28/08/2026
๐๐๐๐๐ง๐๐ก๐ ๐๐๐ง๐๐๐๐๐๐ก | ๐ช๐ถ๐ธ๐ฎ ๐ฎ๐ ๐๐๐น๐๐๐ฟ๐ฎ, ๐ ๐๐น๐ถ๐ป๐ด ๐จ๐บ๐ถ๐ป๐ฑ๐ฎ๐๐ผ๐ด ๐๐ฎ ๐๐๐ ๐ฆ๐ถ๐น๐๐ฒ๐ฟ๐ฐ๐ฟ๐ฒ๐๐
Mula sa unang kumpas ng awitin hanggang sa bawat hakbang ng katutubong sayaw, muling umalingawngaw ang bugso ng wikang Filipino sa Gymnasium ng LCC Silvercrest Senior HIgh School nang magsama-sama ang mga mag-aaral para sa taunang pagdiriwang ng Buwan ng Wika noong Agosto 28, 2026.
Bitbit ang temang โWikang Filipino at AI: Kasangkapan sa Pananaliksik at Tulay sa Yaman ng Impormasyon,โ pinagtagpo ng programa ang makabagong teknolohiya at tradisyonal na paraan ng pagpapahayag ng pagka-Pilipino. Sinimulan ang programa sa pambungad na seremonya na pinangunahan nina Binibining Rodelyn Nicole Caraig at Binibining Diosalyn Mangubat, na sinundan ng panalangin at pagpasok ng mga kulay.
Mula rito, sunod-sunod nang umalingawngaw ang mga pagtatanghal. Naghandog ng nakakapanindig balahibong awitin ang mga piling mag-aaral mula sa Himig, habang ipinamalas naman ng mga kasapi ng Sayaw ang kanilang husay sa pagtatanghal. Sa bawat kumpas at galaw ritmo, unti-unting nabuo ang makulay na selebrasyon ng wika at kulturang Pilipino.
Unang naging tampok ang OPM Singing Contest, kung saan nagharap ang pitong kinatawan mula sa ibaโt ibang cluster at strand: ASSH 11, HUMSS 12, STEM 11, STEM 12, ABM 12, BE 11, at HE & ICT 12. Sa pamamagitan ng mga awiting OPM, muling nabigyang-buhay ang mga kantang bahagi ng kulturang Pilipino habang ipinamalas ng mga kalahok ang kanilang talento sa musika.
Hindi rin nagpahuli ang mga kinatawan sa pagmomodelo ng kasuotang Pilipino. Napuno ng sigawan at palakpakan ang gymnasium habang rumarampa ang mga kalahok sa harap ng kanilang mga kapwa mag-aaral at g**o, suot ang mga kasuotang sumasalamin sa malawak na kulturang Pilipino.
Mas naging makulay ang programa nang ipamalas naman ng bawat strand at cluster ang kanilang mga katutubong sayaw. Kabilang dito ang pagtatanghal ng BE 11 ng tinikling, na naging kapansin-pansin dahil sa paggamit ng kawayan na pinainitan sa apoy bilang bahagi ng kanilang pagtatanghal. Samantala, ipinamalas naman ng STEM 11 ang pangalay, na may bahagi ng pagbubuhat na nagdagdag ng kakaibang galaw sa kanilang pagtatanghal.
Sa pagtatapos ng mga paligsahan, oras naman ng pagkilala sa mga nanagpakitang-gilas. Sa Katutubong Sayaw, itinanghal na Unang Gantimpala ang STEM 11, sinundan ng BE 11 bilang Ikalawang Gantimpala at STEM 12 bilang Ikatlong Gantimpala.
Sa Poster Making Contest, nangibabaw si Natasha Rein Herrera ng STEM 12 โ Theodore bilang Unang Gantimpala. Sinundan siya ni Quilica Villegas ng STEM 12 โ Blaise bilang Ikalawang Gantimpala at Kristine Joy Gonzales ng STEM 12 โ Magdalene bilang Ikatlong Gantimpala.
Samantala, sa Vlog Competition, itinanghal na Unang Gantimpala ang STEM 12, habang nakuha naman ng STEM 11 ang Ikalawang Gantimpala, at ASSH 11 ang Ikatlong Gantimpala.
Sa Pag-awit ng OPM, nakamit ni Rhaizen Josea Rosales, ng STEM 12 ang Unang Gantimpala, habang nakuha naman ang STEM 11, sa pangunguna ni Crisha Asanza, ang Ikalawang Gantimpala, at nagwagi ng ikatlong puwesto mula sa ASSH 11.
Sa gitna ng selebrasyon, nagkaroon din ng hindi inaasahang bahagi ang programa nang maghandog ang paaralan ng isang awitin para sa punong-g**o na si Ginoong Eric S. Masupil, na nagdiwang ng kanyang kaarawan araw bago ang selebrasyon. Nakibahagi ang mga mang-aawit mula sa Himig, ngunit naging mas masaya ang sandali nang mapakanta rin mismo si Ginoong Eric. Sinabayan ito ng masiglang reaksiyon mula sa mga manonood at naging isa sa mga hindi malilimutang bahagi ng programa.
Sa loob ng anim na oras na pagdiriwang, hindi lamang sa mga salita narinig ang Filipino. Umalingawngaw ito sa mga awiting OPM, nasilayan sa mga kasuotang Pilipino, at gumalaw sa bawat pagtatanghal ng katutubong sayaw. Sa panahong bahagi na ng buhay ng mga mag-aaral ang AI sa paghahanap at pagproseso ng impormasyon, ipinakita ng Buwan ng Wika sa LCC Silvercrest na maaaring sabayan ng makabagong teknolohiya ang pagpapanatili ng sariling wika at kulturang Pilipino.
๐ฃ๐ต๐ผ๐๐ผ๐ ๐ฏ๐: Angel Castillo, Carizza Sambayan, Carla Sophia Silva, Jhayden Cortiguerra, Kriasha Gonzales, Lara Cusi, and Zivan Jareth Pontares
๐๐ฟ๐๐ถ๐ฐ๐น๐ฒ ๐ฏ๐: Aldrin Resma
