29/05/2025
🌸𝗙𝗟𝗢𝗥𝗘𝗦 𝗗𝗘 𝗠𝗔𝗬𝗢 𝗖𝗨𝗟𝗠𝗜𝗡𝗔𝗧𝗜𝗢𝗡 2025✨🌸
Tagipusuon nga pasalamat kag pagdayaw!
Sa tagsa ka ngisi sang kabataan, sa hinay-hinay nga lakat nga may halad nga bulak kay Maria Santisima nabatyagan naton ang matuod-tuod nga espiritu sang pagtuo kag gugma. 💖🌹
🌷 Salamat gid sa aton mga Florestas — kamo ang matahum nga bulak sang simbahan! Sa inyo pagpartisipar, nakita namon ang buhi nga pagtuo kag pagka-mapisan bisan sa inyo nga mga kabataan. Ang inyong kalipay kag kabakod amo ang inspirasyon sang tanan. Salamat sa inyo paghalad sang talento, kag debosyon kay Birhen Maria.
🌷 Salamat sa mga ginikanan nga naggiya, nagsuporta, kag naghatag panahon para sa ila kabataan nga mangin kabahin sang selebrasyon.
🌷 Sa aton mga sponsors — salamat sa inyo bukas nga tagipusuon. Kamo ang rason kung ngaa damo nga mga bata ang nangin masadya sa ila pagpauli.
🌷 Sa mga lideres, youth volunteers kag katekista — salamat sa inyo pasensya, serbisyo, kag dedikasyon sa simbahan kag komunidad.
Sa tunga sang mga bulak, kandila, kag rosaryo, may mga mata nga nagasiga, mga bata nga nagangisi, kag mga pinalangga nga debosyon nga nagapadayon. Salamat sa inyo tanan! Ang inyo gugma amo ang nagpalangga liwat sa aton debosyon.
🙏 Dios gid ang magbalos sa inyo tanan. Padayon kita sa pagpalangga, pagtuo, kag paghiusa.
