CEYLON SEEKER (2025)

29/06/2025

හරෝ හරා සාමි... පාද යත්‍රාව 2025

පුරා දින හතරක්, වන සතුන් අධික ජාතික වනෝද්‍යාන දෙකක් හරහා 100KM ආසන්න දුරක් ගෙවා ඔකඳ සිට කතරගමට පා ගමන..

29/09/2024

ටික කාලයක ඉදන් මට යමක් පේනවා...!!

දැන් දැන් මිනිස්සු ආයෙමත් ආපස්සට යනවා. ඔව්, නිල් පාට ඩිජිටල් තිර දිහා බලාගෙන බිත්ති අස්සට හිර වෙලා කොටු වෙලා ගෙව්ව ජීවත ඒවා ඉවතට දාල ආයෙමත් එළිමහනට යනවා. හුදෙකලාවත් එක්ක තනි වෙනවා. සැහැල්ලුවෙන් හුස්ම ගන්නවා. අනෝරා වැහි වල බය නැතුව තෙමෙනවා. ගිනි ගන්න මද්දහනෙ සැහැල්ලුවෙන් යනවා. වැලි පොලොවෙ නිරුවත් පයින් ඇවිදිනවා. පිනි පිරුණ තණ පියසි මත මහ පොලොව බදාගන්නවා. කදුකරය හමා එන සුළගින් මන්මත් වෙනවා. කදුකර සුවදැති මල් කිනිති දෝතට ගන්නවා. කදු මුදුන් ගිරි සිරස සිප ගන්නවා. ගහක වැලක සුවය සොයනවා. සතෙක් සිවුපාවෙකුට කරුණාබරිත වෙනවා. කුරුළු කූජනයකින් සවනත පිනනවා. පාවෙන වළාකුලක සැහැල්ලුව මනිනවා. හමන මඳ සුළඟක සිසිලස පතනවා,ගලන දිය දහරක ජීවිතේ දකිනවා. නැගෙන හිරු ප්‍රභාවක සනීපය සොයනවා.

වෙනදා ඔහේ පර උන කැළෑ මල් දැන් දැන් සාලෙ මැද හිනා වෙනවා. දිය කඩිති දොළ පිහිලි ලඟ තනි වෙනවා ,ඒ ඇල් දියක ගිලී නානවා.දුව පනින මසුන්ගෙන් දුක සැප විමසනවා. මල් කිනිති ගෙන දිගැසිය හිසේ පලදනවා. ගස් වැල් හුස්ම ගන්න අරුමය කියනවා. ඒ හුස්ම ම අපිට දෙන බව විස්වාස කරනවා.ගස්වැල් අපි එක්ක කතා කරනව කියල පිළිගන්නවා. කොන්ක්‍රීට් කරපු මහ පොලොව උගුල්ලා තණ පියසි අල්ලනවා.මහ පොලොවට මල් වැටෙන උයන් හදනවා.බිම වැටුන මල් පෙතිත් නොපාගා ඇවිදිනවා. ඉර ගිලෙන සවසක රළ බිදෙන වෙරළක ඇවිදිනවා.කිරි කවඩියක පාටක හැඩයක අරුමය කෙසේදැයි විමසනවා.

ඔව්.... ආයෙමත්, මිනිස්සු සොබාවික වෙනවා.! මේ හැමදේම මිනිස්සුන්ව සුවපත් කරනවා. ඉතිං මිනිස්සු ආයෙමත් මානුෂික වෙනවා.

********************
Captain එක ලිවුව කෞෂි විතානආරච්චි ඔයාටත්.. ගොඩක් ස්තුතියි...

10/09/2024

ලස්සන හැන්දැවක... එයාලා ආදරෙන්.... 🥺❤️
Chathura Manohar

20/07/2024

මේ වගේ වතුර වැටෙන තැනක.. උන්චිල්ලාවක් 🥺🥰

19/06/2024

කන්දක් නගින ගමන්
ඊලගට නගින කන්ද ගැන යාලුවට කියන මම 😂🙆🏾‍♂️
Chathura Manohar Dulan Chathuranga

02/06/2024

කොළ පාට.... ☘️💚

20/05/2024

අමාරුම පාරෙන් ශ්‍රි පාද කරුණාව...

දවස් දෙකක් තිස්සේ දෙහනකන්ද - මුක්කුවත්ත පාරෙන් ශ්‍රී පාද කරුණාවට ආව අපේ ගමන..

Chathura Manohar

07/05/2024

Ahangama |

02/05/2024

හිත නිවන තැන්...

Photo credit Nethsara Liyanage

23/04/2024

මං අහලා තියෙනවා...
ආදරයේ ප්‍රේමණීය නගරය නුවර කියලා..
හැබැයි යාලු වුනාම
මුලින්ම නුවර යන්න එපාලු..

මං දන්න තරමින් ගැලපෙන්නැත්නම් වෙන් කරනවා..
ගැලපෙනවනම් අනිවාරෙන් එකතු කරනවා..

21/04/2024

නුවර VS දකුණු රට

කැප්ශන් එක එහෙම දැම්මේ මං හිතන් ඉදිය වෙනස් කරපු කතාවක් නිසා. මං facebook හදාගත්ත කාලේ ඉදන් නුවරට අපහස කරන්න අවස්තාවක් හම්බුනොත් මං අතාරින්නේ නෑ. මං විතරක් නෙවේ දකුණේ ගොඩක් අය නුවර එක්ක පොඩි තරහක් තිබුනා. ඒක තරහක් කියන්නත් බෑ, මොකක් හරි එයාලට කියන්න හිතෙනවා. අර ඉවසන් ඉන්නම බෑ වගේ... 😂 අන්න ඒ වගේ දෙයක්, තරහක් කියන්න බෑ ඒකට.

ඉතින් මම 2020 මෙහේ ගාල්ලේ යාලුවෝ එක්ක නුවර දළදා මාළිගාවේ යනවා. අපි ගොඩක් ළඟම යාලුවෝ ටිකක්, ගෑනු ලමයි පිරිමි ලමයි දෙගොල්ලම ඉන්නවා. ළඟම යාලුවෝ වුණාම කතා කරන විදිය කියන්න ඕනේ නෑ නේ..

ඊටත් වඩා මේ යාලුවෝ ටික මනුස්සයොන්ගෙන් ගුටි කන වැඩමයි කරන්නේ. අපි ඉතිම් කතා කරනවා අපි නුවර ගියාම පරිස්සමෙන් කතා කරන්න ඕනේ, නුවර අය අපි දකුණේ කිවුවම අල්ලන් ගහයිද දන්නෙත් නෑ කියලා.

කොහොම හරි ට්‍රේන් එකේ අපි නුවරට එනවා. නුවර ස්ටේශන් එකෙන් බැහැලා යද්දිම පොඩි වෙනසක් තේරෙනවා. දේශගුණය අමුතුයි, වෙනසක් තියෙනවා. ඉතින් අපි ඔහොම ස්ටේශන් එකේ ඉදන් වැව රවුම පැත්තෙන් දළදා මාළිගාව පැත්තට එනවා.

ඉතින් අපි පාරෙ දඟල දඟලා එද්දි මනුස්සයෙක් කියනවා පුතේ වාහන වැඩී පාරෙ අයිනෙන් යන්න කියලා. එ කිවිව වෙලේ ඉදන් මං හිතන් ඉදපු දේවල් ගොඩක් වෙනස් වුණා. මෙයාලා නරක නෑනේ කියලා පළවෙනියට හිතුනා. ටික ටික දළදා මාළිගාව පැත්තට එද්දි මං මුලින් හිතන් ආවා හැමදේම වෙනස් වෙනවා.

මං නුවරට ආස වෙනවා. එහේ ගොඩක් හොඳ මිනිස්සු ඉන්නේ කියලා තේරුම් ගන්නවා. එයාලා අනිත් අයට ගරු කරනවා, හරිම හෙමින් කතා කරනවා කිසිම කලබලයක් නෑ වචන වල. කතා කරන විදිය වෙනස්, මම ඒ වෙනසට ආස වෙනවා. අපි කතා කරනවට වඩා ගොඩක් වෙනස් එයාලගෙ කතාව.

මට ඒ වෙනස හොඳටම දැනෙන්න ඇත්තේ මීට කලින් පවුලේ කෙනෙක්වත් යාලුවෙක්වත් නුවර කෙනෙක් ඉදලා නැති නිසා වෙන්න ඕනේ..

මෙහෙම දෙයක් තියෙනවා, ඔයාලටත් ඒක වෙලා ඇති. සමහර යාලුවෝ මුගේ පට්ටම ලොකුකම කියලා හිතන් ඉදලා කතා කරාම එහෙම නෑ කියලා දැන ගත්තම මාර විදියට ෆිට් වෙන්නේ.. මටත් වෙන්න ඇත්තේ එහෙම දෙයක්. ඉතින් මම නුවරට ගොඩක් ආස වුණා.

පස්සේ මම ගැරඬි ඇල්ලේ කෑම්පින් එකක් ගිය වෙලාවක නුවරම මල්ලිලා තුන් දෙනෙක් හම්බෙනවා. එයාලා තමයි මගේ පළවෙනි නුවර යාලුවෝ. එයාලා හම්බුනාට පස්සේ තවත් නුවර මිනිස්සු හිතුවට වඩා හිත් ලස්සන අය කියලා දැනගන්නවා. දැන් මම නිදහසක් ලැබුනම යන්න ආස, ජීවත් වෙන්න ආස නගරයක් තමයි නුවර.

මේ කතාව කියවද්දි උඩ තියෙන ෆොටොස් මං ගන්නේ මේ ළඟදි දවසක නුවර ගියාම. නුවර ගොඩක් වෙනස් වෙලා තව ලස්සන වෙලා.

එයාලගේ තව දෙයක් එයාල අපිට ආශිර්වාද කරන්නේ දළදා සමිඳු පිහිටයි කියලා. ඉතින් කතාව අවසානය වෙනකන් කියෙව්ව ඔයාටත් මම ආශිර්වාද කරන්නම්,

දළදා සමිඳු පිහිටයි...!! 🙏

✍️ CEYLON SEEKER

********************

02/04/2024

එයා නිකන්ම නිකන් බවුවෙක් නෙවේ..

අපි අවුරුදු කීපයකට කලින් ගාඩ්මෝ දිය ඇල්ල පහල කෑම්පින් යන්වා. ඉතිම් අපෙ ගමන දවස් තුනක ගමනක් විදියට යන්නේ.

පළවෙනි දවසේ ගාඩ්මෝ යන්වා. දෙවෙනි දවසේ ගාඩ්මෝ ඉදන් රාජමලේට පයින් ඇවිත් රාජමලේ ඉදන් සදගල්තැන්න පාරෙන් ඉදිකටු පාන අම්බලමේ දෙවෙනි දවසේ රෑ නවතින්න යන්න. මේ බවුව අපිට හම්බෙන්නේ ගාඩ්මෝ වලදි. එයා දුවගෙන එනවා. ඉතින් අපි එයාව හුරත් කරන්වා කෑම්ත් දෙන්වා. එයාට අපි ගොඩක් ආදරෙ උනා. එයා දෙවෙනි දවසෙම අපි එක්ක රාජමලෙට ඇවිත් සදගලතැන්න පරෙන් 20 km විතර පයින් ඇවිත් ඉදිකටුපානට. අපි යන හැම් තැනම එයා එනවා.

මතකයි, අපේ ගමනේ තුන් වෙනි දවසේ උදේ ස්‍රීපාද මලුවේ ගෙට්ටුව අරිද්දි එයා තමයි ඉස්සෙල්ලම ස්‍රීපාද මලුවටත් ගියේ. ඉතිම් අපිට එයා එක්ක සතුටින් නිසා ඊට පස්සේ වෙන්න යන දේ ගැන තෙරුනේ නෑ. 🥺

අපි තුන්වෙනි දවසේ හැටන් පාරෙන් පහලට බැස්සා. එයා හැටන් පාරෙ අපි එක්ක් පහලට ආවා. එද්දි අපි හැම වෙලේම එයාව හුරතල් කරනවා. මට වඩා එයා ෆිට් උනේ මගේ යාලුවා Pathum Rohana ට. කොහොම හරි එදා ස්‍රී පාදෙ ඇවිත් ඉදිය අයටත් මෙයාව හොදට මතකයි මොකද අපි එක්කමනේ ඉදියේ එයා.

අපි එක්ක් මෙයා හැටන් පාරේ පහලටම එද්දි එහේ ඒ හරියෙ අලුතින් බිල්ඩින් එකක් හදන තැනක වැඩ කරන අයිය කෙනෙක් හම්බෙනවා. එයා අපෙන් අහනවා මෙයා කොහේ ඉදන්ද අහනො ආවේ. අපි ඉතින් සතුයින් කියනවා අපි ගාඩ්මො ඉදන් එන්නෙ, එහෙදියි මෙයාව හම්බුනේ කියලා.

එයා කියන්වා, එක සැරෙටම, මෙයාට මල්ලි ආපහු මෙයා ආව පැත්තට යන්න වෙන්නේ නෑ කියල. අපි අහන්ව ඇයි කියලා. එයා කියන්වා ඔයාල එක්ක එද්දි මෙයා ආවට. මෙ අපේ බවුවගේ බලප්‍රදේශේ මෙහේ නෙවේ නිසා, අනිත් බවුවො මෙයාව හපන්න හදද්දි මෙයා අයේ එයාගේ ගමට යන්න හදනවා කියල. එ යද්දි එයා තනියමනේ, ආව පාරෙන් ගමට යන්න හදන්නේ. එතකොට මේ බවුවව දිවියෙක්‍ට වහේ අහුවුනාම මරන් කනවා කියලා.

ඒ කතාව ඇහුවාම අපිට තෙරුනේ අනේ අපි කර ගත්තේ මොන තරම් පවු වැඩක්ද කියලා. එයාගේ ජීවිතේ නැති කරන තැනට අපි ගෙනාව නේද කියලා. අපේ කවුරුත් එතනින් පස්සේ කතා කරේ නෑ. අපිට ගොඩක්ම දුකයි. ඒත් මේ බවුවා අපි එක්කම සතුන් පහලට එන්වා. එයාට මේ කිසි දෙයක් තෙරෙන්නේ නෑ නේ.

අපි හැටන් පාරේ පහලටම එද්දි අපිට යන්න බස් එකක් ඇවිත්. ඒත් මෙයා අපේ පස්සෙන්. මකර තොරණ හරියට වහේ එද්දි එහේ ඉදිය අනිත් බල්ලෝ මෙයාව හපන්න එලනවන්වා. අපි එයාලව එලවන්වා හපන්න නොදී. කොහොම හරි මෙයාට අපි කෑම එකක් අරන් දුන්නා බත් එකක්. එලවලුත් අනලම කන්න දුන්නා. මාරම දුකයි මේ වෙන දේට.

එය බාගෙට කද්දි අපිට බස් එකේ ඉදිය මාම කියන්වා දැන් යන්න ඔනේ කියලා. ඉතිම් එයා බත් එක කන ගමන් නිසා අපි බස් එකට ආවා.

එක සැරෙටම බස් එක යන්න පටන් ගත්තා. අපෙ බවුවා බත් එක කන එක නවත්තලා බස් එක පස්සෙන් දුවනවා. එයා නවතින්නේ නැතුව දුවනවා. එහෙම දුවද්දි එහේ ඉන්න අනිත් බල්ලෝ එයාව හපන්න පස්සෙන් දුවන් එනවා. හිතන්න ඒ වෙලාවේ ඒ දේ අපි ඇස් දෙකෙන්න්ම දකිද්දි.. 😔

මං මේක පෙජ් එකට පොස්ට් එකක් දාන්න කියලා ටයිප් කරේ. මට හිතුනේ නෑ. මේ කතාව ටයිප් කර්ද්දි අයෙත් දුක හිතේ කියල මේ තරම්ම...

එයා බස් එක පස්සෙන් දුවනවා. බස් එකේ හැමොටම දුකයි. එයාලත් ස්‍රීපාදෙ ඉදන්ම ආපු අය ඉදියේ. ඩ්‍රයිවර් ඉදිය කෙනා බවුවට පස්සෙන් එන්න බැරි වෙන්න බස් එකේ වේගේ වැඩි කරනවා. යාලුවයි මමයි බස් එකේ ෆුඩ් බොඩ් එකේ ඉදන් අඩනවා. ඇයි අපි එයාට එහෙම කරේ කියලා. අපි කොචර වැරැද්දක්ද මෙ එයාට කරේ කියලා. 😔🐶

අපෙන් ට්‍රැවල් කරන්න ගිහින් උන ලොකුම වැරැද්දක්.. සත්තුන්ට ආදරෙ දුන්නම එයාල අපිත් එක්ක ගොඩක් ආදරෙන් බැදෙනවා. අපි ගෙදර ආවට පස්සේ ගොඩක් දුකයි මේ උන දේට. පස්සේ මගේ යාලුවා තීරණය කරනවා ශ්‍රීපාදෙය ගිහින් එයා වාහනේක දාන් ගාල්ලට අරන් එන්න.

ඒත් අපිට ප්‍රස්න ගොඩයි. එයා ගාල්ලේ අරන් ආවම එයාව තාප්ප වලින් හිර කරලා හදන්න වෙන්නේ. එයා ස්‍රීපාදෙ ගොඩක් සතුටින් ඉන්නේ. එයා මලුවට යන්න ගොඩක් ආසයි. අපි එයා එක්ක ඉදිය කාලේ යාගෙන් ඒ දෙවල් දැක්කා.

කවදාවත් අපේ සතුට වෙනුවෙන් අපිට දුකයි කියල එයාව මෙහේ අරන් ආවත්. අපිට එයා ස්‍රීපාදෙ ගතකරන ජීවිතේ දෙන්න බෑ.

අපි ගොඩක් දුකින් ඉදියේ. මේයා ජීවතුන් අතරද කියලා වත් දැන ගන්න විදියක් නැති නිසා. පස්සේ අපි මාසෙකට විතර පස්සේ පොස්ට් එකක් දකිනවා සමනලකන්ද රසික එකමුතුව ගෘප් ඒකේ මේ බවුවගේ ෆොටො එකක්. ඉතින් අපි එයාට මැසෙක් කරලා අහනවා. අපේ බවුව ගැන. එයා ස්‍රී පාදේ මලුවට කිට්ටුවෙන් එයා ජීවත් වෙනවා කියල. එයාට පස්නයක් වෙලා නෑ. ඒ මොනව උනත් අපි කරපු වැරද්ද ගැන අදටත් දුකයි පසුතැවෙන්වා..

මං එදයින් පස්සේ පාරෙදි හම්බෙන සත්තුන්ට බවුවන්ට කන්න දෙන්වා. අල්ලන්න හුරුතල් කරන්න යන්නෙ නෑ. පස්සෙන් ආවොත් බය කරලා හරි එලවනවා. අයේ අපේ බවුව පැටියට කරා වහේ අසාදරණයක් කරන්න බෑ මට.....

✍ CEYLON SEEKER

********************

CEYLON SEEKER