21/10/2025
🅿️ *PressTELL News*
🗣️*ചുറ്റുവട്ടത്തെ വർത്തമാനം*
🌎🌎🌎🌎🌎🌎🌎🌎
2025 ഒക്ടോബർ 21
*ദേവകിയമ്മയ്ക്ക് വിട നല്‍കി ചെന്നിത്തല*
ചെന്നിത്തല: ഒരു നാടിന്റെ ആദരം ഏറ്റുവാങ്ങി ആ അമ്മ യാത്രയായി. ചെന്നിത്തല കോട്ടൂർ കിഴക്കേതിൽ വീട്ടില്‍ നിറഞ്ഞ ചിരിയുമായി ആ സ്‌നേഹം ഇനിയില്ല. രമേശ് ചെന്നിത്തലയുടെ അമ്മ എന്‍. ദേവകിയമ്മ ചെന്നിത്തല വീടിന്റെ മാത്രമായിരുന്നില്ല, ഒരു നാടിന്റെ തന്നെ അമ്മയായിരുന്നു. നിറഞ്ഞ ചിരിയുമായി സ്‌നേഹം വിളമ്പി നിന്ന അമ്മ. 91 വയസിലും പ്രായം കീഴടക്കാത്ത നിഷ്‌കളങ്കതയും ചുറുചുറുക്കുമായി ദേവകിയമ്മ എല്ലാറ്റിനുമൊപ്പമുണ്ടായിരുന്നു. കേരളരാഷ്ട്രീയത്തിലെ ഒരു തലമുറയെ മൊത്തം ഊട്ടിവളര്‍ത്തിയ കൈകളാണത്. രമേശ് ചെന്നിത്തലയുടെ സംഘടനാജീവിതത്തില്‍ ഉടനീളം ആതിഥേയയായും അമ്മയായും നിറഞ്ഞു നിന്ന ഒരാള്‍. ആ അമ്മയുടെ ആതിഥ്യം ലഭിക്കാത്ത കോണ്‍ഗ്രസ് നേതാക്കളില്ല ഇന്ന്.
ചെന്നിത്തല തൃപ്പരുന്തുറ കോട്ടൂര്‍ കിഴക്കതില്‍ അധ്യാപകനും സ്‌കൂള്‍ മാനേജരുമായിരുന്ന വി. രാമകൃഷ്ണന്‍ നായരുടെ ഭാര്യയും വീട്ടമ്മയും മാത്രമായിരുന്നില്ല, ചെന്നിത്തല പഞ്ചായത്തംഗം കൂടിയായും ദേവകിയമ്മ പ്രവര്‍ത്തിച്ചിട്ടുണ്ട്.
ദേവകിയമ്മയുടെ മരണവിവരം അറിഞ്ഞ് തിങ്കളാഴ്ച മുതല്‍ ചെന്നിത്തല വീട്ടിലേക്ക് ജനപ്രവാഹമായിരുന്നു. ഇന്നലെ ഉച്ചയ്ക്കു പന്ത്രണ്ടു മണിയോടെയാണ് സംസ്കാര കര്‍മ്മങ്ങള്‍ ആരംഭിച്ചത്. മക്കളായ രമേശ് ചെന്നിത്തല, കെ.ആര്‍. രാജന്‍, കെ.ആര്‍ പ്രസാദ് തുടങ്ങിയവരും ചെറുമക്കളും ചേര്‍ന്ന് വന്‍ ജനാവലിയുടെ സാന്നിധ്യത്തില്‍ ചിതയ്ക്കു തീ കൊളുത്തി.
കെ.സി.വേണുഗോപാല്‍, വി.ഡി. സതീശന്‍, കേന്ദ്ര മന്ത്രി ജോര്‍ജ് കുര്യന്‍,മന്ത്രി റോഷി അഗസ്തിന്‍ ,എം.പി മാരായ കെ. സുധാകരന്‍, എന്‍.കെ പ്രേമചന്ദ്രന്‍, കൊടിക്കുന്നില്‍ സുരേഷ്,ബെന്നി ബെഹന്നാന്‍,ഫ്രാന്‍സിസ് ജോര്‍ജ്ജ്, എം.കെ രാഘവന്‍, രാജ്‌മോഹന്‍ ഉണ്ണിത്താന്‍,ഹൈബി ഈഡന്‍, ഡീന്‍ കുരുക്കോസ്, ജെബി മേത്തര്‍, എം.എല്‍.എ മാരായ തിരുവഞ്ചൂര്‍ രാധാകൃഷ്ണന്‍, പി.സി വിഷ്ണുനാഥ്, അന്‍വര്‍ സാദത്ത്, മാത്യുക്കുഴല്‍നാടന്‍,ടി.ജെ വിനോദ്, പ്രതിഭ ഹരി എല്‍ദോസ് കുന്നപ്പള്ളി, പരിശുദ്ധ മോറോൻ മാർ ബസേലിയോസ് മാർത്തോമ്മാ മാത്യൂസ് തൃതിയൻ കാതോലി ക്കാ ബാവാ. മാവേലിക്കര ഭദ്രാസനാധിപൻ എബ്രഹാം മാർ എപ്പിഫാനിയോസ്. നിരണം -ഡോ :യുഹാനോൻ മാർ ക്രിസോസ്റ്റമോസ് -മുൻ ഇടുക്കി ഭദ്രാസനം -മാത്യൂസ് മാർ തേവോദോസിയോസ് കൊച്ചി -ഡോ :യാക്കോബ് മാർ ഐറേനിയോസ് അങ്കമാലി -യുഹാനോൻ മാർ പോളിക്കാർപ്പസ് മലബാർ -ഗീവർഗീസ് മാർ പക്കോമിയോസ് -മുൻ തിരുവനന്തപുരം ഭദ്രാസനം -ഗബ്രിയൽ മാർ ഗ്രീഗോറിയോസ് -സുൽത്താൻ ബത്തേരി ഡോ ഗീവർഗീസ് മാർ ബർണബാസ് സഭയുടെ അൽമായ ട്രസ്റ്റി റോണി വർഗീസ്, സഭ അസോസിയേഷൻ സെക്രട്ടറി -ബിജു ഉമ്മൻ, ഷിബു ബേബി ജോൺ, ടി.ജെ. ആഞ്ചലോസ്, എച്ച്. സലാം എംഎൽഎ, കോവൂർ കുഞ്ഞുമോൻ എംഎൽഎ, തുഷാർ വെള്ളാപ്പള്ളി, സലീം ബുഖാരി തങ്ങൾ, തൊടിയൂർ മൗലവിപി.ജെ.കുര്യന്‍ പി.സി ചാക്കോ, കെ.സി ജോസഫ്, ഷിബു ബേബി ജോണ്‍, സി.പി ജോണ്‍, വി.ടി ബല്‍റാം തുടങ്ങിയവര്‍ സംബന്ധിച്ചു. ഗവര്‍ണര്‍ ഫോണില്‍ അനുശോചനം അറിയിച്ചു.
മാതാവിൻ്റെ സംസ്കാര ചടങ്ങിൽ പങ്കെടുത്തവർക്കും ദുഃഖത്തിൽ പങ്കു ചേർന്നവർക്കും രമേശ് ചെന്നിത്തല നന്ദി അറിയിച്ചു.
🔴 🟠 🟡 🟢 🔵 🟣 🟤
*🗞️ വാർത്തകൾ പതിവായി ലഭിക്കാൻ ലിങ്കിൽ ക്ലിക്ക് ചെയ്യുക!* https://chat.whatsapp.com/IPuFQmVdgiG5Az0cqxvtQN
*വാർത്തകൾ അറിയിക്കാൻ 77369 53135 എന്ന നമ്പറിലേക്ക് മെസ്സേജ് അയക്കുക*
📻🗞️ *റേഡിയോ മാംഗോയിലും പത്രത്തിലും ഓൺലൈനിലും വാട്സ്ആപ്പ് ഗ്രൂപ്പുകളിലും പരസ്യം നൽകാം ! എളുപ്പത്തിൽ ! *AI മോഡലുകൾ നിങ്ങളുടെ പരസ്യം പറയും*വിളിക്കൂ 📞:98473 73135 , 94475 47599*
✒️✒️✒️✒️✒️✒️✒️✒️
