垃圾口與嘴刁仔 - hkfoodlog.rm

Home
垃圾口與嘴刁仔 - hkfoodlog.rm

90後香港情侶//美食🍽 +玩樂🏖
Instagram: instagram.com/hkfoodlog.rm/

27/02/2024

💛

食肉獸又出動喇🤟🏻今次呢間銅鑼灣日式燒肉店啲牛肉真係超高質，必須推介俾大家‼️而家仲做緊限時優惠：清酒75折🍶！沖繩生啤買一送一🍻！夜晚8:30後仲有大割引，部份食物低至$20起😱 而家叫任何盛盒加$98仲有元貝放題！

▪️殿堂九品盛 $398▪️
選擇困難者必揀🤭！總共有七款牛肉、一款豬肉、一款雞肉（分別係牛舌、牛小排、封門柳、腹心、赤身、嚴選牛、三筋、豬腩肉及雞爽肉） 🤤 全部牛肉都超好食，特別係厚切牛舌同埋肉汁juicy嘅封門柳！每款肉類都有2-5塊，兩個人食啱啱好🤟🏻

▪️牛油鹽蒜元貝 $68/2隻▪️
元貝算幾大隻，燒完都唔會得返好細粒🤭 配埋牛油同埋鹽蒜好惹味～

▪️明太子撈烏冬伴月見 $58▪️
身為明太子愛好者，一見到有明太子烏冬就即刻叫咗🤭微辣嘅明太子加埋日本無菌蛋黃，呢個配搭撈烏冬好正！

▪️殿堂玉子飯 $42▪️
呢個配搭大家都唔陌生㗎啦～燒肉必備嘅紫菜玉子飯🤟🏻燒肉配埋呢個飯一齊食，啲燒肉即刻變得冇咁膩！

▪️白雪奇緣/蜜桃成熟時各$38▪️
白雪奇緣係荔枝味，蜜桃成熟時係桃味飲品～老老豆豆冇諗過呢度啲嘢飲又幾好飲喎！平時出面啲嘢飲成日覺得太甜，但係呢兩杯調味啱啱好。

📍 燒肉の殿堂
銅鑼灣駱克道459-461號The L. Square 9樓

09/02/2024

喺台灣好多分店嘅芋圓品牌 #清原嚟咗銅鑼灣！全部甜品、飲品大部份都有芋頭成份，啱晒鍾意食芋頭嘅你🤟🏻 仲有好特別嘅芫荽沙冰，不過我就唔食芫荽喇🥶，留俾大家去試🤣

▪️芋見幸福 $62▪️
呢款係人氣No.1嘅甜品～一碗有齊大芋頭球、芋圓、珍珠、紅豆、西米露，個底仲有啲芋頭冰，咩都有啲啱晒選擇困難症嘅人🤣 好鍾意佢哋啲芋圓大大粒，好有咬口，配埋芋頭球一齊食好正！

▪️雪藏宇治金時 $88▪️
呢款雖然唔喺人氣排行榜入面，但我哋覺得幾好食，值得推介比大家💛 入面有抹茶味沙冰、雲呢拿雪糕、紅豆同埋畫龍點睛嘅芋泥！估唔到抹茶沙冰配埋芋泥係咁襯，呢個配搭幾特別～沙冰🍧食到入面仲有好多紅豆，足料到兩個人食真係食唔晒🤣啱一大班人一齊食！

📍 清原
銅鑼灣白沙道4號地舖

05/02/2024

💛

呢間小店本身價錢已經比出面拉麵店價錢平之餘，仲對自己嘅出品好有要求～睇佢哋ig就知，老闆當日如果對自己熬製出嚟嘅湯底唔滿意會倒晒佢同埋唔會開鋪😱，淨係呢一點都已經係信心嘅保證！同埋佢地營業時間真係好短🤣，想試嘅朋友仔真係要睇清楚時間、check埋佢哋ig先過嚟，如果唔係就摸門釘🫢

▪️極之真鯛白湯拉麵$98▪️
鯛魚片冇骨好淋，配埋好脆口嘅炸魚皮形成一個口感上嘅對比，呢樣好有心思😍 湯底好香鮮魚味但又唔會腥，飲得出冇加味精！仲配埋半熟糖心蛋真係完美🤤

▪️極之真牡蠣醬油拉麵$99▪️
醬漬牡蠣配拉麵真係好特別😳 個湯好有鮮味，加埋鮑魚令到食拉麵都變到好豪華🤭 慢煮叉燒好淋好好咬口🤤

▪️炸雞皮餃子 $28▪️
用最慢煮嘅方法令到入面充滿肉汁，雞皮好脆口，真正嘅外脆內嫩🥰，對比起其他拉麵店嘅餃子絕對係誠意之作👍🏻

▪️唐揚炸雞 $29▪️
炸雞調味剛剛好恰到好處，唔會太重椒鹽味。有成4件好抵食！

📍 極之拉麵
長沙灣元州街399號喜漾地下2號舖

29/01/2024

💛

呢排天氣凍凍地，朋友推薦我哋去試吓呢間超抵食嘅小店，主打砂鍋雞湯翅/藥膳湯粉麵，仲有好多花雕酒釀製嘅冷盤～重點係價錢超級平‼️ 砂鍋熱辣辣食完成個人暖晒，啱晒天氣凍嗰陣食🤟🏻

▪️砂鍋雞湯翅米線 $68▪️
成個砂鍋一上枱係熱辣辣超多煙，聞到好濃雞湯味～咁平嘅價錢竟然真係有唔少翅😱而且啲雞好滑🤤除咗米線，仲有得揀米粉、粉絲、刀削麵、白飯、銀針粉或瀨粉，真係超多選擇！

▪️醉乳鴿（半隻）配藥膳湯粉絲 $78▪️
醉乳鴿一入口就食到好濃酒味，口感都幾嫩滑～藥膳湯好足料，湯入面真係有少少藥材！

▪️溏心醉蛋 $10▪️
叫粉麵嘅話加$10就有一隻溏心醉蛋，記得要加！啲蛋煮得啱啱好，有少少流心，配埋花雕酒味好正🤤

▪️泡椒豬手 $48▪️
雖然間店係食花雕冷盤為主，但係都有其他冷盤小食，朋友就推薦呢個泡椒豬手，食落又真係幾有驚喜！泡椒味好開胃，豬手口感好Q彈😍

▪️醉三鮮 $75▪️
見係間店嘅招牌菜，所以叫嚟試吓😛有鮑魚、蝦同花螺～浸完花雕酒後，啲海鮮口感幾爽口彈牙，鍾意食海鮮可以試吓。

📍 醉藥雞
荃灣路德圍8號啟志樓地舖
深水埗福榮街103號地舖

22/01/2024

💛

話說我哋為咗籌備婚禮都忍咗一排口，冇周圍出去食好西🤣順利完婚梗係要食返餐好慶祝吓！呢間位於尖沙咀厚福街嘅居酒屋🏮，有好多唔同食物可以選擇，刺身、壽司、小食、串燒、天婦羅、鍋物都應有盡有！而且食物質素好高，對得住呢個價錢🤟🏻

▪️一堂極上刺身盛合 $368▪️
成個盛盒有超多刺身，包括赤身、海膽、甜蝦、帆立貝、赤貝，同埋日本直送鮮魚兩款😍我哋當日食其中一款就係油甘魚，厚切好正！全部刺身食得出好新鮮，特別係海膽好鮮甜，呢個價錢有咁多款刺身食真係好抵🤤

▪️三文魚芝士卷 $88▪️
三文魚+芝士+蟹籽+沙律醬嘅卷物！超鍾意呢個配搭，三文魚同芝士好夾🤤

▪️鵝肝多士 $88▪️
鵝肝煎到外脆內嫩，配埋超脆嘅多士好邪惡😍，仲有少少沙律伴碟可以解膩。

▪️網燒安格斯牛扒 $178▪️
估唔到日本居酒屋都有咁正嘅安格斯牛扒食！牛扒燒得啱啱好，入面仲見到少少粉紅色，食落又嫩又多汁🤤好香牛嘅油脂味！

📍 一方堂居酒屋
尖沙咀厚福街12-12A號藍馬商業大廈9樓

Address

Website

facebook.com

Alerts

Be the first to know and let us send you an email when 垃圾口與嘴刁仔 - hkfoodlog.rm posts news and promotions. Your email address will not be used for any other purpose, and you can unsubscribe at any time.

Shortcuts

Address
Alerts
Claim ownership or report listing
Want your business to be the top-listed Media Company?

Country:

City: