29/10/2024
1949 ජූනි මස 03 වන දින
මාතර දිස්ත්‍රික්කයේ කරතොට යන ග්‍රාමයේ
උපත ලබන #සේපාල_ඒකනායක
හම්බන්තොට යෝධ කණ්ඩිය විද්‍යාලයේ
අධ්‍යාපනය ලබනවා.
නැති දෙයක් ඇතිකල
#සේපාල_අමරසිංහ
ගුවන් යානයක් පැහැර ගත් ප්‍රථම
සහ එකම ශ්‍රී ලාංකිකයා
1982 දී ඉතාලියේ අලිටාලියා ගුවන් සමාගමට
අයත් ගුවන් යානයක් පැහැරගත් ප්‍රථම සහ එකම
ශ්‍රී ලාංකිකයා නම් සේපාල ඒකනායකයි.
කුඩා අවධියේදීම මව මිය යාමත් පියා
දෙවැනි කසාදයකට යොමුවීමත් සමඟ
කුඩා සේපාලව රැක බලා ගත්තේ ඔහුගේ පියාගේ
මව වන දෝන ප්‍රැන්සිනා රාජපක්ෂ මහත්මිය
සහ බාප්පා කෙනෙක් වන ඩී. ඒ. විජේසිංහ
යන දෙපලයි.
අවුරුදු 15දී තම පියාගේ නිවසින් වෙන්වී කොළඹට
පැමිණෙනවා.
සේපාලට අපූරු විනෝදාංශයක් තිබුණා.
එය නම් රට රටවල සංචාරය කිරීමයි.
1972දී බටහිර ජර්මනිය බලා පිටත්වන
ඔහු ජර්මනියේ කර්මාන්ත ශාලාවක රැකියාවක්
කරමින් සිටියදී ඉතාලි සංචාරයකට එක්වනවා.
එහිදී ඉතාලි ජාතික සුරූපිණියක්වූ ඇනා ඇල්ද්‍රොවන්දි මුණගැසෙනවා.
එම මුණගැසීමෙන් 1977 දී ඇය සේපාලගේ භාර්යාවවී
1980 දී ඉතාලියේ මොඩෙනා නුවර පදිංචිය
ලෙස තොරාගන්නා ඔවුන්ගේ පුතු ෆ්‍රී ඒකනායක
උපත ලබන්නේද එහිදීයි.
කලක් ගතවන විට සේපාලගේ වීසා බලපත්‍රය
අස්ථානගත වෙනවා. එය නැවත සාදවා ගැනීම
සඳහා ඔහු ඉතාලියේ අදාල ආයතන වලට ඉල්ලිම්
කිහිපයක්ම ඉදිරිපත් කරත් එම ආයතන සඳහන්
කරන්නේ ඔහුට ලංකාවට ගොස් ඉතාලි එම්බසිය
මඟින් නැවත ඉල්ලීම කරන ලෙසයි.
එම තීරණය හේතුවෙන් ඔහු ලංකාව බලා පැමිණියත්
ඉතාලි එම්බසිය වීසා අයදුම් සඳහා වසර 6ක් බලා
සිටින ලෙස ඔහුට දැනුම් දෙනවා.
ඒ හේතුවෙන්ම සේපාල ඒකනායකගේ භාර්යාව
සහ ඔහුගේ පුත් ෆ්‍රී ඒකනායකට ඔහුව ලංකාවේ
තනිකර ජර්මනිය බලා පිටත්ව යෑමට සිදුවෙනවා.
එයට ඔහු කිහිපවිටක්ම උත්සහා කෙරූ නමුත්
වීසා ලබාගත නොහැකිවීමෙන් ඔහු තීරණය
කරන්නේ ගුවන් යානයක් පැහැර ගැනීම තුළින්
ඔහුගේ ඉල්ලිම ඉදිරිපත් කිරීමටයි.
ඒ අනුව ඔහු 1982 ජූනි 30 තම මිතුරන් කිහිපදෙනෙකු
සමග ඔහුගේ ඉලක්කය සපුරා ගැනීමට ඉන්දියාවේ
නවදිල්ලි නුවරට ලඟාවෙනවා. ඒ ඉතාලියේ අලිටාලියා
ගුවන් සේවයට අයත් බෝයින් 747 වර්ගයේ AZ 1790
දරන ගුවන් යානය පැහැර ගැනීමටයි.
එම ගුවන් යානය එදින ඉතාලියේ සිට නවදිල්ලිය
හා බැංකොක් හරහා ජපානය බලා පියාසර කිරීමට
නියමිතව තිබුණා.
එමෙන්ම නවදිල්ලි නුවරදී සේපාල මේ ගුවන් යානයට ගොඩවන්නේ කෙසේ හෝ තම ඉල්ලීම් දිනා ගැනීමේ බලාපොරොත්තුවකින්.
මගීන් 340ක් පමණ රැගත් යානය ගුවන්ගත ව
අඩි 35000 සීමාවට පැමිණ එය ගුවන්ගතවූ පසු සේපාල
ඔහුගේ මෙහෙයුම ක්‍රියාත්මක කරනවා. ඒ තමන්ගේ
ඉල්ලිම් සහිත ලිපියක් ගුවන් නියමුවාට
ඉදිරිපත් කිරීම තුළින්.
ඔහුගේ ලිපියේ අඩංගුවී තිබුණේ, තම පුතා සහ
බිරිඳ බැංකොක් ගුවන්තොටුපලට ගෙනවිත් දීම,
ඩොලර් 300,000ක් තම ගිණුමට කප්පම් මුදල් වශයෙන්
බැර කිරීම, ගුවන් යානය බැංකොක් ගුවන්තොටුපලේ ගොඩබැස්සවූ පසුවත් සියළු දොරවල් වසා තිබිය
යුතු වීම හා තම ඉල්ලීම රේඩියෝ මඟින් පමණක්
ඉතාලි/ බැංකොක් බලධාරීන්ට සන්නිවේදනය
කිරීම යනුවෙනි.
තවද මුලා කිරීම් සිදු නොවිය යුතු අතර එසේ වුවහොත් ඉතාලියේ නිෂ්පාදිත නවීන බෝම්බ මඟින් යානය
පුපුරුවාහරින අතර ඊට සමගමීව මොඩෙන
නගරයේද පිපිරීම සිදුකරන බව ඔහු එම ලිපියෙහි
සඳහන් කර තිබුණා.
පසුව ලිපිය දුටු ගුවන් නියමු ජියාර්ගෝ අමරෝසා
සිදුවිය හැකි හානිය අවම කර ගැනීමේ උපක්‍රමයක්
ලෙස වහාම යානය අඩි 25,000 දක්වා පහතට
ගනු ලැබුවා.
පැය කිහිපයක් ගතවන විට ඔහුගේ ඉල්ලිම ලබා
දෙන බව තොරතුරු දැනගන්න ලැබෙනවාත් සමගම
පැය 30කට පමණ පසු මඟීන් රැගත් ගුවන් යානය
බැංකොක් වෙත ලඟාවීමත් සමඟ සේපාල සියලු
මගීන් මුදාහරිනවා.
පසුව ඔහුගේ බිරිඳ සහ පුත් ඔහුගේ ඉල්ලීම පරිදි
ඔහුට භාර දෙනවා.
කෙසේවෙතත් තම බිරිඳ, පුතා සහ ලැබුණු මුදලත්
රැගෙන කොහේ කොතනකට යනවාදැයි සේපාලට
වැටහීමක් තිබුණේ නැති තරම්. එමෙන්ම සේපාල
අතින් සිදු වූ වරද ද දැඩි දඬුවම් ලැබිය හැකි වරදක් වුණා.
ගුවන් ගමන් නීති අනුව තායි බලධාරීන්ට
මෙම යානය ඉතාලියට අයිති වුවත් සිද්ධිය පිලිබඳ
විමර්ශන කළ යුතුව තිබුණු නමුත් බලධාරීන්ගෙන්
සිදුවූ දෝෂයන් සහ ශ්‍රී ලංකා තනාපතිනිය
වූ මානේල් අබේසේකර මහත්මියගේ ආරක්ෂාව
නිසාම කරදරයකින් තොරව සේපාලට
ලංකාවට පැමිණීමට හැකි වෙනවා.
පසුව ඉතාලි රජය සේපාලව ඔවුන්ට භාරදෙන
ලෙස බලපෑම් කරමින් ඉල්ලා සිටියා. නමුත්
පොදු මතය වූයේ එය එසේ නොවිය යුතු යන්නයි.
එමෙන්ම අනෙක් අතට අන්තර්ජාතික
අපරධකරුවෙකු ආරක්ෂා කරමින් සිටීම නිසාවෙන්
ශ්‍රී ලංකාව මහත් ප්‍රශ්නයකට මුහුණ දෙමින් සිටියා.
කෙසේ නමුත් සේපාල ඉතිහාසගත වන්නේ
ගුවන් යානයක් පැහැරගැනීම නිසාම නොවේ.
ඒ එවකට ගුවන් යානා පැහැරගැනීම වළක්වා
ගැනීමට ශ්‍රී ලංකාවේ නීති සම්පාදනයවී නොතිබුණු
නිසාවෙන් සේපාලව අත් අඩංගුවට ගැනීමට එවකට
නීතිය අනුව පැමිණිල්ලක් අවශ්‍යව තිබුණා.
නමුත් 1982 ජූලි 3 වන දින වනතුරුත් පැමිණිල්ලක්
පොලිස් පොතේ සටහන වී නොතිබුණු නිසා
සේපාල නිදහස් මිනිසෙක් ලෙසයි ජීවත් වුණා.
නමුත් ජූලි 3 වන දින ඉතාලි තානාපති විසින් ගොනු
කරන ලද පැමිණිල්ල හේතුවෙන් සේපාල
ගාල්ල පොලිසිය මඟින් අත්අඩංගුවට
ගෙන වැලිකඩ සිරගෙදරට ගෙන එනු ලබනවා.
ඉන්පසුව තානාපති කාර්‍යාලය මඟින්ම ඔහුගේ
පුතු සහ බිරිඳ නැවත ඉතාලිය වෙත හරවා යවනවා.
ගුවන් යානා පැහැර ගැනීම් සම්බන්ධ නීතී සම්පාදනය
වන්නේ ඉන්පසුවයි. සේපාලට දඬුවම් ලබාදීමට
නව නීති සම්පාදනය කිරීමට ජේ. ආර්. රජයට
සිදුවනවා. මෙය ලංකා ඉතිහාසයේ අතීතයට
බලපාන ලෙස සම්පාදනය කරන ලද පළමු නීතිය
ලෙස ඉතිහාස පොත් අතර ලියවෙනවා.
ඒ හේතුවත් නිසාම සේපාල ඒකනායක
ඉතිහාසගත වීමට හේතුවනවා.
ඒ අනුව 1982 ජූලි 26 දී ගුවන්යානා අපරාධ
සම්බන්ධ පනතක් සම්මත වෙනවා. සේපාලගේ
නඩු විභාගය නීතිපති වෙනුවෙන් ඉහළ උසාවියේ
විනිසුරු නියෝජ්‍ය සොලිසිටර් ජෙනරාල්
ජේ. ජේ. එස්. ඒ. ඩයස් උපවංශ යාපා ඉදිරියේදී
විභාග කරනු ලැබූ අතර සේපාල වෙනුවෙන්
සුප්‍රසිද්ධ නීතීඥ රන්බණ්ඩා සෙනෙවිරත්න මහතා
පෙනී සිටියා.
අවසානයේ අවුරුදු 5කට සිරදඬුවම් නියම වන
ඔහු සිරගතව සිටි කාලයේ නාට්‍ය නිෂ්පාදන
කෙරූ බවද සඳහන්.
කෙසේ නමුත් 1987 වසරෙදී ඔහුව නිදහස්
කෙරෙන අතර ඉන්පසුව ඔහු ඉංග්‍රීසි ගුරුවරියක්ව
යසංගනී මධුපාලි සමඟ විවාහ ගිවිස ගන්නවා.
එම විවාහයෙන් ඔවුන්ට පුතෙක් සහ දියණියක්
සිටිනවා. සිරගත කර සිටියදී ලිවීම ප්‍රගුණ කළ
ඔහු “උට සහ තොට” යන නමින් පොතක්ද
ලියා තිබෙනවා.
පසුව සේපාල ඒකනායකගේ පළමු විවාහයේ
ඇනා ඇල්ද්‍රොවන්දිගේ පුත් ෆ්‍රී ඒකනායක තම
පියා ඔහු සහ මව වෙනුවෙන් මෙවන් කාර්යයක්
කර ඇති බව සේපාල ඒකනායකගේ එවක සිටි යෙහෙළියකගෙන් අතීත කතාව දැනගෙන
ෆ්‍රී ඒකනායක තම පියාව බැලීමට දිවයිනට
පැමිණෙනවා.
1994 පාර්ලිමේන්තු මැතිවරණයෙදී ඔහු
පොදුජන එක්සත් පෙරමුණ බලයට ගෙන ඒමට
අනුරාධපුර, පොලොන්නරුව, මාතලේ යන
දිස්ත්‍රික්ක වලදී විශාල වැඩකොටසක් කළ
අයෙක්ද වෙනවා.
කෙසේ නමුත් මෙම පැහැර ගැනීම නීතියට
පටහැණි වුවත් එහි යථාර්තය අමිහිරියි .ඔහු
මෙවැනි කාර්‍යයකට පෙලඹෙන්නේ තම බිරිඳ හා
දරුවා පිළිබඳ තිබූ අසීමිත ආදරය නිසාවෙනි.
එලෙස බලන කල ඔහු අගය කිරීමක් ලැබිය
යුතු පුද්ගලයෙක් ලෙස අවසානයේ මෙම
කතාව නිමා කල හැකිය.
Daily times January 19, 2024
සේපාල අනුරට එරෙහිව ⚔️ යුදවැදුනා
සටන්බිම Satanbima #කාලරාමුව 🇱🇰🇱🇷
Colombo Music Politics Sri Lanka
Free Thinkers Sri Lanka 🇱🇰 🇱🇰
