09/09/2025
Ex-Cong. Eudela 'silent mode' taliwala sa mga pasangil nga siya gakubra ug kickback sa mga project sa mga Discaya
Nagpabiling hilom si kanhing Zamboanga Sibugay 2nd District Representative Antionetia Eudela taliwala sa mga pasangil nga gilansad batok kaniya sa magtiayong kontraktor nga Pacifico ug Sarah Discaya atol sa pagdungog sa Senado.
Apan base sa testimonya sa Discaya, giingon nga lakip si Eudela sa mga kongresista nga nangayo ug porsiyento o kickback gikan sa mga proyekto sa flood-control nga ilang gikontrata. Uban sa listahan sa Discaya ang 16 pa ka mga kongresista ug daghang opisyal sa DPWH.
Hangtod karon, wala pa’y opisyal nga pahayag si Eudela bahin sa isyu. Tungod niini, nagpadayon ang espekulasyon ug diskusyon sa lokal nga komunidad, uban sa pipila ka kritiko nga nagtutok sa iyang pagkahilom isip timaan nga kinahanglan niya klarohon ang iyang bahin.
Padayon ang imbestigasyon sa Senado ug sa gisaad nga independent commission nga gimugna sa Malacañang, ug daghang mga katawhan sa Sibugay ang nagpaabot sa klarong tubag ni Rep. Eudela kon unsa gyud ang iyang baruganan sa maong pasangil
Video credits to GMA Regional TV One Mindanao
