The Mom-Logue

03/09/2026

දරුවන්ට එකතු කරන්න කියලා දෙන්නෙ කොහොමද? - ලිපි අංක 01

කියන්න සතුටුයි ගොඩාක් අම්මලා කියලා තිබුනා මේ ගැන දැනගන්න කැමති කියලා.ඉතිම් ඔයාලා වෙනුවෙන් වගේම අනෙකුත් සෑම දෙමාපියෙක්ටම දැන ගන්න මේ ලිපි පෙල ලියන්න තීරණය කරා.🥰

ඔයාලා දන්නවා ගණිතය එකතු කිරීම , අඩු කිරීම වගේ සංකල්ප උගන්වන්නෙ ප්‍රාථමික ශ්‍රේණි වලදි.ඒ කියන්නෙ එක ,දෙක වගේ වසරවල් වලදී.නමුත් ඔයා හෝම්ස්කූලින් කරන කෙනෙක් නම් ඔයාට පුලුවන් මේ ගණිතය කියන විශය මුල ඉදන් නිවරැදිව දරුවට කියලා දෙන්න ගෙදරදීම .කොහොමද මේක පටන් ගන්නෙ කියලා අපි දැන් බලමු.

මුලින් ම ගණිතය එකතු කිරීම ,අඩු කිරීම කියන සංකල්ප වලට යන්න කලින් අපි දරුවන්ට මූලිකවම කියලා දෙන්න අවශ්‍ය දේවල් ටිකක් තීනවා.ඒ මොනවද කියලා අපි step by step ඉගෙන ගමු.

🌈පලවෙනි ම දේ තමයි අපි දරුවන්ට ඉලක්කම් ගැන හොද අවබෝධයක් ලබා දෙන්න ඕන.ඒ කියන්නෙ දරුවට 0 - 9 වෙනකම් වගේම එතනින් එහාට තීන ඉලක්කම් ගැන හොද අවබෝධයක් ලබා දෙන්න ඕන.

ඒ කියන්නෙ ඉලක්කම පෙන්නුවම මේක එක,මේක දෙක ....ඒ වගේ ඉලක්කම දැක්ක ගමන් අදුරගන්න පුලුවන් වෙන්න ඕන.සරලවම කිව්වොත් අපි ඔය කියන්නෙ Number recognition කියලා අන්න ඒ දේ තමයි ඉලක්කම් හදුනාගැනීම කියලා කියන්නෙ.

ඊළග දේ තමයි ඉලක්කම් හදුනා ගත්තට පස්සෙ ගණන් කිරීම(Counting ).one,two,three ....හෝ එක ,දෙක,තුන...කියලා දරුවා මතකෙන ගනණ කරන එක නෙමෙයි මං මෙතනදී අදහස් කරන්නේ.ඒක කොහොමත් දරුවා චූටි කාලේ ඉදන් දරුවගේ කනට ඇහිලා ඇහිලා දරුවා කටපාඩමින් ගණන් කරන්න ඉගෙන ගන්නවනේ.

ඒක නෙමෙයි මං කියන්නෙ.දරුවා කිසියම් ද්‍රව්‍යක් එකින් එක ගණන් කරනවනම් ඒ කියන්නෙ ගැල් කැට 5ක් තීනවා කියලා හිතන්නකෝ.ඒ ගල් කැට පහ දරුවා 1,2,3,....ආදී වශයෙන් එකින් එක ගල් කැට ගනන් කරනවනම් අන්න ඒක තමයි මං counting කියලා මෙතන අදහස් කරේ.සරලවම කිව්වොත් අපි one to one correspondence කියලා කියන්නෙ මෙන්න මේ දේට.

දරුවට ගණන් කරන්න වගේ ම ඉලක්කම හදුනාගන්න පුලුවන් වුණාට පස්සෙ අපිට ඒ ඇසුරින් ක්‍රියාකාරම් ගොඩාක් දරුවා එක්ක කරන්න පුලුවන් .ඒ වගේම මේ ගණන් කරන දේ Day today life එකට සම්බන්ධ කරන්න පුලුවන් .නිතරම ගෙදරට ගේන බඩු දරුවා එක්ක එකින් එක ගණන් කරන්න පුලුවන් ,සෙල්ලම්බඩු අස් කරන ගමන් ගණන් කරන්න පුලුවන් ...මේ වගේ එදිනෙදා ජීවිතයේදී කරන දේවල් එක්ක මේ ගණන් කරන දේ අපිට දරුවට කියලා දෙන්න පුලුවන් .

එකතු කරන්න යන්න කලින් මෙන්න මේ පලමු පියවර දරුවා එක්ක කරලා ඉන්න.ඒක හරිම වැදගත්.සාරාංශයක් විදිහට කිව්වොත් මුලින්ම දරුවට number recognition සහ one to one correspondence concept කියලා දීලා ඉන්න.ඒ සම්බන්ධ ක්‍රියාකාරම් දරුවා එක්ක කරන්න මුලින්.

දරුවන්ට කොහොමද එකතු කරන්න කියලා දෙන්නෙ ? ලිපි අංක 02 සමගින් නැවත ඉක්මනින් හමුවෙමු.පලමු ලිපිය ගැන ඔබේ අදහස පහලින් comment කරන්න🥰

Curious Cubs Homeschool
2026.09.03
​© 2026 Curious Cubs Homeschool . All Rights Reserved

fans

01/09/2026

Hello September 🌈🧿

සිහින හඹා යන්න, වෙනස්කම් ආදරයෙන් වැළඳගන්න, හැම මොහොතකටම ස්තූතිවන්ත වෙන්න අලුත් මාසයක් ලැබුණා.. සැප්තැම්බර් මාසය අපේ ජීවිතවලට ආශීර්වාදයක්ම වේවා! ☕🍁✨

The Mom-Logue
2026.09.01
​
fans

31/08/2026

දෝණිගේ Home Library එකට එකතු වුණ අලුත් යාලුවෝ ටික📚 ❤️🌈

පොත් ටික දැක්ක ගමන්ම එයා පොපි,සෑම් ඉන්නවා කියලා කිව්වා.එයා ඒ දෙන්නව හොදට දන්නවා මොක්ද එයා හරි ආසාවෙන් කියවන පොතක්නෙ Poppy & Sam's Christmas book එක.ඒක නිසා දැක්ක ගමන් එයාට මතක් වුණා.එයා හරිම ආසාවෙන් ඒ පොත් ටික බැලුවා.එයා ඒ ටිකට ගොඩාක් ආස වුණ නිසා මටත් හරිම සතුටුයි.🥰❤️

මේ ලස්සන පොත් ටික මං ගත්තෙ Deen the Bookman page එකෙන්.පලවෙනි පාරට තමයි මේ page එකෙන් පොත් ගත්තේ,කියන්න හරිම සතුටුයි එයාලගේ කස්ටර්මර් සර්විස් එක ගොඩාක් හොදයි.ඒ වගේම තමයි පොත් වල මිල ගණනුත් හරිම සාධාරණයි.Highly recommend this page .Thank you so much *Deen the Bookman* page❤️🥰

The Mom-Logue
2026.08.31

fans

30/08/2026

29/08/2026

වයස අවුරුදු 4ත් 6ත් අතර කාලය යනු පුංචි දරුවෙකුගේ මොළයේ වර්ධනය සහ සංජානන කුසලතා අතිශයින් වේගයෙන් විකාශනය වන, ඔවුන්ගේ අනාගත ඉගෙනුම් පුරුදු හැඩගස්වන ඉතාමත් තීරණාත්මක රන් කාලයයි.

ප්‍රසිද්ධ මනෝවිද්‍යාඥ ජින් පියාජේගේ න්‍යායන්ට අනුව, මෙම වයස් කාණ්ඩයේ දරුවන් පසුවන්නේ පූර්ව මෙහෙයුම් අවධියේ (Preoperational Stage) වන අතර, ඔවුන් ලෝකය වටහා ගන්නේ සංකේතාත්මක චින්තනයෙන් සහ සෘජු සංවේදී අත්දැකීම් හරහාය.

එසේම, ලෙව් වයිගොට්ස්කිගේ සමාජ-සංස්කෘතික සංකල්පවලට අනුව, දරුවන් වැඩිමනත් ඉගෙන ගන්නේ සමාජ අන්තර්ක්‍රියා සහ වැඩිහිටියන්ගේ සුදුසු මගපෙන්වීම යටතේය. මෙම අවධියේදී දරුවන්ට වියුක්ත සංකල්ප තේරුම් ගැනීම අපහසු බැවින්, ඔවුන්ගේ මොළය සංවර්ධනය වන්නේ ස්පර්ශ කළ හැකි, දැකිය හැකි සහ අත්හදා බැලිය හැකි පරිසරයක් තුළය.

චිත්තවේගීය ආරක්ෂාව සහ ආත්ම විශ්වාසය නොමැතිව ඵලදායී ඉගෙනුමක් කිසිවිටෙක සිදුවිය නොහැක.

ප්‍රායෝගික ඉගැන්වීම් ක්‍රමවේද මොනවද කියලා බලමු.

1) ක්‍රීඩා මගින් ඉගෙනුම (Play-based Learning).

අකුරු ලිවීමට පොත පෑන පමණක් භාවිත නොකර, වැලි මත ලිවීම, මැටිවලින් අකුරු හැඩගැස්වීම හෝ වර්ණවත් කැට භාවිතයෙන් අංක හා අකුරු ඉගැන්වීම මගින් බහු-සංවේදී ඉගෙනුමක් සිදු වේ. ✏️🎨

2) කෙටි සහ විනෝදජනක ක්‍රියාකාරකම්.

දරුවන්ගේ අවධානය පරාසය ඉතා කෙටි බැවින්, ඕනෑම ක්‍රියාකාරකමක් මිනිත්තු 10ත් 15ත් අතර කාලයකට සීමා කර විවේක ලබා දීමෙන් ඔවුන්ගේ උනනුව අඛණ්ඩව රඳවා ගත හැක.

3) කථාන්දර හරහා ඉගෙනුම (Storytelling)

වියුක්ත සංකල්ප හෝ හොඳ පුරුදු සරල කතාවක් හරහා පැහැදිලි කිරීමෙන් දරුවන්ගේ පරිකල්පන ශක්තිය, භාෂා ධාරිතාව සහ සවන්දීමේ කුසලතාව ඉහළ යයි.

4) සංගීතය සහ රිද්මය භාවිතය (Music & Rhythm)

රිද්මයානුකූල ගී සහ කවි හරහා අකුරු, අංක හෝ වචන ඉගැන්වීමෙන් මොළයේ සංගීතමය සහ භාෂාමය කොටස් එකවර උත්තේජනය වී මතක තබා ගැනීමේ හැකියාව වැඩි වේ. 🎶🎤

5) ස්වාධීනත්වයට ඉඩ දෙමින් සීමිත තේරීම් දීම (Offering Choices)

"අපි දැන් මේ ක්‍රියාකාරකම කරමුද, නැත්නම් වෙනත් චිත්‍රයක් අදිමුද?" වැනි සීමිත තේරීම් ලබා දීමෙන් දරුවාට තමන්ගේ තීරණ ගැනීමේ හැකියාව සහ ආත්ම විශ්වාසය වර්ධනය වේ. 🤹‍♀️

6) කුතුහලය සහ ප්‍රශ්න ඇසීම දිරිගැන්වීම (Encouraging Curiosity)

දරුවන් අසන අනේකවිධ ප්‍රශ්නවලට නොඉවසිලිමත් නොවී, ඔවුන්ගේ සිතීමේ ශක්තිය අවදි වන ආකාරයට සරලව පිළිතුරු දීම සහ "ඔයා හිතන්නේ කොහොමද?" කියා ආපසු ප්‍රශ්න කිරීම.

7) රඟ දැක්වීම් සහ මවාපෑමේ ක්‍රීඩා (Role-play & Pretend Play)

වෛද්‍යවරයකු, ගුරුවරයකු හෝ සාප්පු සවාරි යන්නෙකු ලෙස රඟපාමින් (Pretend Play) සමාජ සන්නිවේදනය, සහයෝගීතාව සහ සැබෑ ලෝකයේ හැසිරීම් ස්වභාවිකව ප්‍රගුණ කරයි. 🎭🛒

8) ස්වභාවධර්මය සමඟ සම්බන්ධ වීම (Outdoor Exploration)

ගෙවත්තේ මල්, කොළ, වැලි සහ කුඩා කෘමීන් නිරීක්ෂණය කිරීමට අවස්ථාව ලබා දීමෙන් ඔවුන්ගේ සංවේදී ඉගෙනුම් අත්දැකීම් පුළුල් වන අතර පරිසරය කෙරෙහි ඇල්මක් ඇති වේ. 🌿🌳

9) ධනාත්මක දිරිගැන්වීම (Positive Reinforcement)

වැරදි සිදු වූ විට දඬුවම් කිරීම හෝ දෝෂාරෝපණය කිරීම වෙනුවට, ඔවුන්ගේ කුඩා උත්සාහයන් පවා අගය කිරීම මගින් දරුවා තුළ ස්වයං-වටිනාකම් හැඟීමක් සහ ඉගෙනීමට ඇති ඇල්ම වැඩි වේ. ❤️

10) ස්ථාවර දින චර්යාව (Routine)

දරුවා දෛනික නිශ්චිත කාලසටහනකට හුරු කිරීමෙන් ඔවුන්ට මානසික සුවපහසුවක් ලැබෙන අතර, එය ඔවුන්ගේ ස්වයං-විනය සහ අවධානය වර්ධනය කිරීමට දැඩි ලෙස උපකාරී වේ.

ඔබේ පුංචි පැටියාට අලුත් දේවල් උගන්වද්දී ඔබ අනුගමනය කරන විශේෂ ක්‍රම මොනවාද? ඔබේ අදහස් අප සමඟත් පහතින් බෙදාගන්න.

The Mom-Logue
2026.08.29

fans

28/08/2026

අපේ පුංචි පැටව් එක එක දේවල් වලට බය වෙන එක සාමාන්‍ය දෙයක්. ඒත්, ඒ බිය හෝ බියගුලුකම දරුවගේ දෛනික ජීවිතයට, ඉගෙනීමට සහ පවුලේ කටයුතු වලට බාධාවක් වෙන තරමට දිගින් දිගටම පවතිනවා නම්, ඒ ගැන අපි මීට වඩා හිතන්න ඕනේ 💔

ගණන් හිලව් බලද්දී ළමුන් 12 දෙනෙකුගෙන් එක් අයෙකුටත්, යොවුන් වියේ පසුවන්නන් 4 දෙනෙකුගෙන් එක් අයෙකුටත් කාංසා ආබාධ බලපානවා.

අපි අද බලමු අපේ දරුවන් අතර බහුලව දකින්න ලැබෙන කාංසා ආබාධ වර්ග 3ක් සහ ඒවා හඳුනාගන්නේ කොහොමද කියලා.

1. වෙන්වීමේ කාංසා අක්‍රමතාව (Separation Anxiety Disorder) 🥺

කුඩා කාලයේදී (මාස 8-12 අතර) අම්මාගෙන් හෝ තාත්තාගෙන් වෙන්වෙන්න බය වෙන එක සාමාන්‍යයි. ඒත් දරුවා ලොකු වෙද්දිත් ගෙදරින් හෝ පවුලේ අයගෙන් වෙන්වෙන්න දැඩි ලෙස අකමැති නම්,දෙමාපියන්ට යම් අනතුරක් වෙයි කියලා අහේතුකව අධික ලෙස බිය වෙනවා නම්,ඉස්කෝලේ යන්න හෝ වෙනත් අය සමඟ තනිවෙන්න දැඩි ලෙස අකමැති වෙනවා නම්, මෙය 'වෙන්වීමේ කාංසා අක්‍රමතාවය' විය හැකියි.

2. සුවිශේෂී භීතිකා (Specific Phobias) 🕷️⛈️

අකුණු ගහද්දි, කළුවරට හෝ සතෙකුට බය වෙන එක සාමාන්‍යයි. නමුත් බල්ලන්, මකුළුවන්, විදින කටු (Injections) වැනි නිශ්චිත දෙයකට දැඩි, අසාමාන්‍ය සහ අහේතුක බයක් දක්වනවා නම්,ඒ දේ ඉදිරියේදී හද ගැස්ම වේගවත් වීම, දහඩිය දැමීම, වෙව්ලීම, බඩේ කැක්කුම හෝ කැරකිල්ල වැනි රෝග ලක්ෂණ පෙන්වනවා නම්, ඒක 'සුවිශේෂී භීතිකාවක්' වෙන්න පුළුවන්.

3. සාමාන්‍ය කාංසා අක්‍රමතාව (Generalized Anxiety Disorder) 😟

අනාගතය, පාසල, යහළුවන් හෝ ආරක්ෂාව ගැන නිරන්තරයෙන් සහ අධික ලෙස කනස්සල්ලට පත්වීම මෙහිදී සිදුවේ.අන් දරුවන්ට වඩා අනාගතය ගැන අධික ලෙස බිය වීම,එක ප්‍රශ්නයක් ඉවර වෙද්දී තවත් ප්‍රශ්නයක් ගැන නිරන්තරයෙන් සිතමින් නොසන්සුන් වීම මෙහි ප්‍රධාන ලක්ෂණ වේ.

අම්මා කෙනෙක් විදිහට අපිට කරන්න පුළුවන් මොනවාද? දරුවාගේ මේ බිය එකපාරටම "ඔයා බොරුවටනේ බය වෙන්නේ" කියලා සුළු කරලා තකන්න එපා. එයාලගේ හැඟීම් වලට සවන් දෙන්න. දරුවාගේ මෙම ලක්ෂණ දිගින් දිගටම පවතිනවා නම් සුදුසු වෛද්‍ය හෝ මානසික උපදේශන සහාය ලබාගන්න. ❤️

🛑මේ ලිපිය තවත් අම්මා කෙනෙකුට, තාත්තා කෙනෙකුට දරුවාව තේරුම් ගන්න උදව් වෙයි. Share කරලා තවත් කෙනෙක් දැනුවත් කරන්න.

The Mom-Logue
2026.08.28
​© 2026 The Mom-Logue. All Rights Reserved
(මෙහි පළ වන සියලුම ලිපිවල අයිතිය The Mom-Logue සතු වේ. කතෘ අවසරයකින් තොරව මෙහි අන්තර්ගතය වෙනස් කර හෝ වෙනත් පිටුවල නැවත පළ කිරීමෙන් වළකින්න. Share කිරීම් සැමවිටම අගය කරමු❤️)

fans

27/08/2026

Beach යන්න බැරි වුනත් Park යන්න පුලුවන් වුණ නිසා මේ දෙන්නන්ම් හරිම සතුටෙන් හිටියේ.

The Mom-Logue
2026.08.27

fans

27/08/2026

Nothing beats a trip to our favorite place... Down South🌊☀️

නිවාඩුවක් ලැබුනු ගමන්ම අපි දුවන්නෙ බීච් එකට ඒත් අද නම් යන්න වුන් නෑ.මුහුද සැරයිනේ.ගිහින් ඈත ඉදන් බලලා ආවා💔

fans

25/08/2026

"මගේ දරුවාට කියවීමට උගන්වන්නේ කෙසේද?" කියා ඔබ කවදා හෝ සොයා බලා තිබේ නම්, ඔබට පිළිතුරු වලට වඩා ගැටලු රාශියක් මතු වන්නට ඇත. එය කිරීමට ඇති "නිවැරදි" ක්‍රමය පිළිබඳව ගණන් කළ නොහැකි වැඩසටහන්, වැඩපොත් සහ මතවාද පවති.

නමුත් සුභ ආරංචිය නම්, ඔබේ දරුවා කියවන්නෙකු බවට පත් කිරීමට උපකාර කිරීම සංකීර්ණ විය යුතු නැත. ඒ වෙනුවෙන් අපි සරලව නිර්මාණය කළ Curious Cubs Parent Phonics School එකත් සමග දැන් ඔබට සම්බන්ධ වී ඔබේ දරුවාගේ කියවීමේ ගමනට ශක්තිමත් පදනමක් මෙහිදී නිර්මාණය කරගත හැක.

මෙහි ඇති විශේෂත්වය වන්නේ Live ඔබට සම්බන්ධ වී ඉගෙනගත හැකිවීමයි.මේ සදහා දෙමාපියන්ට,ගුරුවරුන්ට,පොනික්ස් ඉගෙන ගැනීමට උනන්දුවක් දක්වන ඕනෑම කෙනෙකුට මේ සදහා සම්බන්ධ වෙන්න පුලුවන් .මෙහි ඇති විශේෂත්වය වන්නෙ අපි පෙරදී මාස 4න් කළ වැඩසටහන සති 8න් Online class එකක් ලෙස සිදු කිරීමයි. සම්බන්ධ වීමට සහ වැඩි විස්තර දැන ගැනීමට අපිට whatsapp පණිවිඩයක් යොමු කරන්න .

Whatsapp - 0713184298

ඔබට මේ දින චරියාව දරුවා සමග උත්සහ කරන්න පුලුවන් .

🌈සාර්ථක වන සරල දින චරියාවක්

- අකුරු කිහිපයක ශබ්ද පුහුණු වන්න.
- පහසුවෙන් කියවිය හැකි කෙටි කතාවක් (decodable story) එක්ව කියවන්න.
- ඔබේ දරුවා ඉගෙන ගත් දේ අගය කරන්න.
- හෙටත් පැමිණ නැවත එයම කරන්න.
- එය මීට වඩා සංකීර්ණ විය යුතු නැත.

දරුවන් වඩාත් හොඳින් ඉගෙන ගන්නේ අඛණ්ඩ, ස්ථාවර පුහුණුව තුළිනි. එමෙන්ම සෑම සාර්ථක කියවීමේ අත්දැකීමක් පාසාම ඔවුන්ගේ විශ්වාසය වර්ධනය වේ.මේ සම්බන්ධව මුල සිට සරලව නිවරැදිව ඉගෙන ගන්න අපෙ Curious Cubs Parent Phonics School එකත් සමග සම්බන්ධ වන්න.

The Mom-Logue
Curious Cubs Homeschool
2026.08.25

fans