27/10/2014
၂၀၁၄ခုနှစ်အတွင်းအမေရိကန်ပြည်ထောင်စုတွင်ဖြစ်ပွားခဲ့သည့် အကြိမ်၅၀မြောက် ကျောင်းတွင်းပစ်ခတ်အကြမ်းဖက်မှု
--------------------ငြိမ်းချမ်းကိုကို------------------
ပြီးခဲ့သည့်သောကြာနေ့တွင်အမေရိကန်၌ ကျောင်းတွင်းသေနတ်ပစ်ခတ်မှုတစ်ခုထပ်ဖြစ်လေပြီ။ ယခုပစ်ခတ်မှုမှာဝါရှင်တန်ပြည်နယ်ရှိ Marysville-Pilchuckအထက်တန်းကျောင်းတွင်ဖြစ်ပွားခဲ့ခြင်းဖြစ်သည်။ ၂၀၁၂ခုနှစ် ဒီဇင်ဘာလတွင် Connecticut ပြည်နယ် Newton မြို့ရှိ Sandy Hook မူလတန်းကျောင်းတွင် ကျောင်းသားငယ် အယောက်၂၀နှင့် ဆရာ ၅ဦးသေဆုံးခဲ့ရသည့် အကြမ်းဖက်ပစ်ခတ်မှုအပြီး ယခုပစ်ခတ်မှုအပါအ၀င် နှစ်နှစ်တာကာလအတွင်း ၈၇ကြိမ်မြောက် ကျောင်းတွင်းပစ်ခတ်မှုဖြစ်သည်။ထို့အပြင် ၂၀၁၄ခုနှစ်အတွင်းအကြိမ် ၅၀မြောက် ကျောင်းတွင်းပစ်ခတ်မှုဖြစ်သည်။
သောကြာနေ့ကျောင်းတွင်းပစ်ခတ်မှု
**************************
Jordan Lutonသည်ပစ်ခတ်မှုဖြစ်ပွားခဲ့သောသောကြာနေ့နေ့ခင်းပိုင်းအချိန်တွင် ၄င်းတက်ရောက်နေသော Marysville-Pilchukအထက်တန်းကျောင်းရှိစားသောက်ဆိုင်ကန်တင်းတွင်နေ့လည်စာစားလျှက်ရှိနေခဲ့သည်။ရှေးဦးစွာသေနတ်သံတစ်ချက်စကြားသည်။ ထိုနောက်တွင် တစ်ချက်ပြီးတစ်ချက် တဒိုင်းဒိုင်းဆက်ကြားခဲ့သည်။ Luton မြင်ရသည့်မြင်ကွင်းမှာသိပ်တော့မကောင်းလှပေ။ ကျောင်းသားအသစ်ဖြစ်သူJaylenFrybergသည် အခြားကျောင်းသားများနှင့်အတူထမင်းစားစားပွဲပေါ်သို့တက်နေသည်ကိုမြင်ရသည်။ သို့ရာတွင် Frybergသည်ကျောင်းသားများ၏ အနောက်ဘက်မှစားပွဲပေါ်သို့တက်ခဲ့ပြီးကျည်ဆံခြောက်တောင့်ကိုနောက်ကျောဘက်မှပစ်သွင်းခဲ့သည်။ “သူပစ်လိုက်တဲ့လူတွေအားလုံးကသူ့သူငယ်ချင်းတွေချည်းပဲ။ ဒါကြောင့် ကြုံသလိုပစ်တာမဖြစ်နိုင်ဘူး။ သေချာချိန်ပစ်ခဲ့တာ” ဟုLuton က CNN သတင်းဌာနသို့ ပြန်ပြောင်းပြောပြခဲ့သည်။Luton နှင့် အခြားကျောင်းသားများကိုယ်လွတ်ရုန်းပြေခဲ့ကြရာအချို့ကပြုတ်ကျကျန်ရစ်ခဲ့ကြပြီးအချို့က စားပွဲများအောက်တွင် ၀င်ပုန်းခဲ့ကြသည်။ ပစ်ခတ်မှုပြီးဆုံးသွားချိန်တွင်တော့ သေနတ်သမားနှင့် ကျောင်းသူတစ်ဦးပွဲချင်းပြီးသေဆုံးခဲ့ကြပြီးအခြားကျောင်းသားလေးဦးမှာဒဏ်ရာများအသီးသီးရခဲ့ကြကြောင်း တာဝန်ရှိသူများ၏ပြောကြားချက်အရသိရသည်။ ဒဏ်ရာရခဲ့သူအားလုံးမှာအသက် ၁၈အောက်များသာဖြစ်ကြပြီးသေနတ်ပစ်ခတ်သည့် အကြမ်းဖက်ကျောင်းသားမှာမိမိကိုယ်ကိုယ်ပြန်ပစ်သည့်ဒဏ်ရာကြောင့် သေဆုံးခဲ့ခြင်းဖြစ်သည်ဟု Marysville ရဲတပ်ဖွဲ့ပြောရေးဆိုခွင့်ရှိသူ Robb Lamoureux က သတင်းထောင်များအားပြောကြားသည်။
ဒဏ်ရာရသူလေးဦးအနက် ကျောင်းသူနှစ်ဦးမှာEverettမြို့ဆေးရုံရှိအထူးကြပ်မတ်ကုသဆောင်သို့ရောက်နေပြီးကျောင်းသားနှစ်ဦးမှာ Seattle မြို့ရှိ Harborview ဆေးရုံအထူးကြပ်မတ်ကုသဆောင်သို့ရောက်ရှိကာဆေးကုသမှု ခံယူနေကြရသည်။ “ဒဏ်ရာလေးယောက်ရတဲ့ထဲက နှစ်ယောက်ကတော့ အခြေအနေတော်တော်ဆိုးဆိုးဝါးဝါး ဖြစ်နေပါတယ်။ တစ်ယောက်ကတော့သိပ်မလွယ်တော့ပါဘူး။ အသက်၁၄နှစ်အရွယ်ကောင်လေးတစ်ယောက်ကတော့ မေးရိုးမှာဒဏ်ရာရတယ်၊ အသက်၁၅နှစ်အရွယ်ကောင်မလေးကတော့ ခေါင်းမှာပြင်းထန်တဲ့ဒဏ်ရာရထားပါတယ်” ဟု Seattle မြို့ဆေးရုံမှပြောရေးဆိုခွင့်ရှိသူ Erin Al-Wazanကပြောကြားသည်။
ပစ်ခတ်ရသည့်အကြောင်းအရင်းအားစုံစမ်းဆဲ
********************************
ပစ်ခတ်မှုတွင်အသုံးပြုခဲ့သည့်သေနတ်မှာFryberg ၏ဖခင်ထံမှဖြစ်သည်ဟုစုံစမ်းသိရှိရသည်။ သေနတ်မှာပေါက်ကွဲအား ပြင်းထန်သောသေနတ်ဖြစ်ပြီးကျည်ကတ်အပိုတော့မပါပေ။ ထို့ကြောင့် ထောက်လှမ်းရေးများသည် ယခုအခါ Fryberg ၏အိမ်ကိုစစ်ဆေးနေကြပြီဖြစ်ကြောင်းသိရသည်။ ပစ်ခတ်မှုတွင်အသုံးပြုခဲ့သည့်နေသတ်မှာ Beretta .40 ပြောင်းအကျယ်ရှိသေနတ်တစ်ခုဖြစ်သည်ဟုယုံကြည်ရကြောင်းအမည်မဖော်လိုသူဖက်ဒရယ်ရဲအရာရှိတစ်ဦးမှ CNN သို့အသိပေးပြောကြားခဲ့သည်။ Frybergတစ်ယောက်မိမိ၏အတန်းဖော်အချင်းချင်းအဘယ်ကြောင့် ပစ်ခတ်ခဲ့ရသနည်းဆိုသည့်မေးခွန်းအတွက်မူအဖြေရရှိရန် ကြိုးစားနေကြရဆဲဖြစ်သည်။ သောကြာနေ့ညနေပိုင်းတွင်တော့ ထောက်လှမ်းရေးများသည် ကျောင်းသို့သွားရောက်ကာသက်သေခံပစ္စည်းများရှာဖွေခဲ့သည့်အပြင် မျက်မြင်သက်သေကျောင်းသားများအားလည်းမေးခွန်းများမေးမြန်းခဲ့သေးသည်။ နေ့ညအပြင်းအထန်စုံစမ်းလျှက်ရှိပြီးအဆိုပါအထက်တန်းကျောင်းကိုလည်းသီတင်းတစ်ပတ်ပိတ်ထားဦးမည်ဖြစ်သည်။
တာဝန်ရှိသူများက ပစ်ခတ်သူနှင့် ဖြစ်စဉ်ကိုအသေးစိတ်မထုတ်ပြန်ခဲ့ကြသော်လည်းကျောင်းသားများကမည်မျှကြောက်မက်ဖွယ်ရာအဖြစ်အပျက်ဖြစ်ခဲ့ကြောင်းကိုရင်ဖွင့်ခဲ့ကြသည်။ နေ့လည်စာစားချိန်ကျောင်းပတ်ဝန်းကျင်၌ ကျောင်းသား ၂၅၀၀ခန့်ရှိနေသည့်အချိန်တွင် ပစ်ခတ်မှုဖြစ်ပွားခဲ့ခြင်းဖြစ်သည်။
သေနတ်ကိုင်အကြမ်းဖက်သမားသည် မူလအမေရိကန်တိုင်းရင်းသားဖြစ်
***************************************************
ကျောင်းသားတစ်ဦးဖြစ်သူLutonသည် ပစ်ခတ်မှုစတင်သည့်နေရာနှင့် စားပွဲခုံနှစ်လုံးအကွာအဝေးတွင် ထိုင်လျှက်ရှိနေခဲ့သည်။ Frybergသည် ကျောင်းသား ၁၀ဦးခန့်ထိုင်နေသည့်စားပွဲတစ်လုံးကိုပစ်မှတ်ထားကာပစ်ခတ်ခဲ့ခြင်းဖြစ်သည်။ “သူလူရွေးပြီးဖြစ်ခဲ့တာပါ။ သူပစ်ခဲ့တာကလည်းသူနဲ့အခင်မင်ဆုံးသူငယ်ချင်းတွေချည်းပါ။ အနောက်ဘက်ကနေပစ်ခဲ့တယ်။ ပစ်လို့ပြီးတာနဲ့ ကျွန်တော်နဲ့ကျွန်တော့်ချစ်သူထိုင်နေတဲ့ဘက်ကိုလှည့်ကြည့်ပြီးကျေကျေနပ်နပ်ကြီးပြုံးပြတယ်” ဟုLutonကပြောသည်။ကန်တင်းမှထွက်ခွာစဉ် သေနတ်ကိုဆက်လက်ပစ်ဖောက် သွားခဲ့သေးသည်။ “မနေ့ကဘောလုံးလေ့ကျင့်ခန်းလုပ်တဲ့အချိန် သူကလုံးဝပုံမှန်ပါပဲ။ အဆင်ပြေကြောင်းလည်းပြောခဲ့သေးတယ်။ ဒီနေ့ကျတော့ တော်တော်တုန်လှုပ်စရာကောင်းပါတယ်။ ဒီလိုအကြမ်းဖက်တဲ့လုပ်ရပ်မျိုးလုပ်ဖို့အတွက် သူ့ခေါင်းထဲကိုဘာအတွေးဝင်သွားလဲမသိတော့ပါဘူး”ဟု Lutonကဆက်လက်ပြောကြားသည်။
ကျောင်းသားသစ် Frybergသည် ကျောင်းသားများကြားတွင်လူသိများသူလည်းဖြစ်သည်။ လွန်ခဲ့သည့် ရက်သတ္တပတ်ကပင် မောင်မယ်သစ်လွင်ပွဲ၌ “Prince” ဆုကိုရခဲ့သေးကြောင်းသိရှိရသည်။Frybergတွင် လူမှုကွန်ယက် အကောင့်များလည်းရှိပြီးထိုအကောင့်များတွင် ၄င်းအမဲလိုက်နေသည့်ပုံနှင့် ရိုင်ဖယ်သေနတ်များကိုင်ဆောင်ထားသည့် ပုံများတင်ထားတတ်သည်။ ထို့အပြင် ၄င်းသည် ဟိုးယခင်ကတည်းကရှိခဲ့သည့် မူလအမေရိကန်တိုင်းရင်းသားတစ်ယောက်ဖြစ်ကြောင်းနှင့် ၄င်း၏မျိုးနွယ်စုမှာ Tulalip ဖြစ်ကြောင်းဖော်ပြခဲ့သည်။
သူငယ်ချင်းဖြစ်သူLuton ၏ပြောကြားချက်အရFrybergသည်အနိုင်ကျင့်ခံရသည့်အနေအထားမျိုးတွင်လည်းမရှိခဲ့ဟုသိရသည်။ သို့ရာတွင် လွန်ခဲ့သည့်နှစ်ပတ်ခန့်က Frybergအားလူမျိုးရေးနှိမ့်ချစော်ကားသည့် စကားကိုတစ်စုံတစ်ယောက်မှ ပြောခဲ့သည့်အတွက် ရန်ဖြစ်ခဲ့သေးကြောင်းLuton ၏ပြန်ပြောင်းပြောပြချက်အရသိရသည်။
ပစ်ခတ်မှုဖြစ်ပွားခဲ့သည့်နေ့လည်ကFrybergထိုင်နေသောစားပွဲနှင့် ပေ၆၀အကွာတွင် ကျောင်းသူသစ် Rachel Heichelလည်းထိုင်နေခဲ့သည်။ သေနတ်သံကြားကြားချင်းသူမလှည့်ကြည့်စဉ် သေနတ်ကိုင်ထားသည့် Frybergကိုမတ်တပ်ရပ်လျှက်တွေ့မြင်ခဲ့သည်။ “ဒါမျိုးသူလုပ်လိမ့်မယ်လို့ဘယ်တုန်းကမှမတွေးမိခဲ့ဘူး။ သူလက်ထဲမှာသေနတ်ကိုင်ပြီးပစ်ခတ်နေတာကိုတွေ့ရတော့ ကျွန်မအနေနဲ့ ရင်ကွဲမတတ်ခံစားခဲ့ရပါတယ်။ ဒီလိုအကြောင်းမျိုးနဲ့ပတ်သတ်ပြီးသူ့ပါးစပ်ကထွက်တာမျိုးတစ်ခါမှမကြာဘူးပါဘူး။ သတိဝင်လာတဲ့အချိန် ကြားလိုက်တာကတော့ လူတွေအော်ဟစ်ပြီးပြေးကြ၊ ပြေးကြလို့ အော်နေတဲ့အသံပါပဲ” ဟုHeichel က ကိုယ်တွေ့ဖြစ်ရပ်ကိုရင်ဖွင့်သည်။
အပြောနဲ့အလုပ်မညီသေးသည့် သမ္မတ
*****************************
၂၀၁၂ခုနှစ် Sandy Hook ပစ်ခတ်မှုအပြီးမှာတော့ အမေရိကန်သမ္မတအိုဘားမားက “ဒီလိုကံဆိုးမိုးမှောင်ကျခြင်းတွေ အဆုံးသတ်ကိုသတ်ရပါမယ်။ ဒါတွေအဆုံးသတ်ဖို့အတွက် ကျွန်တော်တို့ ပြုပြင်ပြောင်းလဲကြရမယ်။ ပစ်ခတ်မှုဖြစ်ပွားရတဲ့အကြောင်းအရင်းရင်းမြစ်တွေကရှုပ်ထွေးတာကတော့အမှန်ပါပဲ။ ဒါကြောင့် ဥပဒေတစ်ခုထဲလောက်နဲ့ မကောင်းဆိုးဝါးကို ကမ္ဘာပေါ်ကနှင်ထုတ်လို့မရသေးပါဘူး။ ဥပဒေလေးလက်တစ်ဆုပ်စာလောက်နဲ့ ဆူပူအကြမ်းဖက်မှုတွေကို ကျွန်တော်တို့လူ့အသိုင်းအ၀ိုင်းထဲက ဖယ်ထုတ်လို့မရသေးပါဘူး” ဟုပြောကြားခဲ့သေးသည်။ သို့ရာတွင် နှစ်နှစ်ခန့်အကြာတွင်တော့ ကျောင်းတွင်းအစုလိုက်အပြုံလိုက်ပစ်ခတ်မှုများသည် လျှော့နည်းသွားခြင်းမရှိသည့်အပြင် များလာခဲ့သည်။
သမ္မတအိုဘားမားပြောကြားခဲ့သည့် ပြုပြင်ပြောင်းလဲရေးမှာအကောင်အထည်ပေါ်လာဖို့အလားအလာမရှိသေးပေ။ ၂၀၁၄ခုနှစ်အတွင်းကျောင်းတွင်းပစ်ခတ်မှု အကြိမ်၅၀ဖြစ်ပွားခဲ့ပြီးဖြစ်သော်လည်းကွန်ဂရက်မှ အရေးတယူကိုင်တွယ်ဆောင်ရွက်ရန်ပျက်ကွယ်နေခဲ့သည်။ အီဘိုလာပိုးပြန့်နှံ့မှုကိုထိန်းချုပ်ရန်ပြဌားန်ချက်အမျိုးမျိုး ပြုလုပ်နေသော်လည်းကျောင်းတွင်းပစ်ခတ်မှုများအားလစ်လျူရှု့ထားသည်မှာလွန်စွာအမြင်ကျဉ်းမြောင်းခြင်း ဖြစ်သည်ဟုပြည်သူတချို့က သုံးသပ်ကြသည်။
သေနတ်ကြိုက်သည့် ပြည်သူများ
************************
အစုလိုက်အပြုံလိုက်ပစ်ခတ်မှုများသည် အမေရိကန်တွင် တိုးပွားလာလျှက်ရှိသည်။ လွန်ခဲ့သောစက်တင်ဘာလတွင်ထုတ်ပြန်ခဲ့သည့် FBI ၏အစီရင်ခံစာတွင် ၂၀၀၀ခုနှစ်မှ ၂၀၁၃ခုနှစ်အတွင်းကျောင်းတွင်းပစ်ခတ်သူလက်နက်ကိုင်အမေရိကန်အကြမ်းဖက်သမား ၁၆၀ဦးရှိသည်ဟုဖော်ပြခဲ့သည်။ ထို့အပြင် လက်နက်ကိုင်အကြမ်းဖက်ခြင်းသည် အမေရိကန်တွင် အကြိမ်အရေအတွက်ပိုတိုး၍ဖြစ်ပေါ်လျှက်ရှိကြောင်းလည်းဖော်ပြခဲ့သည်။ ကျောင်းတွင်လက်နက်ကိုင်အကြမ်းဖက်မှုသည် သူငယ်တန်းမှ ခုနှစ်တန်းအတွင်းတစ်နှစ်လျှင် ပျဉ်းမျှ ၆.၄ရာခိုင်နှုန်းတိုးပွားနေပြီးခုနှစ်တန်းနှင့်အထက်တွင် ၁၆.၄ရာခိုင်နှုန်းတိုးပွားနေကြောင်းအစီရင်ခံစာတွင်ဖော်ပြထားသည်။
အမေရိကန်အစိုးရအဖွဲ့သည်လည်းပစ်ခတ်မှုများလျှော့ကျအောင် မည်သည့်ထိရောက်သည့်လုပ်ဆောင်မှုမျိုးကိုမှ အကောင်အထည်မဖော်နိုင်သေးပေ။ လွန်ခဲ့သောနှစ်တွင်အဆိုတင်သွင်းခဲ့သည့်လက်နက်ရောင်းချမှု အကန့်အသတ်များထားရှိရေး Bipartisan ဥပဒေမှာလည်းထောက်ခံမှုလုံလုံလောက်လောက်မရပဲရှုံးနိမ့်သွားခဲ့သည့်အတွက် Sandy Hook အဖြစ်အပျက်နောက်ပိုင်းသေနတ်ထိန်းချုပ်မှုကိုလည်းမပြုလုပ်နိုင်ခဲ့ပေ။ ထို့အပြင် အိုဘားမားက သေနတ်ဝယ်ယူမှုများအား စုံစမ်းစစ်ဆေးကာမှတ်တမ်းထားရှိရန် FBI ကိုညွှန်ကြားခဲ့သော်လည်းထိုလုပ်ဆောင်ချက်မှာလက်နက်ဆိုင်ရာဥပဒေများကိုပြောင်းလဲနိုင်ရန်မဖြစ်နိုင်ကြောင်း ၄င်းကိုယ်တိုင် ပြန်ဝန်ခံခဲ့သည်။ “လက်နက်ကိုင်ဆောင်ခြင်းဆိုင်ရာဥပဒေကိုပြောင်းလဲဖို့အတွက် ပြည်သူလူထုရဲ့ပါဝင်မှုကအရေးကြီးပါတယ်။ ပြည်သူလူထုကိုယ်တိုင်ကကွန်ဂရက်ကပြောင်းလဲစေဖို့မလိုလားဘူးဆိုရင် ဘာမှလုပ်လို့မရပါဘူး” ဟုလွန်ခဲ့သောဇွန်လကအော်ရီဂွန်ပြည်နယ် ကျောင်းတွင်းပစ်ခတ်မှုအပြီးအိုဘားမားကပြောကြားခဲ့သည်။ ယခုအချိန်ထိလည်း ပြည်သူလူထု၏ သဘောထားမှာပြောင်းလဲလာခြင်းမရှိသေးပေ။
AP သတင်းဌာနမှပြုလုပ်သောသဘောထားခံယူချက် ကောက်ယူမှုတွင် အမေရိကန်ပြည်သူတစ်ဝက်ခန့်သည် လက်ရှိဥပဒေကိုတင်းကြပ်ရန်လိုကောင်းလိုလိမ့်မည်ဟုသာသုံးသပ်ကြပြီး ၁၅ရာခိုင်နှုန်းကမူယခုထက်ပို၍ လျှော့ပေါ့ပေးသင့်သည်ဟုသုံးသပ်ကြသည်။ အံ့သြဖွယ်ရာပင်။ “အမေရိကန်ပြည်သူလူထုအနေနဲ့ မိမိကိုယ်မိမိ ပြန်သုံးသပ်ကြည့်ဖို့လိုအပ်နေပါပြီ။ လက်နက်ကိုင်ဆောင်မှုဥပဒေကိုတင်းကြပ်ဖို့အတွက် အရေးကြီးပါတယ်။ မိဘတစ်ယောက်အနေနဲ့ ကျွန်တော်ရင်ဖွင့်ရမယ်ဆိုရင် ဒီအဖြစ်အပျက်တွေက ကျွန်တော့်ကိုတုန်လှုပ်စေပါတယ်” ဟုအိုဘားမားကပြောသည်။ သို့ရာတွင် အမေရိကန်ပြည်သူလူထုအတွက် မိမိကိုယ်ကိုယ်သုံးသပ်ခြင်းဆိုသည်မှာ အလှမ်းကွာဝေးလွန်းသောကိစ္စရပ်တစ်ခုဖြစ်သည့်အလျောက် မည်သည့်အချိန်တွင်မှဖြစ်လာလိမ့်မည်မဟုတ်ဟုယူဆရသည်။
လွန်ခဲ့သောသောကြာနေ့တွင် တစ်စုံတစ်ယောက်၏ကလေးအကြမ်းဖက်ပစ်ခတ်ခံရ၍သေဆုံးခဲ့သည်။ အဘယ်ကြောင့်အသတ်ခံရသည်ဆိုသောထိုကလေးသည် ကျောင်းသွားတက်သောကြောင့် ဖြစ်သည်။ တစ်စုံတစ်ယောက်အနေဖြင့် တစ်စုံတစ်ရာကိုစဉ်းစားဖို့သင့်နေလေပြီ။ ထိုတစ်စုံတစ်ယောက်သည် အသင်ဖြစ်ရန်လိုအပ်သည်ဟု CNN သတင်းဌာနကတိုက်တွန်းထားသည်။
လက်နက်ကိုင်ဆောင်ခြင်းဆိုင်ရာဥပဒေကိုတင်းကြပ်စေလိုသည့် ပြည်သူများကလည်းပါကစ္စတန် ဆွတ်တောင်ကြားဒေသတွင် ကျောင်းတက်ခြင်းကြောင့် တာလီဘန်များကပစ်ခတ်ခဲ့သည့် မာလာလာအားကယ်တင်ရှင်လုပ်ခဲ့သည့်အမေရိကန်သည် မိမိနိုင်ငံအတွင်းကျောင်းတွင်းပစ်ခတ်မှုများကိုတော့ မထိန်းချုပ်နိုင်သေးကြောင်း ဝေဖန်ထောက်ပြခဲ့ကြသေးသည်။ ဥပဒေတင်းကြပ်ခြင်းမပြုလုပ်ပဲယခုအတိုင်းသာရှေ့ဆက်သွားမည်ပါကမလွဲဧကန် ထပ်မံ၍ ကျောင်းတွင်းအကြမ်းဖက်ပစ်ခတ်မှုများ ဖြစ်နေဦးမည်ဟုသာသုံးသပ်လိုက်ရပါသည်။
ကိုးကား - CNN,
mic.com ,
everytown.org
ငြိမ်းချမ်းကိုကို
