Bangar OASIS (2026)

01/10/2025

PAGKAMAGALANG: kaangkupang mga kilos at kalooban na nagpapakita ng konsiderasyon, kortesiya, at kagandahang-asal.

Ngayong Buwan ng Oktubre, sa ati'y pinapaalala ng Project RDELC ang kahalagahan ng pagkamagalang.

30/09/2025

Kaguruan ng BES, binigyang-pugay ng Barangay Bangar LGU, SK, SGC, GPTA

SOLANO, Nueva Vizcaya — Isinagawa sa Bangar Covered Court ang pagdiriwang ng Teachers’ Day para sa mga g**o ng Bangar Elementary School bilang pagkilala sa kanilang walang sawang serbisyo at dedikasyon.

Inorganisa ng Barangay Bangar Council ang nasabing programa sa pangunguna ni Brgy. Captain Victor T. Adalin Jr., katuwang ang mga opisyal ng Sangguniang Kabataan na pinamumunuan ni SK Chairman Jann Leo P. Quilban, at ang School Governing Council (SGC) sa pamumuno ni Mdm. Esther A. Lapitan.

Bilang bahagi ng selebrasyon, naghandog ang mga piling mag-aaral ng pagtatanghal, nagbigay rin ng mensahe ng pasasalamat si Kap. Adalin sa mga sakripisyong ipinagkaloob ng mga g**o para mapabuti ang edukasyon ng mga bata ng Barangay Bangar.

Itinampok din ang pamamahagi ng sertipiko at token ng pagkilala sa punongg**o at mga g**o ng paaralan bilang tanda ng pagpapahalaga sa kanilang mahalagang papel sa komunidad.

Lubos namang ipinaabot ng pamunuan ng paaralan sa pangunguna ni Dr. Jade D. Asuncion, TIC, ang pasasalamat sa Barangay Council, SK officials, SGC, GPTA, mga magulang at mag-aaral sa kanilang aktibong pakikiisa at suporta upang maging makabuluhan at matagumpay ang naturang selebrasyon.

Ang nasabing aktibidad ay nagbigay-diin sa malaking ambag ng mga g**o sa paghubog ng kabataan at pagpapatibay ng edukasyon bilang haligi ng kaunlaran ng barangay at ng buong pamayanan.

29/09/2025

3 batang journalists, pasok sa Division Schools Press Conference

Solano, Nueva Vizcaya — Tatlong batang mamamahayag mula sa Bangar Elementary School ang magrerepresenta sa Division Schools Press Conference matapos mamayagpag sa katatapos na District Schools Press Conference na ginanap nitong Setyembre 25 sa Solano East Central School – ISC.

Nasungkit ni Fiona Klariz Ulpindo ang unang puwesto sa kategoryang Pagsulat ng Balitang Isports (Elementary Filipino) samantalang nakamit naman ni Alpha Czar Kaizer G. Basco ang unang puwesto sa Copyreading and Headline Writing (Elementary English).

Pinalad ring makapasok sa ikatlong puwesto si Cathaleah Milla sa kategoryang Pagsulat ng Balita (Elementary Filipino).

Ayon sa pamunuan ng Bangar Elementary School, ang pagkapanalo ng kanilang mga mag-aaral ay hindi lamang patunay ng husay at dedikasyon ng mga bata, kundi bunga rin ng gabay at suporta ng kanilang mga g**o.

Dagdag pa rito, umaasa silang makapagsisilbi itong inspirasyon sa iba pang kabataan na nais subukin at paunlarin ang kanilang kakayahan sa larangan ng campus journalism.

Samantala, tatlo pang kalahok mula sa Bangar Elementary School ang nag-uwi ng parangal sa iba’t ibang kategorya sa district level.

Sila ay ang mga sumusunod:
Erich Mikaella Sierra Torres -4th (Pagwawasto at Pag-uulo ng Balita)
Vyenisse Leal- 4th (Photojournalism)
Shelly Jamila Timbreza- 5th (Editorial Cartooning)

Lumahok din ang walo pang mag-aaral sa iba't ibang kategorya ng nasabing aktibidad.

10/09/2025

Maligayang kaarawan sa ating punongg**o, Jade Dupitas Asuncion EdD! 🎊🎊🎊

05/09/2025

Congratulations, Mdm. Michelle RL Campos!!!

29/08/2025

PAGMAMALASAKIT: pagpapakita ng damdamin ng pag-aalala at pag-aaruga sa kapwa nang walang hinihintay na kapalit, binibigyang-importansya ang kanilang kalagayan at kagalingan.

Ngayong Buwan ng Setyembre, sa ati'y pinapaalala ng Project RDELC ang kahalagahan ng pagmamalasakit.

16/08/2025

𝙉𝙀𝙒𝙎 𝙁𝙀𝘼𝙏𝙐𝙍𝙀: 𝙎𝙖𝙮𝙖 𝙖𝙩 𝙎𝙪𝙥𝙤𝙧𝙩𝙖, 𝐇𝙖𝙩𝙞𝙙 𝙣𝙜 𝘾𝙤𝙢𝙢𝙪𝙣𝙞𝙩𝙮 𝙊𝙪𝙩𝙧𝙚𝙖𝙘𝙝 𝙋𝙧𝙤𝙜𝙧𝙖𝙢 𝙨𝙖 𝘽𝙖𝙣𝙜𝙖𝙧 𝙀𝙡𝙚𝙢𝙚𝙣𝙩𝙖𝙧𝙮 𝙎𝙘𝙝𝙤𝙤𝙡

Isang makulay at masayang araw ang naranasan ng mga mag-aaral ng Bangar Elementary School nitong Agosto 15, 2025, nang idaos dito ang Community Outreach Program na pinangunahan ng Sangguniang Kabataan Federation at Municipal Youth Development Council (MYDC) katuwang ang LGU Solano, SK ng Bangar, Barangay Council, at mga sponsor.

Punô ng halakhakan ang paaralan dahil sa mga interaktibong laro at aktibidad na inihanda para sa mga bata. Matapos ang masasayang laro ay isinagawa ang pamamahagi ng iba’t ibang tulong at kagamitan, at higit pang ikinagalak ng lahat ang libreng meryenda na sabay-sabay nilang tinikman.

Ayon kay Dr. Jade D. Asuncion, punong-g**o ng Bangar Elementary School, ang ganitong programa ay malaking tulong sa mga mag-aaral. “Napakaswerte ng Bangar Elementary School dahil sa dami ng schools sa Solano ay tayo ang napili para pagkalooban ng Outreach Program,” aniya.

Nagpapaabot ng taus-pusong pasasalamat ang paaralan sa LGU Solano na pinamumunuan ni Atty. Mayor Philip A. Dacayo, sa Sangguniang Kabataan Federation at Municipal Youth Development Council, sa SK ng Bangar na pinangungunahan ni SK Chairman Jann Leo P. Quilban, sa Barangay Council na pinamumunuan ni Brgy. Kapitan Victor T. Adalin Jr., at sa mga sponsor na sina G. at Gng. Alfred Tan ng Globe Telecom sa kanilang walang sawang suporta at malasakit sa mga kabataan.

Tunay na naging makabuluhan ang Community Outreach Program dahil nag-iwan ito ng saya, alaala, at inspirasyong magpapatibay sa samahan ng paaralan at komunidad. #

Photos credit to SK Federation of Solano

15/08/2025

Words can wound deeply—your kindness can heal. Speak out, reach out, and lift someone who’s feeling small. Together, we can make every space safe, respectful, and bully-free.

12/08/2025

TINGNAN: 📸 Isang araw ng emosyon at inspirasyon, idinaos sa BES

Maraming salamat sa ating outgoing school head, Mdm. Lourdes T. Jasmin, at isang mainit na pagtanggap sa ating bagong lider, Dr. Jade D. Asuncion. 💐

Bagong yugto, bagong pag-asa — sama-sama tayong maglalakbay tungo sa mas maliwanag na bukas at de-kalidad na edukasyon para sa lahat.🌟

27/06/2025

Bangar ES, nagsagawa ng unang GPTA YCAP

Bangar, Solano — Matagumpay na isinagawa ng Bangar Elementary School ang kanilang kauna-unahang General Parents-Teachers Association Youth for Community Action Program (GPTA YCAP) ngayong Biyernes, Hunyo 27 sa pamumuno ni GPTA Pres. Jordan M. Piedad.

Layunin ng programa na palakasin ang ugnayan ng mga magulang, g**o, at komunidad upang maisulong ang mga proyektong pangkapaligiran at pangkaunlaran sa paaralan.

Tampok sa nasabing aktibidad ang paglulunsad ng mga programang nakatuon sa kalinisan, kaayusan, at pangangalaga sa kapaligiran, gaya ng paghahanda ng gulayan sa paaralan, pagsasaayos ng mga kagamitan at kampanya kontra basura.

Dagdag pa rito,ikinabit rin ang donasyong gripo ni G. Piedad upang magkaroon ng sapat na tubig ang paaralan.

Nagpasalamat naman ang pamunuan ng Bangar ES sa nasabing inisyatibo ng mga magulang. #

05/06/2025

ᴛɪɴɢɴᴀɴ: ᴍᴇɴꜱᴀʜᴇ ɴɢ ᴘᴀꜱᴀꜱᴀʟᴀᴍᴀᴛ

Taos-pusong pasasalamat ang ipinapaabot ng Bangar Elementary School sa Local Government Unit of Solano na pinamumunuan ni Atty. Philip A. Dacayo sa financial assistance na lubos na nakatulong sa matagumpay na implementasyon ng Regional Reading Program (RRP) nitong Mayo hanggang Hunyo 2025.

Ang inyong suporta ay naging daan upang maisakatuparan ang layunin ng programang ito na mapalawak ang kaalaman at kasanayan ng aming mga mag-aaral sa pagbasa. Kayo po ay naging instrumento ng inspirasyon at pag-asa para sa aming paaralan at mga mag-aaral.

Muli, maraming salamat po sa inyong malasakit sa edukasyon at walang sawang pagtulong sa mga kabataan ng ating bayan. Nawa’y patuloy kayong pagpalain at biyayaan ng masaganang buhay at mas marami pang pagkakataong makatulong sa kapwa.

Mabuhay po kayo!

05/06/2025

Tulong ng stakeholders at mga magulang, tagumpay ng paaralan
Tara, sa Brigada Eskwela 2025, kami ay samahan!

Bangar OASIS

01/10/2025

30/09/2025

29/09/2025

10/09/2025

05/09/2025

29/08/2025

16/08/2025

15/08/2025

12/08/2025

27/06/2025

05/06/2025

05/06/2025

Address

Website

Alerts

Shortcuts

Share