16/02/2025
මේ ඉන්නේ නිමන්ත. හම්බ උනේ අද ( පෙබරවාරි 15 ) කොළඹ ඉඳන් ආපු Ella Odysey කොච්චියේදි . දවස පුරාම බොහොම ප්රියමනාප විදිහට කෝච්චියේ හිටපු ඔක්කොගෙම ටිකට් බලන එක ප්රශ්න වලට උත්තර දෙන එක tour guide කෙනෙක් විදිහට announce කරන එක ඔක්කොම කළා.
භාෂා දෙකෙන්ම හොදට කතා කරලා හැම වෙලේම මූනේ හිනාවක් එක්ක ආසාවෙන් තමන්ගේ රස්සාව කරන කොල්ලෙක්. කෝච්චියේ පොඩි කාර්මික දෝෂයක් වෙච්ච වෙලෙත් අස්සේ රිංගලා ගොඩ දාන්න ඉස්සරහට ගියා..
කෝච්චිය වැරදිලා නැග්ග අයට උනත් ( මේකට පස්සෙන් එන පොඩි මැණිකේ එකේ බුකිං ) බොහොම ලස්සනට වැරැද්ද කියලා දීලා ඊළග station එකෙන් බැස්සුවා . වැඩි ගණන් දීලා ටිකට් කළු කඩෙන් අරන් ආව විදේශිකයින්ට උනත් හරි විදිහ ගැන කියලා දුන්නා.
කොටින්ම මෙයා නිසා හැමෝගෙම ගමන බොහොම ප්රියජනක එකක් උනා. මෙයා වගේ අය තමා අපේ රාජ්ය සේවයට ඕනේ..
© akila darshana
