https://www.facebook.com/2239078486117496/

Mom's Diary by Thet Mon, Yangon (2025)

19/11/2025

တံခါးတွေက ပွင့်လာမှာလား?

ဖြစ်ချင်တဲ့ အိပ်မက်တွေက လူတိုင်းမှာရှိကြတယ်။
အထူးသဖြင့် ကျွန်မတို့လို မိခင်တွေမှာ ပိုများမယ်ထင်ပါတယ်။ သားသမီးတွေရဲ့ ကျန်းမာရေး၊ပညာရေး၊လူမှုရေး ဘက်စုံ ထောင့်စုံကို အကောင်းဆုံးဖြစ်စေချင်ကြတာ
မိခင်တိုင်းရဲ့ တူညီတဲ့ဆန္ဒတွေ မဟုတ်လား?

ကျွန်မတို့လို Millennial Moms တွေဆို ကျွန်မတို့ရဲ့
Generation Alpha ကလေးတွေနဲ့ Gap ဖြစ်သွားမှာကို ကြောက်တဲ့ စိုးရိမ်စိတ်တခုကလဲ ထပ်တိုးလာတဲ့ ဆန္ဒတွေထဲက တခုပေါ့။

သူတို့လေးတွေ ပြောတဲ့ စကားလုံးအသုံးအနှုန်းတွေကအစ သူတို့လေးတွေ တွေးတဲ့ အတွေးတွေအထိ သိချင်တာ…

သူတို့လေးတွေ ဆော့နေတဲ့ gameတွေ၊ ကြည့်နေတဲ့ content တွေ၊ သူတို့ဖတ်နေတဲ့ စာအုပ်ထဲက ဇာတ်ကောင်လေးတွေက ဘာတွေလဲ?

ဒါတွေ ငါမသိရင် နောက်ကျကျန်ခဲ့ပြီး ကလေးကို ပြုစုပျိုးထောင်တဲ့နေရာမှာ အများကြီး လွတ်သွားမှာလား?

အများကြီးမှ အများကြီးပဲ နေ့စဉ် မရိုးရအောင် anxiety တွေက နည်းနည်းစီတိုးလာတယ်လို့ ကျွန်မခံစားရပါတယ်။

ပုံမှန်ဆို ကျွန်မခံစားချက်တွေများ စိတ်ရှုပ်ထွေးပြီး အလိုအလျောက် အားလုံးသူ့ဖာသာ ပြေလည်လာမယ့်နေ့ကို မသိစိတ်ကနေ တယောက်ယောက်က အလိုအလျောက်ဖြေရှင်းပေးမှာပါ ဆိုတဲ့ အသိနဲ့
အချိန်ဖြုန်းမှန်းမသိ ထိုင်စောင့်မျှော်နေတတ်ပါတယ်။

တကယ်လက်တွေ့ကျကျပြောရရင် တော်တော်ကို မှားနေလွဲနေတာပေါ့။

ကိုယ်တိုင် ကြိုးစားအားထုတ်ပြီး လုပ်သင့်တဲ့အရာတွေကို လုပ်ရမှာကို ရှောင်ပြေးနေခဲ့မိတာတွေ ဒီရက်ပိုင်း
မညှာတမ်းself reflection လုပ်ကြည့်မိတဲ့အခါမှ
ဘူးပေါ်သလိုပေါ်လာတော့တာပါပဲ။

အပေါ်ယံကြည့်လိုက်ရင် ကလေးတွေကိစ္စ အကုန်လုံး လိုက်လုပ်ပေးနေတာဖြစ်ပေမယ့် တကယ့်ကို အတွင်းကျကျ
သူတိို့အကြောင်းသေချာသိအောင် မလုပ်န်ိုင်သေးဘဲ လစ်ဟာနေတဲ့ အရာတွေအများကြီးရှိတာကိုလဲ သေချာသိလိုက်ရပါတယ်။

ကိုယ်လုပ်မှကိုယ်ရတာ၊ ကိုယ်တိုင်လုပ်မှ ရမယ့်ကိစ္စတွေကို
ကိုယ်တိုင်ပဲ လုပ်ရမယ် ကယ်တင်ရှင်လဲ မလာဘူး။ အလိုအလျောက်လဲ ပြေလည်မသွားဘူး။

ငါလုပ်နိုင်တယ်၊အခုပဲစလုပ်လိုက်မယ်ဆိုတဲ့ သတ္တိရယ်၊
သင့်မသင့်သုံးသပ်နိုင်တဲ့ ဆင်ခြင်ဥာဏ်လေးပါကပ်ပြီး၊
နေ့စဉ်မှန်မှန်စည်းကမ်းရှိရှိနဲ့ ဆက်တိုက်လုပ်သွားဖို့ကပဲ

ပိတ်နေတဲ့ တံခါးတွေက ကျွန်မအတွက်ပွင့်လာမှာ မဟုတ်လား?

ကျွန်မအပါအဝင် မိခင်တိုင်းအတွက် ဖြောင့်ဖြူးမှန်ကန်တဲ့လမ်းတွေ အဆင်ပြေချောမွေ့စွာ သွားနိုင်ဖို့အတွက် အခွင့်အလမ်း တံခါးပေါက်တွေကို ကိုယ်တိုင်ဖွင့်ပြီး လျှောက်လှမ်းနိုင်ပါစေ။

မေမေတွေအားလုံးကျန်းမာပျော်ရွှင်ပါစေ။

Happy Parenting 🤎

Mom’s Diary by Thet Mon

22/10/2025

အခုခေတ် မိခင်တွေဖြစ်ရတာ ပိုပင်ပန်းပါတယ်။

-ယောကျာ်းနဲ့တန်းတူ ပိုက်ဆံရှာရတဲ့ working momတွေ

-လောကကို သတ္တိရှိရှိရင်ဆိုင်ပြီး ရပ်တည်နေတဲ့ ဝင်ငွေလဲရှာရ၊ ကလေးကိုလဲ ပိုဂရုစိုက်ရတဲ့ single momတွေ

-အိမ်မှာနေပြီး ကလေးထိန်းမထား မွေးထဲကကိုယ်တိုင် အစအဆုံးကလေးပြုစု စောင့်ရှောက် ဂရုစိုက်ရတဲ့ ၊အိမ်မှု့ကိစ္စလဲ လုပ်ရတဲ့ မိခင်တွေ
( သူတို့ကို ယောကျာ်းလို ဝင်ငွေမရှာလို့ အိမ်မှာအေးဆေး သက်သာနေတဲ့သူတွေလို့ တချို့က အမှတ်မှားပြီး သမုတ်ကြသေးတယ်)

အားလုံးက ဟိုးအရင်ခေတ်က မိခင်တွေထက်ပိုပင်ပန်းပါတယ်။ ခေတ်ကပြောင်းလဲ မြန်လွန်းလို့ လိုက်မမှီတဲ့ နည်းပညာနဲ့ တိုးပွါးလာတဲ့ စိတ်ဖိစီးမှုတွေများတဲ့ ကမ္ဘာကြီးထဲ
မမွေးခင်ထဲက ပြင်ရဆင်ရတာတွေက မွေးပြီး၊ ရက်သား၊လသား၊ တနှစ်ကနေ University တက်တဲ့အထိ
စိတ်ရောကိုယ်ရော၊ energy ရော၊အချိန်ရော ရှိသမျှ ပိုင်ဆိုင်မှုတွေရော ပုံပြီးကို ပံ့ပိုးရတယ်။

ခေတ်ကာလအခြေအနေပြောင်းလဲမှုအရ စာသင်ကြားတဲ့ အကြောင်းအရာ ဘာသာရပ်တွေလဲ ပိုမြင့်ပြီး ပြောင်းသွားရသလို အားကစား၊အနုပညာအလယ် စိတ်ပညာအဆုံး
လက်လှမ်းမှီသလောက် သူတို့အတွက်
လိုက်လေ့လာပြီး support လုပ်ရတယ်။)

(လေ့လာသူအများစုကလဲ ကိုယ်အပါအဝင် ငယ်ငယ်က မပျောက်သေးတဲ့ childhood trauma တွေက ၁၀၀% ကင်းစင်သူက ရှားရှား၊ inner child တွေကလဲ တဝက်တပျက် healing တွေကရှိနေတော့ လွယ်ကူမနေပါဘူး)

ဆုတ်ယုတ်လာတဲ့ ရာသီဥတုနဲ့ စားသောက်နေထိုင်မှုတွေ၊သဘာဝဘေးအန္တာရာယ်တွေအပြင်၊ ရောဂါပိုးမျိုးစုံတွေ၊
ညစ်နွမ်းတဲ့စိတ်ဖိစီးတဲ့ စိတ်ပင်ပန်းမှုတွေရှိတဲ့ ပတ်ဝန်းကျင်နဲ့ သူတပါးအပေါ် ကံ၃ ပါးနဲ့ ပစ်မှားစော်ကား အနိုင်ကျင့်တဲ့သူတွေ အကြမ်းဖက် ရာဇဝတ်မှုတွေကလဲ ပိုပေါများလာတော့ ….

တခါတလေစဉ်းစားကြည့်ရတာ

ကျောက်ခေတ်ကလူတွေလိုပဲ
Fight or Flight mode ON ပြီး နေ့စဉ်ဘဝကို anxiety တွေ၊ stress တွေနဲ့ ဖြတ်သန်းနေရသလိုပါလားတောင်
တွေးမိပါသေးတယ်။

ပြောချင်တာက baby boomers မိခင်တွေထက်
Generation X နဲ့ ကျွန်မတို့လို Generation Y တွေအတွက်က မိခင်ဖြစ်နေရတာ စိန်ခေါ်မှုတွေပိုများပါတယ်။

များလွန်းလို့ရေးမပြချင်တော့ဘူး။

ဘဝတူတဲ့ မိခင်အချင်းချင်းကတော့
ဘာတွေလဲဆိုတာ စာဖတ်ရင်းနဲ့ကို
လင်းကနဲ၊ထင်းကနဲ စိတ်ထဲ ပေါ်ပြီး နားလည်နေမှာကို
တွေးမိနေပါတယ်။

Sending tons of love to all Millennial Moms 🤎

13/09/2025

Daily reminder

Date: 13.9.2025

အတိတ်တွေက အကောင်းဆုံးသင်ခန်းစာတွေပါ။
ဖြစ်ချင်တဲ့ ဆန္ဒတွေ၊ လိုချင်တဲ့ မေတ္တာတွေ
မရလာတဲ့အခါ ပူလောင်နေအောင်ခံစားရပါတယ်။

သောကတွေများပြီး ငြိုးငယ်ရတဲ့ စိတ်နှလုံးကို
ကုစားပေးဖို့ အချိန်တခုရောက်လာတဲ့အခါမှာတော့
လွှတ်ချသင့်တာတွေ လွှတ်ချပြီး အတိတ်တွေကို
ဆင်ခြင်ပြီး ပြင်ဆင်ရမယ့် သင်ခန်းစာတွေ
သင်ပေးတဲ့ ဆရာတယောက်လို့ပဲ ခံယူရင်း
အအေးဓာတ်ရဖို့ပဲ ဦးစားပေးကြည့်ရအောင်။

မေမေတွေ အားလုံး ကျန်းမာပျော်ရွှင်ပါစေ။

Happy Parenting 🤎

with love ❤️

Mom’s Diary by Thet Mon

12/09/2025

Daily reminder

Date: 12.9.2025

အတွေးတွေက အရေးပါပါတယ်။
နေ့စဉ် ဘာတွေကို တွေးနေလဲဆိုတာတွေက
နေ့စဉ် ပြုမူပြောဆိုလုပ်ကိုင် နေတာတွေအပေါ်
အများကြီး လွှမ်းမ်ိုးမှုရှိတာကို သတိထားမိလာလို့…

ကုသိုလ်ဖြစ်အောင်ပွါးများတဲ့ အချိန်ခဏလေးမှာ
တွေးနေတဲ့ အတွေးတွေကို
စောင့်ကြည့်၊ အသိအမှတ်ပြု၊ လက်ခံတတ်လာအောင်
မိမိအတွေးအကြောင်းပိုသိအောင်
အားထုတ်နေတဲ့သူမို့

သင့်အတွေးတွေကို ဂရုစိုက်ဖို့ remind လုပ်ချင်ပါတယ်။

မေမေတွေ အားလုံး ကျန်းမာပျော်ရွှင်ပါစေ။

Happy Parenting 🤎

with love ❤️

Mom’s Diary by Thet Mon

11/09/2025

Daily reminder

Date: 11.9.2025

Surrender ဆိုတဲ့ စကားက ဒီနှစ်ပိုင်း အတော်များများ သုံးကြတဲ့ စကားလုံးလေးပေါ့။ ရိုးရှင်းစွာပြောရရင် ကျွန်မအတွက်တော့ မိမိထိန်းချုပ်လို့ မရတဲ့ အရာတွေအပေါ် အရင်လို အတင်းလိုက်ခံစားပြီး အားကုန်ထုတ် ငြင်းဆန်တွန်းလှန်နေတာထက် အကျိုးသင့်အကြောင်းသင့် ဆင်ခြင်ကြည့်တဲ့ အလုပ်လေး စလုပ်ကြည့်ပြီး စိတ်ကို တည်ငြိမ်အောင် နားလည် လက်ခံပြီး လုပ်သင့်တဲ့ အလုပ်တွေကို ရွေးချယ်ပြီး ဆက်တိုက်လုပ်နေဖို့ကိုပဲ Intention လေးချပြီး လုပ်ကြည့်နေပါတယ်။

သင်နားလည်ထားတဲ့ Surrender ရဲ့ အဓိပ္ပာယ်ကရော ဘယ်လိုမျိုးလဲ ဆိုတာ ပြောပြပါဦး?

မေမေတွေ အားလုံး ကျန်းမာပျော်ရွှင်ပါစေ။

Happy Parenting 🤎

with love ❤️

Mom’s Diary by Thet Mon

04/01/2025

Happy New Year to all lovely beautiful moms 🤎

January လက မေမေတို့အတွက် ဘယ်လို အဓိပ္ပါယ်နဲ့
ပြည့်စုံတဲ့ လတစ်လဖြစ်မလဲ?

မေမေတွေ အားလုံးပျော်ရွှင်ပါစေ။
Happy Parenting 🤎

With love,
Mom’s Diary by Thet Mon

31/10/2024

🪔✨ Wishing every supermom a Diwali filled with laughter, love, and endless joy. May good health and prosperity shine brightly in your homes.
Share this post with fellow moms to spread the festive cheer!

Mom's Diary by Thet Mon

19/11/2025

22/10/2025

13/09/2025

12/09/2025

11/09/2025

04/01/2025

31/10/2024

Address

Website

Alerts

Contact The Business

Shortcuts

Share

Category