05/03/2025
Dhalli namaa qaamoota sadii qabatee gara addunyaa kanaatti dhufe. Namnis nama jedhamuuf ijaarama qaamaa kan sadeen yoo qabaate, nama guutuu jedhama. Kunneenis..
1. Qaama Lubbuu /Sprit
2. Qaamaa Foonii/Body
3. Qaamaa Sammuu/Mind
Qaamni sammuu qaama leenjifamee, qaamota keenya biroo akka to'atuuf aangeffamudha qaamni sammuu kun bakka sadiiti qoqqoodama.
1. Sammuu dhokataa /Subconscious mind
2. Sammuu hatattamaa/Critical mind
3. Sammuu dammaqaa/conscious mind
1.Sammuu Si’aawaa (Conscious mind):
Kutaa sammuu kan waa yaaduu, yaadachuu fi miira fi hawwii keenya kan itti yaadachuu dandeenyu of keessaa qabuudha. Waan osoo hin beekiinis ta’ee beeknee goonu, dubbannu fi hojjennu kan itti yaadachuu dandeenyudha
2. Sammuu Si’aawaa hin taane (unconscious mind): kutaan sammuu kun kuufama miiraa, yaadaa, kaka'umsaa fi yaadannoo sammuu si’aawaa (conscious mind) keenyaatiin ala ta'e of keessaa qaba. Kutaan kun Wantoota miira keenyatti hin tolle kan akka miira dhukkubbii, yaaddoo ykn waldhabdee of keessaa qaba.
Kutaan sammuu inni s’aawaa hin taane kun kutaa sammuu isa si’aawaa caalaa guddaa yoo ta’u, wantoota fedhii fi miira keenyan ala ta’an yookin too’annoo keenyan ala ta’an raawwachaa oola.
➽Kanaafuu namootatti hin qabamiinaa.
Sammuun keenya gaggeessaa qaama keenya maraati. Qaama keenya biroo to’ata. Maalummaa keenya, amala keenya, hojiin nuti guyyaa guyyaatti hojjennu, hariiroo nuti namoota waliin qabnu murteessa. Sammuu keenya dhokataa milkaa'iinaaf haa saganteessinuun dhaamsa kooti.
Hundi keenya kennaa garaagaraa dhuunfaa dhuunfatti nuuf kenname qabna. Addunyaa kana irraa namoonni kennaan isaanii %100 walfakkaataa ta’an hin jirani. Kanaaf ofiikee dhiistee namoota biraa fakkaachuuf yaaluun dogoggora guddaadha. Waa’ee dandeettii keetii, carraawwan jireenyakee keessatti qabduufi eenyummaa dhuunfaakee yaadi malee nama biraa fakkaachuuf hin yaaliin.
Namni kamiyyuu jireenya isaa keessatti ergama mataa isaa ni qaba. uumaan tokko tokko keenyatti dirqama adda addaa kenneera. dirqama siif kenname namni biraan hojjechuu hin danda'u. kanaaf waanti nurraa eegamu kaayyoo uumamneef adda baafnee beekuufi of taanee jiraachuudha.
Akkaataa ati ofiikee itti ilaaltu akkaata ati itti tarkaanfaattu murteessa.kanaaf dandeettiikootti nan amanaa? jedhii of gaafadhu. Humna si keessa jirutti hin amantu taanaan milkaa’ina gonfachuu hin dandeessu. Bakkuma jirtutti waanuma of harkaa qabdu fayyadamiitii waan dandeessu hojjedhu. Kaayyookee irratti xiyyeeffattee waan hojjechuu dandeessu hojjennaan kanbiraa maaltu sirraa eegamaree?
Yoom akka hojjettu, maal akka hojjettu, akkamitti akka hojjettu qajeelfama nama biraa hin eeggatiin. Waan dandeessuu hojjechuudhaaf har’a siif guyyaa addaati. Kanaaf ganamaan ka’ii deemsakee eegali. Amma yoo imala eegalte karaa dhiyeeffattee bulta waan ta’eef.
Namoonni baay’een kaayyoo ofiisaanii ni beekuu, hojjechuuf garuu tarkaanfii hin fudhatan. Haala mijataa ykn nama si gargaaruu teessee eeguu irra kaayyoo uumaamteef jiraachuuf of qopheessi.
