Adinama आदिनामा (2025)

29/10/2025

अति-साखर आणि तुमच्या किडनीज:
Milind Padki
दिवाळीत गोड पक्वान्ने फार खाल्ली असतील तर तुमच्या किडनीज जबरदस्त तणावाखाली आहेत. अति-साखरेने किडनीमधले ग्लोमेरुलस नावाचे नाजूक फिल्टर्स डॅमेज होतात. हे सतत घडत राहिले तर हे "क्रॉनिक किडनी डिसीझ " आणि किडनी फेल्युअर कडे जाऊ शकते आणि किडनी डायलिसिस वर जाण्याची पाळी येऊ शकते.
पण आता केवळ ३० दिवस साखर कटाक्षाने टाळल्यास किडनी या डॅमेजमधून रिकव्हर होईल. किडनी डॅमेजने आलेला थकवा निघून जाईल आणि परत चैतन्यशील वाटू लागेल.
किडनी डॅमेजचे दिसणारे सुरवातीचे एक रूप म्हणजे लघवी पाण्यासारखी स्वच्छ न राहता पिवळट , धूसर दिसू लागणे. अल्ब्युमीन हे रक्तातले प्रोटीन लघवीमध्ये "लीक" होणे ही किडनी डॅमेजची उत्तम टेस्ट आहे, आणि ही सहजपणे घरी करता आली पाहिजे. अमेरिकेत याचे किट्स मिळतात. किडनी सुधारत गेली की हे प्रोटीन कमीकमी होत गेलेले दिसेल.
किडनीवर लोड आला की किडनी आपले काम करताना अधिक पाणी आणि सोडियम रक्तात मागे शिल्लक ठेवू लागते आणि त्यातून ब्लड प्रेशर वाढत जाते, जी घातक गोष्ट आहे.
ग्लोमेरुलर फिल्टरेशन रेट ("जी एफ आर", GFR ) हा किडनी फंक्शनचा उत्तम पॅरामीटर लॅबमधून करून घेऊ शकता. त्या टेस्टच्या रिपोर्टमध्ये तुम्हाला "क्रॉनिक किडनी डिसीझ " असल्यास त्याचा टप्पा कळेल.
डायबेटिसमध्ये, हाय ब्लड ग्लुकोजमुळे मोठे किडनी डॅमेज सतत घडत असतेच. पण अशी डॅमेज झालेली डायबिटिक किडनी जर दुसऱ्या निरोगी माणसात डोनेट करून त्याच्या शरीरात आरोपित केली गेली , तर दोन-तीन वर्षात ती परत पूर्ण निरोगी बनते.
किडनीमध्ये रिकव्हरीची क्षमता आहे, तिचा फायदा, साखर कमी करत नक्की उठविणे.
शुभेच्छा!
Milind Padki, PhD(Pharmaceutical Technology)

02/10/2025

*अंधश्रद्धा निर्मूलन वार्तापत्र ऑक्टोबर २०२५ अंकात काय वाचाल?*

अनुक्रमणिका-
संपादकीय-
या दिवाळीत फटाके नकोत, पुस्तके घ्या ! । ०६

बुवाबाजी -
केरळमधील कृपासनम चर्चमध्ये होणाऱ्या चमत्कारांना आव्हान । ०७
: प्रभाकर नानावटी

डॉ. दाभोलकर स्मृतीदिन भाषणे :
*तपास यंत्रणेमधील राजकीय हस्तक्षेपामुळे डॉ. दाभोलकरांच्या खुन कटातील मुख्य सुत्रधार मोकाट !*
मीरां चड्डा बोरवणकर
यांचे संपूर्ण भाषण। ११

*श्रद्धा आणि ज्ञान यांच्यात मोठे द्वंद्व*
डॉ. शरद बावीस्कर यांचे संपूर्ण भाषण। १४

मुक्त प्रश्नांचा तास -
थोडी दारू घेणं चांगलं असंतं ?
डॉ. प्रसन्न दाभोलकर । २०

आरोग्य-
कबुतराची विष्ठा मानवी फुफ्फुसांना घातक
मुक्ता दाभोलकर । २२

पुस्तक परिचय-
डॉ. नरेंद्र दाभोलकरांना ग्रंथरूपी अभिवादन !
प्रभाकर नानावटी । २३

मुलांच्या वैज्ञानिक जाणीवा विकसित करणारी बालसाहित्यांची पाच पुस्तके
अनिल चव्हाण । २६

चळवळ-
डॉ. नरेंद्र दाभोलकर लोकविद्यापीठाचे अभ्यासक्रम सुरु करणार !
लातूर येथे अंधश्रद्धा निर्मूलन समितीचे राज्य कार्यकारीणी बैठकीत निर्णय । ३१

गडचिरोली जिल्हा कार्यकर्ता प्रशिक्षण शिबीर उत्साहात संपन्न

सर्वपित्री अमावास्येला अनाथआश्रमात पेण अंनिसने केले खाऊ वाटप.

दुर्बिणीतून चंद्रग्रहण पाहूया सांगली अंनिसचा खगोलीय उपक्रम.

करणीमुळे घाबरलेल्या कुटुंबाची भीती पलूस अंनिस ने केली दूर.

बाळूमामा चा मेंढपाळ आजीचा खुनी - सातारा अंनिस ची सखोल तपासाची मागणी

जादूटोणाच्या आरोपावरून कुटुंबाला मारहाण- पेण अंनिसने केला दोन मांत्रिकावर गुन्हा दाखल.

अंकासाठी संपर्क
सुहास 9970174628

वार्षिक वर्गणी रुपये- 300

30/09/2025

किल्लारी भूकंप – एक शोकांतिका, एक कायमची आठवण
Ganesh Dubale

३० सप्टेंबर १९९३.
अनंत चतुर्थीची रात्र.
संपूर्ण महाराष्ट्र हादरवून टाकणारी ती अविस्मरणीय रात्र.

आम्ही त्या वेळी कर्मवीर भाऊराव पाटील विद्यालय भुईंज, तालुका वाई जिल्हा सातारा येथे आठवीत शिकत होतो. भूकंपाची चाहूल काही दिवसांपूर्वीपासूनच लागत होती. चार–पाच दिवसांपासून महाराष्ट्राच्या विविध भागांत लहान–मोठे धक्के जाणवत होते. लोक रात्री धक्का जाणवताच घराबाहेर धाव घ्यायचे, मैदानावर जाऊन बसायचे. दिवसभर त्या चर्चेनेच वातावरण भारलेले असायचे.

आमच्या शाळेतही असा एक अनुभव आला. आम्ही नवीन इमारतीच्या पहिल्या मजल्यावर होतो. अचानक दुपारी जमिनीला हलकासा झटका बसला. सगळे मुले ओरडत घाबरून खाली ग्राउंडवर धावत सुटले. शिक्षक–शिक्षिकांनी सर्वांना शांत केले, पण मनात मात्र भीती घर करून बसली होती.

आणि मग दुसऱ्याच दिवशी – ३० सप्टेंबरच्या मध्यरात्री – लातूर जिल्ह्यातील किल्लारी परिसरात महाभयंकर भूकंप झाला. काही क्षणांत हजारो जीव उद्ध्वस्त झाले, अनेक गावे जमीनदोस्त झाली. आनंदाचा सण दु:खाच्या तांडवात परिवर्तित झाला.

तो भूकंप केवळ लातूर–उस्मानाबादचा नव्हता, तर संपूर्ण महाराष्ट्रासाठी एक शोकांतिका ठरला. आपल्या डोळ्यासमोर संपूर्ण भाग उद्ध्वस्त झाल्याचे चित्र उभे राहिले. कित्येक कुटुंबे उद्ध्वस्त झाली, हजारो निरपराध जीव दगडाखाली गाडले गेले.

आज ३० सप्टेंबर २०२५ रोजी त्याला ३२ वर्षे पूर्ण होत आहेत, पण त्या घटनेची आठवण आजही ताजी आहे. त्या रात्रीचे धक्के, ती भीती आणि नंतरच्या काळातील पुनर्वसनाची कहाणी – सगळे महाराष्ट्राच्या स्मरणात कायमचे कोरले गेले आहे.

त्या सर्व दिवंगत आत्म्यांना आमची कोटी कोटी भावपूर्ण श्रद्धांजली 🙏
आणि जिवंत बचावलेल्या लोकांच्या जिद्दीला सलाम!

30/09/2025

चिकित्सक वाचक चंद्रसेन जाधव लिहितात...
*वैज्ञानिक दृष्टी आणि सृष्टी* हे पुस्तक वाचले. पुस्तक वाचत असताना बऱ्याचश्या सूक्ष्म आणि माहित नसलेल्या गोष्टी माहित झाल्या. विज्ञान ही एक खरच निरंतर चालणारी प्रक्रिया आहे. आणि आपली अदभुत ची भूक आपोआप भागते. माझ्या दोन्ही मुलांसाठी हे पुस्तक अतिशय उपयोगी वाटले. माझीच नाही तर सर्व मुलासाठी त्यांच्या शालेय सुट्टीमध्ये हे पुस्तक त्यांनी वाचावे. असे हे पुस्तक आहे. माझ्या मुलांना यातील बरेचसे मुद्दे मी सांगितले. त्यामूळे या विषयी त्यांच्या मनात जिज्ञासा उत्पन्न झाली आहे.

तसेच या मधील कालगणना, वास्तुशास्त्र, ज्योतिष, नास्तिकता, मृत्यू एक चिंतन प्रतिक्रिया, प्रतिसाद या बरोबरच अनेक गोष्टी, विषय मनाला अतिशय भावले. आणि मला या विषयी नवीन माहिती मिळून माझ्या ज्ञानात भर पडली. आणि या पुस्तकातील सर्व माहिती आपल्या रोजच्या जीवनात घडणाऱ्या आणि सामान्य लोकांना पडणाऱ्या प्रश्नाशी निगडित आहे.

सर्वात महत्वाचे म्हणजे अपुऱ्या माहितीच्या आधारे माझ्याबरोबर अनेक जण वाद घालत असतात. या पुस्तकातील माहितीच्या आधारे त्यांच्याशी मी वितंडवाद न करता चांगल्या पद्धतीने चर्चा करू शकतो, हा आत्मविश्वास मला मिळाला. माझ्या हेही प्रथमच लक्षात आले की वादविवाद, वितंडवाद, चर्चा प्रतिक्रिया प्रतिसाद कशाला म्हणतात. म्हणजे याची परिभाषा कळाली. पुस्तक अतिशय सुंदर झाले आहे. आणि मी बऱ्याचश्या मुलांना आणि ओळखीच्या शिक्षकांना व घरातील जेष्ठ सेवानिवृत्त झालेल्या व्यक्तींना या पुस्तकाची शिफारस केली आहे.

(सूचना : पुस्तकाची छापील किंमत 220 रुपये असली तरी सवलत किंमत 180 रुपये आहे. अधिक पोस्टेज खर्च 45 रुपये, असे एकूण 225 रुपये छायाचित्रात दिलेल्या क्यूआर कोडला स्कॅन केल्यावर अदा करावेत. ट्रांजेक्शन सक्सेसफुल झाल्यानंतर वाचकाने आपला पोस्टाचा पत्ता आणि ट्रांजेक्शन सक्सेसफुल झाल्याची पावती 8484977899 या व्हाट्सअप संपर्क क्रमांकावर पोस्ट करावे, म्हणजे प्रकाशकांकडून डायरेक्ट पुस्तक तुम्हाला घरपोच मिळेल.)

13/09/2025

फटाक्यांवर देशभर बंदी हवी

06/09/2025

AI चा कसून अभ्यास करणे . हे क्षेत्र केवळ प्रोग्रॅमर्स साठी नाही:
- "केवळ" पाच कोटी डॉलर्समध्ये, मी कॉम्प्युटर मधे मानवी मेंदू निर्माण करून दाखवीन असे एका अमेरिकन उद्योजकाने नुकतेच म्हटले आहे. यावर तात्विक आक्षेप भरपूर आहेत: मानवी कॉन्शसनेस म्हणजे "कॉम्प्युटेशन" ('संगणन "?) नव्हे, "कॉम्प्युटेशन" ला स्वतःचे "भान" किंवा "स्वेच्छा" नसते, ती कशी आणणार या जातीचे ते आक्षेप आहेत.
- पण माझा मुद्दा वेगळाच आहे, ते म्हणजे तुमच्या डोक्यातही आज हे किमान पाच कोटी डॉलर्सचे "यंत्र" नक्कीच आहे. मानवी मेंदू एक सेकंदात जे करू शकतो त्याला सुपरकॉम्प्युटरला चाळीस मिनिटे लागायची. (आता नव्या शक्तीशाली चिप्समळे हे कुठवर आले आहे माहिती नाही. ) मुद्दा मेंदूची ही व्हॅल्यू "प्रत्यक्षात" (म्हणजे तुमच्या खिशात!) कशी आणायची हा आहे.
- आता भारतातली अर्थव्यवस्था मला समजत नाही, त्यामुळे मी फारसे काही बोलू शकत नाही, पण मराठी माणसासाठी काही निरीक्षणे:
- तुमची "बिरादरी" तुमच्या उत्पन्नाचा परीघ ठरविते. बरेचसे लोक आपल्या बिरादरीच्या (आप्तेष्ट आणि इष्टमित्र) +/- १५ टक्के या उत्पन्नाच्या सीमांमध्येच राहतात. एखादा जो त्यापलीकडे यशस्वी होतो त्याचा अनेकदा बिरादरीशी संबंध तुटतो. पण बिरादरीच्या "विचार-परिघामुळे " जर तुम्ही मर्यादित राहत असाल तर त्याच्या बाहेर पडणे अत्यंत महत्वाचे. बिझनेस कास्ट्स (गुजराथी, मारवाडी, सिंधी-पंजाबी) मधले मित्र प्रयत्नपूर्वक जोडणे. त्यांची विचार-प्रक्रियाच वेगळी असते: तुमच्याच बुद्धिमतेचा माणूस तुमच्या अनेक-पट पैसा का आणि कसा मिळवतो?
- नव्या AI मुळे जुने प्रोग्रामिंग मधले शिक्षण झपाट्याने कालबाह्य होत चालले आहे हे लक्षात घेणे. जुने प्रोग्रामिंग चे शिक्षण घेतलेली मुले आज बेकारीच्या खाईत सापडली आहेत. ज्यांना आय टी मध्ये नोकऱ्या आहेत त्याही धोक्यात येऊ लागल्या आहेत.
- याउलट AI मध्ये जगभरात १० ट्रिलियन डॉलर्सची नवी गुंतवणूक येऊ घातली आहे. यात केवळ यूरोप अमेरिकाच नाही तर भारत आणि चीनही सामील आहे. बाहेरचा टॅलन्ट आयात करण्यासाठी चीनने नुकताच "K" व्हिसा काढला आहे.
- "nanobanana" हा AI एजंट , कोणतेही कोडिंग न करता तुम्हाला AI वापरू देतो. कॉम्प्युटरला जन्मात हात न लावलेली ८० वर्षांची बाई, कॉम्प्युटरला "तोंडी" आज्ञा देऊन काम करून घेऊ शकते.
- सर्व बिझनेस प्रोसेसेस मध्ये AI येऊ लागले आहे. परवा (अमेरिकेत) मी गाडीतून एका "टॅको बेल" मध्ये ऑर्डर दिली ती पूर्णपणे AI-बेस्ड होती: मी बोललेले समोर फलकावर दिसत होते, त्याची टोटलही दिसत होती. (यात एका माणसाचा जॉब गेला हे उघड आहे!).
AI चा कसून अभ्यास करणे . हे क्षेत्र केवळ प्रोग्रॅमर्स साठी नाही, त्यात कसे शिरता येईल ते बघणे. (कृपया " AI for Non-coders " या जातीचा सर्च करणे , भरपूर माहिती आणि कोर्सेस सापडतील. )
शुभेच्छा!
Milind Padki
facebook[.]com/milind.padki.1

05/09/2025

ज्या काळात वाहतुकीची साधने (बैलगाडी,टांगे), सुविधा अत्यंत तुटपुंज्या, मर्यादित होत्या, सामाजिक जीवन खेडे फारतर पंचक्रोशी पर्यंत सिमित होते, करमणुकीची साधने तुटपुंजी होती, अशा काळात जन्मलेला गणेशोत्सव म्हणजे मानवी देहावर हत्तीचे मुंडके बसवलेली मूर्ती बनवायची, ती वाजत गाजत घरी आणायची. कौतुकाने तिची पूजा करून त्यात आपणच प्राण (देवत्व) फुंकायचे(घालायचे), मग कांहीं दिवस तिचे कौतुकाने स्तुती करत गोडधोड करायचे,वर तिला बुद्धीची देवता मानायचे, तिच्याकडे आपल्या विविध मागण्या नोंदवायच्या व नंतर आपणच तिच्यातील प्राण (देवत्व) काढून तिचे वाजत गाजत विसर्जन करायचे.आता याला एकेकाळचा मोठ्यांचा भातुकलीचा खेळच म्हणावे लागेल. याचे कालौघात बदललेल्या सर्वच परिस्थितीत आता गंभीर कर्मकांडात रुपांतर होऊन तो डोक्यावर बसला आहे.
संग्रहित

03/09/2025

अंधश्रद्धा निर्मूलन वार्तापत्र सप्टेंबर २०२५
*अंकात काय वाचाल?*

*संपादकीय :*
डॉ. नरेंद्र दाभोलकरांच्या १२ व्या स्मृतिदिनी अंनिस कार्यकर्त्यांचे कृतीशील अभिवादन !

*डॉ. नरेंद्र दाभोलकर स्मृती कार्यक्रम पुणे*
समृद्ध व प्रगतीशील जीवन जगण्यासाठी वैज्ञानिक दृष्टिकोनाची गरज : न्यायमूर्ती अभय ओक
-- राहुल माने

डॉ. नरेंद्र दाभोलकर स्मृतिव्याख्यान,पुणे
*भारतीय राज्यघटनेतील वैज्ञानिक दृष्टिकोन धर्मविरोधी नाही ! - मा.न्यायमूर्ती अभय ओक*
(न्या. अभय ओक यांच्या संपूर्ण भाषणांचे शब्दांकन)
: शब्दांकन सौरभ बागडे

*डॉ.नरेंद्र दाभोलकर यांच्या खूनकटातील सुत्रधाराला पकडा !*
*-अंनिसने राज्यभर केलेल्या आंदोलनाचा २२ पानी स्पेशल रिपोर्ट*
राज्यभरातील आंदोलनाचे ४ रंगीत पानी फोटो फिचर्स
: संकलन : राजीव देशपांडे, राहुल थोरात

डॉ. नरेंद्र दाभोलकर यांच्या बाराव्या स्मृतिदिनानिमित्त पुणे येथे पुस्तक प्रकाशन सोहळा.

*मुंबई-मालेगाव बॉम्बस्फोट आणि डॉ. दाभोलकर खून तपासामध्ये राजकीय हस्तक्षेप*
-- माजी आयपीएस अधिकारी मीरां चड्डा-बोरवणकर

वार्षिक वर्गणी रुपये 300
अंकासाठी संपर्क - सुहास
9970174628

29/08/2025

नको नको रे ज्योतिषा
माह्या दारी नको येऊ।
माह्य दैव मले कळे
माह्या हात नको पाहू।।

धनरेषांच्या चऱ्यांनी,
तळहात रे फाटला।
देवा तुह्याबी घरचा
झरा धनाचा आटला।।

नशिबाचे नऊ ग्रह
तळहाताच्या रेघोट्या।
बापा नको मारू थापा
अशा उगा ख-या खोट्या।।
- बहिणाबाई चौधरी.
(24 ऑगस्ट 1880 -03 डिसेंबर 1951)

28/08/2025

WoW !!

22/08/2025

"आम्ही"
वृद्ध नाही, ज्येष्ठ आहोत,
अनुभवाने श्रेष्ठ आहोत !
अजून पुरते पिकलो नाही,
थांबण्याइतके थकलो नाही !
कमी झालाय वेग जरी,
ईर्ष्या तशीच आहे तरी !
पुन्हा फुलवू वसंत,
कुठली कसली नाही खंत !
दम घेण्या स्वल्पविराम,
नका समजू पूर्णविराम !

ऑगस्ट २१, २०२५ .
ज्येष्ठ नागरिक दिवस...
सर्व ज्येष्ठांना मनःपूर्वक शुभेच्छा!
संग्रहित
Every year on August 21st, people around the world observe Senior Citizen's Day, also known as National/world Senior Citizens Day. This day is dedicated to honoring and showing appreciation for the invaluable contributions that older adults have made and continue to make in our society. It's a day to recognize their wisdom, experience, and the legacy they've built, whether through their careers, family, or community involvement. The observance of this day encourages us to reflect on the importance of respecting and caring for our elders, ensuring their well-being, and acknowledging the vital role they play in bridging generations.

16/08/2025

या आकृतीत कोणते वाक्य लिहिले आहे? चांगली नजर असलेल्यांना ते नक्की दिसते?
तुम्ही शोध शकत असाल तर कॉमेंट मध्ये ते वाक्य लिहावे.

Adinama आदिनामा

29/10/2025

02/10/2025

30/09/2025

30/09/2025

13/09/2025

06/09/2025

05/09/2025

03/09/2025

29/08/2025

28/08/2025

22/08/2025

16/08/2025

Address

Website

Alerts

Shortcuts

Share