GO Bulacan

09/08/2026

WORK-FROM-HOME SA MGA TANGGAPAN NG PAMAHALAAN, ALTERNATIVE LEARNING MODES SA MGA PAARALAN SA AGOSTO 10

TINGNAN: Alinsunod sa Memorandum Circular No. 123, ipatutupad ang work-from-home arrangement sa mga tanggapan ng pamahalaan sa National Capital Region (NCR) at mga tinukoy na lalawigan sa Agosto 10, 2026.

Maliban kung may ibang direktiba mula sa kani-kanilang Local Chief Executives (LCEs), ipatutupad din ang alternative learning modes para sa mga klase sa lahat ng antas sa mga pampubliko at pribadong paaralan sa mga sumusunod na lugar:

📍 National Capital Region (NCR)
📍 Ilocos Sur
📍 La Union
📍 Zambales
📍 Bataan
📍 Rizal
📍 Cavite
📍 Batangas
📍 Occidental Mindoro
📍 Benguet
📍 Pangasinan
📍 Abra
📍 Tarlac
📍 Pampanga
📍 Oriental Mindoro
📍 Bulacan

Patuloy namang isasagawa ang operasyon ng mga ahensyang responsable sa paghahatid ng basic at health services, disaster preparedness and response, at iba pang mahahalagang serbisyo upang matiyak ang patuloy na pagtugon sa pangangailangan ng publiko.

Samantala, ang pagsususpinde ng trabaho o pagpapatupad ng alternative work arrangements sa mga pribadong kumpanya at tanggapan ay nakasalalay sa pagpapasya ng kani-kanilang mga pinuno o management.

Pinapayuhan ang publiko na manatiling alerto at sumubaybay sa mga opisyal na anunsyo mula sa pamahalaan para sa iba pang kaugnay na update.

Source/ Photo: Presidential Communication Office(fb)

09/08/2026

MISA SA BULACAN, ITINULOY SA KABILA NG PAGBAHA DAHIL SA MALAKAS NA PAG-ULAN

TINGNAN:Sa kabila ng pagbaha, dumalo pa rin ang ilang deboto sa 7:30 ng umaga na Sunday Mass sa Parokya ni San Ildefonso de Guiguinto sa Bulacan.

Ayon sa pamunuan ng parokya, kasalukuyang nakararanas ng pagbaha sa paligid ng simbahan dulot ng patuloy at malakas na pag-ulan.

Hinimok naman ng parokya ang mga mananampalataya na mag-ingat, manatili muna sa ligtas na lugar, at iwasan ang mga bahaging lubog sa tubig upang matiyak ang kanilang kaligtasan.

Sa isinagawang 9:00 ng umaga na livestream ng misa, makikitang dumalo ang mga deboto mula sa ligtas at tuyong lugar.

Patuloy namang pinapayuhan ang mga residente at churchgoers na maging mapagmatyag at unahin ang kaligtasan habang nagpapatuloy ang pag-ulan at pagbaha sa ilang lugar sa Bulacan.

(Photo: Facebook/Parokya ni San Ildefonso de Guiguinto)
Source: Philippine Star(fb)

08/08/2026

PAULIT-ULIT NA LANG

Lubog na naman sa baha ang ilang lugar sa iba’t ibang bahagi ng Pilipinas dahil sa walang tigil na pag-ulan.

Para sa ilan, tila naging karaniwan na ang ganitong eksena: baha, paglikas, pagkawala ng kabuhayan, at muling pagbangon. Pero hanggang kailan natin ito kailangang pagdaanan?

Habang milyun-milyon ang inilaan para sa flood control,
bakit patuloy pa ring lumulubog ang mga komunidad?

May mga proyekto. May pondo.
Pero bakit baha pa rin?

Hindi dapat maging normal ang paulit-ulit na paglubog ng mga komunidad sa baha. Hindi dapat maging normal ang pagdurusa ng mga Pilipino sa problemang matagal nang dapat tinutugunan.

Hanggang kailan pa tayo magtitiis?

📸 John Dimain/AFP/Getty Images (File Photo)

07/08/2026

Agosto 15, Idineklarang Special Non-Working Day sa Bulacan

TINGNAN: Idineklara ang Agosto 15, 2026 bilang Special (Non-Working) Day sa Lalawigan ng Bulacan kaugnay ng pagdiriwang ng ika-448 anibersaryo ng pagkakatatag ng lalawigan, alinsunod sa Memorandum DRF-08032026-496.

Source: Provincial Government of Bulacan (fb)

06/08/2026

BANGKAY NATAGPUAN SA SUNOG NA KOTSE SA GUIGUINTO, BULACAN

TINGNAN: Isang bangkay ng isang lalaki ang natagpuan sa loob ng isang kotseng sinunog sa Barangay Daungan, Guiguinto, Bulacan nitong nakaraang Tuesday night, ayon Philippine National Police (PNP).

Ayon kay PNP chief Police General Jose Melencio Nartatez Jr., isang 29-year-old na pamilyadong lalaki ang biktima na mula sa Pulilan, Bulacan.

Ayon sa inisyal na imbestigasyon, ni-lure ang biktima ng isang babaeng kalaguyo sa Bulakan, Bulacan, kung saan ito pinagtulungan ng iba't ibang suspek at nilagay sa trunk ng kotse.

Isinakay ang biktima papuntang Guiguinto kung saan sinunog ang kotse at inabandona.

Natiktikan ng pulisya ang six suspects pati na ang mistress ng biktima, kung saan napagalaman na dapat para sa pera lang ang pagpasok ng babae sa relasyon, ngunit nagselos ang live-in partner ng kalaguyo sa biktima.

Parehas na arestado ang maglive-in partner kabilang ang isa pang suspek. Dalawa pa sa di napangalanang suspek ang pinaghahanap.

"This is a solved case," saad ni Nartatez.

Source: GMA News

06/08/2026

TAKBO. TUKLASIN. DAMHIN ANG GANDA NG BULACAN! BULACAN MARATHON 2026, INAASAHANG MAGPAPASIGLA SA SPORTS TOURISM NG LALAWIGAN

TINGNAN: Inaasahang dadagsa ang mga runners mula sa iba't ibang panig ng bansa sa gaganaping Bulacan Marathon 2026 sa Agosto 9, 2026 sa SM Center Pulilan, bilang bahagi ng pagsusulong ng sports tourism at pagpapakilala sa mayamang kultura at mga atraksyon ng lalawigan ng Bulacan.

Higit pa sa isang paligsahan sa pagtakbo, layunin ng Bulacan Marathon 2026 na hikayatin ang mga kalahok at mga bisita na tuklasin ang makasaysayang pook, masaganang kultura, masasarap na lokal na pagkain, at mainit na pagtanggap ng mga Bulakenyo.

Bukas ang marathon para sa mga nais makamit ang kanilang personal na rekord, tumakbo kasama ang pamilya at mga kaibigan, o kaya'y naghahanap ng bagong karanasan habang tinutuklas ang iba't ibang destinasyon sa Bulacan.

Sa pamamagitan ng naturang aktibidad, inaasahang higit pang mapapalakas ang turismo at lokal na ekonomiya ng lalawigan, kasabay ng pagsusulong ng aktibong pamumuhay at pagpapahalaga sa mga natatanging kuwento, tradisyon, at pamana ng Bulacan.

Inaanyayahan ang lahat na maging bahagi ng Bulacan Marathon 2026 at maranasan ang kakaibang pagsasama ng palakasan, turismo, at kulturang tunay na maipagmamalaki ng lalawigan.

Source/ Photo: Bulacan Tourism(fb)

05/08/2026

MAJOR BOOST SA HEART TECH SA BULACAN

TINGNAN: Nabigyan ng malaking boost ang healthcare at heart tech sa Bulacan sa paggawad ng Provincial Government of Bulacan sa Emilio G. Perez Memorial District Hospital (EGPMDH) sa Hagonoy ng isang state of the art 2D Echo Ultrasound Machine with Doppler, courtesy ng Philippine Charity Sweepstakes Office (PCSO).

Sa tulong ng advanced cardiovascular diagnostic tool na ito, makakagawa ang mga doktor ng echocardiography with Doppler imaging, isang procedure na may real time visualization sa chambers, valves, at blood flow ng puso.

Nakakadetect rin ito ng abnormalities tulad ng valve defects, heart enlargement, at irregular circulation—ilang mga kundisyon na nangangailangan ng early intervention upang iwasan ang life threatening complications.

Source: Manila Bulletin

05/08/2026

MENRO Calumpit Personnel Tumanggap ng Jumper Boots

TINGNAN: Namahagi ang Pamahalaang Bayan ng Calumpit ng jumper boots sa mga personnel ng Municipal Environment and Natural Resources Office (MENRO) bilang karagdagang proteksiyon sa kanilang araw-araw na trabaho. Pinangunahan ang pamamahagi sa tulong ni Municipal Engineering Chief Engr. Eva Valentin, bilang bahagi ng patuloy na pagsuporta ng lokal na pamahalaan sa kaligtasan at kapakanan ng mga kawani sa serbisyo publiko.

Source: Bayan ng Calumpit (fb)

04/08/2026

P2-M HALAGA NG FAKE FOOD ENHANCERS SA ISANG WAREHOUSE SA BULACAN, KINUMPISKA NG MGA AWTORIDAD

Kinumpiska ng National Bureau of Investigation–National Capital Region (NBI-NCR) ang halos P2 million na halaga ng mga counterfeit food enhancers sa raid sa isang warehouse sa Malolos, Bulacan.

Nag-ugat ang raid noong August 3 sa isang reklamong isinampa ng trademark owner’s legal representative matapos makatanggap ng mga reports ukol sa fake seasoning granules na binebenta sa merkado.

Sa raid, natagpuan ng mga agents ang 22,860 bundles o 381 boxes ng suspected fake MAGGI Magic Sarap products.

Ayon kay Atty. Emeterio Dongallo, isasailalim ang seized products sa laboratory examination, sa kabila ng pagkumpirmang counterfeit nga ang mga ito sa isang test-buy sample.

Source: ABS-CBN

03/08/2026

KASAYSAYAN PARA SA PILIPINAS! 🇵🇭🏆

Muling ipinagmalaki ni Alexandra Eala ang Pilipinas matapos manaig laban sa World No. 3 na si Jessica Pegula sa finals ng 2026 Mubadala DC Open. Ang tagumpay na ito ang pinakamalaki sa kanyang propesyonal na karera at nagbigay sa kanya ng kauna-unahang WTA 500 singles title.