𝐙𝐎𝐑𝐀 (2025)

07/10/2025

" මේ යුගයේ ජයග්‍රහණය නම්, ගහ කොල, සතුන් වෙනුවෙන් සංවේදී මනුස්සයෙක් වීමයි.. 🌿💫 "

Yeshani Liyanage

07/10/2025

මේ දැනෙන පාළුව කොතරම් ද?
ඔබ නොදන්නා බව දනිමි.. 🥺

𝐙𝐎𝐑𝐀

06/10/2025

මිනිසාගේ ලොකුම අභිමානය වන්නේ, තමන්ගේ ජීවිතය වෙනුවෙන් බරක් දරන්නට කෙනෙක් සිටින බව දැනීමයි. ඒ දැනීම හදවතට දෙන ශක්තිය අසීමිතයි. එය අඳුරුම මොහොතක පවා, තනි නොවූ බවට ලැබෙන රන් ආලේපිත සහතිකයකි.
ඒත්, අපේ සිතුවිලි නිතරම කැරකෙන්නේ මේ ආලෝකය හදිසියේම නිවී යන්නට ඇති ඉඩකඩ වටාය. අතේ තියෙන හැඟීමක්, එක මොහොතකින් දුරස්ථ සිහිනයක් බවට පත් වී, අප අවට ඇති සියල්ල අර්ථයක් නැති හිස් අවකාශයක් බවට හැරෙයිදැයි යන බිය.
ඒකයි, ජීවිතයේ වරක් ගිනි තැබීමකට ලක් වූ මිනිස්සු නැවත ප්‍රේමයට අත නොදෙන්නේ. ඔවුන් හුදෙකලාව තෝරගන්නේ, ඒ බිඳෙනසුලු අවකාශයේ නැවත ආරක්ෂිත වීමටයි. හුදෙකලාව ඔවුන්ට දඬුවමක් නොව, වේදනාවෙන් ලැබෙන විශ්‍රාමයකි.
මේ අතර, සියල්ල බිඳී ගිය තැන්වලින් නැවත ප්‍රේමය දෙසට අත දිගු කරන අමුතුම මිනිසුන් කොටසක් සිටී. ඔවුන්ව හඳුනාගන්න. ඔවුන්ව ආරක්ෂා කරගන්න.
මොකද, ඔවුන් බිඳුණු කැඩපතක් නැවත සකස් කරන්නට උත්සාහ කළා වැනිය. ඔවුන් අවදානම ගැන හොඳින්ම දන්නා, නමුත් සැබෑ ආදරය වෙනුවෙන් තමන්ගේ වේදනාව පවා යටපත් කළ ශක්තිමත්ම අයයි.
ඔවුන් යළිත් බිඳුණොත්, විශ්වාසය කියන වචනය ඔවුන්ගේ ජීවිතයෙන් සදහටම මැකී යනු ඇත. ඔවුන් නැවත කිසි දිනෙක මනුෂ්‍යයෙකුගේ සමීප බවක් අපේක්ෂා නොකරනු ඇත.
හුදෙකලාව යනු තනිවීම නොවුණත්, එය කිසිදාක කැමැත්තෙන් තෝරගත් තෝතැන්නක් නොවේ. මිනිස්සු තමන්ට නොලැබුණු ආරක්ෂාව, නිහඬව තමන්ටම ලබා දීමට හුදෙකලාවේ සැඟවෙති. ඉතිං එහෙම කෙනෙක් ඔබේ ජීවීතේ සිටීනම් ඔවුන් රැකගන්න.

📖✍️Zₒᵣₐ

05/10/2025

නිවාඩු දවසක් වූ අද, මම මගේ පොත් රාක්කය අස් කරමින් සිටියෙමි. වසර ගණනාවක මතකයන් එහි දූවිලි තට්ටු යට සැඟවී තිබුණි. පාසල් කාලයේදී පිරිමි ළමයෙකු මට තෑගි කළ පොතක් ඇහැ ගැටුන විට, මගේ සිත පුරා මිහිරි වේදනාවක් පැතිර ගියාය.
මම හැමවිටම කැමති වූයේ වින්ටේජ් දේවල් වලටය. පැරණි සිනමාපට, වයින් බෝතලයකට වඩා වටිනාකමක් ඇති කළු සුදු ඡායාරූප, අතින් ලියූ රසබර පෙම් හසුන්... මට අවශ්‍ය වූයේ ද ඒ සුන්දර, සුවඳ ගැන්වූ ආදරයයි. ඒ කාලේ ආදරය කොතරම් සුන්දර ද කියා මට ආයෙත් හිතුණේ ඒ නිසාය.
පොතේ පිටු පෙරළන විට, හොඳින් සැඟවී තිබූ, පුංචි කඩදාසි කැබැල්ලක් මා අතට දැනුණි. ඒ 'චිට්' එක දුටු විට මගේ හදවත එක මොහොතකට නැවතුණාක් මෙන් විය. අවුරුදු දහහතරකට පසුව එය මගේ දෑස ගැටුනේ අද විය.
එහි තිබුණේ මගේ නම ලියා, මා යනු "පුංචි දේටත් කේන්ති ගන්නා ළමයෙකි" යන සටහනයි.
මට සිහිපත් වූයේ එදා මගේ කේන්තිකාරී ගතිගුණයි. කොපමණ නම් අවස්ථාවලදී ඔහු මගේ ඒ නොමේරූ මුරණ්ඩුකම් ඉවසන්නට ඇත්ද? ඔහු මේ සටහන තැබුවේ, සමහරවිට මම තරහ වී කතා නොකර සිටි මොහොතක විය හැකිය.
කෙසේ වෙතත්, දුකක් සහ පුදුමයක් මුසු වූ හැඟීමක් මා වෙලා ගත්තේය. මම කොපමණ වාරයක් මේ පොත අතට ගන්නට ඇත්ද? ඒත් එය එදා මගේ ඇසට හසු නොවී මගහැරී තිබුණි.
අද... මේ මොහොතේ එය හමුවීම දෛවයේ සරදමක් විය හැකිය. නැතිනම්, එදා එය මට ලැබුණා නම්, එයින් සමහර දේ වෙනස් විමට හැකිය. මා වෙනස් විය යුත්තේ යැයි මට සිතෙන්නේ මේ මොහොතේ ඒ නිසා විය හැකිය. සමහරවිට, සමහර දේවල් මග හැරෙන්නත් හේතුවක් තියෙන්න ඇති.
ඒ පුංචි කඩදාසි කැබැල්ල, අතීතයේ සුන්දරත්වය සහ වර්තමානයේ ප්‍රඥාව එකවර මට කියා පෑවේය. එය පුංචි වුවත්, ඒ පෙම්වතාගේ සටහන, මගේ ජීවිතයේ මගහැරුණු රහසක් හෙළි කළා සේ මට දැනුණි.

ඔයාටත් තියෙනවද එහෙම මගහැරුන ආදරයක් ?

📖✍️Zₒᵣₐ

02/10/2025

මම ඔයාගේ සිතුවිලි අතර බලෙන් දැල්වූ පහනක් වුණා.
ඔයාට එළිය දෙන්න පුළුවන් හැම විදිහටම මම දැල්වෙන්න හැදුවා. හැබැයි, මට තේරුණා... මගේ ආලෝකය ඔයාට සැනසීමක් නෙවෙයි, කඳුළුවලින් එන දුමක් වගේ කියලා.
නොගැලපෙන තැන්වල මම මගේ සෙවණැල්ල දික් කළා. මගේ මුළු ලෝකයම ඔයාගේ පුංචි හුස්මක් තරමට කුඩා වුණා.
ඔයාගේ පස්සෙන් දුවලා, මගේ හදවතේ තෙල් ඉවර වෙනකොට තමයි මම ඇත්තටම දැක්කේ, මම හැමදාම ගමන් කරලා තියෙන්නේ එක තැනක බව.
ඔයා මට ආදරේ නොකළා නෙවෙයි. ඔයාට මාව නොදැනුණා. මගේ ආදරේ තරම, ඔයාගේ හිතේ තිබුණේ හිස් ඉඩක් විතරයි. ඒ හිස් ඉඩ පුරවන්න මම කොයිතරම් හති වැටෙනකම් උත්සාහ කළත්, ඒකෙන් වෙස් වුණේ මට තව තවත් අහිමි වීමක්.
ඔයාගේ ඇස්වලින් මම දැක්කා මම තව දුරටත් නොසිටිය යුතු බව.
මම මගේ පහන අතින් අරන්, නිහඬව නිවා දැමුවා. ඒක ඔයාට කරදරයක් නොවේවා කියලා හිතලා. මම අදටත් අඳුරේ ඉන්නවා, ඒත් මට බරක් දැනෙන්නේ නැහැ.
ආදරේ එහෙම්මයි. ඒත්, තව දුරටත් ගිනි නොගෙන තියෙනවා.
ඔයා සතුටින් ඉන්න. මට ඒ ඇති.

🖤

📖✍️Zₒᵣₐ

01/10/2025

හුදෙක් රහසේම හුවමාරු වන බැල්මවලට හෝ නිහඬ කතාබහට වඩා, තමන්ගේ ආදරය ලෝකයටම පේන්නට පෙන්වීමට බිය නොවන පිරිමියා තුළ ඇති ආත්ම විශ්වාසය තරම් ගැහැනියකගේ සිතිවිලි කුල්මත් කරන වෙන කිසිවක් නැත.
කවුරු කුමක් සිතුවත් කියා, ඊර්ෂ්‍යාකාරී ඇස් බැල්මවල් දහසක් මැද වුවත්, ඇගේ අත තම අතේ ආරක්ෂිතව තබාගෙන, "මේ මගේ ගැහැනිය" කියා ලෝකයටම කියන ඒ පිරිමි ශක්තිය, ඇයට සැබෑ රැකවරණයක් දීමට සමත් වේ. ඔහු ඇයව හංගන්නේ නැත. ඔහු ඇය ගැන ආඩම්බර වේ.
ඒ මොහොත, බාහිර ලෝකය විසින් තබන ලද සියලු සීමාවන් සහ නීති රීති ඔහුත් ඇයත් අතරින් ඉවත් වී යන තැනකි. එහිදී ඔහු ඇයට සැබෑ සතුට කියා දෙයි.
ඒ ආදරයේ වටිනාකම කොයිතරම්ද දන්නවද?
එවැනි ආදරයක් ලැබෙන විට, ගැහැනියකගේ හදවත තුළ ඇති වන්නේ තමා වෙනුවෙන් කොන්දේසි විරහිතව පෙනී සිටීමට කෙනෙකු සිටින බවට වූ ස්ථිර හැඟීමකි. ඇයට තවදුරටත් හුදකලා බවක් දැනෙන්නේ නැත.

එබැවින්, ඔබගේ ආදරණීය ගැහැනිය ලෝකයා ඉදිරියේ විශේෂිත බව ඇයට පෙන්වන්න. ඇයට අභිමානයක් දැනෙන්නට සලස්වන්න. මොකද, ඇගේ සිත සැබවින්ම අපේක්ෂා කරන්නේ ඒ ආකාරයේ නිර්භීත ආදරයයි.
ලෝකය හමුවේ ඇයව 'තෝරාගත්' විට, ඇය ඔබව මුළු හදවතින්ම 'තෝරා ගනී'! 🖤✨
__________________________________🍃🤍

📖✍️Zₒᵣₐ

01/10/2025

අද ලෝක ළමා දිනයයි. වැඩිහිටියන් වුණත්, අපේ හදවතේ කොනක හැංගිලා ඉන්න ඒ පුංචි දරුවාටත්, මේ දවසේදී මොකක් හෝ පුංචි තෑග්ගක් ලැබුණොත් කොච්චර හොඳද කියලා හිතුණා.
ඒ සිතුවිල්ල සටහනක් විදිහට පලකිරීමේ පුංචි විහිළුවක් ඊයේ දවසෙදි මම කළා.
ඒත්... අද උදේ, මගේ හිතවත් මිතුරා ඒ සටහනට දුන් ප්‍රතිචාරය හරිම පුදුම සහගතයි. ඔහු, හරිම හුරුබුහුටි තෑග්ගක් අරන්, එහි ඡායාරූපයක් මට එව්වා. වැඩිහිටියෙක් වුණු මගේ මුහුණට ක්ෂණිකව පුංචි හිනාවක් ආවා. ඒක ඇත්තටම මගේ ළමා කාලයේ පැතුමක් ඉෂ්ට වුණා වගේ හැඟීමක්.
මේක හුදෙක් තෑග්ගක් ලැබීමක් විතරක් නෙවෙයි. මේ සිදුවීමෙන් මට තේරුම් ගිය ගැඹුරුම දේ තමයි, තව කෙනෙකුගේ සිතුවිල්ලකට, පුංචි ආශාවකට වටිනාකමක් දීලා, ඒ වෙනුවෙන් වෙහෙසෙන සුන්දර මිනිසුන් ගැන. විශේෂයෙන්ම, අපේ ජීවිතවලට ඇවිත් අපේම වෙලා ඉන්න මිතුරන් ගැන. ඔවුන්ට ලොකු දේවල් කරන්න ඕනේ නෑ. ඒත්, තව කෙනෙකුගේ දවස ආලෝකමත් කරන්න ඔවුන්ට තියෙන පුළුවන්කම හරිම බලවත්.
ඔවුන් අපේ ජීවිතවලට ආපු 'ලස්සනම හමුවීම්' නේද?
කිසිම ලාභ ප්‍රයෝජනයක් හෝ ආපසු ලැබීමක් බලාපොරොත්තු නොවී, අනෙකා සතුටු කරන්න හිතන ඒ පිරිස, මේ තරඟකාරී ලෝකයේ දුර්ලභ සම්පත් කියලයි මට හිතෙන්නේ. ඔවුන් තමන්ගේ පුංචි ක්‍රියාවකින්, අනිත් කෙනාගේ ජීවිතය පුංචි හෝ හෝරා කිහිපයකට සතුටින් පුරවනවා.
මගේ මිතුරා මගේ මූණට පුංචි හිනාවක් ගෙනා හැටි වගේම, මේ ලෝකේ පුරාම මෙහෙම පුංචි පුංචි සතුටු දෙන මිතුරන් ඉන්නවා. ඔවුන් තමයි සැබෑ මනුස්සකම සහ මිත්‍රත්වය ජීවමාන කරන්නේ.
මේ ඔක්තෝම්බරයේ
ඔබේ ජීවිතයටත් මේ වගේ සුන්දර මිත්‍ර සබඳතා ලැබේවා!

📖✍️Zₒᵣₐ

01/10/2025

අලුත් මාසයක් !! 🌸
බලාපොරොත්තු ඉටුවෙන, ලස්සන මාසයක් වේවා....! ✨💫❤️

30/09/2025

සමහර සම්බන්ධතා අවසන් වෙන්නේ, පොතක අවසාන පිටුව ඉරලා දැම්මා වගේ.
සමුගැනීමේ වචනයක්වත් නැහැ, හරිහැටි නිමාවක්වත් නැහැ.
ඔබට දැනෙන වේදනාව ඇති වෙන්නේ, කතාව ඉවර වුණු දුක නිසා නෙමෙයි ඒකට තිතක් නොතිබුණු නිසා. අඩක් නැවතුණු නිසා.
එත් අහන්න ලමයෝ..
ඔහු ඔබට සමු නොදුන්නේ නම්, එය ඔහුගේ වරදක්. ඒ බර ඔයා ඔයාගේ කරගන්න එපා.
ඔහු වෙනුවෙන් තවදුරටත් සමුගැනීම් හොයන්න කාලය නාස්ති කරන්න එපා.
ඔබ ඔබේ හදවතින්ම, ඔහුට නිහඬව සමාව දීලා, සමුදෙන්න. ඒ අවසන් නොවූ පරිච්ඡේදය එතැනින්ම වැසී යන්නට ඉඩ දෙන්න.
දැන් ඔබට ඇත්තේ සමුගැනීම් ගැන හිතනවාට වඩා, අලුත් කතාවක් ලියන එක

📖✍️Zₒᵣₐ

29/09/2025

මාව විශ්වාස කරලා කාටවත් නොකියන ඔයාලගෙ හිතේ හිරකරන් ඉන්න වේදනාවන් තියෙනවනම් කියන්න..අපි උත්තර එකතු වෙලා හොයමු

🙂❤️‍🔥

29/09/2025

බස් එකේ
පිටිපස්සෙම සීට් එක කියන්නේ අපේම ලෝකයක්.
වෙන කිසිම කෙනෙක්ට අහුවෙන්නේ නැති, කවුරුවත් බලන්නේ නැති පුංචිම නිදහසක්.
ඔයාගේ අත මගේ අතේ උණුසුමෙන් තද වෙලා තියෙද්දී, බස් එකේ වේගෙට මගේ ඔලුව ඔයාගේ උරහිසට තුරුල් වෙනවා.
කවුරු හරි දකිදෝ කියලා දැනෙන පුංචි බය, මේ ආදරේ තවත් ලස්සන කරනවා. 🤭
කන් පෙත්ත ළඟට ඇවිත් නිහඬව මුමුණන රහසක් වගේ, මේ නිහඬ බැඳීම මට දැනෙන්නේ මුළු ලෝකෙටම වඩා වටින දෙයක් විදියට.

අන්තිම සීට් එකේ තිබුණු අපෙ ආදරේ, මගේ හදවතේ පළවෙනි සීට් එකේ හැමදාටම නිදන් වෙලා තියේවි. 💖

📖✍️Zₒᵣₐ

29/09/2025

කන්ථක වගේ යශෝධරත්
පලාගත්තා නම් හදවත
සිදුහත් හැරෙනවා මිසක්
යයිද බන්
නේරන්ජනාවෙන් එතෙරට

ඔව් පිරිමි හැමදාම
ඉපදුණා, දැඩි වුණා, රජ වුණා, බුදු වුණා
ඇයි දන්නවද?

හෙණ ගැහුවත් ගෑණු අඩ අඩා
හැමදේම
දරාගත් හින්දා...🥺🤍

📖️🖋️zora..

𝐙𝐎𝐑𝐀

07/10/2025

07/10/2025

06/10/2025

05/10/2025

02/10/2025

01/10/2025

01/10/2025

01/10/2025

30/09/2025

29/09/2025

29/09/2025

29/09/2025

Address

Website

Alerts

Shortcuts

Share