26/01/2025
*╭─────────────────────╮*
*🌄ସକାଳର ଖବର,୨୬-ଜାନୁଆରୀ-୨୦୨୫,ରବିବାର*
*╰─────────────────────╯*
•┈┈┈┈┈┈┈┈┈┈┈┈┈┈┈┈┈┈┈┈┈┈•
🇮🇳୧-ଆଜି ସାରାଦେଶରେ ପାଳନ ହେଉଛି ୭୬ତମ ଗଣତନ୍ତ୍ର ଦିବସ l ଚଳିତବର୍ଷ ରାଷ୍ଟ୍ରପତି ଭବନ ଗଣତନ୍ତ୍ର ଦିବସ ପରେଡରେ ଇଣ୍ଡୋନେସିଆ ରାଷ୍ଟ୍ରପତି ପ୍ରବୋଭୋ ସୁବିୟାଣ୍ଟୋ ମୁଖ୍ୟ ଅତିଥି ରୂପେ ଯୋଗ ଦେବେ।
🇮🇳୨-ସାଧାରଣତନ୍ତ୍ର ଦିବସ ଅବସରରେ ଆଜି ୧୩୯ ଜଣଙ୍କୁ ବିଭିନ୍ନ କ୍ଷେତ୍ରରେ ସେମାନଙ୍କ ଉଲ୍ଲେଖନୀୟ ଅବଦାନ ପାଇଁ ପଦ୍ମ ସମ୍ମାନରେ ସମ୍ମାନିତ କରାଯିବ । ଏଥିରୁ ୨୩ ଜଣ ମହିଳା,୧୦ ବିଦେଶୀ ଏବଂ ୧୩ ମରଣୋତ୍ତର ପୁରସ୍କାର ସାମିଲ ରହିଛି ।
🇮🇳୩-ଗଣତନ୍ତ୍ର ଦିବସ ପୂର୍ବ ସଂଧ୍ୟାରେ ଦେଶବାସୀଙ୍କୁ ଅଭିଭାଷଣ ଦେଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। କହିଲେ, ବିଶ୍ବରେ ନିଜର ସ୍ବତନ୍ତ୍ର ସ୍ଥାନ ଆଡ଼କୁ ଅଗ୍ରସର ହେଉଛି ଭାରତ l ସ୍ୱଚ୍ଛତା ଆଣିଛି ଡିଜିଟାଲ ପେମେଣ୍ଟ, ଚାଷୀଙ୍କୁ କହିଲେ ଦେଶର ଅର୍ଥନୈତିକ ଶକ୍ତି l
🇮🇳୪-ନ୍ୟାସନାଲ୍ ଟେଷ୍ଟିଂ ଏଜେନ୍ସି ମେଡିକାଲ୍ ପ୍ରବେଶିକା ପରୀକ୍ଷା ନିଟ୍ ୟୁଜିର ଏକ୍ଜାମ୍ ପ୍ୟାଟର୍ଣ୍ଣରେ ହେଲା ବଡ଼ ପରିବର୍ତ୍ତନ l ଏବେ କୌଣସି ସେକ୍ସନ ରହିବ ନାହିଁ । କୋଭିଡ୍ ୧୯ ମହାମାରୀ ସମୟରେ ନିଟ୍ ୟୁଜି ପେପରରେ ଯେଉଁ ଅପ୍ସନ୍ ପ୍ରଶ୍ନ ଯୋଡ଼ା ଯାଇଥିଲା, ତାହାକୁ ଏବେ ହଟାଯାଇଛି ।
🇮🇳୫-ଓଡ଼ିଶାର ୧୦ଟି ଜନବସତିଶୂନ୍ୟ ଦ୍ୱୀପରେ ପ୍ରଥମଥର ଲାଗି ଉଡିଲା ତ୍ରିରଙ୍ଗା l ବାଲେଶ୍ୱରର ସୁବର୍ଣ୍ଣଦ୍ୱୀପ, ଭଦ୍ରକର ନୟାଟାପୁ, ଉଡ଼ାବାଲି, କନିକା ଦ୍ୱୀପ, ଲଙ୍ଗ ହୁଇଲର ଦ୍ୱୀପ, ସର୍ଟ ଆଇଲାଣ୍ଡ ଓ ସ୍ମଲ ହୁଇଲ; ଜଗତସିଂହପୁରର ବୋଇତର କୁଦ, ଜଟାଧାରୀ ତଣ୍ଡା, ବରକୁଦରେ ତ୍ରିରଙ୍ଗା ଉଡ଼ିଥିବା ଜଣାପଡ଼ିଛି।
🇮🇳୬-ମହାକାଶରେ ମହାକିର୍ତ୍ତିମାନ ରଚିବ ଇସ୍ରୋ, ଉପଗ୍ରହ ଉତକ୍ଷେପଣରେ ମାରିବ ସେଞ୍ଚୁରୀ l ଜାନୁଆରି ୨୯ ତାରିଖରେ ନୂଆ ଇତିହାସ ଲେଖିବ ଭାରତୀୟ ମହାକାଶ ବିଜ୍ଞାନ ଗବେଷଣା ସଂସ୍ଥା । ଶ୍ରୀହରିକୋଟାରୁ ୧୦୦ତମ ଉତକ୍ଷେପଣ ପୂରା କରି ସେନଚୁରି ମାରିବ ଭାରତ ।
🇮🇳୭-ମିଶନ ଶକ୍ତି ପାଇଁ ନୂଆ ଗାଇଡଲାଇନ୍ ଜାରି କଲେ ରାଜ୍ୟ ସରକାର। ବଦଳିବ ସଂଗଠନର ଢ଼ାଞ୍ଚା l ପ୍ରତ୍ୟେକ ପ୍ରଶାସନିକ କମିଟିର କାର୍ଯ୍ୟକାଳ ୩ ବର୍ଷ ରହିବ । ପ୍ରତି ତିନି ବର୍ଷରେ ଥରେ ନେତୃତ୍ୱ ପରିବର୍ତ୍ତନ କରାଯାଇପାରିବ ।
🇮🇳୮-ଏଣିକି ଭାରତ ଏବଂ ଇଣ୍ଡୋନେସିଆ ପରସ୍ପରକୁ ସାମୁଦ୍ରିକ ନିରାପତ୍ତା, ସାଇବର ସୁରକ୍ଷା ଓ ଆତଙ୍କବାଦ ମୁକାବିଲା କ୍ଷେତ୍ରରେ ସହାୟତା କରିବେ। ଇଣ୍ଡୋନେସିଆ ରାଷ୍ଟ୍ରପତି ପ୍ରବୋଓ ସୁବିଆନ୍ତ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଭିନ୍ନ ଆଞ୍ଚଳିକ ଓ ବିଶ୍ଵସ୍ଥରୀୟ ସମସ୍ୟା ନେଇ କଲେ ଆଲୋଚନା l
🇮🇳୯-ଆବାସ ଯୋଜନାରୁ ବଞ୍ଚିତ ପରିବାରଙ୍କୁ ଏଥିରେ ଯୋଡ଼ିବାକୁ ଆରମ୍ଭ ହେଲା ଆବାସ ପ୍ଲସ ୨ ସର୍ଭେ । ପଞ୍ଚାୟତିରାଜ ଏବଂ ପାନୀୟ ଜଳ ମନ୍ତ୍ରୀ ରବିନାରାୟଣ ନାୟକଙ୍କ ଉପସ୍ଥିତିରେ ଏହି ସର୍ଭେର ହେଲା ଶୁଭାରମ୍ଭ l
🇮🇳୧୦-ଅଭିନେତ୍ରୀ ମମତା କୁଲକର୍ଣ୍ଣି ମହାମଣ୍ଡଳେଶ୍ୱର ହେବା ପରେ ଉପୁଜିଲା ବିବାଦ l ଅଭିନେତ୍ରୀଙ୍କ ନୂଆ ପଦବୀକୁ ନେଇ ସନ୍ଥମାନେ ଦୁଇ ଭାଗରେ ବାଣ୍ଟି ହୋଇଯାଇଛନ୍ତି।
🇮🇳୧୧-୨୦୨୩ ମସିହାରେ ଶ୍ରୀମତୀ ଗ୍ରାଣ୍ଡ ଇଣ୍ଟରନ୍ୟାସନାଲ ମୁକୁଟ ପିନ୍ଧିଥିବା ଡାକ୍ତର ସାଇପ୍ରସନ୍ନା ବେହେରା ହାସଲ କଲେ ଆଉ ଏକ ଐତିହାସିକ ମାଇଲଖୁଣ୍ଟ l ତାଙ୍କର ଉଲ୍ଲେଖନୀୟ ଅବଦାନ ପାଇଁ ମିସେସ୍ ଗ୍ରାଣ୍ଡ ଇଣ୍ଟରନ୍ୟାସନାଲ ୨୦୨୩-୨୦୨୫ରେ କରାଗଲା ସମ୍ମାନିତ l
🇮🇳୧୨-ଭାରତ ଏବଂ ବାଂଲାଦେଶ ମଧ୍ୟରେ ଚାଲିଥିବା କୁଟନୈତିକ ବିବାଦରେ ଏଣ୍ଟ୍ରି ମାରିଲା ପାକିସ୍ତାନ। ପାକିସ୍ତାନୀ ଗୁଇନ୍ଦା ସଂସ୍ଥା ISIର ଅଧିକାରୀମାନେ ବାଂଲାଦେଶ ସହିତ ବନ୍ଧୁତା ବଢ଼ାଇବା ପାଇଁ ପହଁଚିଲେ ଢାକା l
🇮🇳୧୩-ଉଚ୍ଚ ବେତନ ହାରରେ ସୁନ୍ଦର ପିଚାଇ ଓ ଟମ୍ କୁକ୍ ଙ୍କୁ ପଛରେ ପକାଇଲେ ଷ୍ଟାରବକସ୍ CEO l ମାତ୍ର ୪ ମାସରେ ସେ କମ୍ପାନୀରୁ ୯୬ ମିଲିୟନ ଡଲାର (ପାଖାପାଖି ୮୨୭ କୋଟି ଟଙ୍କା) ପାଇଛନ୍ତି, ଯାହା ଉଚ୍ଚ ବେତନ ହାରରେ ଏକ ରେକର୍ଡ।
🇮🇳୧୪-କାଶ୍ମୀର ଉପତ୍ୟକାର ଗଛରେ ଲାଗିଛି ଆଧାର କାର୍ଡ l ଲେଖାଯାଇଛି ଡିଜିଟାଲ ଟ୍ରି ଆଧାର । କାର୍ଡରେ ଲାଗିଥିବା QR କୋର୍ଡ ସ୍କାନ କରି ଗଛର ବୟସ ଓ ଠିକଣା ଜାଣିହେବ ।
🇮🇳୧୫-କେବଳ ଇସ୍ରାଏଲ୍ ଏବଂ ତୁର୍କୀକୁ ବାଦ୍ଦେଲେ ୟୁକ୍ରେନ୍ ସମେତ ଅଧିକାଂଶ ଦେଶକୁ ବିଦେଶୀ ସହାୟତା ବନ୍ଦ କଲା ଆମେରିକା l ଏଣିକି ଏହି ଦେଶଗୁଡ଼ିକୁ ନୂଆ ପାଣ୍ଠି ମଞ୍ଜୁର କରାଯିବ ନାହିଁ କିମ୍ବା ନବୀକରଣ କରାଯିବ ନାହିଁ l
🇮🇳୧୬-ପ୍ରୟାଗରାଜରେ ଅନୁଷ୍ଠିତ ହେଉଥିବା ମହାକୁମ୍ଭରେ ୭୩ଟି ଦେଶର କୂଟନୀତିଜ୍ଞମାନେ ସଙ୍ଗମରେ ବୁଡ଼ ପକାଇବେ। ପରସ୍ପରର ଶତ୍ରୁଥିବା ରୁଷିଆ ଏବଂ ୟୁକ୍ରେନର ରାଷ୍ଟ୍ରଦୂତମାନେ ମଧ୍ୟ ଏହି ଐତିହାସିକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ l
🇮🇳୧୭-ଇସ୍ରାଏଲ ସହିତ ଶାନ୍ତି ବୁଝାମଣା ପରେ ୪ ଜଣ ଇସ୍ରାଏଲ ମହିଳା ଯବାନଙ୍କୁ ମୁକ୍ତ କଲା ହମାସ, ଏମାନେ ୪୭୭ ଦିନ ହେଲା ବନ୍ଦୀ ଥିଲେ l
🇮🇳୧୮-ଦ୍ବିତୀୟ ଟି-୨୦ : ଟିମ୍ ଇଣ୍ଡିଆ ମଥାରେ ବିଜୟ ତିଳକ ଲଗାଇଲେ ତିଲକ ବର୍ମା। ସଂଘର୍ଷପୂର୍ଣ୍ଣ ମ୍ୟାଚ୍ରେ ଇଂଲଣ୍ଡକୁ ୨ ୱିକେଟ୍ରେ ହରାଇଲା ଭାରତ ।
🇮🇳୧୯-ଚାମ୍ପିଅନ୍ସ ଟ୍ରଫି ପୂର୍ବରୁ ଟିମ୍ ଇଣ୍ଡିଆ ପାଇଁ ଶୁଭ ଖବର, କର୍ଣ୍ଣାଟକ ବିରୋଧରେ ଦ୍ବିତୀୟ ପାଳିରେ ଗିଲ୍ ୧୭୧ଟି ବଲ୍ ଖେଳି ୧୦୨ ରନ କଲେ ସଂଗ୍ରହ । ଏଥିରେ ୧୪ଟି ଚୌକା ଏବଂ ୩ଟି ଛକା ରହିଛି ।
🇮🇳୨୦-ହକି ଇଣ୍ଡିଆ ଲିଗ୍: ବିର୍ସା ମୁଣ୍ଡା ଷ୍ଟାଡିୟମରେ ଗତକାଲି ଖେଳାଯାଇଥିବା ପ୍ରଥମ ମ୍ୟାଚ୍ରେ ଟିମ୍ ଗୋନାସିକା ପ୍ରଭାବଶାଳୀ ପ୍ରଦର୍ଶନ କରି ୪-୨ ଗୋଲ୍ରେ ଶକ୍ତିଶାଳୀ ତାମିଲନାଡୁ ଡ୍ରାଗନ୍ସକୁ କଲା ପରାସ୍ତ l
