LiG Tydskrif

06/10/2025

In vandag se vind ons inspirasie in Ilze Steenkamp se woorde: “Laat jou lig skyn, soos Jesus in Matteus 5:6 vra. God het ons nie geskep om in die hoekie te sit nie. Moenie toelaat dat enige iets jou keer om ’n vol lewe te lei nie. Nie siekte, oordeel, teleurstelling, die duiwel wat in ons oor fluister, of enige iets anders moet ons keer om te wees wat God ons geskep het om te wees nie! Ek kies elke dag om nie te onthou dat ek fase vier-kanker het nie. Ek kies om nie toe te laat dat die daaglikse naarword-sessie my aftrek nie. Kies lig, kies positiwiteit!”
Ilze se droom om mev Botha te word, het waar geword. Sy het ongelukkig kort daarna haar stryd teen eierstokkanker verloor.

“Ek droom al lank van my troue. En een van my grootste wense is om in ’n huwelik te wees en as ’n Botha dood te gaan. Ek weet dit klink erg, maar my droom is

06/10/2025

LiG 🩷 Lief 🩷 The Wellness Club in die Paarl. Toe ek by The Wellness Club Nutrition aangesluit het, is ek gekonfronteer met waar ek my werklik bevind wat my gesondheid betref. Ek het harde lesse geleer oor my metaboliese ouderdom, beendigtheid, spiermassa en eetgewoontes. Dit was die keerpunt wat ek nodig gehad het.
Dis nie bloot ’n dieet- of oefenprogram nie, dis ’n reis van ondersteuning en aanspreeklikheid. Hier leer jy dat gesondheid nie net met gewig te doen het nie, maar met watter soort mens jy oor tien jaar wil wees.

06/10/2025

Die sangeres en liedjieskrywer RIANA NEL sê sy ervaar ’n dringendheid in haar hart om meer oor God te getuig. Daarom het sy vanjaar die lied Laat U Wil die lig laat sien, welwetend dat dit nie ’n groot treffer sal word nie. Sy het met LiG gesels oor haar daaglikse strewe na “meer van Jesus in my, en minder van die wêreld”. Asook oor hoe sy daagliks gekonfronteer word met ’n toutrekkery tussen ma wees en haar werk ...

Foto: Laurensia Burger

06/10/2025

Here, ek het U nou nodig – nes altyd.

03/10/2025

Soms “verdrink” jy behoorlik in daardie herinneringe wat jou laat glimlag, maar wat ook vir ’n diep en dalk hartseer sug sorg.
Ek is so jammer vir kinders wat nie sulke Vrydagaande ken nie. Hulle weet ook niks van die draairoomys waarvoor jy skemeraand kafee toe moes loop nie, of hoe om paddavissies by ons skool se riviertjie te vang nie. Die moerbeiboom se blare op die Pen Basson-krieketveld kan nie meer gepluk word nie; nou is daar ’n hek en ’n wag wat jou sal voorkeer.
Ons moet maar aanvaar dat dit ons taak as ouer en opvoeder is om nuwe ervarings te skep en dan daarop voort te bou.

Hugenote Laerskool/Huguenot Primary School Wellington

’n Ruk gelede het ek, ná ’n rondhardloop-middag, deur ons Bolandse dorp gery. Ek het so skramsweg die winkels raakgesien en aan Mr. VIDEO teruggedink. Dit was

02/10/2025

Toe ek (Lindie Strydom) haar op ’n keer vra hoe die Here haar verander het deur die werk wat sy doen, het my vriendin Sanet Fagan van SA Cares for Life geantwoord: “Daar is sóveel mense met soveel minder as ek, en tog soveel meer. As ons meer gereeld daar is om die vreugde en dankbaar­heid van mense te beleef wat volledig van God afhanklik is vir elke dag se brood, sal ons besef dis eintlik óns wat van hulle moet ontvang.

Die gesindheid van ons hart bepaal die oopheid van ons hande. Dit is hoe ek die gemeentes in Masedonië se voorbeeld van blymoedige vrygewigheid sou opsom.

02/10/2025

Die pad na genesing was nie maklik nie. Leilani kon jare lank nie oor die voorval praat nie; dit was bloot “die insident”. Sy kon doodgewoon geen woorde vind vir wat sy beleef het nie.
Eers toe sy die Turning Point-kursus afgelê het om haar trauma te verwerk, het haar pad na herstel begin. Daar het sy ’n voormalige verkragter ontmoet. Aanvanklik was sy kwaad, maar daarna het hulle ’n betekenisvolle pad saam gestap, wat haar uiteindelik na vergifnis gelei het.

“Ek hou nou nog nie daarvan as iemand aan my nek vat nie,” sê Leilani Kuter (50) van Johannesburg. Sy was maar 18 jaar oud, vol hoop en vol drome, toe haar

02/10/2025

Vind geestelike vervulling – nie net ’n oomblik se bevrediging nie

01/10/2025

LiG 🩷LIEF🩷 die boek 'God is...' deur Dirkie van der Spuy, uitgegee deur Bybel-Media
Ontdek opnuut God se onbeskryflike grootheid en heerlikheid wanneer jy lees en nadink oor 30 baie besonderse eienskappe van God.
Mag hierdie boek jou bring by die belydenis:
Aan God alleen behoort die koninkryk en die krag en die heerlikheid, tot in ewigheid.

Besoek Bybel-Media se aanlyn boekwinkel by: www.bybelmedia.org.za

01/10/2025

Want as God werklik ons gebede verhoor en in ons beste belang optree, beteken dit dat selfs die moeilike dinge in ons lewe kan verander, en dan vir altyd. En dit hou onder meer in dat daar ’n groot verantwoordelikheid op ons skouers rus. Ja, juis ons wat tot die lewende God bid.

The mom who changed her mind

Ek is laat. Ek weet ek sal nooit betyds by die werk wees nie. Maar ek vlieg met ’n vaart weg by my huis en jaag deur die dorp se strate. ’n Mens weet nooit …

30/09/2025

“Met my mond het ek wel gesê ek het hom, húlle, vergewe. Maar in my hart was dit ’n ander storie. Dit was eers nadat ek met borskanker gediagnoseer is en die Here my gekonfronteer het dat ek die waarheid in die oë kon kyk. Toe eers het ek geleer dat vergifnis nie ’n emosie is nie maar ’n doelbewuste keuse.”

“Jy gaan vrek vanaand!”

29/09/2025

“Ek was uiters depressief. In die eerste drie jaar ná die ongeluk was my wêreld pikdonker. Ek kon nie eens my arms oplig nie. Ek het gevoel dat ek ʼn las is, en ʼn probleem vir almal om my. Ek het die hele dag deur net na die plafon gelê en staar.”
“Ek het baie vrae vir die Here gevra. Ek het ook baie motiveringsvideo’s gekyk, onder meer van dr Myles Munroe, ʼn prediker en motiveringspreker.
“Myles Munroe se video’s The Recovery of the Mind motiveer jou onder meer om geestelike dissipline te handhaaf. En om ʼn transformasie te ondergaan deur toe te laat dat jou denke vernuwe word.”

Toe Patrick Botto ná ’n motorongeluk besef dat hy ʼn kwadrupleeg is, het hy lank net na die plafon gelê en staar. Hy was 23 jaar oud. Maar God, ’n vars uitkyk