مٺا ماڻهو

25/07/2025

03/07/2025

01/07/2025

14/04/2025

لڪيل رستو
تحرير: سنھرا ظاھر

فَإِنَّ مَعَ الْعُسْرِ يُسْرًا
"بيشڪ، آساني مشڪل سان گڏ آھي."
(سورة الشرح، 94:5)

پهرين نظر ۾، هيءَ آيت اسان کي اميد ڏئي ٿي تہ هر ڏکيائي کان پوءِ، راحت ايندي - تہ ڏکيائي کان پوءِ سٺا وقت ايندا آهن. پر جيئن جيئن مان وڏي ٿيس، مون هڪ گهرو مطلب ڏسڻ شروع ڪيو. آيت ۾ اهو نہ چيو ويو آهي تہ ڏکيائي کان پوءِ آساني ايندي آهي؛ اهو چوي ٿو تہ ڏکيائي سان گڏ آساني ايندي آهي. ان جو مطلب آهي تہ آساني ۽ ڏکيائي گڏ رهنديون آهن. اونداهي لمحن ۾ بہ، هميشہ شڪرگذار رھڻ لاءِ ڪجھ نہ ڪجھ هوندو آهي.

جڏهن اسان انهن چئلينجز (ڏکيائين) تي نظر وجهون ٿا جن کي اسان هڪ ڀيرو منهن ڏنو هوندو آهي، اسان کي اڪثر احساس ٿيندو آهي تہ اُهي زندگي بدلائيندڙ سبقن جي صورت ۾ لڪيل نعمتن سان ڀريل هئا. اصل سوال اهو آهي: اسان ڪهڙي شيءِ تي ڌيان ڏيڻ جي چونڊ ڪريون ٿا؟

اللّٰه اسان کي بيشمار طريقن سان نعمتون عطا ڪري ٿو - دولت، رشتن، حيثيت، يا موقعن جي صورت ۾. تڏهن بہ، شڪرگذاري ۽ ان ڏيڻ واري ذات تي ڀروسو ڪرڻ جي بدران، اسان اڪثر انهن عطا ڪيل تحفن سان ڳنڍجي ويندا آهيون. اسين ڏيڻ واري کان وڌيڪ انهن تحفن تي ڀروسو ڪرڻ شروع ڪريون ٿا. آخرڪار، اهي عارضي شيون اسان جي دلين کي کائي وڃن ٿيون. اسان نعمتن جي وڃائجي وڃڻ جي نقصان کان ڊڄڻ شروع ڪريون ٿا - ۽ اهو خوف خاموشي سان اسان جي سڪون کي تباهہ ڪرڻ شروع ڪري ٿو.

پر هي اهو هنڌ آهي جتي اللّٰه تعاليٰ جي لامحدود رحمت ظاهر ٿئي ٿي. جڏهن اسان جي دل تمام گهڻو انھن عارضي نعمتن ۾ گم ٿي وڃي ٿي ۽ اسان پاڻ کي ان ۾ وڃائڻ شروع ڪريون ٿا جيڪي دائمي (ھميشہ رھڻ واريون) ناهن، اللّٰه نرميءَ سان اسان کي آزاد ڪري ٿو. ڪڏهن ڪڏهن هو انهن شين کي کسي وٺي ٿو - اسان کي سزا ڏيڻ لاءِ نہ، پر اسان جي دلين کي ٻيهر ترتيب ڏيڻ لاءِ. اسان کي واپس ان طرف رهنمائي ڪرڻ لاءِ جيڪو واقعي اهم آهي.
حضرت ايوب عليہ السلام جو مثال وٺون، جنهن وٽ سڀ ڪجھ هو - صحت، دولت، خاندان ۽ جڏهن هن کي آزمائش ۾ وڌو ويو، تہ هن تقريبن هر شيءِ وڃائي ڇڏي: پنهنجي صحت، پنهنجي دولت، ۽ پنهنجا پيارا. تڏهن بہ، هن شڪايت نہ ڪئي. هن صبر ۽ شڪرگذاري سان ڀريل دل سان اللّٰه ڏانهن رجوع ڪيو. هن چيو، "بيشڪ، مصيبت مون کي وڪوڙيو آهي، ۽ تون رحم ڪندڙن کان وڌيڪ رحم ڪندڙ آهين." (قرآن 21:83) ۽ ان ڏکيائي مان، وڏي آساني آئي - نہ رڳو سندس نعمتن جي واپسي، پر ھن جي دل اللّٰه جي اڃان ويجهوٿي.

هي زندگي جو آفاقي طريقيڪار آهي: ڏکيائي سزا نہ آهي، اهو هڪ رستو ۽ رحمت جي هڪ لڪيل شڪل آھي. ۽ ڪيترائي ڀيرا، آساني جدوجهد جو اختتام نہ ھوندي آهي، اها ان جي اندر لڪيل ھوندي آهي.

مون ذاتي طور تي ڏٺو آهي تہ جڏهن بہ مون سوچيو تہ مان ٽٽي رهي آهيان، مان بہ وڌي رهي ھيس. هڪ مهربان لفظ، هڪ مخلص دوست، وضاحت جو هڪ لمحو، يا صرف اڳتي وڌڻ جي طاقت - اهي سڀ آساني جا ٽڪرا هئا جيڪي مون کي طوفان جي وچ ۾ موڪليا ويا.

تنهن ڪري ايندڙ ڀيري جڏهن توهان کي ڏکيائي جو منهن ڏسڻو پوي، تہ بيھو ۽ پڇو: هن جدوجهد ۾ ڪهڙي آساني لڪيل آهي؟ اللّٰه مون کي ڪهڙو سبق سيکارڻ جي ڪوشش ڪري رهيو آهي؟ هو مون کي ڪهڙي غلط انحصار کان آزاد ڪري رهيو آهي؟

ڇاڪاڻ تہ هر نقصان ۾، هڪ واپسي آهي - هڪ واپسي ان ڏانهن جيڪو ڪڏهن بہ نہ بدلجندڙ آهي، ڪڏهن بہ نہ ڇڏيندو آهي، ۽ ڪڏهن بہ اسان سان پيار ڪرڻ بند نہ ڪندو آهي.
ترجمو: صلاح الدين ابڙو

11/04/2025

With a mission to uplift the Sindhi community, Salahuddin Abro, an experienced JEST teacher from Madeji, District Shikarpur, Sindh, founder of Sindhi Thoughts, motivational speaker, and digital content creator, has launched free online courses aimed at teaching Basic Mathematics and Basic English Grammar in the Sindhi language. Starting from 10th April for Math and 12th April for English Grammar, these courses are designed to help students build a strong foundation in these essential subjects.

By offering free educational content in Sindhi, Salahuddin Abro is not only promoting language inclusivity but also making learning accessible for all. His initiative, through his 'Sindhi Thoughts' platform, is set to transform the way Sindhi youth approach education.

Join the courses on his YouTube channel: https://youtube.com/

23/03/2025

06/01/2025

25/12/2024

05/10/2024

04/10/2024

16/09/2024