Critter craze education & jobs

28/07/2025

2025ലെ ഓണക്കിറ്റിൽ എന്തെല്ലാം ഉണ്ടാകും?

വെളിച്ചെണ്ണ- 500ML

പഞ്ചസാര- 500 ഗ്രാം

ചെറുപയർ പരിപ്പ്

സേമിയ പായസം മിക്‌്

മിൽമ നെയ്യ്

കശുവണ്ടി പരിപ്പ്

സാമ്പാർ പൊടി

മുളകുപൊടി

മഞ്ഞൾപ്പൊടി

മല്ലിപ്പാടി

തേയില

ചെറുപയർ

തുവരപരിപ്പ്

ഉപ്പ്

തുണി സഞ്ചി

25/07/2025

എല്ലാവർക്കും ഇല്ല

എല്ലാ വിഭാഗം ഹൈ ടെൻഷൻ, എക്സ്ട്രാ ഹൈ ടെൻഷൻ ഉപഭോക്താക്കൾക്കും 20 കിലോവാട്ടിനു മുകളിൽ കണക്റ്റഡ് ലോഡുള്ള ലോ ടെൻഷൻ വ്യാവസായിക ഉപഭോക്താക്കൾക്കും പ്രതിമാസം 250 യൂണിറ്റിലധികം വൈദ്യുതി ഉപയോഗിക്കുന്ന ഗാർഹിക ഉപഭോക്‌താക്കൾക്കും ആണ് നിലവിൽ TOD അഥവ ടൈം ഓഫ് ഡേ ബില്ലിംഗ് ഏർപ്പെടുത്തിയിട്ടുള്ളത് .

ദിവസത്തെ T1, T2, T3 എന്നിങ്ങനെ മൂന്ന് ടൈം സോണുകളായി തിരിച്ചാണ് ഈ വിഭാഗങ്ങളിൽ വരുന്ന ഉപഭോക്താക്കൾക്ക് ബില്ലിംഗ് ചെയ്യുന്നത്.

പ്രതിമാസം 250 യൂണിറ്റിലധികം വൈദ്യുതി ഉപയോഗിക്കുന്ന ഗാർഹിക ഉപഭോക്താക്കൾക്ക് താഴെപ്പറയുന്ന പ്രകാരമാണ് ബിൽ ചെയ്യുക.

T 1 - രാവിലെ 6 മുതൽ വൈകുന്നേരം 6 വരെയുള്ള 12 മണിക്കൂർ സമയത്ത് താരിഫ് നിരക്കിനെക്കാൾ 10% കുറവ് നിരക്കായിരിക്കും ഈടാക്കുക.

T2 - വൈകുന്നേരം 6 മുതൽ രാത്രി 10 വരെ 4 മണിക്കൂർ സമയം താരിഫ് നിരക്കിനെക്കാൾ 25% കൂടുതൽ നിരക്ക് നൽകേണ്ടിവരും

T3 - രാത്രി 10 മുതൽ രാവിലെ 6 വരെയുള്ള 8 മണിക്കൂർ സമയത്ത് അതത് താരിഫ് നിരക്കിൽത്തന്നെ വൈദ്യുതി ഉപയോഗിക്കാം.

ഗാർഹിക ഉപഭോക്താക്കൾ ഉയർന്ന വൈദ്യുതി ആവശ്യകതയുള്ള പമ്പ് സെറ്റ്, ഇസ്തിരിപ്പെട്ടി, വാട്ടർ ഹീറ്റർ, മിക്സി, ഗ്രൈൻഡർ തുടങ്ങിയവയുടെ ഉപയോഗം പകൽ സമയത്തേക്ക് മാറ്റിയാൽ 35% വരെ പണം ലാഭിക്കാൻ കഴിയുമെന്ന് സാരം.

മറിച്ചുള്ള പ്രചാരണങ്ങൾ വസ്തുതാവിരുദ്ധമാണ്.

24/07/2025

പാലക്കാട്‌ തൃശൂർ മണ്ണുത്തി എറണാകുളം ഹൈവേ തൃശൂർ പാലിയേക്കര ടോൾ പ്ലാസയിൽ ടോൾ കൊടുക്കാതെ പോകാം

24/07/2025

വെളിച്ചെണ്ണ വില 500 കടന്നു

സംസ്ഥാനത്ത് കത്തിക്കയറി വെളിച്ചെണ്ണ വില. ചില്ലറ വിപണിയിൽ ഇന്ന് ഒരു ലിറ്റർ വെളിച്ചെണ്ണയുടെ വില 525 രൂപയാണ്. നാളികേര ഉൽപാദനം കുറഞ്ഞതും നാളികേരത്തിനും കൊപ്രയ്ക്കും വില കൂടിയതുമാണ് വെളിച്ചെണ്ണ വില കുതിച്ചുയരാൻ കാരണമായത്.കിലോയ്ക്ക് 71 മുതൽ 80 വരെയാണ് നാളികേരത്തിന്റെ മൊത്തവില. ചില്ലറ വിൽപന ഇതിലും കൂടുതലാണ്. ചിരട്ടയ്ക്കും വില കൂടിയിട്ടുണ്ട്.

24/07/2025

24/07/2025

ബിഗ് ബോസിനായി മോഹൻലാൽ വാങ്ങുന്നത് കോടികൾ

ഇന്ത്യയിലെ ഏറ്റവും വലിയ റിയാലിറ്റി ഷോകളിൽ ഒന്നാണ് ബിഗ് ബോസ്. ഹിന്ദി ഷോയ്ക്കായി സൽമാൻ ഖാൻ വാങ്ങുന്ന പ്രതിഫലത്തിൻ്റെ കണക്കുകളാണ് പുറത്തുവന്നിരിക്കുന്നത്. 19-ാം സിസണായി ഏകദേശം 120-150 കോടി രൂപ സൽമാൻ പ്രതിഫലം വാങ്ങുന്നതായാണ് റിപ്പോർട്ട്.അതേസമയം മലയാളം സീസണിന്റെ അവതാരകനായ മോഹൻലാൽ വാങ്ങുന്ന പ്രതിഫലത്തിൻ്റെ കണക്കുകൾ പുറത്തുവന്നിട്ടില്ല. ആദ്യ സീസണിൽ 12 കോടി രൂപയാണ് താരത്തിന് ലഭിച്ചത്. തുടർന്നു വന്ന സീസണിൽ പ്രതിഫലം 18 കോടിയായി ഉയർത്തിയെന്നും റിപ്പോർട്ടുകൾ ഉണ്ടായിരുന്നു.

16/07/2025

സമൂസയും ജിലേബിയും നിങ്ങളെ ഹൃദ്രോഗിയാക്കും ?

സമൂസയിലും ജിലേബിയിലും എത്ര കലോറി അടങ്ങിയിട്ടുണ്ടെന്നറിയാമോ? കൊതി തോന്നുമ്പോൾ കഴിക്കുമെങ്കിലും ഇതെങ്ങനെ ഹാനികരമെന്ന് നോക്കാം.100 ഗ്രാം ജിലേബിയിൽ ഏകദേശം 366 കലോറിയാണ് അടങ്ങിയിട്ടുള്ളത് ഒരു സമൂസയിൽ 308 കലോറിയാണ് അടങ്ങിയിട്ടുള്ളത്.ഇത് ഹൃദ്രോഗ സാധ്യതയും അമിതവണ്ണവും വർദ്ധിപ്പിക്കുന്നു.സമൂസ, ജലേബി എന്നിവയിൽ ഉയർന്ന അളവിൽ ട്രാൻസ് ഫാറ്റും ശുദ്ധീകരിച്ച പഞ്ചസാരയും അടങ്ങിയതിനാൽ കാർഡിയോളജിസ്റ്റുകൾ ഹൃദയ സംബന്ധമായ അസുഖങ്ങൾക്ക് ഇവ കാരണമാകുമെന്ന് വ്യക്തമാക്കുന്നു.

15/07/2025

ഉഴുന്നു വടക്ക് നടുവിലെ ദ്വാരം വെറുതെയല്ല, കഴിച്ചാല്‍ പോരാ.. ഇതുമറിയണം

ചായക്കൊപ്പം ഒരു വട കഴിക്കുമ്ബോള്‍ അതിന്റെ നടുവിലെ ദ്വാരം എപ്പോഴെങ്കിലും നിങ്ങളുടെ ശ്രദ്ധയില്‍പ്പെട്ടിട്ടുണ്ടോ

സാധാരണയായി, വടകള്‍, പ്രത്യേകിച്ച്‌ ഉഴുന്നുവട പോലുള്ള ദക്ഷിണേന്ത്യൻ പലഹാരങ്ങള്‍, കട്ടി കൂടുതലുള്ളവയാണ്. ദ്വാരമില്ലാതെ വറുക്കുകയാണെങ്കില്‍, വടയുടെ പുറംഭാഗം പെട്ടെന്ന് പാകമാവുകയും എന്നാല്‍ ഉള്‍ഭാഗം വേവാതെ പച്ചയായി ഇരിക്കുകയും ചെയ്യും. ഈ ദ്വാരം ചൂടുള്ള എണ്ണയെ വടയുടെ പുറത്തും അകത്തും ഒരേപോലെ എത്താൻ സഹായിക്കുന്നു. ഇത് വട നന്നായി വേവുന്നു എന്ന് ഉറപ്പാക്കുന്നു, പുറത്ത് നല്ല ക്രിസ്പിയും അകം മൃദുവുമായി മാറാൻ ഇത് സഹായിക്കുന്നു. ഡോനട്ടുകള്‍ ഉണ്ടാക്കുന്ന രീതിക്ക് സമാനമാണിത്.

ഒരു ദ്വാരം ഉണ്ടാക്കുന്നതിലൂടെ വടയുടെ ഉപരിതല വിസ്തീർണ്ണം വർദ്ധിക്കുന്നു. ഇത് എണ്ണയ്ക്ക് മാവിന്റെ ഉള്ളിലേക്ക് കൂടുതല്‍ ആഴത്തില്‍ ഇറങ്ങിച്ചെല്ലാൻ അനുവദിക്കുകയും, പാചക സമയം കുറയ്ക്കുകയും മൊത്തത്തിലുള്ള ഘടന മെച്ചപ്പെടുത്തുകയും ചെയ്യുന്നു. അങ്ങനെ, മുഴുവൻ വടയും കൂടുതല്‍ കാര്യക്ഷമമായും ഏകതാനമായും പാകമാകുന്നു, ഇത് സ്വർണ്ണനിറത്തിലുള്ള, ക്രിസ്പി പുറംഭാഗവും നന്നായി വേവിച്ച മധ്യഭാഗവും ഉറപ്പാക്കുന്നു.

ദ്വാരത്തിന്റെ മറ്റ് ഗുണങ്ങള്‍

വട എണ്ണയില്‍ വറുക്കുമ്ബോള്‍ അതിന്റെ ആകൃതി നിലനിർത്താൻ ഈ ദ്വാരം സഹായിക്കുന്നു.

അധിക എണ്ണ കൂടുതല്‍ എളുപ്പത്തില്‍ ഊർന്നുപോകാൻ അനുവദിക്കുന്നു, അതുവഴി വട അമിതമായി എണ്ണമയമാകുന്നത് തടയുന്നു.

ദ്വാരം ഉള്ളതുകൊണ്ട് എല്ലാ ഭാഗത്തേക്കും ചൂട് ഒരുപോലെ എത്തുന്നു. ഇത് പുറംഭാഗം ക്രിസ്പിയും ഉള്‍ഭാഗം മൃദുവുമായി നിലനിർത്താൻ സഹായിക്കുന്നു.

15/07/2025

പെറ്റി അടയ്ക്കാത്ത വാഹനത്തിലാണോ കറക്കം?

എ.ഐ ക്യാമറയിൽ കുടുങ്ങി പല തവണ പിഴ കിട്ടിയിട്ടും അടയ്ക്കാതെ അതേ വാഹനത്തിൽ തന്നെ സവാരി നടത്തുന്നവരെ പൂട്ടാൻ മോട്ടോർ വാഹനവകുപ്പ്. നിയമലംഘനവും പിഴയടയ്ക്കാതിരിക്കലും ശീലമാക്കിയവരുടെ വാഹനങ്ങൾ കസ്റ്റഡിയിലെടുക്കും. പിടിച്ചെടുക്കുന്ന വാഹനങ്ങൾ പ്രത്യേക സ്ഥലത്ത് സൂക്ഷിക്കും. പിഴപ്പലിശ സഹിതം അടച്ച് തീർത്ത് നിയമ നടപടികൾ പൂർത്തിയാക്കുമ്പോൾ അതുവരെ വാഹനം സൂക്ഷിച്ചതിൻ്റെ വാടക കൂടി ഈടാക്കും. പിഴ വകപ്പിനും വാടക സ്വകാര്യ സംരംഭകനും ലഭിക്കും

14/07/2025

പുതിയ ഇലക്‌ട്രോണിക് ഉപകരണങ്ങള്‍, ഷൂസ്, ബാഗ്, ചില മരുന്നുകളൊക്കെ വാങ്ങുമ്ബോള്‍ അതിനകത്ത് വെളുത്ത നിറത്തിലുള്ള ചെറിയ പാക്കറ്റ് ശ്രദ്ധിച്ചിട്ടുണ്ടോ?

സിലിക്ക ജെല്‍, കഴിക്കരുത്' എന്ന മുന്നറിയിപ്പോടെയുള്ള ഈ ചെറിയ പാക്കറ്റ് നമ്മള്‍ പലപ്പോഴും കാണാറുണ്ട്. യഥാർത്ഥത്തില്‍ എന്താണ് ഈ സാധനം, ഇത് ടോക്സിക്കാണോ, ഇത് എന്തിനാണ് ഉപയോഗിക്കുന്നത് തുടങ്ങിയ നിരവധി ചോദ്യങ്ങള്‍ ഏവരുടെയും മനസില്‍ ഉയർന്നുവരും.

പ്രകൃതിയെ നിയന്ത്രിക്കുകയെന്നത് നമ്മളെക്കൊണ്ട് പറ്റുന്ന കാര്യമല്ല. എന്നാല്‍ ബാഗിനുള്ളിലും മറ്റും കാണുന്ന ഈ ചെറിയ പാക്കറ്റ് അന്തരീക്ഷത്തില്‍ നിന്ന് ഈർപ്പം നീക്കം ചെയ്യാൻ സഹായിക്കുന്നു. കുറച്ചുകൂടി വ്യക്തമായി പറഞ്ഞാല്‍ ബാഗും ഷൂസുമടക്കമുള്ള വസ്തുക്കള്‍ പല സ്ഥലത്തേക്ക് കൊണ്ടുപോകുമ്ബോഴും, അവ സൂക്ഷിച്ചുവയ്ക്കുമ്ബോഴുമൊക്കെ അതീവ ശ്രദ്ധ ആവശ്യമാണ്. ഈർപ്പമുള്ള സാഹചര്യത്തില്‍ ലോഹം തുരുമ്ബെടുക്കും, ബാഗ് പോലുള്ളവയില്‍ പൂപ്പല്‍, സൂക്ഷ്മാണുക്കള്‍ എന്നിവ ഉണ്ടാകാൻ കാരണമാകുന്നു. ഈ അവസ്ഥ ഒഴിവാക്കി തങ്ങളുടെ പ്രൊഡക്‌ട് കേടുകൂടാതിരിക്കാൻ വേണ്ടിയാണ് നിർമാതാക്കള്‍ ഈ ചെറിയ പാക്കറ്റ് അതിനുള്ളില്‍ വയ്ക്കുന്നത്.

പൊതുവെ സിലിക്ക ജെല്‍ ആണ് സാഷെ പാക്കറ്റുകളിലാക്കി മിക്ക നിർമാതാക്കളും തങ്ങളുടെ ഉത്പന്നങ്ങളില്‍ വയ്ക്കുന്നത്. ഈർപ്പം വലിച്ചെടുക്കാനുള്ള കഴിവ് ഇതിനുണ്ട്. ജെല്‍ എന്ന് പറയാറുണ്ടെങ്കിലും ഖരാവസ്ഥയിലാണ് ഇവയെ കാണുന്നത്.

സിലിക്ക ജെല്‍ അപകടകാരിയോ?

'കഴിക്കാൻ പാടില്ല' എന്ന് മിക്ക സിലിക്ക ജെല്ലിന്റെ പാക്കറ്റിലും കാണാൻ സാധിക്കും. ആരോഗ്യ വിദഗ്ധരുടെ അഭിപ്രായത്തില്‍, എല്ലാ സാഷെകളും ടോക്സിക് അല്ല. എന്നാല്‍ ശരീരത്തിനുള്ളിലെത്തിയാല്‍ ചിലത് ശ്വാസം മുട്ടല്‍ പോലുള്ള അസ്വസ്ഥതകള്‍ ഉണ്ടാക്കുന്നു. അതിനാല്‍ത്തന്നെയാണ് ഇത് കുട്ടികളില്‍ നിന്നും വളർത്തുമൃഗങ്ങളില്‍ നിന്നും അകറ്റി നിർത്തണമെന്ന് പറയുന്നത്. സിലിക്ക ജെല്‍ അബദ്ധത്തില്‍ ശരീരത്തിനുള്ളില്‍ പോയാല്‍ ഉടൻ തന്നെ ഡോക്ടറെ കാണണം.

റീചാർജ് ചെയ്യാം

തുറന്നുവച്ചിരിക്കുന്ന പാത്രങ്ങളിലോ തുറസായ ഇടങ്ങളിലോ സിലിക്ക ജെല്‍ ഇട്ടു വച്ചതു കൊണ്ട് പ്രത്യേകിച്ച്‌ ഉപയോഗമൊന്നും ഉണ്ടാകില്ല. ഈർപ്പം വലിച്ചെടുക്കാനായി ബാഗിനുള്ളിലോ അടച്ചുവച്ച പാത്രങ്ങള്‍ക്കുള്ളിലോ, ചെറിയ പെട്ടികള്‍ക്കുള്ളിലോ ഒക്കെയാണ് സിലിക്ക ജെല്‍ പാക്കറ്റുകള്‍ ഇട്ടു വയ്‌ക്കേണ്ടത്. ദീർഘനാള്‍ ഉപയോഗിക്കുമ്ബോള്‍ സിലിക്ക ജെല്ലിന് ഈർപ്പത്തെ ആഗിരണം ചെയ്യാനുള്ള ശേഷി നഷ്ടമാകും.

എന്നാല്‍ ഇവ എളുപ്പത്തില്‍ പുനരുപയോഗിക്കാൻ കഴിയും. സിലിക്ക ജെല്‍ 'റീചാർജ്' ചെയ്യാനായി ഇത് ഏകദേശം 115 - 125 ഡിഗ്രി സെല്‍ഷ്യസില്‍ രണ്ട് - മൂന്ന് മണിക്കൂർ അടുപ്പില്‍ വയ്ക്കാം. ചൂടില്‍ ഉരുകിപ്പോകുന്ന പ്ലാസ്റ്റിക് പാക്കറ്റിലാണെങ്കില്‍ ഈ രീതി പറ്റില്ല.

അല്ലെങ്കില്‍ നല്ല വെയിലുള്ള ദിവസം സിലിക്ക ജെല്‍ പാക്കറ്റുകള്‍ കുറച്ച്‌ മണിക്കൂറുകള്‍ വെയിലത്ത് വയ്ക്കാം. നല്ല വെയിലേല്‍ക്കുമ്ബോള്‍ ആഗിരണം ചെയ്ത ഈർപ്പം നീക്കം ചെയ്യപ്പെടുകയും വീണ്ടും ഉപയോഗിക്കാൻ സാധിക്കുകയും ചെയ്യുന്നു.

ഇത്തരത്തില്‍ 'റീചാർജ് ചെയ്ത ശേഷം ഇലക്‌ട്രോണിക് വസ്തുക്കളിലെ വെള്ളം കളയാൻ ഉപയോഗിക്കാനാകും. ഉദാഹരണത്തിനിം മൊബൈല്‍ ഫോണില്‍ വെള്ളം കറിയാല്‍ ഒരു ചെറിയ ബാഗില്‍ സിലിക്ക ജെല്‍ പാക്കറ്റ് നിറച്ച്‌ അതിനുള്ളില്‍ ഫോണ്‍ ഇറക്കിവയ്ക്കാം. ഇങ്ങനെ ചെയ്താല്‍ എളുപ്പം ഫോണിലെ വെള്ളം വലിച്ചെടുക്കും.

11/07/2025

ISL 2025-26 സീസൺ റദ്ദ് ചെയ്തതായി റിപ്പോർട്ട്

10/07/2025

ഷവർമ ലോകത്തിലെ മികച്ച സാൻവിച്ച് ആയി തിരഞ്ഞെടുക്കപ്പെട്ടു

കേരളത്തിൽ പ്രിയപ്പെട്ട ഷവർമ ലോകത്തിലെ മികച്ച സാൻവിച്ചുകളുടെ പട്ടികയിൽ 1-ാം സ്ഥാനം നേടി. ടേസ്റ്റ് അറ്റ്ലസ് തയ്യാറാക്കിയ 100 സാൻവിച്ചുകളുടെ പട്ടികയിലാണിത്. 2-ാം സ്ഥാനത്ത് വിയറ്റ്നാമീസ് ബാൻ മി, 3-ാം സ്ഥാനത്ത് തുർക്കിയിലെ ടോംബിക് ഡോണർ. വടാപാവ് 26-ാം സ്ഥാനത്ത്. 2000-കളിൽ ഗൾഫിൽ നിന്ന് മടങ്ങിയ മലയാളികളാണ് ഷവർമ കേരളത്തിൽ പ്രചാരത്തിലാക്കിയത്.