Zet News-زێت هەواڵ

16/08/2025

سۆران.. بەشداریکردنی بەڕێز مەلامستەفا بارزانی لە ڕێوڕەسمی حەفتا و نۆیەمین ساڵرۆژی لەدایکبوونی ڕابەر و مەرجەعی نەتەوەییمان جەنابی سەرۆک بارزانی و یادی دامەزراندنی پارتی دیموکراتی کوردستان.

16/08/2025

ئێوارەی ئەمڕۆ شەممە ١٦ـی ئابی ٢٠٢٥ لە شاری سۆران، بەڕێز مەلامستەفا بارزانی بەشداری لە ڕێوڕەسمی حەفتا و نۆیەمین ساڵرۆژی لەدایکبوونی ڕابەر و مەرجەعی نەتەوەییمان جەنابی سەرۆک بارزانی و یادی دامەزراندنی پارتی دیموکراتی کوردستان کرد، کە لەلایەن لقی ١٠ـی پارتی دیموکراتی کوردستانەوە ڕێکخرابوو.

لە مەڕاسیمەکەدا بەرپرسی لقی ١٠ پارتی و سەرپەرشتیاری ئیدارەی سەربەخۆی سۆران و ژمارەیەکی زۆر لە ئەندام و لایەنگرانی پارتی و بەرپرسانی حزبی،ئیداری و هاووڵاتیانی دەڤەرەکە ئامادەبوون.

ڕاگەیاندنی نووسینگەی مەلامستەفا بارزانی

15/08/2025

حەفتا و نۆیەمین ساڵرۆژی لەدایکبوونی ڕابەر و مەرجەعی نەتەوەییمان جەنابی سەرۆک بارزانی و یادی دامەزراندنی پارتی دیموکراتی کوردستان لە تەواوی کوردستانیان پیرۆزبێت.
ڕابەرمان سەرۆک بارزانی، چ لە بەرەکانی شەڕ دژی تیرۆرستان و دوژمنانی گەلەکەمان و چ لە سەر ئاستی دیپلۆماسی جیهانی، ئیرادەی گەلی کوردستانی سەرخست و هیوا و بڕوا بەخۆبوونی گەلەکەمانی بە مافە ڕەواکانی زیندوو کردەوە.

حەفتا و نۆ ساڵە پارتی دیموکراتی کوردستان، وەک حزب و بزووتنەوەیەکی جەماوەری و کوردستانی، ڕابەرایەتی بزاڤی ڕزگاریخوازی کوردستان دەکات و بەردەوامە لە خەبات و تێکۆشان لە پێناو دەستەبەرکردنی مافە نەتەوەیی و نیشتمانییەکان و پاراستنی دەستکەوتەکانی گەلی کوردستان.

لەم یادە پیرۆزەدا ڕێز و سڵاو دەنێرین بۆ دامەزرێنەری پارتیمان باوکی ڕوحی و نەتەوەیی کورد و کوردستان، بارزانی نەمر و کاک ئیدریسی هەمیشە زیندوو و سەری ڕێز و نەوازش دادەنوێنین بۆ رۆحی پاکی شەهیدانمان کە گیانی خۆیان لە پێناو ئازادی و بەرگری کردن لە خاکی پیرۆزی کوردستان بەخت کرد.
پیرۆزبایی لە گشت جەماوەر و ئەندام و لایەنگرانی پارتی دیموکراتی کوردستان و هەر کوردێکی دڵسۆز و نیشتمان پەروەر و تەواوی کوردستانیان دەکەین.

پایەداربێت ئەم یادە مەزنە و هیوای تەمەن درێژی بۆ ڕابەر و سەرۆکی هێژامان جەنابی سەرۆک مەسعود بارزانی دەخوازین و دڵنیاین گەلەکەمان لە ژێر سایە و ڕێبەرایەتی جەنابیان بە ئاواتەکانی خۆی دەگات.

ڕاگەیاندنی نووسینگەی مەلامستەفا بارزانی

15/08/2025

١٦ی ئاب یادی دامەزراندنی پارتی دیموکراتی کوردستان و لەدایکبوونی سەرۆک بارزانی

15/08/2025

ئەمڕۆ هەینی ١٥ـی ئابی ٢٠٢٥ لە دەڤەری بارزان، بە نوێنەرایەتی ڕێزدار جەنابی سەرۆک بارزانی، بەڕێز مەلامستەفا بارزانی بەشداری لە پرسەی خوالێخۆشبوو (میقداد زیاب بارزانی) کەسایەتی دیاری دەڤەری بارزان کرد.

بەڕێزیان لە نزیکەوە هاوخەمی و سەرەخۆشی جەنابیانی گەیاندە بنەماڵە و کەسوکاری کۆچکردوو و هیوای خواست خودای گەورە گیانی خوالێخۆشبوو بە بەهەشت شاد بکات و سەبر و ئارامی بە خانەوادەکەی ببەخشێت.

ڕاگەیاندنی نووسینگەی مەلامستەفا بارزانی

11/08/2025

10/08/2025

ئەمەش ڕشایەوەو چاویان بە کارگەی زۆم هەڵنایەت
کارگایەکی خۆمالی کە متمانەی تەواوی هەیە .حەسودیان پی هەیە .

05/08/2025

سسەرۆکی هەرێمی کوردستان سەردانی کارگەی شیرەمەنی (زۆم)ـی کرد .

ئەمڕۆ سێشەممە ٥ـی ئابی ٢٠٢٥ لە قەزای مێرگەسۆر، بەڕێز نێچیرڤان بارزانی سەرۆکی هەرێمی کوردستان، سەردانی کارگەی شیرەمەنی (زۆم)ـی کرد و لەلایەن بەڕێز مەلامستەفا بارزانی پێشوازی لێکرا.

بەڕێزیان لە نزیکەوە دەستخۆشی لە ستاف و کارمەندانی کارگەی شیرەمەنی زۆم کرد، کە توانیویانە لە ماوەیەکی کەمدا شوێن پەنجەیان دیار بێت لە بەرهەمهێنانی بەرهەمی خۆماڵی بۆ هاووڵاتیان، هەروەها بەڕێزیان ئاماژەیان بەوە کرد کە زۆم بەم پڕۆژە گرنگە توانیویەتی ڕۆلێکی کاریگەری هەبێت لە ڕەخساندنی هەلی کار بۆ گوندنشینان و بەرەو پێش بردنی کەرتی کشتوکاڵ و ئاژەڵداری لە هەرێمی کوردستان و عێراق .

هه‌روه‌ها به‌ڕێزیان ستایشی ‌ بیرۆکه‌ی پرۆژه‌که‌ و دامه‌زراندنی کارگه‌ی شیره‌مه‌نیی زۆم - ی کرد و بۆ ئه‌و مه‌به‌سته‌ ده‌ستخۆشی له‌ به‌ڕێز مه‌لامسته‌فا بارزانی کرد و هیوای سه‌رکه‌وتنی بۆ خواست.

لە لای خۆیانەوە بەڕێز مەلامستەفا بارزانی وێڕای سوپاس و پێزانین، دڵخۆشی خۆی دەڕبری بۆ ئەم سەردانەی بەڕێزیان.

شایانی باسە کارگەی شیرەمەنی زۆم توانیویەتی لە ماوەی دوو ساڵی کارکردنی، بە هۆی بەرزی کوالێتی بەرهەمە شیرەمەنییەکانی چەندین خەڵاتی ناوخۆیی و جیهانی بەدەست بهێنێت.

ڕاگەیاندنی نووسینگەی مەلامستەفا بارزانی

04/08/2025

پیرۆز بێت 20مین ساڵیادی دەزگای خێرخوازی بارزانی ،
جێگای شانازییە کە دەزگای خێرخوازی بارزانی لەم بیست ساڵەدا توانی وەک ڕێکخراوێکی کورد و بێلایەن کار و خزمەتی مروڤایەتی بکات لەهەر شوێن و وڵاتێک مروڤ پێویستی بە هاوکاری و یارمەتی بوبێت بە ئاڵای ڕەنگاوڕەنگی کوردستان و بە تیمێکی پروفیشیوناڵ و دڵگەورە بەئەرکیان هەستاون و خزمەتیان کردووە،
جیا لەوەش لە مانگەکانی ڕەمەزانی پیرۆز هەر ڕوژەو یەکەکی نیشتەجێبوون بە هەژاران و کەمدەرامەتانی کوردستان ببەخشن لەسەرتاسەری کوردستان،
هیوادارم دەوڵەمەندان و خێرخوازانمان یارمەتیدەربن خێر و سەدەقەیان بە دەزگای خێرخوازی بارزانی ببەخشن بۆ ئەوەی زۆرترین خەڵک لێی سودمەند بێت،
سەرکەوتن بۆ دەزگای خێرخوازی بارزانی

04/08/2025

ڕووسیا ڤاکسینی شێرپەنجە دروست دەکات

03/08/2025

بۆ هاولاتیانی سنووری ئیدارەی سەربەخۆی سۆران …

دوای ئەنجامدانی چەندین کۆبوونەوە و بەدواداچوونمان بۆ کێشەی کەمی کارەبا لەگەل بەڕێزان ئومێد خۆشناو پارێزگاری هەولێر و هەلگورد شێخ نەجیب سەرپەرشتیاری ئیدارەی سەربەخۆی سۆران، خۆشبەختانە توانرا تا ڕادەیەکی باش کێشەی کەمی کارەبا لەو سنوورە چارەسەر بکرێت و ڕێژەیەکی زیاتری کارەبا بۆ هاولاتیانی خۆشەویست دابین بکرێت.

بەڵام بۆ ئەوەی ئەو ڕێکار و بەرنامەیە لەم دوو مانگەی هاویندا بە باشی بەڕێوەبچێت و فشار نەکەوێتە سەر تۆڕەکانی کارەبا و هەروەها کارەبای زیاتر لە مالەکانمان هەبێت، پێویستی بە هاوکاری ئێوەی خۆشەویست هەیە تاوەکو زێدەڕۆیی لە بەکارهێنانی کارەبادا نەکرێت، و بە کوژاندنەوەی تەنانەت تەنها گلۆپێک لەو کاتانەی کە پێویست نییە، دەتوانین هاوکاربین بۆ سەرکەوتنی ئەم بەرنامەیە.

لە ئێستادا ئەمە چارەسەرێکی گونجاو و کاتییە تا ئەو کاتەی کە لە ماوەیەکی نزیکدا پڕۆژە گرنگەکەی (ڕووناکی) ڕێزدار جەنابی مەسرور بارزانی سەرۆکی حکومەتی هەرێمی کوردستان، دەگاتە تەواوی شار و گوندەکانمان و لەو کاتە کێشەی سی سالی ڕابردووی کەمی کارەبا بە شێوەیەکی بنەڕەتی چارەسەر دەبێت کە خەون و دەستکەوتێکی نیشتمانییە و تەواوی هاونیشتمانیان بە شێوەی ٢٤ کاتژمێری و بە یەکسانی لەو خزمەتگوزارییە پێویست و گرنگەی ژیان سوودمەند دەبن.

ڕاگەیاندنی نووسینگەی مەلامستەفا بارزانی

02/08/2025