27/07/2016
*හුග කාලෙකින් ඔන්න ආයිත් මං Page එකේ වැඩ පටන් ගත්තා.😊
🔴CV JOINT.
-velocity_joints කෙටියෙන් CV joint ලෙස හඳුන්වන මෙමඟින් drive shaft එකේ සිට රෝදවලට බලය අවම ඝර්ශණයකින් හා play එකකින් ස්ථායි වේගයකින් විචල්යවූ කෝණයන්ගෙන් ගෙනයා හැක. තේරුනාද මන්දා…
හරි සරලව කිව්වොත් වාහනේ ගියර් පද්ධතියෙන් එක කැරකැවුම් බලය රෝදවලට එකම වේගයකින් දෙන්න එපැයි. හැබැයි සස්පෙන්ශන් සහ ස්ටීරින්වීල් එකත් එක්ක රෝද එකම විදිහට තියෙන්නෙ නෑනේ. ඉහල පහල එහාමෙහා යනවානේ. ඉතින් එක විදිහට ඉන්නෙ නැති මේ රෝදවලට කැරකැවුම් බලය එකවිදිහට දෙන්න උදව් වෙන්නෙ මේ සීවී ජොයින්ට්. දැන්නම් තේරෙන්න ඇති කියලා හිතනවා.
මේ සීවී ජොයින්ට් එන්නෙ front wheel drive vehicles වලට සහ නවීන independent rear suspension සහිත rear wheel drive cars වලට. මේ සීවී ජොයින්ට් එක ආරක්ෂා වෙන්නෙ ග්රීස් පිරුනු රබර් බූට් එකකින්. මේ බූට් එක හොඳට සීල් වෙන්න ඕන. බූට් එකට වෙන පොඩි හරි හානියක් සීවී ජොයින්ට් එක හානිවීමට බලපානවා.
සාමාන්යයෙන් සීවී ජොයින්ට් කියන්නෙ නිතර නඩත්තු කරන්න ඕන දෙයක් නෙවෙයි. සීවී ජොයින්ට් එක බූට් එකෙන් හොඳට ආරක්ෂා වෙලා තියෙන තාක්කල් සීවි එක කරදරයක් වෙන්නෙ නෑ. ඔරිජිනල් සීවි එකක ආයුකාලය සැතපුම් 300,000යි. අපේ ගොඩක් අයගේ සීවි ජොයින්ට් සවුත්තු වෙන්නෙ බූට් එකට හානිවීම නිසා ඇතුළත ඇති ග්රීස් එළියට කාන්දුවී ඒ වෙනුවට කුණු, මඩ සහ දුහුවිලි ඒ තුළට යෑමෙන්. සීවි ජොයින්ට් එකේ ග්රීස් අඩුවීම හා කුණු දුහුවිලි ඒ අතර සිටවීම නිසා ඉක්මණින් ගෙවෙන්න පටන්ගන්නවා. ඒ නිසා සර්විස් එකට දාන හැම පාරකම සීවි බූට් හොඳ තත්ත්වයේ තියනවාද කියලා චෙක් කරලා බලන්න.
සීවි ජොයින්ට් හානිවී හෝ ගෙවී ඇති බව පෙන්නුම් කරන ලක්ෂණ මොනවාද?
අපි මුලින් කිව්වාවගේ සීවි ජොයින්ට් එක හානිවෙන්නෙ සීවි බූට් එකට හානි සිදුවුනාම. ඒ නිසා සීවි බූට් එක දිහා බැලුවම ග්රීස් පාරවල් තියනවා නම් ඉක්මණින් සීවි බූට් එක පරීක්ෂා කරන්න. මොකද කිසිම හේතුවක් උඩ ග්රීස් ලීක් වෙන්න බෑ. හානිය ඊට වඩා ලොකුයි නම් රිම් එකේ ඇතුල් පැත්තෙත් ග්රීස් ගෑවිලා තියෙන්න පුලුවන්. ඉතින් ඔය කාරණාව නොසලකා හෝ නොදැක ඔබ දිගටම වාහනේ දිව්වොත් අපි මුලින් කිව්ව විදිහට සීවි ජොයින්ට් එක ගෙවෙන්න පටන්ගන්නවා. ගෙවුනට පස්සෙ වාහනේ හරනවකොට “ටක ටක” ශබ්දයක් එන්න පටන්ගන්නවා. බොහෝවිට ඔබට මෙය වාහනවල ඇසී ඇති. ඒ තමයි ගෙවුනු සීවි ජොයින්ට් එකේ සද්දෙ.
ඔතනදි අපි පොඩි දෙයක් කියලා දෙන්නම්, ගොඩක් වෙලාට ගරාජ් වල සීවි ජොයින්ට් දෙකම දාන්නද අහනවා. හැබැයි එකක් හොඳ වෙන්න පුලුවන්. එහෙම වුනොත් අපරාදෙ. ඒ නිසා හොඳින් පරීක්ෂා කර බලන්න. වාහනේ හරවනකොටත් දකුණට හරවනවිට වමට වඩා ශබ්දය වැඩි නම් ගෙවී ඇත්තේ වම් සීවි එකයි. ඒවගේම වමට හරවන විට දකුණට වඩා ශබ්දය වැඩී නම් ගෙවී ඇත්තේ දකුණු සීවි එකයි.
තව වාහනේ වේගය වැඩි කරනවිට “ටක ටක” ශබ්දය එනවා. අධික ලෙස ගෙවුණු හෝ හානිවුනු සීවි එකක් වාහනය ධාවනයේදී ගැලවී වෙන්වී යාහැක. එක අනතුරුදායකයි. මතක තියාගන්න මේ ඔක්කොම කතන්දර වෙන්න outer CV joint එකට. Inner CV joint එක ගෙවෙන්නෙ හරි අඩුවෙන්. හැබැයි කලාතුරකින් හෝ Inner CV joint එක ගෙවුනොත් හෝ හානිවුනොත් වාහනේ වේගය වැඩි කරනවිට වාහනය දෙපසට ගැස්සෙන්න පුලුවන්. ඒවගේම රිවස් ගියර් එකට දානකොට ලෝහ ගැටෙන හඬක් ඇහෙන්න පුලුවන්.
සීවි ජොයින්ට් එක අලුත්වැඩියා කරන්නෙ කොහොමද?
අපි මුලින් කියපු විදිහට ලෙඩේ කලින්ම අල්ලගත්තොත් සීවි බූට් එක විතරක් අලුත් ග්රීස් එක්ක දාලා ගොඩගන්න පුලුවන්. හැබැයි සීවි ජොයින්ට් එකම දාන්න උනොත් ටිකක් වියදම් අධිකයි. සමහර වාහන වල සීවි ජොයින්ට් එක සහ ඩ්රයිව් ෂාෆ්ට් එක එන්නෙ එකට. එහෙම උනොත් මුලු එකම දාන්න වෙනවා. සීවි ජොයින්ට් එක ඔබ ගෙදරදීම මාරුකරගන්න හැකියාවක් තියනවා නම් ඔබට අවශ්ය වෙනවා torque wrench එකක් සහ හරි සයිස් එකට සොකට් එකක්. මොකද සීවි ජොයින්ට් ලොක් නට් එක හරි තදයි. ඒවගේම lower ball joint එක එළියට ආවට පස්සෙ ආපහු දාගන්න විශේෂ tool එකක් නැතුව බෑ. ඒ නිසා tools නැත්තම් වැඩේට අතගහන්න එපා.
!['s post🔴ELECTRONIC POWER STEERINGEPS ක්රමයේදී ඔයිල් භාවිතයක් අවශ්ය නොවේ.TPS [ Trottle Position Sensor ] එකෙහි සංඥාව ...](https://img5.medioq.com/416/078/1191848914160782.jpg)
