရှေ့တွင် ပြောဆိုခြင်းဖြစ် သောကြောင့် ယခင်ကနှင့်မတူဘဲ ပိုမိုလေးနက်ပြင်းထန်သည့် အဓိပ္ပါယ်သက်ရောက်ကြောင်း Reuters သတင်းဌာနက ဖော်ပြသည်။

ရုရှားနိုင်ငံခြားရေးဝန်ကြီး၏ ပြောဆိုမှုမှာ လိုရာဆွဲ မမှန်မကန်ပြောဆိုမှုဟု ဗြိတိန်က ဆိုသည်။

မကြာသေးမီက နေတိုးအဖွဲ့ဝင် ပိုလန်၊ အက်စတိုးနီးယား စသည့်နိုင်ငံများ၏ လေပိုင်နက်အတွင်းသို့ ရုရှားဒရုန်းများ ကျူးကျော်ဝင်ရောက်မှုများကြောင့်လည်း နေတိုး ၊ ဥရောပသမဂ္ဂ(EU) နှင့် ရုရှားတို့အကြား တင်းမာမှုများမှာ ပိုမိုမြင့်မားလာခဲ့သည်။

Source: Reuters

ပုံစာ - ရုရှားနိုင်ငံ ၊ မော်စကိုမြို့မှ အခမ်းအနားတစ်ခုသို့ ရုရှားနိုင်ငံခြားရေးဝန်ကြီး Sergei Lavrov ရောက်ရှိလာသည်ကို စက်တင်ဘာလ ၂၂ ရက်က တွေ့ရစဉ်။

ဓာတ်ပုံ - REUTERS/Evgenia

26/09/2025

ဘန်ကောက်မှာ မြန်မာကိုယ်ဝန်သည်အမျိုးသမီးတစ်ဦး အငှားယာဉ်ပေါ် ကလေးမွေး