Bahaghari - Pisay Gitnang Luzon

08/11/2025

https://www.facebook.com/share/p/1ACW5xDm9E/?mibextid=wwXIfr

𝗔𝗗𝗩𝗜𝗦𝗢𝗥𝗬 | 𝗦𝘂𝘀𝗽𝗲𝗻𝘀𝗶𝗼𝗻 𝗼𝗳 𝗳𝗮𝗰𝗲-𝘁𝗼-𝗳𝗮𝗰𝗲 𝗰𝗹𝗮𝘀𝘀𝗲𝘀 𝗼𝗻 𝗡𝗼𝘃𝗲𝗺𝗯𝗲𝗿 𝟭𝟬-𝟭𝟭, 𝟮𝟬𝟮𝟱

In compliance with the Executive Order No. 35, s.2025 of the Office of the Governor - Pampanga, face-to-face classes in PSHS-CLC are suspended 𝗼𝗻 𝗡𝗼𝘃𝗲𝗺𝗯𝗲𝗿 𝟭𝟬-𝟭𝟭, 𝟮𝟬𝟮𝟱, 𝗠𝗼𝗻𝗱𝗮𝘆 & 𝗧𝘂𝗲𝘀𝗱𝗮𝘆, due to the expected impact of Severe Tropical Storm .

Accordingly, students will shift to online asynchronous learning and are advised to check their LMS or Google Classroom for tasks and instructions to be provided by their subject teachers.

Teaching staff may work from home (WFH) on the said dates, while non-teaching staff may also work from home subject to approval of their respective division chiefs. Those who will WFH shall submit an accomplishment report to their Division Chief upon their return to school.

Everyone is advised to keep safe.

06/11/2025

SA MGA LARAWAN | Pisay Gitnang Luzon, muling nagsagawa ng Earthquake Drill

Patuloy pa rin sa paghahanda ang Pisay Gitnang Luzon sa mga nagbabadyang lindol sa ating bansa. Bandang alas-9 ngayong umaga lamang, isinagawa ang ikalawang eathquake drill ng naturang paaralan. Patuloy pa ring nagagamit ng bawat iskolar ang ipinagkaloob na mga hard hat ng GPTA.

Naitala naman ang sumusunod na mga oras ng paglabas ng mga tao sa bawat gusali ng paaralan:
Academic Bldg. 1 - 3 minuto at 8 segundo
Academic Bldg. 2 - 1 minuto at 32 segundo
Academic Bldg. 3 - 2 minuto at 22 segundo
Admin Bldg. - 1 minuto at 56 na segundo
Gym - 57 segundo
Residence Hall - 1 minuto at 24 na segundo
Average - 1 minuto at 53 segundo

✏️: Xyz Aliño
📷: Trish Malaca, Norel Mangaliag, Lyle Ortiz

31/10/2025

Isinagawa sa Pisay Gitnang Luzon nitong Oktubre 30, 2025 ang Annual Costume Day, isang tradisyon sa kampus kung saan hinihikayat ang pagsuot ng costume sa mga mag-aaral at pagdisenyo ng mga opisina sa mga empleyado.

Panoorin ang buong detalye sa balita.

🎙️: Mae Syjueco, Xan Tapang
📷: Joaquin Tioleco
💻: Joaquin Tioleco

25/10/2025

| Starboy’s Moment: Manas ibinulsa ang panalo laban sa world champion

✏️: Ralph Velasquez
🎨: Carly Calimlim

Nagpakitang-gilas si AJ “Starboy” Manas matapos ungusan ang world number one, Fedor Gorst ng Russia sa Reyes Cup Singles noong Oktubre 17 sa Ninoy Aquino Stadium, Manila. Sa dikit na labang nagtapos sa iskor na 5-4, nasungkit ni Manas ang mahalagang panalong nagpalawak pa sa kalamangan ng Team Asia laban sa Team Rest of the World.

Sa edad na 19, si Manas ang pinakabatang miyembro ng Team Asia ngunit ipinamalas niya ang pambihirang kumpiyansa, diskarte, at tibay ng loob laban sa isang mas batikang kalaban. Sa bawat tira, naging malinaw ang kanyang kontrol at matatag na pag-iisip na siyang nagdala sa kanya sa panalo.

Mula sa tabla na 1-1 at 2-2, nagawang makuha ni Manas ang 4-2 na abante. . Hindi naman nagpahuli si Gorst at agad bumawi upang maitabla ang laban sa 4-4, dahilan upang maging mas kapana-panabik ang huling rack.

Sa tuktok ng laro, kinakailangan nilang dalawa ng perpektong laro upang makamit ang panalo. Ngunit, nagkaroon ng nakakapanghinayang na foul si Gorst matapos madampian ng kanyang uniporme ang 7-ball. Dahil dito, nakuha ni Manas ang pagkakataong tapusin ang laban at tuluyang mapasakamay ang panalo para sa Team Asia.

Dahil dito, lumawak pa sa 6–0 ang kalamangan ng Team Asia at nananatiling abante sa kanilang kampanyang depensahan ang titulo sa Reyes Cup. Magpapatuloy ang kompetisyon sa mga susunod na araw, kung saan layunin ng Team Asia na mapanatili ang kanilang dominasyon at patunayan ang kanilang pagiging isa sa mga pinakamahusay na koponan sa torneo.

24/10/2025

| ℜ𝔢𝔱𝔰𝔞𝔪 𝔫𝔤 𝔅𝔞𝔥𝔞𝔤𝔥𝔞𝔯𝔦, 𝔦𝔭𝔦𝔫𝔞𝔤𝔡𝔦𝔴𝔞𝔫𝔤 𝔞𝔫𝔤 𝔦𝔨𝔞-18 𝔨𝔞𝔞𝔯𝔞𝔴𝔞𝔫 𝔫𝔤𝔞𝔶𝔬𝔫

Sa aming kasabay sa paglipad ng eroplano patungong Tacloban🛫, ang aming day one na kasama from broke days to paldo days, deins mabubuo ang Bahaghari kung alaws ang aming oma, kaya dis wans 4 you, sah. 🤑

Matsalab sa gurong g na g at palaging tatagos ‼️Walang ebas kapag siya ang kasama 🤑 Alaws olats dito g dahil lock in kami sa mission Tacloban 😋 alam moo ahh 👌Salamat sayo Ma'am L-E-R-I, dahil sayo'y kami di aaray 😛 Sige na g, salamat sa pag gabay sa B-H-G 📙✍️

✏️: Jaila Galang, Adrian Adarna
🎨: Janine Emmanuel

22/10/2025

| Sapphire Canyon: Ang Bida ng Potensyal na Buhay sa Mars

✏️: Lyndzee Ocampo
🎨: Venisse Azarcon

Sa ating malawak na sansinukob, hindi maikakaila ang potensyal ng ibang planetang maging isang bagong tahanan o tagpuan ng bagong buhay at teknolohiya. Gayonman, hindi sa malalaking nilalang kundi sa tulong ng isang bato napatutunayan ang buhay sa labas ng ating daigdig, at nagsisilbing isang mahalagang yapak tungo sa pag-aaral ng mga planeta. Ihanda ang mga sarili at kilalanin natin ang Sapphire Canyon!

𝗦𝗮𝗽𝗽𝗵𝗶𝗿𝗲 𝗖𝗮𝗻𝘆𝗼𝗻, 𝗮𝗻𝗼 ‘𝘆𝗼𝗻?

Sa isang proyekto ng National Aeronautics and Space Administration (NASA) na tinatawag na Mars Perseverance Rover, natuklasan ang isang mahalagang bato o sample na pinangalanang “Sapphire Canyon”. Isa ang Sapphire Canyon sa 27 rock cores o mga batong bumubuo sa “Cheyava Falls”, isang rock formation sa dating lawa ng Jezero Crater sa planetang Mars.

“The identification of a potential biosignature on the Red Planet is a groundbreaking discovery, and one that will advance our understanding of Mars,” ani NASA Administrator Sean Duffy.

Nagtataglay ng mahalagang kasagutan sa likod ng mga tanong kaugnay sa buhay o biosignature sa labas ng ating daigdig ang pagtuklas sa mga batong ito.

Bunsod nito, ipinalabas noong Setyembre 8 sa Nature Journal ang pananaliksik nina Hurowitz et al. kung saan tinukoy ang samot-saring katangian ng Sapphire Canyon na nagpapatunay na mayroon itong potensyal na maging isang biosignature.

𝗕𝘂𝗵𝗮𝘆 𝗕𝗔𝗧𝗢?

Tinukoy ng mga mananaliksik ang katangian ng Sapphire Canyon sa tulong ng mga instrumento ng Mars Perseverance Rover na ang Planetary Instrument for X-ray Lithochemistry (PIXL) at Scanning Habitable Environments with Raman & Luminescence for Organics & Chemicals (SHERLOC).

Natagpuan ng mga instrumentong binubuo ng clay at silt ang mga batong pumapaligid sa Jezero Crater tulad ng Sapphire Canyon. Maliban dito, nakita rin ng mga mananaliksik na binubuo ng matataas na bilang ng organic carbon, sulfur, oxidized iron o kalawang, at phosphorous ang mga bato. Nagpapatibay sa pagiging biosignature ng Sapphire Canyon ang mga katangiang ito at nagsisilbing katuwiran din sa makukulay na pook sa Cheyava Falls na posibleng dulot ng paggamit ng microbial life bilang energy source.

“The combination of chemical compounds we found in the Bright Angel formation could have been a rich source of energy for microbial metabolisms,” saad ni Perseverance scientist Joel Hurowitz ng Stony Brook University, New York at lead author. “But just because we saw all these compelling chemical signatures in the data didn’t mean we had a potential biosignature. We needed to analyze what that data could mean,” aniya pa.

Dagdag pa rito, maaaring malikha ang mga mineral na nabanggit abiotically o mga salik na hindi nangangailangan ng buhay tulad ng matataas na temperatura, acidic na paligid, at pagbubuklod gamit ng organic compounds. Gayonman, sa paligid ng Sapphire Canyon, walang nagpapakitang tampok na mapagkukunan ng mataas na temperatura at acidic conditions, kung kaya’t patuloy pa ring pinaniniwalaan na sumibol ang mga minerals na ito sa pag-iral ng microbial life sa Mars.

Sa patuloy na pag-aaral ng ibang planeta tulad ng Mars, unti-unti nang nasisilayan ang malaking larawan sa pagbuklod ng buhay. Sa tulong ng pananaliksik at teknolohiya tulad ng Mars Perseverance, mas napalalawak pa ang halaga ng mga maliliit na bato tulad ng Sapphire Canyon.

--

Sanggunian:

[1] Cermak, A. (2025, September 10). 𝘔𝘢𝘳𝘴 2020: 𝘗𝘦𝘳𝘴𝘦𝘷𝘦𝘳𝘢𝘯𝘤𝘦 𝘙𝘰𝘷𝘦𝘳 - 𝘕𝘈𝘚𝘈 𝘚𝘤𝘪𝘦𝘯𝘤𝘦. NASA Science. https://science.nasa.gov/mission/mars-2020-perseverance

[2] Hurowitz, J. A., Tice, M. M., Allwood, A. C., Cable, M. L., Hand, K. P., Murphy, A. E., Uckert, K., Bell, J. F., Bosak, T., Broz, A. P., Clavé, E., Cousin, A., Davidoff, S., Dehouck, E., Farley, K. A., Gupta, S., Hamran, S., Hickman-Lewis, K., Johnson, J. R., . . . Wolf, Z. U. (2025). Redox-driven mineral and organic associations in Jezero Crater, Mars. 𝘕𝘢𝘵𝘶𝘳𝘦, 645(8080), 332–340. https://doi.org/10.1038/s41586-025-09413-0

[3] NASA. (2025, September 10). 𝘕𝘈𝘚𝘈 𝘴𝘢𝘺𝘴 𝘔𝘢𝘳𝘴 𝘙𝘰𝘷𝘦𝘳 𝘥𝘪𝘴𝘤𝘰𝘷𝘦𝘳𝘦𝘥 𝘱𝘰𝘵𝘦𝘯𝘵𝘪𝘢𝘭 𝘣𝘪𝘰𝘴𝘪𝘨𝘯𝘢𝘵𝘶𝘳𝘦 𝘭𝘢𝘴𝘵 𝘺𝘦𝘢𝘳 - 𝘕𝘈𝘚𝘈. https://www.nasa.gov/news-release/nasa-says-mars-Rover-discovered-potential-biosignature-last-year/

19/10/2025

TINGNAN | Iskolar Ng Pisay Gitnang Luzon, Tumanggap ng Parangal sa Mr. and Ms. Ambassador of Goodwill 2025

✏️: Moira Barson
📷: JC Quito
🎨: Janine Emmanuel

Ipinamalas nina Rafael Jaron Martin at Mikhaila Yvanna Bautista, mga iskolar mula sa Batch Idraveirya, ang kanilang talino at kakayahan sa Mr. and Ms. Ambassador of Goodwill 2025 na ginanap noong ika-17 ng Oktubre sa Nueva Ecija University of Science and Technology (NEUST)–Sumacab Campus, Cabanatuan City, Nueva Ecija.

Sa naturang kompetisyon na inorganisa ng Philippine Society of Information Technology Educators (PSITE) – Central Luzon, layuning itaguyod ang empowerment programs para sa kabataang Pilipino sa pamamagitan ng pagpapaunlad ng katapatan, talento, katalinuhan, pamumuno, at mabuting asal.

Ipinakita ng dalawang iskolar ang mga katangiang ito sa iba’t ibang bahagi ng paligsahan tulad ng School shirt and jeans Attire, formal wear, at beauty and personality.

Nasungkit ni Martin ang titulong Mr. Ambassador of Goodwill 2025 at ang parangal na Best in Formal Wear, habang nakamit naman ni Bautista ang 3rd Runner-Up at parangal na Best in Formal Wear sa Ms. Ambassador of Goodwill 2025.

Ayon sa PSITE–Central Luzon, inaasahang isasabuhay ng mga Ambassadors of Goodwill ng mga positibong katangian at birtud ng Pilipinong may talento at may kakayahang makihalubilo, matuto, at manguna sa iba’t ibang larangan.

16/10/2025

SA MGA LARAWAN | Paghahanda ng Pisay Gitnang Luzon, pinangunahan ng PSHS-CLC DRRMC

Bilang bahagi ng patuloy na paghahanda sa mga kalamidad, nagsagawa ngayong 10:30 ng umaga ng earthquake drill and Disaster Risk Reduction Management Committee ng Pisay Gitnang Luzon. Layunin ng aktibidad na masanay ang iskolar sa tama at ligtas na paglikas sa oras ng lindol.

Kabilang sa ginamit ng mga iskolar sa drill ay ang mga hard hat na ipinagkaloob ng GPTA, na suot ng mga iskolar mula Batch 2031, 2030, 2028, Idraveirya, at Alyaposa.

✏️: Xyrel Magsino
📷: Eianne Cadiente, Norel Mangaliag, Dale Olegario, Audrey Peñafiel, Sasha Sengson

15/10/2025

KAPAPASOK LAMANG | Pisay Gitnang Luzon, pumasa muli sa ISO 9001:2015 certification maintenance

Inirerekomenda muli para sa ISO recertification ang kampus ng Pisay Gitnang Luzon matapos ipasa ang Surveillance Audit ng SOCOTEC Certification Philippines, Inc. ngayong araw, Oktubre 15.

Naitala ng mga auditor na walang minor at major nonconformities ang kampus.

Binibigyang-pagkilala ng ISO 9001:2015 Certificate ang mga organisasyong nagpapamalas ng mataas na kalidad ng serbisyo para sa publiko.

✏️: Xandrei Pangilinan

10/10/2025

Bago matapos ang linggong paggunita sa kaguruan, taos-pusong nagpapasalamat ang Bahaghari sa kaniyang tagapayo!

Para kay Bb. Leri Mae Mariano, na mas kilalang Ma'am Leri, ang kaniyang mga estudyante talaga ang nasa puso ng pagtuturo; malapit na koneksyong buo sa respeto ang nasa sentro. Malaking bahagi ang pinupunan ng pagbigay-gabay sa mga mag-aaral na ibigin ang asignatura sa kaniyang pinanghuhugutan ng inspirasyon.

Maraming salamat po sa walang sawang paggabay at pagbahagi ng inyong kaalaman! Sa ilalim ng inyong maingat na pangangalaga, patuloy sanang humusay ang kakayahan ng bawat manunulat sa larang ng pamamahayag at patuloy na kuminang ang kulay ng ating pahayagan.

Maligayang Araw ng mga G**o, Ma'am Leri! Pati na rin sa mga hindi nagsasawang magpursigi upang mahubog ang parehong kakayahang akademiko at pagkatao ng kanilang mga mag-aaral.

✏️: Xandrei Pangilinan
🎨: Venisse Azarcon

10/10/2025

KAPAPASOK LAMANG | Mga nagwagi sa PhiSciCLaban, pinarangalan na!

Sa pagtatapos ng final round ng PhiSciCLaban: Sci-Math Battle 2025 na ginanap sa Pisay Gitnang Luzon, pormal nang inanusyo ang Top 15 Finalists matapos ang Elimination Round at Top 3 na nagsipagwagi matapos ang Final Round na binubuo ng mga elementarya mula sa iba’t ibang panig ng Gitnang Luzon.

Ang Tungkong Mangga Elementary School na nagkamit ng pinakamataas na iskor sa final stage ang siyang magsisilbing kinatawan ng Rehiyon 3 sa National Round na gaganapin sa Laoag, Ilocos Norte.

Narito ang listahan ng mga Top 15 Finalists:

• Achievers Special Education Center
• Balanga Elementary School
• Bettbien Montessori
• Dau Elementary School
• DepEd-CLSU Elementary (Lab.) School
• Hermosa Elementary School
• Kalalake Elementary School-Center of Excellence
• Living Stone International School, Inc.
• Maligaya Integrated School
• Manibaug Paralaya Elementary School
• Mayi Montessori School, Inc.
• San Fernando Elementary School
• San Francisco Elementary School
• Talavera Central School
• Tungkong Mangga Elementary School

Narito ang listahan ng Top 3 na nagsipagwagi sa Final Round:

Unang Gantimpala: Tungkong Mangga Elementary School
Ikalawang Gatimpala: Living Stone International School, Inc.
Ikatlong Gantimpala: Mayi Montessori School, Inc.

Isang mainit na pagbati sa lahat ng lumahok at nagwagi sa tagisan ng husay at talino sa agham at matematika!

✏️: Xyrel Magsino
🎨: Janine Emmanuel

10/10/2025

Isinagawa sa Pisay Gitnang Luzon ngayong Oktubre 10, 2025 ang PhiSciCLaban: Sci-Math Battle 2025, isang timpalak sa agham at matematika kung saan nagtagisan ng galing ang mga mag-aaral sa ikaanim na baitang mula sa iba't ibang paaralan sa Rehiyon 3.
Panoorin ang buong detalye sa balita.

🎙️: Jaila Galang
📷: Anaya Flores, Audrey Peñafiel
💻: Eianne Cadiente