Chin Northern Star

24/02/2025

Green card a thi cang mi silole thla ruk chungah a thi ding na ngeih ahcun I-90 form na ap zokzok a hau. A ap ciami na si i a thar an in kuat rih hna lo zong ah nan apnak receipt le a thi cangmi na green card kha hmang in driver's license tbt tuah khawh a si. April 10, 2024 hnuah a green card a thi mi nan si i a thar sawknak receipt na ngeih ahcun a hnu k*m thum chung cu a nung cia tinak a si. Na green card thing na thlau sual ahcun a neihbik Department of Homenland Security zungah appointment lak in catlap va lak khawh a si.

29/01/2025

US ah A Pemmi Paoh Nih Theih Ding

Immigrant Palik (ICE) nih tlaih i taza cuai hnu ahcun luat than ding a si hmanhah buai ding le sungh ding a tam tuk. ICE a si lomi local palik le transportation palik zong an lawr ngai i kan thleidang kho hna lo. Theih le ralrin a hau ve.

1. Ningcang tein na ra i citizen an si cang zongah hnangam le hawi zawnruat loin um lo ding. Lih na rak chim bal ve ruangah, ning loin phaisa na kuat bal ruangah, foodsampt lih in ei ruangah tbt in taza cuai khawh na si pinah a mit kemmi hna nih report khawh peng na si ve. Ai muai c**k ding ai si lai ka zum lo.

2. Holh ka thiam, thil ka ti kho tiphun in palik sinah bia chim le phisin itimh len lo ding. Na chimmi kha an t***e ah a cang. Nawlnak na bia kha ka palh ti he ai lo. Na min le na chuahni pin cu chim lo tein um law zei ca cung hmanhah na min thu hlah. "I Need My lawyer" ti lawng chim. Sihni a ngei bal lomi zong nih chim khawh a si.

3. Na A-Number silole USCIS number cu icinken ding. Zeimaw tiin thong hna i khumh na si sual ahcun phone number cinkenmi, an bawm khotu pehtlaihnak na ngeih a hau. Na jail ID zong. Phone chuh hnu i chinchiahmi pakhat hman ngeih lo kha thil har taktak a si kho.

4. Na auh lomi palik nih na innka an kingh ahcun awng hna hlah. Nan fale zong chim hna. Warrant telloin mi inn ah palik zong luh khawh a si lo. Catlap an in piah ahcun kutka tang in ipekter hna. Biacaih bawi minthut na hmuh hnu lawngah luhter hna. An min le an tangbenh kha hal hna law i tial.

5. Innleng na ummnak pawngah ICE palik nih mi a tlaihnak tbt na hmuh ahcun video thlak i zuam. Citizen ka si, holh ka thiam, ,mi bomh ka duh ti phun in vai ithlak hlah. Obstruction of justice hmuh in taza an in cuai lai. Keimah an ka ngiat rua ti i na lunghrin ahcun a neih bikmi dawr, innchung a simi paoh ah na lut lai.

6. Foodstamp cawhmi, tax cawhmi tbt cozah lei leiba paoh cham colh ding a si. Sizung zawtnak leiba, inn leiba, mawtaw leiba tbt cu a poi lo.

7. Duh lo tukmi thil chungkhar pabik silole nubik nih a ton sual tikah fale zohtu tuanvo pekmi ngaih cia hi illegal pawl cu an fial peng hna.

Thihpeihnak siloin mipem paoh nih iralrin ding "Know Your Right" ah an tialmi kan hun in hrawmh hna.

Rev. Dr. Chan Thawng Lian

16/11/2024

Kan rak ṭih tukmi Covid-19 virus ruangrul nih cancer stage a sang cang rungrul a daihter khawh tiah mangril thiamsang Dr. Ankit Bharat, chief of thoracic surgery and director of the Canning Thoracic Institute nih a chim. Cancar lak hmanh ah melanoma (Vun), lung (Cuap) breast (Hnuk) and colon (Rilpi) cancer hna caah a ṭha khun a ti. A hlan cancer thlopnak hna nih a tei khawh lomi hma chungah Covid-19 virus cells pawl cu an lut kho i an thah khawh hna. Atu cu minung cancer a zual mi sinah hman a si cang lai tiah Dr Bharat nih a chim (Chicago Sun News).

Lung ding in zeitik hmanh ah um hlah. Thaizing ah zei a cang lai timi cu Pathian lawng nih a theih. Hmuh rih lomi damnak si tampi Pathian nih a chiah ko.

14/08/2024

Fale nih hibantuk nu le pa upatnak an chimmi cu $ million nakin a sunglawi deuh ka ti. Ngeih a huammi caah. https://www.sbs.com.au/language/hakhachin/cnh/podcast-episode/thlachuah-hmuh-kan-duh-cun-nule-pa-bia-kan-ngaih-a-hau-lian2x/hel12mujj?fbclid=IwY2xjawEpV0BleHRuA2FlbQIxMQABHRo7UD4HWF27rLa-0mKOlTOJamRDOFfgx_pTiKF2bp7fTwfPqmAqwUlHQw_aem_ljgLYwPu31AI6PJvUvfqUQ

Kan biaruahnak chungah nule pa nawl ngaih a thatnak kong Lian Lian nih a chim, a peh rih mi cu "Thlachuah Hmuh Kan Duh Cun Nule Pa Bia Kan Ngaih A Hau", a ti. Kan biaruahnak tling deuh in rak ngai ve.

12/08/2024

FB hawile hna, mah fale si cu thazang ka pek ko. Like le subscribe in hun bawm ve u mu.

Videography- MangpiMixing and mastering- David ThawngSponsor: Tta Tluang

15/07/2024

Trump Thah A Timtu Pa Kong Tawi

Thomas Matthew Crooks, nizan President Donald Trump a kap tu pa hi Mirang sit te a si i Republican pakhat a si ve. A pa hi Republican a si i a nu hi Democratic a si. Amah hi ca a thiam tukmi a si i $500 National Math and Science Initiative “star award”. a rak hmu mi zong a si. A hawile nih nannganzi lei cu a caih bal mi zong a si lo nain zei ruangahdah mah thil a tuah hnga tiah kan khuaruah a har an ti cio. Hi thil a tuahnak a ruang a si kho tiah ruahmi:

1. Sianginn ahhin siahngakchia dang nih dehcawh le tuaitam a tong peng (Bullying).
2. Amah lawng um ah ai nuamh deuh caah game kah le game kong caih hi a huam bik mi a si.
3. Ralkap thilthuam ihruk in ramlak ah kal i mah te lawng chuncaw ei hna a hmang ngai mi a si.
4. Sianginn in rifle kah cawnnak ah luh a duh ve nain a thiam lo tuk caah an cohlang lo i amah tein a cawng.
5. Zarteni zan ah an inn in n**i pakhat a va kal i a kahnak ding rukinn cungah rifle cu ai rak chiah cia.

Minung nih thil tha lo an tuah tikah zeiruangah dah a si khawh ti hlatnak nih zatlang nun a remh khawh. A nu le a pa hi ziaza remhnak lei kong mi bawmtu (Behavior Counselors) an si nain an fapa cu thihngamh in vawlei pi nih suttung ah cuanhmi President Trump a tim tuah ai cang. Nu le pa zeitluk that ko zong ah fale hi pawngkam nih a rak hrawk khawh tuk hna ti a langhnak a si ve.

12/06/2024

Interest Rate %

Federal Reserve nih 2024 March meeting ah atu k*m cu interest rate voithum ttumter khawh a si lai ruahchannak an ngei. Nain, thil man an i tinhning in a ttum deuh rih lo caah, atu ning te thil a kal ahcun, tuk*m cu interest rate voikhat lawng ttumter a si te lai.

02/04/2024

FB hawile hna, nan ngaih huam phun cu a si lem lai nain thazang rak kan pek pi ve ulaw.

Videographer- Mixing/Mastering- CUNGDirector/ Designer- -

01/02/2024

US Phaisa Karh A Ṭum Lai

Kan hnu 2022 thok in inn le mawtaw a baa in a caw cangmi hna caah le inn caw ding in ai tim cuahmah mi caah thawngtha a thang. Nizan (January 31) ah Federal Reserve zung lei nih US Phaisa karh cu a cunglei kai ti loin ar laimi k*m chungah voi thum tiang ṭhumh dingin bia an khiah (CNBC news). A ran bel a rang lai lo, an ti. Atu lio te ahcun 5.25% to 5.5% kar in bank pawl nih cozah ah an cawi khawh i na cawinak bank tu nih cun na credit zoh in 6.5 - 7.30 tiang an in hal khawh.

Phaisa karh a ṭum tikah a karh sang in a rak cawmi hna nih refinance tuah khawh a si. Zapi nih cun 4% an phak tiang hrawng an hngah cio lai. Inn thar a cawmi dingmi nih atu lio i c**k hi ṭih tuk ding a si lo. Inn man hi fawi te ah a ṭum ṭuk lai lo tiah an zumh. Inn caw ding in a hngak mi an tam pinah, cash in c**k ai timmi an tam caah hmunhma a ṭhatnak inn pawl cu a cuh in an i cuh rih ko lai. Mah umnak inn zuar ai timmi nih nih ruah ding cu inn thar na c**k colh ding a si ahcun a sung. Inn dang a ngei chap mi nih cun zuar caan a si ve ṭhiamthiam (Settle lei ummi Inn Reatlors).

Zapi te zeidang chawlehthal a thiam lo mi nih inn lo sikhawhtawk i zalh hi upat lei caah a ṭha bik. Inn na c**k tikah 1) Na fanu zan n**i pakua hnu ah thinphang lo tein a luhchuah ngamnak hmun, 2) Tax a tam deuhnak hmun (zei boruak paoh ṭha deuh lai), 3) Inn man fak deuh hna lak i ai tenh mi inn chia deuh (Remh khawhmi), 4) Na umkal peng nak ding he ai neih cem mi hmun, 5) Hlanh khawh a si mi tbt hi hlathlai ah a ṭha (Meet Kevin).

17/01/2024

Income tlawm deuh mi le k*m 17 tang fale ngei caah thawng ṭha

US cozah nih tu k*m tax file tikah phaisa khirh mi tam deuh dingin bia an khiah. Sifak ko zong ah income $2500 tal a hmu lomi nih fale sinin hmuh ding mi (Child Tax Credit) hi hmuh khawh a rak si lo. Nik*m ca tu k*m 2024 i a sawk mi caah cun ruah piak a si lai. An hmuh mi income kha 15% in karh piak pinah fale tam tlawm zong zoh piak chih a si cang lai. Thonghnih le zanga hna cu a tlawm tuk tiah a ruat mi um khawh a si nain small business a tuah i a sunglei a panh lio mi tam pi an um. Copmany in paycheck hmuhmi rian a ṭuan kho lomi tam pi an um. Stock a tlak ruang ah minus a piahmi tampi an um. A zaw a fak mi an um. Thong a tlami an um. Nan ruah piak bal hna dek maw?
Atu an tuah tharmi phung nih a sifakbik US chungkhar hna i an fale million 16 caah san a tlai lai. Fale pakhat nih $ 1600 an rak hmuh tawnmi kha $ 1800 ah a kai lai, 2024 cun $1900, 2025 cun $ 2000 a si lai. Cun pinah nu le pa income in 16% khirh a si rih lai. A nung cang kho deuh mi middle class pawl fale zong nih k*m dang nakin $ 100 tam deuh cio an hmuh lai. Mah hi an tuah hnawh channak cu US phaisa man a ṭum i thilman a kai tuk ruangah a si.
(Nan chungkhar in $43,350-$130,000 kar luhnak nan ngeih ahcun middle-class ah telh nan si)

BY AIMEE PICCHI �UPDATED
ON: JANUARY 16, 2024 / 6:59 PM EST / CBS NEWS

29/12/2023

Lianlian nih a nau V T he hla an tuah

Prod - Film - Mix/Master - David Thawng

24/12/2023

https://www.facebook.com/SimonVanCeuHmung/posts/770034481807053