Dailyaln News

31/01/2021

အောင်လံမြို့ဆုတောင်းပြည့်ရွှေပြောင်ပြောင်ဘုရားကြီးကိုပြည်သူများဖူးမျှော်နိင်ရန်ကျန်းမာရေးနှင့်အညီစီစဥ်ပေးထား

သတင်း ညီမှူးအိမ်(အောင်လံ)

မကွေးတိုင်းဒေသကြီးအောင်လံမြို့တရော်ကုန်းရပ်ကွက်မှာတည်ရှိတဲ့ဆုတောင်းပြည့်ရွှေပြောင်ပြောင်ဘုရားကြီးကိုပြည်သူများဖူးမျှော်ကြည်ညိုနိင်ရန်အတွက်ကျန်းမာရေးဌာနကထုတ်ပြန်ထားတဲ့စည်းကမ်းချက်တွေနဲ့အညီစီစဥ်ပေးထားတယ်လို့ဘုရားကြီးဂေါပကအဖွဲ့ထံကနေသိရပါတယ်။

ဆုတောင်းပြည့်ရွှေပြောင်ပြောင်ဘုရားကြီးဂေါပကအဖွဲ့ဒုဥက္ကဌဦးသန့်ဇင်ထွေးကအခုလိုပြောပါတယ်။

ဆုတောင်းပြည့်ရွှေပြောင်ပြောင်ဘုရားကြီးဟာအောင်လံမြို့အလယ်တရော်ကုန်းရပ်ကွက်လမ်းမတော်လမ်းမှာတည်ရှိကာCovid-19ကပ်ရောဂါကြောင့်ပြည်သူတွေကိုဘုရားဖူးခွင့်ယာယီပိတ်ထားခဲ့တာ၈လကြာပြီဖြစ်ကာအခုဇန်နဝါရီလ၂၉ရက်နေ့ကစတင်ကာပြည်သူတွေဘုရားဖူးခွင့်ကိုကကျန်းမာရေးစည်းကမ်းတွေနဲ့အညီစီစဥ်ပေးထားတာဖြစ်ပါတယ်။

အောင်လံမြို့ ဆုတောင်းပြည့်ရွှေပြောင်ပြောင်ဘုရားကြီးရဲ့ဗုဒ္ဓပူဇနိယပွဲတော်နဲ့သက်ကြီးပူဇော်ပွဲကိုနှစ်စဥ်သီတင်းကျွတ်လပြည့်နေ့မှာကျင်းပခဲ့ပြီးဘုရားကြီးရဲ့လစဥ်ကုန်ကျမှုကကျပ်၈သိန်းကျော်ရှိတယ်လို့ဘုရားကြီးဂေါပကအဖွဲ့ထံကနေသိရပါတယ်။

ညီမှူးအိမ်(အောင်လံ)

30/01/2021

ကြေးနီချောင်းဘေးကရောင်စုံဘဝများ
**********************************

ညီမှူးအိမ်(အောင်လံ)

Daily Democracytoday
29/12/2017(Fri)8
Feature

ဆောင်းရာသီအအေးဓာတ်ကသိသာစွာပိုလာခဲ့ပြီဖြစ်သည်။ချောင်းထဲကရေများလည်းတစစကြည်လင်အေးမြလာကာရေစီးရေလာလျော့နည်းလာပြီဖြစ်သည်။ချောင်းရေအကျသဲနှုံးသောင်ခုံများကတပြန့်တပြောကျယ်ဝန်စွာတည်ရှိနေပြီဖြစ်သည်။

ချောင်း၏အမည်ကိုဒေသခံတွေကကြေးနီချောင်းဟုခေါ်ကြသည်။တချို့ကလည်းမိုးကောင်းချောင်းဟုပြောဆိုကြပါသည်။

အရှေ့ရိုးမအခြေကနေရာသီမပြတ်ချောင်းရေများစီးဆင်းနေသောချောင်းမကြီးဖြစ်ကာဧရာဝတီမြစ်ကြီးထဲသို့ရေများစီးဝင်နေသောလက်တက်တစ်ခုဖြစ်ပါသည်။
ထိုမိုးကောင်း(ကြေးနီ)ချောင်းမှာမကွေးတိုင်းဒေသကြီးသရက်ခရိုင်အောင်လံမြို့မြောက်ဘက်တွင်တည်ရှိကာချောင်းအားဖြတ်သန်းရန်ကွန်ကရစ်တံတားနှစ်ခုရှိရာတစ်ခုမှာရထားလမ်းတံတားနှင့်တစ်ခုမှာယာဉ်များလူများဖြတ်သန်းနိင်သောတံတားဖြစ်ပါသည်။

ကြေးနီချောင်းတောင်ဘက်တွင်ရွှေညောင်ပင်ကျေးရွာနှင့်မြောက်ဘက်တွင်မိုးကောင်းကျေးရွာတည်ရှိကာရန်ကုန်-မန္တလေးအဝေးပြေးလမ်းမကြီးဘေးတွင်ဆက်သွယ်ရေးအချက်အချာကျသောကျေးရွာများဖြစ်သည်။
၄င်းကျေးရွာနှစ်ရွာလုံးရှိတောင်သူအများစုကကြေးနီချောင်းကိုအမှီပြုကာမိသားစုဘဝများကိုရပ်တည်နေကြခြင်းဖြစ်ပါသည်။

ကြေးနီချောင်းကနှစ်ရွာလုံး၏စားဝတ်နေရေးကိုရှာဖွေပေးနေသောကျေးဇူးရှင်အစစ်ပင်ဖြစ်ပါသည်။
"ဒီကြေးနီချောင်းကအဘတို့ဘိုးဘွားလက်ထက်ကတည်းကကိုင်းစိုက်ပျိုးသီးနှံတွေအတွက်အားထားစရာအသက်သွေးကြောမကြီးဖြစ်ပါတယ်။ယာသီးနှံတွေရာသီမပြတ်စိုက်ပျိုးနိင်အောင်စိုက်ပျိုးရေတွေအစဉ်မပြတ်ပေးဝေနေတဲ့ချောင်းမကြီးဖြစ်ပါတယ်။"ဟုမိုးကောင်းကျေးရွာမှတောင်သူကြီးအဘဦးသောင်းတင်ကကြေးနီချောင်းမကြီးကိုရွှန်းဝေသောမျက်လုံးများဖြင့်ကြည့်ကာအားရဝမ်းသာပြောပြပါသည်။

ကြေးနီချောင်းမကြီး၏ဘေးအနီးယာခင်းများတွင်ဆောင်းကြက်သွန်နီစိုက်ခင်းများပန်းဂေါ်ဖီစိုက်ခင်းများဂေါ်ဖီထုပ်စိုက်ခင်းများခရမ်းချဉ်စိုက်ခင်းများပန်းစိုက်ခင်းများနံနံပင်စိုက်ခင်းများမုန်လာဥစိုက်ခင်းများဖြင့်ရောင်စုံပန်းချီကားချပ်တစ်ခုဖြန်ခင်းထားသကဲ့သို့ဘဘာဝအလှရှုမျှော်ခင်းတစ်ခုကိုမြင်တွေ့ခံစားရပါသည်။
ယခုနှစ်ကြက်သွန်နီဈေးကစံချိန်တင်စွာမြင့်တက်ခဲ့သဖြင့်ကြေးနီချောင်းသဲနှုံးသောင်ခုံများပေါ်တွင်ကြက်သွန်နီစိုက်ပျိုးရန်တောင်သူများပြင်ဆင်နေကြသည်ကိုလည်းတွေ့ရှိရသလိုအချို့စိုက်ထားပြီးကြက်သွန်နီခင်းများကိုလည်းတွေ့ရှိရသည်။

"ကြက်သွန်နီဈေးကအခုနှစ်မှာဈေးအရမ်းကောင်းတော့တောင်သူတွေကကုန်းကြက်သွန်ရော(ချောင်းထဲစိုက်)ရေကြက်သွန်ရောစိုက်ကြတယ်။ကြက်သွန်နီမျိုးကလည်းဈေးအရမ်းကြီးပါတယ်။ရေစကြိုဘက်ကကြက်သွန်နီမျိုးတွေကိုဝယ်ပြီးစိုက်ကြပါတယ်။ဒီကြားထဲကြက်သွန်နီစိုက်ပြီးနေတဲ့တောင်သူတွေရဲ့ကြက်သွန်အခင်းတွေမှာရောဂါပိုးတွေကျလို့တချို့လဲတစ်ခင်းလုံးဖျက်လိုက်ရတာတွေရှိပါတယ်။စိုက်ပျိုးစရိတ်တွေအကုန်ရံှုးတာပေါ့။တောင်သူတွေဘဝကမျှော်လင့်ထားသလောက်မဖြစ်တာများပါတယ်။ရာသီဥတုအခြေအနေအားလုံးသင့်တင့်မှအဆင်ပြေကြတာပါ"ဟုရွှေညောင်ပင်ကျေးရွာမှတောင်သူတစ်ဦးကလက်ရှိစိုက်ပျိုးရသောအခြေအနေများကိုပြောပြပါသည်။

အောင်လံမြို့နယ်တွင်ဧရာဝတီမြစ်ကြီးအတွင်းသို့ရာသီမပြတ်အဓိကချောင်းရေများစီးဝင်နေသောမြစ်လက်တက်ချောင်းမကြီးနှစ်ခုရှိပါသည်။

အဆိုပါချောင်းလက်တက်ကြီးများမှာမြို့၏တောင်ဘက်တွင်ဘွက်ကြီးချောင်းမကြီးနှင့်မြို့၏မြောက်ဘက်တွင်ကြေးနီ(မိုးကောင်း)ချောင်းမကြီးတို့ဖြစ်ပါသည်။ယင်းချောင်းမကြီးနှစ်ခုစလုံးမှာအရှေ့ရိုးမအခြေမှရေအရင်းအမြစ်များစတင်စီးဆင်းလာခြင်း့ဖြစ်ကာချောင်းမကြီးများအနီးတွင်ကျေးရွာအများစုရှိကာချောင်းရေဖြင့်ရာသီမပြတ်သီးနှံမျိုးစုံအားစိုက်ပျိုးလုပ်ကိုင်နေကြပြီးမိသားစုဘဝများကိုရပ်တည်နေကြခြင်းဖြစ်ပါသည်။
"ရာသီအလိုက်သီးနှံမျိုးစုံစိုက်ပျိုးနေကြတာပါ။အခုလိုဆောင်းသီးနှံစိုက်ပျိုးတဲ့အချိန်မှာဒေသထွက်ခရမ်းချဉ်သီးဈေးကောင်းတော့တောင်သူတွေအဆင်ပြေတာပေါ့။ဒါပေမဲ့တောင်သူတွေခရမ်းချဉ်သီးလှိုင်လှိုင်ပေါ်တဲ့အခါဈေးကကျတာပါပဲ။မနှစ်ကဆိုခရမ်းချဉ်သီးတစ်ပိသာကျပ်၅၀တောင်ဝယ်သူမရှိလို့အရံှုးပေါ်တာပါပဲ။"ဟုမိုးကောင်းကျေးရွာမှခရမ်းချဉ်သီးစိုက်တောင်သူတစ်ဦးကပြောပြပါသည်။

မြောက်ပြန်လေအေးစက်စက်မှာဒေသအခေါ်တောခရမ်းချဉ်သီးကိုတံစို့ထိုးမီးအုံးကာပီနံသီးဖြင့်ထောင်းထားသောဟင်းတစ်ခွက်နှင့်ဒန့်သလွန်ရွက်ဟင်းချိုပူပူဖြင့်အညာဒေသအစားအစာကတောသူတောင်သားတိုင်း၏ရိုးရာဟင်းတစ်ခွက်ဖြစ်ပါသည်။၄င်းအညာဒေသဟင်းလျာတစ်ခုအဖြစ်အိမ်တိုင်းအတွက်မရှိမဖြစ်ဝယ်ယူရသောသီးနှံမှာခရမ်းချဉ်သီးဖြစ်ပါသည်။ခရမ်းချဉ်သီးမပါပါကဟင်းတစ်ခွက်မပြည့်စုံဟုဆိုကြသည်။ခရမ်းချဉ်သီးအစိမ်းကိုသုပ်၍စားကြပြီးအမှည့်ကိုချက်စားကြကာအခြားအသားငါးနှင့်ဟင်းသီးဟင်းရွက်များတွင်ရောနှောကာစားသုံးကြခြင်းဖြစ်သည်။

"အခုနှစ်ခရမ်းချဉ်မျိုးစေ့တွေကဈေးကြီးပါတယ်။မျိုးစေ့တစ်ထုပ်ကို၉၅၀၀ကျပ်ရှိပါတယ်။ထိုင်ဝမ်မျိုးစေ့တစ်ထုပ်ကို၁၂၅၀၀ကျပ်ရှိပါတယ်။တစ်ဧကကိုမျိုးထုပ်၂၀လောက်စိုက်ရတာပါ။ထွန်ယက်ခမျိုးစေ့နဲ့အပင်အားဆေးတွေလုပ်အားခတွေအပါအဝင်တစ်ဧကငါးသိန်းလောက်ကုန်ပါတယ်။အခုခရမ်းချဉ်သီးတစ်ပိသာ၁၀၀၀လောက်ရှိပါတယ်။ရှမ်းပြည်လာတဲ့ခရမ်းချဉ်သီးအနီ(ရှမ်းသီး)ကတော့တစ်ပိသာ၈၀၀လောက်ပဲရှိပါတယ်။ဒီနှစ်အသီးအထွက်နှုန်းကောင်းပါတယ်။အခုဈေးနဲ့ဆိုအဆင်ပြေတာပေါ့။ခရမ်းချဉ်သီးဒိုင်တွေကိုတစ်ပိသာ၇၀၀နဲ့ပေးသွင်းရပါတယ်။အရင်နှစ်ကလိုခရမ်းချဉ်တစ်ပိသာ၅၀ကျပ်ဖြစ်မှာကိုတောင်သူတွေစိုးရိမ်နေကြပါတယ်"ဟုမိုးကောင်းကျေးရွာမှခရမ်းချဉ်သီးစိုက်ခင်းပိုင်ရှင်မသင်းအေးကပြောပြပါသည်။

အဆိုပါခရမ်းချဉ်သီးများတွင်ကျခွာမျိုးနှင့်ထိုင်ဝမ်မဂူပီမျိုးဟုရှိရာခရမ်းချဉ်သီးဒိုင်များသို့ကျခွာခရမ်းချဉ်သီးတစ်ပိသာကျပ်၇၀၀နှင့်မဂူပီခရမ်းချဉ်သီးတစ်ပိသာ၄၅၀ကျပ်ဈေးဖြင့်ခရမ်းချဉ်စိုက်တောင်သူများမှပေးသွင်းရောင်းချရကာဆောင်းခရမ်းချဉ်သီးများကိုသုံးရက်တစ်ကြိမ်ပိသာ၂၀၀ခန့်ခူးဆွတ်ရောင်းချနေရကြောင်းဒေသခံတောင်သူများကပြောပြသည်။

"ဒီကြေးနီချောင်းမကြီးဘေးမှာကသီးနှံမျိုးစုံစိုက်ပျိုးဖြစ်ထွန်းပါတယ်။မိုးအခါကလည်းဖူူးစားပြောင်းတွေစိုက်ခဲ့ကြပါတယ်။အရင်နှစ်တွေကပြောင်းစိုက်တဲ့တောင်သူတိုင်းပြောင်းအရည်အသွေးကောင်းတော့ရန်ကုန်ဈေးကွက်မှာဈေးရပါတယ်။အခုနှစ်ကရာသီဥတုကအခြေအနေမသင့်တာရယ်ပြောင်းမျိုးစေ့အရည်အသွေးမမှီတော့အဖူးမအောင်တာနဲ့အရောင်မမှန်တာနဲ့အဖူးအတက်ထွက်တာတွေဖြစ်ပြီးဈေးအနှိမ်ခံရတော့ပြောင်းစိုက်တောင်သူတွေအခက်အခဲဖြစ်တာပေါ့"ဟုရွှေညောင်ပင်ကျေးရွာသားတစ်ဦးကပြောင်းစိုက်တောင်သူများ၏ဘဝကိုပြောပြသည်။

တရုတ်နီအင်ဂျင်စက်သံတဂျုန်းဂျုန်းကကြေးနီချောင်းမကြီးဘေးမှာပဲ့တင်ထပ်နေသည်။ဆောင်းမနက်ခင်းနေရောင်ခြည်နွေးနွေးအောက်တွင်ပန်းဂေါ်ဖီနှင့်ဂေါ်ဖီထုပ်စိုက်ခင်းကြီးကအစိမ်းရောင်ကတ္တှီဘာခင်းထားသကဲ့သို့မြင်ရသူတိုင်းမျက်စိပသာဒအေးမြလှသည်။ထို့အတူစိုက်ပျိုးခင်းများကိုခေတ်မီရေပန်းစနစ်ဖြင့်ပက်ဖြန်းနေပုံကနေရောင်အောက်တွင်သက်တံရောင်စုံများဖြာကျနေသကဲ့သို့ရှုမြင်နေရပါသည်။

"အရင်တုန်းကတော့စိုက်ပျိုးခင်းတွေကိုရေထမ်းသမားတွေနဲ့ချောင်းထဲကရေကိုခပ်ပြီးဖြန်းခဲ့ရတာ။အခုတော့ခေတ်မီရေဖြန်းစနစ်နဲ့တောင်သူတွေလုပ်ကြတော့လုပ်သားအခက်အခဲနဲ့ကုန်ကျစရိတ်သက်သာလာပါတယ်။ရေဖြန်းကိရိယာတွေကိုကုမ္ပဏီကစိုက်ခင်းနေရာအလိုက်လာပြီးတပ်ဆင်ပေးတာပါ။အားလုံးအပြီးအစီးငွေလေးသိန်းခွဲလောက်ကုန်ပါတယ်။သစ်ပင်တွေရေဖြန်းမဲ့အချိန်အင်ဂျင်နှိုးရုံပါပဲ"ဟုမိုးကောင်းကျေးရွာတောင်သူတစ်ဦးကပြောပြသည်။

ဆောင်းနံနက်ခင်းနေရောင်အောက်တွင်ကြေးနီချောင်းမကြီးရေများကကြည်လင်စွာတသွင်သွင်စီးနေပါသည်။ချောင်းထဲတွင်ရေအနက်မှာအများဆုံးနေရာတွင်လူခြေသလုံးခန့်သာရှိသည်။အချို့နေရာများတွင်ခြေမျက်စိမြုပ်ရုံသာရှိသဖြင့်ချောင်းအတွင်းအလွယ်တကူဖြတ်သန်းသွားလာလို့ရနေပါသည်။

ကြေးနီချောင်းမကြီးအရှေ့ဘက်ယာခင်းအတွင်းရေသွင်းစနစ်ဖြင့်ဂေါ်ဖီထုပ်များစနစ်တကျစိုက်ပျိုးလုပ်ကိုင်နေသူမိုးကောင်းရွာမှတောင်သူဦးသောင်းတင်က"ဂေါ်ဖီမျိုးစေ့ကတစ်ဗူး၂၅၀၀၀ကျပ်ဈေးပေးဝယ်ရပါတယ်။အပင်အားလုံးကပေါက်ပါတယ်။အခုအထုပ်တွေရနေပါပြီး။ဂေါ်ဖီထုပ်ပေါ်စကတစ်ထုပ်ငါးရာရှိတယ်။အခုတစ်ထုပ်၂၀၀နဲ့ဒိုင်သွင်းရတာပါ။ဒီအခင်းထဲကနေဒိုင်အရောက်လှည်းခထော်လာဂျီခပွဲစားခကတစ်ထုပ်၂၀ကျပ်ပေးရတာနဲ့တစ်ထုပ်၁၇၀ကျပ်လောက်ပဲကျန်ပါတယ်။နှစ်စဉ်နှစ်တိုင်းအကျိုးအမြတ်ကပွတ်ကာသီကာစားနေရတာပါ။"ဟုလုပ်ငန်းအခြေအနေကိုပြောပြပါသည်။

ထို့အတူပန်းဂေါ်ဖီစိုက်ပျိုးခင်းအနီးဒေသအခေါ်မေမြို့ပန်းစိုက်ခင်းပိုင်ရှင်တစ်ဦးကလည်း"ဒီမေမြို့ပန်းမျိုးကတစ်ပုလင်းကျပ်သုံးသောင်းပေးရတယ်။ပန်းကအရောင်မျိုးစုံပွင့်ပါတယ်။ပန်းပွင့်ချိန်ရောက်ဖို့သုံးလကြာပါတယ်။အပွင်ငါးပွင့်ပါတစ်ပင်ကိုအခုကျပ်၈၀လောက်ရတော့ပန်းဈေးသင့်တဲ့အတွက်အဆင်ပြေပါတယ်"ဟုမေမြို့ပန်းခင်းထဲမှပန်းပွင့်မည့်အပင်များကိုပြသရင်းပြောပြပါသည်။

ကြေးနီ(မိုးကောင်း)ချောင်းမကြီးကဆောင်းနေရောင်အေးမြမြအောက်တွင်ရွာများကိုရစ်ခွေကာစီးဆင်းနေပါသည်။
သဘာဝတရားကဖန်တီးပေးထားသောအရာများကိုလူသားများကဘဝမျိုးစုံအတွက်ကြိုးစားဖြတ်သန်းကာရယူနေကြရခြင်းဖြစ်သည်။
ကြေးနီ(မိုးကောင်း)ချောင်းမကြီးကကမ်ဘာမြေကြီးစတည်ခဲ့စဉ်ကတည်းကရှိခဲ့ခြင်းဖြစ်သည်။လောကဓံအဆက်ဆက်အနီးပတ်ဝန်းကျင်ရှိကျေးရွာလူသားများစွာ၏အကျိုးကိုဖြည့်ဆည်းပေးနေဆဲဖြစ်သည်။နှစ်စဉ်နှစ်တိုင်းချောင်းရေဖြင့်ပို့ချပေးနေသောသဘာဝမြေဆီလွှာသဲနှုံးမြေများစွာကိုရင်ဘတ်ထဲတွင်ခင်းကျင်းပေးထားခြင်းဖြစ်သည်။

ထို့အတူသဘာဝအလှပုံရိပ်များနှင့်စိုက်ပျိုးရေးလုပ်ကိုင်ကြသောတောင်သူမိသားစုများ၏ဘဝမျိုးစုံကိုလည်းလှပစွာဖန်တီးပေးနေဆဲဖြစ်ပါသည်။

ညီမှူးအိမ်(အောင်လံ)

2017 December 29 နေ့ထုတ်ဒီမိုကရေစီတူဒေးသတင်းစာပါဆောင်းပါးကိုပြန်လည်ဖော်ပြခြင်းဖြစ်ပါတယ်။

29/01/2021

29/01/2021

အောင်လံမြို့နယ်စည်ပင်သာယာရေးအဖွဲ့မှ၂၀၁၆မှ၂၀၂၀အထိ၅နှစ်တာကာလအတွင်းကျပ်သန်းပေါင်း၄၆ဝဝကျော်ဖြင့်မြို့ပြဖွံဖြိုးတိုးတက်ရေးကို၇၀ ရာခိုင်နွုန်း လုပ်ဆောင်ပေးခဲ့

သတင်း ညီမှူးအိမ်(အောင်လံ)

မကွေးတိုင်းဒေသကြီးအောင်လံမြို့နယ်စည်ပင်သာယာရေးအဖွဲ့မှ၂၀၁၆မှ၂၀၂၀အထိ၅နှစ်တာကာလအတွင်းကျပ်သန်းပေါင်း၄၆ဝဝကျော်ဖြင့်မြို့ပြဖွံဖြိုးတိုးတက်ရေးကို၇၀ ရာခိုင်နွုန်း လုပ်ဆောင်ပေးခဲ့တယ်လို့မြို့နယ်စည်ပင်သာယာရေးအဖွဲ့ထံမှသိရပါတယ်။

အောင်လံမြို့ နယ်စည်ပင်သာယာရေးအဖွဲ့အင်ဂျင်နီယာမှူးဦးထွန်းသူအောင်ကအခုလိုပြောပါတယ်။

အောင်လံမြို့နယ်စည်ပင်သာယာရေးအဖွဲ့နဲ့တိုင်းဒေသကြီးအစိုးရ၅နှစ်တာကာလအတွင်းလမ်း၂၂၂ခုတံတား၁၂၇စင်းရေမြောင်း၂၇၂၁၉ပေနဲ့အခြားလုပ်ငန်း၅၈ခုမြို့ရေပေးရေး၃၂ခုယာဥ်စက်၉ခု ဝယ်ယူကာကျပ်သန်း၄၆၉၂ဒသမ၁၅၀ဖြင့်မြို့ပြဖွံ့ဖြိုးတိုးတက်မှုကို၇၀ ရာခိုင်နွုန်း တိုးတက်အောင်လုပ်ဆောင်နိင်ခဲ့တာဖြစ်ပါတယ်။

၂၀၂၀-၂၀၂၁ ဘဏ္ဍာရေးနှစ်မှာလည်းလုပ်ငန်း၁၂၄ခုအတွက်စုစုပေါင်းကျပ်သန်း၁၃၇၆နဲ့မြို့ပြဖွံဖြိုးရေးလုပ်ငန်းတွေကိုလုပ်ဆောင်မယ်လို့မြို့နယ်စည်ပင်သာယာရေးအဖွဲ့ထံကနေသိရပါတယ်။

ညီမှူးအိမ်(အောင်လံ)

27/01/2021

Covid -19ကာကွယ်ဆေး မကြာမီ ပြည်သူတွေ ကိုထိုးနှံပေးမယ့်အခြေအနေကိုမြို့နယ်ဆရာဝန်ကြီးဒေါက်တာမျိုးလွင်ကအခုလိုပြောပါတယ်။

သတင်းအင်တာဗျူး-ညီမှူးအိမိ(အောင်လံ)

27/01/2021

Covid-19ကာကွယ် ဆေးအောင်လံမြို့ကျန်းမာရေးဝန်းထမ်းများကိုစတင်ထိုးပေး

သတင်း ညီမှူးအိမ်(အောင်လံ)

Covid-19ကာကွယ် ဆေးကိုမကွေးတိုင်းဒေသကြီးသရက်ခရိုင်အောင်လံမြို့ရှိကျန်းမာရေးဝန်ထမ်းတွေကိုဇန်နဝါရီ၂၇ရက်နေ့လယ်၁၂နာရီ ခွဲအချိန်ကတစ်ဦးချင်းစတင်ထိုးပေးတယ်လို့မြို့နယ်ကျန်းမာရေးဦးစီးဌာနကနေသိရပါတယ်။

ကိုဗစ်၁၉ကာကွယ်ဆေးစတင်ထိုးပေးတါကိုမြို့နယ်ကျန်းမာရေးဦးစီးမှူးမြို့နယ်ဆရာဝန်ကြီးဒေါက်တာမျိုးလွင်ကအခုလိုပြောပါတယ်။

အောင်လံမြို့ ကျန်းမာရေးဝန်းထမ်း(၂၉၆)ဦး တိုင်းရင်းဆေးဌာနမှဝန်ထမ်း၂ဦးနဲ့မြို့နယ်အားကာဌာနမှဝန်ထမ်း၃ဦး စုစုပေါင်း ၃၀၁ဦးကိုဇန်နဝါရီ၂၇ရက်နေ့နဲ့ ၂၈ရက်နေ့အထိမြို့နယ်ပြည်သူ့ဆေးရုံကြီးအဆောင်သစ်မှာတစ်ဦးချင်းစနစ်တကျစစ်ဆေးကာဆေးထိုးပေးမှာဖြစ်ပါတယ်။

အောင်လံမြို့နယ်ကအသက်၁၈နှစ်အထက်ရပ်ကွက်ကျေးရွာပြည်သူတွေရဲ့စာရင်းတွေကိုလည်းမြို့နယ်အုပ်ချုပ်ရေးဌာနမှကောက်ယူနေလျက်ရှိပြီးဖေဖော်ဝါရီလ
၅ရက်နေ့မှ စတင်ကာအသုတ်လိုက်Covid -19ကာကွယ်ဆေးများထိုးပေးနိင်မယ်လို့မြို့နယ်ကျန်းမာရေးဦးစီးဌာနကနေသိရပါတယ်။

ညီမှူးအိမ်(အောင်လံ)

27/01/2021

Covid-19ကာကွယ် ဆေးအောင်လံမြို့ကျန်းမာရေးဝန်းထမ်းများကိုစတင်ထိုးပေး

သတင်း-ညီမှူးအိမ်

Covid-19ကာကွယ် ဆေးကိုမကွေးတိုင်းဒေသကြီးသရက်ခရိုင်အောင်လံမြို့ရှိကျန်းမာရေးဝန်ထမ်းတွေကိုဇန်နဝါရီ၂၇ရက်နေ့၁၂နာရီ ခွဲအချိန်ကတစ်ဦးချင်းစတင်ထိုးပေးတယ်လို့မြို့နယ်ကျန်းမာရေးဦးစီးဌာနကနေသိရပါတယ်။

ကိုဗစ်၁၉ကာကွယ်ဆေးစတင်ထိုးပေးတါကိုမြို့နယ်ကျန်းမာရေးဦးစီးမှူးမြို့နယ်ဆရာဝန်ကြီးဒေါက်တာမျိုးလွင်ကအခုလိုပြောပါတယ်။

အောင်လံမြို့ ကျန်းမာရေးဝန်းထမ်း(၂၉၆)ဦး တိုင်းရင်းဆေးဌာနမှဝန်ထမ်း၂ဦးနဲ့မြို့နယ်အားကာဌာနမှဝန်ထမ်း၃ဦး စုစုပေါင်း ၃၀၁ဦးကိုဇန်နဝါရီ၂၇ရက်နေ့နဲ့ ၂၈ရက်နေ့အထိမြို့နယ်ပြည်သူ့ဆေးရုံကြီးအဆောင်သစ်မှာတစ်ဦးချင်းစနစ်တကျစစ်ဆေးကာဆေးထိုးပေးမှာဖြစ်ပါတယ်။

အောင်လံမြို့နယ်ကအသက်၁၈နှစ်အထက်ရပ်ကွက်ကျေးရွာပြည်သူတွေရဲ့စာရင်းတွေကိုလည်းမြို့နယ်အုပ်ချုပ်ရေးဌာနမှကောက်ယူနေလျက်ရှိပြီးဖေဖော်ဝါရီလ
၅ရက်နေ့မှ စတင်ကာအသုတ်လိုက်Covid -19ကာကွယ်ဆေးများထိုးပေးနိင်မယ်လို့မြို့နယ်ကျန်းမာရေးဦးစီးဌာနကနေသိရပါတယ်။

ညီမှူးအိမ်(အောင်လံ)

27/01/2021

အောင်လံမြို့ နယ်စည်ပင်သာယာရေးအဖွဲ့၂၀၂၀-၂၀၂၁ ဘဏ္ဍာ ရေးနှစ်ကျပ်၁၀သန်းအထက်တည်ဆောက်ရေးလုပ်ငန်းများကိုရပ်ကွက်ကော်မတီများနှင့်ပွင့်လင်းမြင်သာစွာတွေ့ဆုံရှင်းလင်း

သတင်း-ညီမှူးအိမ်(အောင်လံ)

မကွေးတိုင်း ဒေသကြီး အောင်လံမြို့ နယ်စည်ပင်သာယာရေးအဖွဲ့၂၀၂၀-၂၀၂၁ ဘဏ္ဍာ ရေးနှစ်ကျပ်၁၀သန်းအထက်တည်ဆောက်ရေးလုပ်ငန်းများကိုရပ်ကွက်ကော်မတီများနှင့်ပွင့်လင်းမြင်သာစွာတွေ့ဆုံရှင်းလင်းပွဲကိုဇန်နဝါရီ၂၆ရက်နံနက်၁၀နါရီမြို့နယ်စည်ပင်သာယာရေးအဖွဲ့ရုံးခန်းမမှာပြုလုပ်ပါတယ်။

အဲဒီတွေ့ဆုံရှင်းလင်းပွဲမှာအောင်လံမြို့နယ်အမျိုးသားလွှတ်တော်ကိုယ်စားလှယ်ဦးဝင်းမြင့်တိုင်းဒေသကြီးလွှတ်တော်ကိုယ်စားလှယ်ဦးအေးကျော်မြို့နယ်စည်ပင်ကော်မတီဥက္ကဌဦးအောင်သန်းမြင့်နဲ့စည်ပင်အမှုဆောင်အရာရှိဦးမြလင်းတို့ကရှင်းလင်းပြောကြားပြီးမြို့နယ်စည်ပင်အင်ဂျင်နီယာမှူးဦးထွန်းသူအောင်ကမြို့ပေါ်၉ရပ်ကွက် တွင်ပြုလုပ်မယ့်လမ်းနဲ့ရေမြောင်းလုပ်ငန်းအခြေအနေတွေကိုရှင်းလင်းပြောကြားပါတယ်။

အဲဒီ နောက်ရပ်ကွက်ကော်မတီတွေကလုပ်ငန်းအခြေအနေများအခက်အခဲများကိုပြန်လည်မေးမြန်းရာတိုင်းဒေသကြီးလွှတ်တော်ကိုယ်စားလှယ်ဦးအေးကျော်နဲ့စည်ပင်အမှုဆောင်အရာရှိဦးမြလင်းတို့ကရှင်းလင်းပြောကြားပါတယ်။

ကျပ်၁၀သန်းအထက်လုပ်ငန်းတွေဖြစ်တဲ့ကွန်ကရစ်လမ်းခင်းခြင်းလုပ်ငန်းတွေကိုရွာထောင်ရပ်ကွက်စက်ရုံရပ်ကွက်စမ်းချောင်းရပ်ကွက်နဲ့တရော်ကုန်းရပ်ကွက်ကန်ကြီးရပ်ကွက်သရက်တောရပ်ကွက်တွေအတွင်း၁၁ခုနဲ့ရေမြောင်းလုပ်ငန်းတွေကိုရွာထောင်ရပ်ကွက်စမ်းချောင်းရပ်ကွက်ဇေယျဝတီရပ်ကွက်တရော်ကုန်းရပ်ကွက်ကန်ကြီးရပ်ကွက်နဲ့မန်ကျည်းကုန်းရပ်ကွက်တွေအတွင်း၁၂ခုစုစု ပေါင်းကျပ်သိန်း၂၉၂၈၆၆၀၀၀နဲ့အကုန်အကျခံ
လုပ်ဆောင်မယ်လို့မြို့နယ်စည်ပင်သာယာရေးအဖွဲ့ထံကနေသိရပါတယ်။

ညီမှူးအိမ်(အောင်လံ)

26/01/2021

အောင်လံမြို့ မြို့ မစျေးကြီးအနီးဆင်ပေါင်ဝဲမော်တော်ဆိပ်ကမ်းနားလမ်းသွားလာလွယ်ကူ​ရန်​မြို့နယ်စည်ပင်သာယာရေးအဖွဲ့မှစစ်ဆေးအသိပေး

သတင်း-ညီမှူးအိမ်(အောင်လံ)

မကွေးတိုင်း ဒေသကြီး အောင်လံမြို့ မြို့ မစျေးကြီးအနီးဆင်ပေါင်ဝဲမော်တော်ဆိပ်ကမ်းနားလမ်းကိုသွားလာ​လွယ်ကူရန်မြို့နယ်စည်ပင်သာယာရေးအဖွဲ့မှဇန်နဝါရီ၂၅ရက်နံနက်၁၁နာရီ ကကွင်းဆင်းစစ်ဆေးကာလမ်းမပိတ်ရေးဖယ်ရှား​ရန်အသိပေးတယ်လို့မြို့နယ်စည်ပင်သာယာရေးအဖွဲ့ထံကနေသိရပါတယ်။

မြို့နယ် စည်ပင် သာယာ ရေးအဖွဲ့အမှုဆောင်အရာရှိဦးမြလင်းကအခုလိုပြောပါတယ်။

24/01/2021

19/01/2021

၂၀၂၁ ဇန်နဝါရီ လအတွက်အောင်လံမြို့ မြန်မာ စီးပွားရေး ဘဏ် ပင်စင်လစာထုတ်ယူမည့်သူများအတွက်အချိန်နေ့ရက်များကိုကြေငြာပေးထါးကြောင်းသိရပါတယ်။

13/01/2021

အောင်လံမြို့ တွင်ဗိုလ်ချုပ်အောင်ဆန်းမွေးနေ့ ၁၀၆နှစ်မြောက်အထိမ်းအမှတ် အဖြစ်အောင်ဆန်းစိတ်ဓာတ်ရှင်သန်ရေးအတွက်လူငယ်မျိုးဆက်သစ်များကိုကဗျာများဖိတ်ခေါ်

ရိုက်ကူးတင်ဆက်-ညီမှူးအိမ်(အောင်လံ)

မကွေးတိုင်းဒေသကြီး
အောင်လံမြို့ မှာ ဗိုလ်ချုပ်အောင်ဆန်းမွေးနေ့အထိမ်းအမှတ်အဖြစ်အောင်ဆန်းစိတ်ဓာတ်ရှင်သန်ရေးအတွက်လူငယ်မျိုးဆက်သစ်များကိုကဗျာများဖိတ်ခေါ်ထားတယ်လို့အောင်ဆန်းစိတ်ဓာတ်ရှင်သန်ရေးအဖွဲ့ထံမှသိရပါတယ်။

အောင်လံမြို့ ရှိဗိုလ်ချုပ်အောင်ဆန်းစိတ်ဓာတ်ရှင်သန်ရေးအဖွဲ့မှဆရာဦးသန်းဌေးကလူငယ်မျိုးဆက်သစ်တွေကိုကဗျာတွေဖိတ်ခေါ်ထားတာကိုအခုလိုပြောပါတယ်။

အခုနှစ်ဖေဖော်ဝါရီ၁၃ရက်နေ့မှာ ကျရောက်မယ့် ဗိုလ် ချုပ် အောင်ဆန်း ရဲ့၁၀၆နှစ်မြောက်မွေးနေ့မှာလူငယ်မျိုးဆက်သစ်တွေရဲ့ရင်ထဲမှာဗိုလ်ချုပ်အောင်ဆန်းစိတ်ဓာတ်လိုရှင်သန်စေဖို့အခုလိုပြုလုပ်ပေးတါလို့ဆိုပါတယ်။

ဗိုလ်ချုပ် အောင်ဆန်း ရဲ့စိတ်ဓာတ်နဲ့နိင်ငံအပေါ်ထားရှိတဲ့စွန့်လွှတ်စွန့်စားစိတ်ဓာတ်တွေကိုဖော်ညွှန်းရေးသားထားတဲ့ကဗျာတွေကိုဖေဖော်ဝါရီ၅ရက်နေ့နောက်ဆုံးထားပြီးအောင်လံမြို့အောင်ဆန်းစိတ်ဓာတ်ရှင်သန်းရေး Face book massagerကနေပေးပို့ရမှာဖြစ်ပါတယ်။

ပေးပို့လာတဲ့ကဗျာတွေနဲ့ကဗျာရေးသူတွေကိုစနစ်တကျမှတ်တမ်းပြုစုကာဗိုလ်ချုပ်အောင်ဆန်းမွေးနေ့မှာအမှတ်တရဂုဏ်ပြုပေးမယ်လို့သိရပါတယ်။

ညီမှူးအိမ်(အောင်လံ)