SouthOkkala News II (2025)

03/09/2023

တ/ဥက္ကလာ ၊ ၇ ရပ်ကွက် ၊ ၁၅ လမ်း ( ခ ) ထဲသို့ ယခုည ၁၀:၃၀ ခန့်က ခွေးများ ဧည့်စာရင်းဝင်ရောက်စစ်ဆေးခဲ့ပြီး ......

ထိုလမ်းအတွင်းရှိ အမျိုးသမီးအဆောင်မှ အမျိုးသမီးများကို ဖမ်းဆီးခေါ်ဆောင်သွားတယ်လို့ သိရှိရပြီး ဖမ်းဆီးခံရသည့် ဦးရေနှင့် ဖြစ်စဉ်အသေးစိတ်ကို စုံစမ်းနေဆဲဖြစ်သည်။

စက်တင်ဘာ ၃

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

23/07/2023

တဥက္ကလာပမြို့နယ်အတွင်း ဘယ်ထရီဆိုင်ကယ်နှင့် ဆိုင်ကယ်များကို ဖမ်းဆီး ၊ သိမ်းဆည်း မှုများပြုလုပ်နေ -

တ/ဥက္ကလာပမြို့နယ် တခုလုံးအတွင်း ဘယ်ထရီဆိုင်ကယ် နှင့် ဆိုင်ကယ်များကို ယခု မနက်ပိုင်းမှစ၍ ညနေပိုင်း ၃:၃၀ အချိန်အထိ စီမံချက်ဖြင့် ဖမ်းဆီးမည် ဖြစ်ကြောင်း သိရှိရပါသည်။

ယမန်နေ့ ညပိုင်း ၁၀ ခန့်တွင်လဲ တ/ဥက္ကလာ ၊ ၄ ရပ်ကွက်အတွင်း ဘယ်ထရီစက်ဘီး နှင့် ဘယ်ထရီဆိုင်ကယ် ရှိသည့်နေအိမ်ကို ဝင်ရောက်စစ်ဆေးမှုများ ပြုလုပ်ခဲ့သည်။

July 23

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

04/07/2023

တ/ဥက္ကလာပမြို့နယ်အတွင်း ယခုည ၈:၄၅ အချိန်တွင် ပေါက်သံအကျယ်ကြီး ကြားလိုက်ရ 💥

Update -
၉:၁၇ အချိန်တွင်လဲ ပေါက်သံ ထပ်ကြားရ 💥

Update -
9:20 ထပ်ပေါက် 💥

ဇူလိုင် ၄

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

01/05/2023

တ/ဥက္ကလာ ၊ ၁၃ ရပ်ကွက် ၊ ဝရုဏာ ၄ လမ်းတွင် ၆:၅၇ မိနစ်ခန့် မီးလောင်မှုဖြစ်ပွားပြီး Level 1 ယာဉ်အုပ်စုဖြင့် ၇:၁၁ မိနစ် အချိန်တွင် မီးထိန်းနိုင်ခဲ့ကြောင်း သိရှိရပါသည်။

၇:၁၅ အချိန်တွင် မီးငြိမ်းပါသည်။

မေ ၁

28/02/2023

တ/ဥက္ကလာ ၊ သစ္စာလမ်းပေါ် ရဲစခန်းအနီးတွင် ယခုည ၈:၃၀ ခန့်က အဌားယာဉ် ( Taxi ) တစီး မီးလောက်မှုဖြစ်ပွားပြီး တဦးသေဆုံး ၊ ကျန်တဦးမှာလဲ ထိခိုက်မှုပြင်းထန်တယ်လို့ သိရပါတယ်။

ထိုယာဉ်မီးလောင်မှုကြောင့် မီးသတ်ယာဉ်နှင့် ဆေးရုံကားများရောက်ရှိလာခဲ့ပြီး ထိခိုက်မှုပြင်းထန်လူနာကို သက်ဆိုင်ရာမှ သင်္ဃန်းကျွန်းဆေးရုံသို့ပို့ဆောင်ခဲ့ကြောင်း သိရှိရပါသည်။

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

23/02/2023

တ/ဥက္ကလာ ၊ သင်္ဃန်းကျွန်းနှင့် မြောက်ဒဂုံမြို့နယ်များရှိ ရပ်ကွက်များမှ ယခုည ၁၀:၄၇ အချိန်တွင် ပစ်သံများဆက်တိုက်ကြားလိုက်ရ

မည်သည့်နေရာတွင် ပစ်ခတ်မှုဖြစ်သည်ကို အတည်ပြုနေဆဲဖြစ်သည်

ဖေဖော်ဝါရီ ၂၃

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

08/02/2023

တ/ဥက္ကလာ ( မီးလောင်မှုသတင်း )

၁၄ ရပ်ကွက် ၊ စီမံကိန်း ၁ ၊ သရဖီလမ်းတွင် ယခုည ၇:၃၈ ခန့်က မီးလောင်မှုဖြစ်ပွားကြောင်း သတင်းရရှိသဖြင့် တောင်ဥက္ကလာပမြို့နယ် မီးသတ်စခန်းမှ မီးသတ်ယာဉ်များ ထွက်ခွာငြှိမ်းသတ်လျက်ရှိကြောင်း သိရှိရပါသည်။

Update -
၇:၄၅ အချိန်ခန့်တွင် မီးငြိမ်းပါသည်။

ဖေဖော်ဝါရီ ၈

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

27/01/2023

" တသံတည်းညီ တချီတည်းရုန်း "

●──●──●──●──●──●──●

တိတ်ဆိတ်ခြင်းရဲ့ ကျယ်လောင်တဲ့ အသံတွေနဲ့ ကျနော်တို့ဟာ စစ်အာဏာရှင်ကို ခြောက်ခြား တုန်လှုပ်အောင် အကြိမ်ကြိမ် အခါခါ ပြုလုပ်ပြီးခဲ့ကြပြီးပါပြီ။ လာမယ့် ၂၀၂၃ ခုနှစ် ၊ ဖေဖော်ဝါရီလ ၁ ရက်နေ့ဟာ စစ်အာဏာသိမ်းမှု ( ၂ ) နှစ်ပြည့်ချိန် ၊ ပြည်သူ့နွေဦးတော်လှန်ရေး ( ၂ ) နှစ်ပြည့်ချိန်လည်းဖြစ်ပါတယ်။ အဲ့ဒီနေ့မှာ ကမ္ဘာကြီးကို ကျွန်တော်တို့ ပြည်သူတွေဟာ အကြမ်းဖက်စစ်ကောင်စီရဲ့ ရက်စက်ဖိနှိပ်မှုတွေကြားထဲကပဲ ရရာ နည်းပေါင်းစုံနဲ့ ဆက်လက်တိုက်ပွဲဝင်နေကြောင်း ထပ်မံ မှတ်ကျောက်တင်ဖို့လိုပါတယ်။

ဒါ့ကြောင့် ကျနော်တို့ဟာ နွေဦးတော်လှန်ရေးကြီး ( ၂ ) နှစ်ပြည့်တဲ့ ( ၁ ဖေဖော်ဝါရီ ၂၀၂၃ ) နေ့မှာ ပြည်သူတွေရဲ့ တိတ်ဆိတ်တဲ့အသံတွေ ၊ ခြောက်ကပ်နေတဲ့လမ်းမတွေ ၊ ပြင်းပြတဲ့အောင်စိတ်တွေနဲ့အတူ “ Silent Strike ” ကို ထပ်မံ ပုံဖော်ကြဦးမှာပဲ ဖြစ်ပါတယ်။

၂၀၂၃ ခုနှစ် ၊ ဖေဖော်ဝါရီလ ၁ ရက်နေ့မှာ မနက် ( ၁၀ ) နာရီကနေ ညနေ ( ၃ ) နာရီတွင်းမှာ

ကျနော်တို့အားလုံး အပြင်ကို (လုံးဝ) မထွက်ကြဘဲ မိမိတို့အိမ်အတွင်းမှာသာ နေထိုင်ကြမယ်။ အဲ့ဒီနေ့ ၊ အဲ့ဒီအချိန် လမ်းတွေထက်မှာ ၊ အများပြည်သူနေရာတွေမှာ လူသူကင်းမဲ့ ခြောက်သွေ့နေ တိတ်ဆိတ်နေခြင်းနဲ့ စစ်ကောင်စီကို ကြောက်လန့်စေကြမယ်။ ကျွန်တော်တို့ပြည်သူတစ်ရပ်လုံးဟာ အကြမ်းဖက်စစ်အာဏာရှင်ကို သွေးမအေးသေးပဲ ဆက်လက်တော်လှန်နေဆဲဖြစ်ကြောင်း ထပ်မံပြသကြရမှာလည်း ဖြစ်ပါတယ်။ ပြည်သူတစ်ရပ်လုံးအနေဖြင့် စစ်ကောင်စီဘက်မှ ခြေလှမ်းပြင်လာတဲ့ “ တရားမဝင်အတုအယောင်ရွေးကောက်ပွဲ ”ကိုလည်း လက်သင့်မခံကြောင်းကိုပါ တပါတည်း ကမ္ဘာသိ ထုတ်ဖော်ပြသရမှာဖြစ်ပါတယ်။

" တသံတည်းညီ တချီတည်းရုန်း " ရင်း ၂၀၂၃ ခုနှစ် တော်လှန်နှစ်ရဲ့ အဆုံးသတ်အတွက် ၊ အဆုံးဖြတ်အဖြစ် ဆက်လက်တိုက်ပွဲဝင်ကြဖို့ မေတ္တာရပ်ခံအပ်ပါတယ်။

#တရားမဝင်အတုအယောင်ရွေးကောက်ပွဲ_လူထုအားနဲ့တိုက်ဖျက်ကြ

#လုံးဝအုပ်ချုပ်ခွင့်မရစေရ

#တိတ်ဆိတ်ခြင်းဖြင့်_အကျယ်လောင်ဆုံးဟစ်ကြွေးကြ

23/01/2023

ငွေတောင်စားသောက်ဆိုင်အနီးရှိ ရပ်ကွက်ရုံး ဗုံးကွဲမှုဖြစ်စဉ်အပြီး တောင်ဥက္ကလာပမြို့နယ်အတွင်း ဖမ်းဆီးမှုများရှိနေ -

SouthOkkala News ( ဇန်နဝါရီ ၂၃ )

တောင်ဥက္ကလာပမြို့နယ် ၊ သံသုမာလမ်းပေါ်ရှိ ၁၄ ရပ်ကွက် အုပ်ကြီးရုံးတွင် ဇန်နဝါရီ ၂၁ ရက်နေ့ ဗုံးပေါက်ကွဲမှုအပြီး မြို့နယ်တွင်းရှိ အိမ်တချို့ကို ယမန်နေ့ညက ဝင်ရောက်ဖမ်းဆီး၍ ပစ္စည်းများကိုလဲသိမ်းယူမှုများ ပြုလုပ်ခဲ့တယ်လို့ သိရပါတယ်။

" တ/ဥက္ကလာ ၊ ၁၀ ရက်ကွက် ၊ ဘယသင်္ကြန်လမ်းထဲက ရွှေပန်းထိမ် အိမ်တအိမ်ကိုဝင်ဖမ်းသွားတယ်။ ရှိသမျှလူတွေ အကုန်လုံးကို မျက်လုံးအဝတ်စီး ၊ လက်ပြန်ကြိုးတုတ်ပြီးဖမ်းသွားတာ။ အိမ်ထဲကပစ္စည်းတွေလဲသယ်သွားတယ်။ ကားပါမချန် ယူသွားကြတာ " ဟုရပ်ကွက်နေပြည်သူများမှ ပြောကြားသည်။

ထိုညတွင်လဲ တ/ဥက္ကလာ ၊ ၁၃ ရပ်ကွက်ရှိ အိမ်တအိမ်မှ အမျိုးသမီးတဦးကိုလဲ ဖမ်းဆီးသွားတယ်လို့သိရပါတယ်။

ထိုရပ်ကွက် ရုံးဗုံးပေါက်ကွဲမှုဖြစ်စဉ်တွင် စစ်တပ်ထောက်တိုင် ငွေတောင်စားသောက်ဆိုင် ဝန်ထမ်းများ၏ ဖမ်းဆီး ရိုက်ခဲ့မှုကြောင့် ရဲဘော်တဦး ကျဆုံးခဲ့ရသည်။

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

21/01/2023

တောင်ဥက္ကလာပမြို့နယ် ၊ ငွေတောင်စားသောက်ဆိုင် ဝန်ထမ်းများမှ တော်လှန်ရေး ရဲဘော်များကို ရိုက်နှက်ဖမ်းဆီး ၊ တဦးသေဆုံး -

SouthOkkala News ( ဇန်နဝါရီ ၂၁ )

တောင်ဥက္ကလာပမြို့နယ် ၊ သံသုမာလမ်းပေါ်ရှိ ၁၄ ရပ်ကွက် အုပ်ကြီးရုံးသို့ ယနေ့ နေ့လည်ပိုင်း ၁၂ နာရီခန့်က လက်ပစ်ဗုံးဖြင့် လာရောက်ပစ်ခတ်သော ရဲဘော်၂ ဦးကို စစ်တပ်ထောက်တိုင် ငွေတောင်စားသောက်ဆိုင် ဝန်ထမ်းများက လိုက်လံဖမ်းဆီးခဲ့ရာ တဦးလွတ်မြောက်ပြီး ကျန်တဦးဖမ်းဆီးခံခဲ့ရတယ်လို့ သိရှိရပါသည်။

ဖမ်းဆီးခံရသည့် ရဲဘော်ဟာ အသက်ရှင်လျှက်ဖမ်းဆီးခံရသော်လည်း လက်ရှိသတင်းများအရ ဆိုင်ဝန်ထမ်းများ၏ ထိုးကြိတ် ရိုက်ခဲ့မှုကြောင့် သေဆုံးခဲ့တယ်လို့ အမည်မဖော်လိုသူတစ်ဦးက ပြောဆိုထားသည်။

ယခုညပိုင်းအချိန် ငွေတောင်စားသောက်ဆိုင်အတွင်း စစ်ခွေးများကို ခေါ်ယူထားပြီး လူမမြင်နိုင်သည့်နေရာများတွင် ကင်းပုန်းများ ချထားတယ်လို့လဲ ထပ်မံသိရှိရပါသည်။

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

09/12/2022

တ/ဥက္ကလာ ၊ သံသုမာလမ်းပေါ် အနော်မာလမ်းထိပ် ( ၃၁ ဂိတ်ပွိုင့်အနီး ) ယခုည ၆:၁၀ ခန့်က Taxi နှင့် သုံးဘီးဆိုင်ကယ် တိုက်မိပြီး ထိခိုက်သူနှစ်ဦးရှိခဲ့၍ ဆေးရုံသို့ပို့ဆောင်ခဲ့တယ်လို့ သိရပါတယ်။

လက်ရှိအချိန်တွင် နယ်ထိန်းအရပ်ဝတ်များရောက်ရှိနေ

ဒီဇင်ဘာ ၉
6:50 PM

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

03/12/2022

တ/ဥက္ကလာ ၊ ဝေဇယန္တာလမ်းပေါ် City Mark အနီးရှိ Transpoter Bar ၏ကားပါကင်တွင် ယခုည ၈:၄၀ ခန့်က ဗုံးပေါက်ကွဲမှုဖြစ်ပွားခဲ့ပြီး ထိုနေရာသို့ အကြမ်းဖက်ကောင်များလဲ ရောက်ရှိနေကြောင်း သိရှိရသည်။

ဒီဇင်ဘာ ၃

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

27/11/2022

တောင်ဥက္ကလာပမြို့နယ်တွင် လမ်းလျှောက်နေသည့် လူငယ်အမျိုးသမီး ၂ ဦးကို စစ်တပ်မှ ဖမ်းဆီး -

SouthOkkala News ( နိုဝင်ဘာ ၂၇ )

တောင်ဥက္ကလာပမြို့နယ် ၊ ၁၀ ရပ်ကွက် ၊ သုမင်္ဂလာပန်းခြံအနီးရှိ လမ်းကြားတခုတွင် ယနေ့မနက်ပိုင်း ၈:၃၀ ခန့်က လမ်းလျှောက်နေသည့် လူငယ်အမျိုးသမီး ၂ ဦးကို အကြမ်းဖက်စစ်တပ်မှ အိမ်စီးကားဖြင့် ဖမ်းဆီးသွားတယ်လို့ သိရပါတယ်။

" ဒီနေ့ မနက် ၈ နာရီခွဲလောက်က သုမင်္ဂလာပန်းခြံဘေး Male စတိုးဖက်ဖြတ်ထွက်တဲ့လမ်းထောင့်မှာ အိမ်စီးကားအနက်ရောင်ပေါ်က လက်နက်ကိုင်ထားတဲ့ ရဲခွေးတကောင်ဆင်းလာပြီး လမ်းလျှောက်လာတဲ့ ကောင်မလေး၂ ယောက်ကိုကားပေါ်အတင်းဆွဲခေါ်သွားတယ်။ ကောင်မလေးတွေက အသက် ၂၀ ကျော်လောက်ပဲရှိအုန်းမယ်။ သမီးတို့ကဘာလုပ်လို့လဲပြောတော့ စခန်းရောက်မှရှင်းဆိုပြီး ခေါ်သွားတယ် " ဟုမျက်မြင်တွေ့သူများမှ ပြောကြားသည်။

ဖမ်းဆီးမှုမပြုလုပ်ခင် သုမင်္ဂလာပန်းခြံရှေ့တွင်လဲ ရဲကား ၊ စစ်ကားများရှိနေခဲ့၍ ထိုအမျိုးသမီး ၂ ဦးကို တောင်ဥက္ကလာ ရဲခန်းသို့ခေါ်ဆောင်သွားတယ်လို့သိရပြီး ဖမ်းဆီးခံသည့်အကြောင်းအရင်းနှင့် နောက်ဆက်တွဲဖြစ်စဉ်များကို စုံစမ်းနေဆဲဖြစ်သည်။

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

21/11/2022

တ/ဥက္ကလာ ၊ ပဒေသာလမ်းဆုံ မီးသတ်နောက်ရှိ ပန်းခြံတွင် ယခုညနေပိုင်း ၄ နာရီခန့်က ဗုံးတလုံးပေါက်ကွဲခဲ့ပြီး ကျန်ဗုံးတလုံးကို အကြမ်းဖက်တပ်သားများ လာရောက်၍ လမ်းပိတ်ဆို့ရှင်းလင်းခဲ့တယ်လို့သိရပါတယ်။

နိုဝင်ဘာ ၂၁

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

11/11/2022

တ/ဥက္ကလာ ၊ ၁၄/၃ ရပ်ကွက် ၊ ခွာညိုလမ်း ၊ မြင်သာဈေးအနီးရှိ အိမ်တလုံး ယခုမနက်ပိုင်း ၁၀ နာရီခန့်က မီးလောင်မှုဖြစ်ပွားနေ

Update - 10:18 AM
မီးသတ်ကားများ ရောက်ရှိလာ

Update - 10:35 AM
မီးငြိမ်းပါပြီ

နိုဝင်ဘာ ၁၁

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

23/10/2022

တ/ဥက္ကလာ ၊ သင်္ဃန်းကျွန်း
ဝေဇယန္တာ ဥယျာဉ်ရိပ်သာထဲရှိ လျှပ်စစ်ဝန်ကြီးနေအိမ်ကို ယခုည ၈:၄၀ ခန့်က ဗုံးဖောက်ခွဲမှုပြုလုပ်ရန်ကြိုးစားခဲ့သော်လဲ ထိုအိမ်အနီးနားတွင်သာ ပေါက်ကွဲခဲ့ကြောင်းသိရှိရသည်။

လက်ရှိအချိန်တွင် ထိုနေရာသို့ စစ်ခွေးများရောက်ရှိနေ ( 9:30 PM )

အောက်တိုဘာ ၂၃

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

12/10/2022

တ/ဥက္ကလာနှင့် သင်္ဃကျွန်းမြို့တွင် ၆:၁၀ ခန့်ကပေါက်သံကြားလိုက်ရ

ကျောက်ကုန်ပေါ်ရှိ KTV တခုအနီးတွင် ယခု ညနေပိုင်း ၄:၅၀ ခန့်ကတွေ့သော ဗုံးကို ခွေးများဖောက်လိုက်တယ်လို့ ယူဆရပါတယ်။

၁၆ ကွေ့ပွိုင့်မှ ကျောက်ကုန်ပေါ်ထိလမ်းပိတ်ထားဆဲဖြစ်ပြီး ခွေးများလဲရှိနေဆဲဖြစ်သည်။ ( 6:20 PM )

Update -
လမ်းဖွင့် ၊ ခွေးများရှင်း ( 7:15 PM )

°°°°°°°°°°°°°
Telegram Channel တွင်ဖတ်ရန် -
https://t.me/SouthOkkala_Channel

09/10/2022

သီတင်းကျွတ် အခါသမယတွင် ပျော်ရွှင်ချမ်းမြေ့ပါစေကြောင်းနှင့် စစ်အာဏာရှင်ဘေးမှ အမြန်ဆုံးလွတ်မြောက်ပါစေကြောင်း ဆုတောင်းမေတ္တာပို့သလိုက်ရပါသည် ... 🙏

အောက်တိုဘာ ၉
°°°°°°°°°°°°°°°°

SouthOkkala News II