28/10/2025
आज देखि मिथिलाञ्चल क्षेत्रमा सामा–चकवा धुम धाम को साथ मनाईदै
सामा–चकवा मिथिलाञ्चल क्षेत्रको अत्यन्तै लोकप्रिय र सांस्कृतिक पर्व हो, जुन छठ पर्व समाप्त भएपछि सुरु हुन्छ र करिब १० दिनसम्म मनाइन्छ। यो पर्व विशेष गरी दिदी–बहिनी र दाजुभाइबीचको माया, सम्बन्ध र स्नेहको प्रतीक मानिन्छ।छठ पर्वको पारण (अन्तिम दिन) पछि साँझपख महिलाहरू पोखरी वा नदी किनारमा सामा–चकवा खेल सुरु गर्छन्। यस वर्ष (२०८२) अनुसार, यो पर्व आज अर्थात् कार्तिक ११ गते देखि मिथिलाञ्चलका गाउँहरूमा सुरु भएको छ।सामा–चकवा पर्व भगवान श्रीकृष्णकी छोरी सामा र उनका दाजु चकवा (चकरे) को कथा संग सम्बन्धित छ।कथा अनुसार, झुठा आरोपमा दिदीलाई बगालेको पीडामा भाइले न्यायको माग गर्छ र अन्ततः सत्यको जित हुन्छ।यसैले, यो पर्वले भाइबहिनीबीचको माया, पारिवारिक एकता र समाजमा नारीको सम्मानको सन्देश दिन्छ।महिलाहरू साँझपख पोखरी किनारमा माटोका सामा, चकवा, तोता, सुगा, ढोल, माछा आदि मूर्तिहरू बनाउँछन्।युवतीहरू समूह बनाएर गान–नाच, गीत र भक्ति भावले यो पर्व मनाउँछन्।अन्तिम दिन, पूर्णिमाको रातमा “विदाई” गरिन्छ, जहाँ सामा–चकवाका मूर्तिहरू पानीमा विसर्जन गरिन्छ।यो पर्व मिथिला सभ्यता र संस्कृतिको जीवित प्रतीक हो।यसले गाउँमा सामाजिक एकता, भातृत्व र सह–अस्तित्व बढाउँछ।महिलाहरूको सहभागिताले यसलाई लोक–संस्कृतिको उत्सव बनाएको छ।
