Kyaing Tong News Feed (2026)

07/09/2026

တာချီလိတ်ဘက် မယ်ဆိုင်ချောင်း ရေတားနံရံအချို့ ပြိုကျပြီး တာလော့ထဲရေအလုံးလိုက်ဝင်ရောက်နေ

၇ စက်တင်ဘာလ ၂၀၂၆ (Eastern Thanlwin)

ရှမ်းပြည်အရှေ့ပိုင်း တာချီလိတ်မြို့ မယ်ဆိုင်ချောင်းကို ကာရံထားတဲ့ ရေတားနံရံအချို့ ပြိုကျပြီး ချောင်းရေများ တာချီလိတ်မြို့ထဲသို့ အလုံးအရင်းဖြင့် စီးဝင်နေပါတယ်။

ယနေ့ စက်တင်ဘာ ၇ ရက် နံနက် ၁၂ နာရီတွင်ရရှိသည့် သတင်းအရ ချောင်းရေတိုးသည့် ဒဏ်ကြောင့် မယ်ဆိုင်ချောင်းမှ ရေတားနံရံ ပြိုကျပျက်စီးကာချောင်းရေများ တာလော့ဘက်နှင့် မြို့တွင်းသို့ အလုံးအရင်းနဲ့ စီးဝင်နေခြင်းဖြစ်ပြီး အများပြည်သူများ ရေဘေးလွတ်ရာသို့ ရွှေ့ပြောင်းနိုင်ကြရန် ထိုင်းဘက် မယ်ဆိုင်နေ မြန်မာပြည်သူများမှ တိုက်တွန်းနှိုးဆော်နေကြောင်း သိရပါတယ်။

Crd Eastern Thanlwin

05/09/2026

မြေငလျင်သတင်း
၂၀၂၆ ခုနှစ်၊ စက်တင်ဘာလ ၅ ရက်နေ့၊
မြန်မာစံတော်ချိန် (၀၇)နာရီ၊ (၃၉)မိနစ်၊
(၂၅)စက္ကန့် အချိန်တွင် ကျိုင်းတုံမြေငလျင်စခန်းမှ အနောက်တောင်ဘက် (၈) မိုင်ခန့် ကွာဝေး သော မြန်မာနိုင်ငံပြည်တွင်း
(ကျိုင်းတုံမြို့၏ အနောက်တောင်ဘက် (၉) မိုင်ခန့်အကွာ)၊ မြောက် လတ္တီတွဒ် (၂၁.၂၀) ဒီဂရီ၊ အရှေ့လောင်ဂျီတွဒ် (၉၉.၅၃) ဒီဂရီ၊ အနက် (၁၀) ကီလိုမီတာကို ဗဟိုပြု၍ ပမာဏ ၄.၇(M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွား ကြောင်း တိုင်းထွာရရှိပါသည်။
Crd မိုးဇလ

31/08/2026

ရှမ်းပြည်နယ်အရှေ့ပိုင်း တာချီလိတ်မြို့ မှာ လုံခြုံရေးတပ်ဖွဲ့ဝင်များက ကင်းလှည့်တာဝန်ယူဆောင်ရွက်နေချိန် ပြည်သူ့စစ်မှုထမ်း တပ်သားသစ်စုဆောင်းရေးအဖွဲ့ တာဝန်ရှိသူတွေလို အယောင်ဆောင်ပြီး လူတွေကိုဖမ်းဆီးနေ
သူ (၃) ဦးကို ဖမ်းဆီးရမိ

တာချီလိတ်မြို့၊ ဖန်မင်ကျေးရွာအုပ်စု၊ မယ်ဟုတ်ကျေးရွာရှိ မယ်ဟုတ်တံတားအနီးမှာ ပူးပေါင်းအဖွဲ့များက ဩဂုတ်လ (၃၀) ရက်နေ့ နံနက် (၁) နာရီ ကျော်ခန့်မှာ ရှောင်တခင်ပိတ်ဆို့ရှာဖွေ စစ်ဆေးမှုများ ပြုလုပ်နေချိန် အနက်ရောင်မော်တော်ယာဥ်တစ်စီးကို ရပ်တန့်စစ်ဆေးခဲ့ရာ ယာဉ်ပေါ်မှာ အမျိုးသား (၂) ဦး၊အမျိုးသမီး(၁)ဦး နှင့် ယာဉ်နောက်ဖုံးအတွင်း လက်ထိပ်ခတ်ထားရတဲ့ အမျိုးသား (၂)ဦး တွေ့ရှိခဲ့တယ်လို့သိရှိရပါတယ်။

ပြည်သူ့စစ်မှုထမ်းတပ်သားသစ် စုဆောင်းရေးအတွက် အယောင်ဆောင်ဖမ်းဆီးနေတွေသူမှာ မိုင်းဖြတ်မြို့နေထိုင်သူ ဇွဲညီညီခန့်၊ မသဲအိချို (၂)ဦးပါဝင်ပြီး တာချီလိတ်မြို့ ဆေးခမ်းရပ်ကွက်မှာနေထိုင်သူ ဉာဏ်လင်းထွန်း အမျိုးသား(၁)ဦး ဖြစ်ကြောင်းသိရှိရပါတယ်။

ကားနောက်ဖုံးအတွင်းမှာ လက်ထိပ်ခတ်ထားရပြီး ဖမ်းဆီးထားခဲ့ရသူ အမျိုးသား (၂)ဦးက ညနက်ပိုင်းအချိန်တွင် ဖမ်းဆီးခံခဲ့ရတာဖြစ်ပြီး တာချီလိတ်မြို့အဝင် ဆိုင်းပုတ် နှင့် ပါလျှံရပ်ကွက်တွေမှာ လမ်းလျှောက်နေချိန် ဖမ်းဆီးခံခဲ့ရတာဖြစ်ပါတယ်။

မေးမြန်းစစ်ဆေးမှုအရ ဖမ်းဆီးခံသူ တင်ကိုလွင်က ဩဂုတ် (၂၉) ရက် ည (၁၁) နာရီကျော် ရန်အောင်မြေရပ်ကွက်၊ တရုတ်ဘုံကျောင်းရှေ့ လမ်းမပေါ် လမ်းလျှောက်နေချိန်။ အလားတူ ညီဦးကိုလည်း ဩဂုတ်လ (၃၀) ရက်နေ့ နံနက် (၁) နာရီခန့်တွင် ပါဆတ်ရပ်ကွက်၊ ကြိုဆိုပါ၏ ဆိုင်းပုဒ်အနီး လမ်းမပေါ်တွင် လမ်းလျှောက်နေစဉ်အနက်ရောင်မော်တော်ယာဉ်တစ်စီးပေါ်က အမျိုးသားနှစ်ဦး ဆင်းလာပြီး တာဝန်ရှိလို့မေးစရာရှိတယ်လို့ပြောဆိုကာ လက်ထိပ်ခတ်ပြီးယာဉ်နောက်ဖုံးမှာ ဖမ်းဆီးခံရသူ(၂)ဦးလုံးကို ခေါ်ဆောင်သွားခဲ့တာဖြစ်ကြောင်းသိရှိရပါတယ်။

ဖမ်းဆီးခံရသူနှစ်ဦးရဲ့ ပြောပြချက်အရ လက်ထိပ်ခတ်ထားပြီး လက်သီးဖြင့်ထိုးခြင်း၊ အသံထွက်ပါက လျှာဖြတ်ပစ်မယ်လို့ ခြိမ်းခြောက်ပြီး တာဝန်ရှိသူများက စစ်ဆေးရန် ဖမ်းဆီးခေါ်ဆောင်ခြင်းဖြစ်တယ်လို့ ပြောဆိုကြောင်းသိရှိရပါတယ်။

တပ်မတော်တပ်သားသစ်စုဆောင်းရေးအဖွဲ့ဝင်များအဖြစ် အယောင်ဆောင်ကာ ပြည်သူ့စစ်မှုထမ်း တပ်သားသစ်များအား ဖမ်းဆီးစုဆောင်းခြင်း၊ ခြိမ်းခြောက်ခြင်းများ ပြုလုပ်ခဲ့သူ သံသယရှိသူ (၃) ဦးကို ဟောင်လိတ်နယ်မြေ ရဲစခန်းမှာ ဖမ်းဆီးထားပြီး ဥပဒေအရ အရေးယူနိုင်ရေးအတွက် စစ်ဆေးလျက်ရှိတယ်လို့သိရှိရပါတယ်။

ထိုသူများသည် တာချီလိတ်မြို့မှ လူများကိုတပ်သားသစ်စုဆောင်းရန် ဖမ်းစီးခေါ်ဆောင်သွားပြီး တခြားမြို့မှ စစ်တပ်စုဆောင်းရေးထံ ငွေကြေးဖြစ်ပြန်လည်ရောင်းချခြင်းဖြစ်ပြီး တပ်မတော်မိသားစုဝင်များဖြစ်ကြောင်းသိရသည်။

Crd ကျိုင်းတုံဟစ်တိုင်

19/08/2026

ငွေကြေးကောက်ခံသည့် ဂိတ်တွေကို အချက်အလက်မှန်ကန်စွာ သတင်းပေးတိုင်ကြားရန် နယ်လုံဝန်ကြီးပြော

၁၉ ဩဂုတ် ၂၀၂၆ (Eastern ThanLwin)

ဇင်ကြီး

ရှမ်းပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးစိန်ဝင်းမှ တာချီလိတ်မြို့မှ တောင်ကြီးမြို့အထိ လမ်းကြောင်းတစ်‌လျှောက် စစ်ဆေးရေးဂိတ်များ ငွေကြေးကောက်ခံမှုအပေါ် အချက်လက်မှန်ကန်စွာ သတင်းပေးတိုင်ကြားနိုင်သည်ဟု ရှမ်းပြည်နယ်လွှတ်တော်မှာ ပြောဆိုလိုက်တာပါ။

ရှမ်းပြည်နယ်လွှတ်တော်မှာ ကျင်းပနေတဲ့ ပုံမှန်အစည်းအဝေး ပဥ္စမမြောက်နေ့ သြဂုတ်(၁၉)ရက်နေ့က ကျိုင်းတုံ ပြည်နယ်လွှတ်တော်ကိုယ်စားလှယ်ရဲ့ မေးခွန်းကို ပြန်လည်ဖြေဆိုခဲ့တာဖြစ်ပါတယ်။

ရှမ်းပြည်နယ်အစိုးရအဖွဲ့ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးစိန်ဝင်းက “သက်ဆိုင်စစ်ဆေးရေးဂိမ်များမှာ တာဝန်ထမ်းဆောင်တဲ့ ဝန်ထမ်းများအနေနဲ့ စစ်ဆေးရေးလုပ်ငန်းများ ဆောင်ရွက်ရာတွင် ငွေကြေးတစ်စုံတစ်ရာ တောင်းခံခြင်းများရှိပါက အချက်လက်မှန်ကန်စွာဖြင့် သက်ဆိုင်ရာဌာနများသို့ သတင်းပို့တိုင်တန်းနိုင်ပါကြောင်း” ပြောဆိုခဲ့တာဖြစ်ပါတယ်။

ကျိုင်းတုံမြို့ ပြည်နယ်ကိုယ်စားလှယ် ဦးဆိုင်းဟွမ်နွဲ့ က တာချီလိတ်မြို့ကနေ တောင်ကြီးမြို့အထိ တရားဝင်ဖွင့်ထားတဲ့ စစ်ဆေးရေးဂိတ်များအား မလိုလားအပ်သောငွေကြေးများ ပေးဆောင်နေရသဖြင့် ခရီးသည်ပို့ဆောင်ရေးယဥ်များ ကုန်စည်ပို့ဆောင်ရေးယဥ်များ အချိန်အတိုအတွင်း သွားလာနိုင်ရေးအတွက် မည်ကဲ့သို့ စိစစ်ကြပ်မှတ်ပေးမည်ကို သိရှိလိုတဲ့ ကြယ်ပွင့်ပြမေးခွန်းကို မေမြန်းခဲ့တာဖြစ်ပါတယ်။

တာချီလိတ်မှ တောင်ကြီးကိုသွားတဲ့ ကုန်သွယ်ရေးလမ်းကြောင်း(၂)ကြောင်းရှိပြီး တစ်ကြောင်းမှာ တာချီလိတ်-ကျိုင်းတုံ-မိုင်းပျင်း-လွိုင်လင်-တောင်ကြီးလမ်းကြောင်းနဲ့ တာချီလိတ်-မိုင်းဆတ်-မိုင်းတုံ-လင်းခေး-နမ့်ဆန်-တောင်ကြီး လမ်းကြောင်းနှစ်ကြောင်းရှိခြင်းဖြစ်ပါတယ်။

ကြယ်ပွင့်ပြမေးခွန်းနဲ့ပတ်သက်ပြီး လုံခြုံရေးဂိတ် စစ်ဆေးရေးဂိတ်များကိုလည်း တိုင်းအထက်ဌာနမှ ညွှန်ကြားချက်အရ ဂိတ်တွေကို ထပ်မံ လျော့ချပေးနေပြီဖြစ်ပါကြောင်းနှင့် သက်ဆိုင်ရာတိုင်းစစ်ဌာနများကိုလည်း အကြောင်းကြားပေးသွားမည်ဖြစ်ကြောင်း ဖြေကြားခဲ့တာဖြစ်ပါတယ်။

Crd Eastern ThanLwin

18/08/2026

နောက် ၂၄နာရီအတွင်း ရာနှုန်းပြည့် မိုးကြီးမည့်ဒေသများ

အခုပိုစ့်တင်ချိန်မှ နောက်၂၄နာရီအတွင်း ရာနှုန်းပြည့် မိုးကြီးမယ့်ဒေသတွေကိုပဲ ဒီပိုစ့်ထဲမှာ ရွေးချယ်တင်ပြထားပါတယ်။ ရာနှုန်းပြည့်မိုးကြီးမယ်ဆိုတာ သေချာပေါက် မိုးကြီးမယ်လို့ ပြောတာပါ။ ဒါပေမယ့် မိုးရွာမယ့်ဒေသနဲ့ မိုးကြီးမယ့်ဒေသကို ခွဲခြားရလွယ်အောင် နောက်၂၄နာရီအတွင်း ရာနှုန်းပြည့် မိုးရွာမယ့်ဒေသတွေကိုလဲ သီးသန့်ပိုစ့်တစ်ခုဖြင့် ကျနော့်အကောင့်ထဲမှာ ပြီးခဲ့တဲ့ နာရီပိုင်းလောက်က ခွဲတင်ပေးထားပြီးပါပြီ။ ဝင်ဖတ်လို့ရပါပြီဗျ။

ကချင်ပြည်နယ်
ပန်နန်းဒင်၊ နောင်မွန်း၊ မြစ်ကြီးနား၊ ဝိုင်းမော်၊ ဆဒုံး၊ ကန်ပိုက်တီ၊ တာလောကြီး၊ လိုင်ဇာ၊ လဂျားယန်၊ ဒေါ့ဖုန်းယန်၊ မြို့သစ်၊ ဗန်းမော်။

ကယားပြည်နယ်
ရာနှုန်းပြည့် မိုးကြီးမည့်ဒေသ မရှိပါ။

ကရင်ပြည်နယ်
ကတိုင်တိ၊ မြိုင်ကြီးငူ၊ ကမမောင်း၊ ရင်းဘိုင်း၊ ရွှေဂွန်း၊ လှိုင်းဘွဲ့၊ ပိုင်ကျုံ၊ မင်းဇီ၊ နောင်ကမြိုင်၊ တောင်ဝိုင်း၊ ဘားအံ၊ ဇွဲကပင်တောင်၊ နောင်လုံ၊ အိန္ဒု၊ ဝင်းစိန်၊ သဲပုံ၊ ကျုံဒိုး၊ ကော့ကရိတ်၊ ဇာသပြင်၊ ကော့ဘိန်း၊ ကျိုက်ဒုံ၊ ကြာအင်းဆိပ်ကြီး၊ မြို့ဟောင်းရွာ၊ တံခွန်တိုင်၊ ကမ်းနီ။

ချင်းပြည်နယ်
မတူပီ၊ ဆမီး၊ ပလက်ဝ။

မွန်ပြည်နယ်
ဒေသအားလုံးတွင် ရာနှုန်းပြည့် မိုးကြီးမည်။

ရခိုင်ပြည်နယ်
ဒေသအားလုံးတွင် ရာနှုန်းပြည့် မိုးကြီးမည်။

ရှမ်းပြည်နယ်မြောက်ပိုင်း
ရာနှုန်းပြည့် မိုးကြီးမည့်ဒေသ မရှိပါ။

ရှမ်းပြည်နယ်အရှေ့ပိုင်း
ကျိုင်းတုံ၊ မိုင်းယောင်း၊ မိုင်းယု၊ ကျိုင်းလတ်၊ တာလေ၊ တာချီလိတ်၊ မယ်ဆိုင်၊ မိုင်းဖြတ်၊ မိုင်းခုတ်၊ မိုင်းဆတ်၊ မိုင်းတုံ၊ ပုံပါကျင်၊ မိုင်းယွန်း။

ရှမ်းပြည်နယ်တောင်ပိုင်း
ကျိုင်းတောင်း၊ ကာလိ၊ ကွန်ဟိန်း၊ ခိုလမ်။

စစ်ကိုင်းတိုင်းအထက်ပိုင်း
ရာနှုန်းပြည့် မိုးကြီးမည့်ဒေသ မရှိပါ။

စစ်ကိုင်းတိုင်းအောက်ပိုင်း
ရာနှုန်းပြည့် မိုးကြီးမည့်ဒေသ မရှိပါ။

မန္တလေးတိုင်း
ရာနှုန်းပြည့် မိုးကြီးမည့်ဒေသ မရှိပါ။

မကွေးတိုင်း
ရာနှုန်းပြည့် မိုးကြီးမည့်ဒေသ မရှိပါ။

နေပြည်တော်
ရာနှုန်းပြည့် မိုးကြီးမည့်ဒေသ မရှိပါ။

ပဲခူးတိုင်းအရှေ့ပိုင်း
ကျောက်ကြီး၊ ပိန်းဇလုတ်၊ ညောင်လေးပင်၊ ပြွန်တန်ဆာ၊ ဒိုက်ဉီး၊ မဒေါက်၊ ရွှေကျင်၊ ဝေါ၊ ညောင်ခါးရှည်၊ ပဲခူး၊ သနပ်ပင်၊ ကဝ၊ သက္ကလ၊ ရွှေပေါက်ကံ။

ပဲခူးတိုင်းအနောက်ပိုင်း
ရာနှုန်းပြည့် မိုးကြီးမည့်ဒေသ မရှိပါ။

ရန်ကုန်တိုင်း
ရာနှုန်းပြည့် မိုးကြီးမည့်ဒေသ မရှိပါ။

ဧရာဝတီတိုင်း
ရာနှုန်းပြည့် မိုးကြီးမည့်ဒေသ မရှိပါ။

တနင်္သာရီတိုင်း
ကလိန်အောင်၊ ရေဖြူ၊ မေတ္တာ၊ ထားဝယ်၊ လောင်းလုံး၊ သရက်ချောင်း၊ ပုလော၊ ပလောက်။

ရာနှုန်းပြည့် မိုးရွာမယ့်ဒေသများနဲ့ ရာနှုန်းပြည့် မိုးကြီးမယ့်ဒေသများဆိုပြီး ပိုစ့်နှစ်ခုခွဲကာ တစ်ရက်လျှင်နှစ်ကြိမ် အပ်ဒိတ်တင်ပေးနေတာ ဖြစ်ပါတယ်။ ဒီစာရင်းထဲမှာ မိုးတိမ်တောင်တွေ အမြန်ဖြတ်သွားလို့ ယာယီမိုးကြီးတာမျိုး၊ ယာယီမိုးသည်းထန်တာမျိုး၊ နေရာကွက် မိုးကြီးတာမျိုး၊ နေရာကွက် မိုးသည်းထန်တာမျိုးတွေ မပါဝင်ဘဲ သေချာပေါက် မိုးကြီးမယ့်ဒေသတွေကိုသာ ရွေးချယ်တင်ပြပေးထားတာ ဖြစ်ပါတယ်ဗျ။ တစ်နာရီဝန်းကျင်လောက် ရေအိုးသွန်ချသလိုရွာပြီး မိုးကြီးတာနဲ့ တစ်နေကုန် မိုးစွေရွာပြီး မိုးရေချိန်ပမာဏများသွားလို့ မိုးကြီးတာဆိုပြီး နှစ်မျိုးရှိပါတယ်။ ဒီစာရင်းထဲမှာ အဲ့နှစ်မျိုးစလုံး ပါဝင်ပါတယ်ဗျ။ ဒီထဲက အချို့ဒေသတွေကို ရက်ကြိုခန့်မှန်းပေးခဲ့ပြီး ဖြစ်ပါတယ်ဗျ။

Issued Time: 18-08-2026/9:35AM
Derived from: Multi-Model Consensus (ECMWF, GFS, ICON, UKMO, GEM, JMA, WRF, PPD, ACCESS, GSM, CMA, NCUM, NCMRWF)
ဒေါက်တာ စိုင်းခွန်အာကာ

15/08/2026

ဩဂုတ် ၁၅ ရက်မှ ၂၁ ရက်အထိ ရှမ်းပြည် မိုးလေဝသအခြေအနေ

ဦးဝင်းနိုင် (မိုးလေဝသပညာရှင်)

Ventusky (ICON Global Model) မှ ၂၀၂၆ ခုနှစ် ဩဂုတ် ၁၄ ရက် ရရှိသည့် မိုးရေချိန်စုဆောင်းမှုပြမြေပုံများ (Accumulation Precipitation Maps) အရ ဩဂုတ်လ ၁၅ ရက်မှ ၂၁ ရက်အထိ (၇ ရက်အတွင်း) ရှမ်းပြည်အတွင်း ဒေသခွဲများအလိုက် ကျရောက်နိုင်မည့် ခန့်မှန်းမိုးရေချိန်ဇယားနှင့် မိုးလေဝသအခြေအနေ ကြိုတင်ခန့်မှန်းဆန်းစစ်ချက်များကို တင်ပြပေးလိုက်ပါသည်။

၁။ ရှမ်းပြည် ဒေသခွဲများအလိုက် မိုးရေချိန်ခန့်မှန်းချက်ဇယား (mm)

(မှတ်ချက်။ ။ ခန့်မှန်းချက်များကို ဩဂုတ် ၁၅ မှ ၂၁ ရက်အထိ ၇ ရက် စုစုပေါင်း ခန့်မှန်းမိုးရေချိန် အများဆုံးရရှိနိုင်သည့် ဒေသမှ အနည်းဆုံးဒေသအလိုက် High to Low Sorted ပြုလုပ်ထားပါသည်)

၂။ မိုးရေချိန် အနည်း/အများ နေ့စဉ်ဖြစ်စဉ် သုံးသပ်ချက် (Precipitation Intensity Analysis) –
Ventusky မြေပုံများ၏ ဩဂုတ် ၁၄ ရက် စတင်စုဆောင်းချိန်မှ ဩဂုတ် ၂၁ ရက်အထိ အဆင့်ဆင့် တိုးတက်ပြသမှုများအရ ရှမ်းပြည်အတွင်း မိုးရွာသွန်းမှုပုံစံသည် အရှေ့ဘက်မှ လာအို/ထိုင်း နယ်စပ်ဘက်မှ တိုးဝင်လာသော မိုးတိမ်များကြောင့် ရှမ်းအရှေ့တွင် မိုးအဆမတန် အားကောင်းပြီး၊ အနောက်ဘက် မန္တလေး/ကယား အစပ်သို့ ရောက်ရှိပါက မိုးလျော့နည်းသွားသည့် သဘောသဘာဝကို ထင်ရှားစွာတွေ့ရပါသည်။

🔴 မိုးအလွန်များမည့် နီညို/ခရမ်းရောင်ဇုန် (ရှမ်းအရှေ့ပိုင်း)
ဩဂုတ် ၁၇ ရက်မှစ၍ မဲခေါင်မြစ်ဝှမ်းနှင့် လာအို နယ်စပ်ဘက်မှ လေပွေလှိုင်းများနှင့် မုတ်သုံမိုးတိမ်များ ဆက်တိုက် တိုးဝင်လာမည်ဖြစ်သည်။ ဩဂုတ် ၂၀ နှင့် ၂၁ ရက် မြေပုံများတွင် ကျိုင်းတုံ၊ တာချီလိတ်နှင့် မိုင်းဆတ် အရှေ့ဘက်ခြမ်းတို့၌ နီညိုရောင်မှ ခရမ်းရင့်ရောင်ပြ ဇုန်များ မိုးရေချိန်စုစုပေါင်း ၁၀၀ မီလီမီတာမှ ၁၆၀ မီလီမီတာအထက်အထိ ရရှိနိုင်ကြောင်းတွေ့ရပြီး ရက်သတ္တပတ်အကုန်တွင် မိုးအလွန်ကြီးနိုင်မည်ဖြစ်သည်။

🟠 မိုးများမည့် ဇုန် (ရှမ်းမြောက်ပိုင်း)
တရုတ်-မြန်မာ နယ်စပ်နှင့် ကချင်ပြည်နယ်အစပ် တောင်တန်းဒေသများ (မဘိမ်း၊ နမ့်ဆန်၊ မိုးမိတ်နှင့် မိုင်းရယ်/လားရှိုး အရှေ့ဘက်) တို့တွင် မုတ်သုံမြောင်း အရှိန်ကြောင့် ဩဂုတ် ၁၈ ရက်နောက်ပိုင်း မိုးရွာရက်နှင့် မိုးရေချိန် သိသာစွာ စိပ်လာမည်ဖြစ်ရာ ၇ ရက် စုစုပေါင်း မိုးရေချိန် ၅၀ မီလီမီတာ မှ ၁၀၀ မီလီမီတာ အထိ စုဆောင်းရရှိမည်ဖြစ်သည်။

🟢 မိုးအတန်အသင့်/လျော့နည်းဇုန် (ရှမ်းတောင်ပိုင်း)
တောင်ကြီး၊ ကလော၊ ပင်းတယနှင့် အင်းလေးကန် ဝန်းကျင်ဒေသများသည် ရခိုင်ရိုးမနှင့် အလယ်ပိုင်း မိုးကွယ်ရပ်ဝန်း၏ အစွန်းထွက် သက်ရောက်မှုကြောင့် ဩဂုတ် ၁၈ ရက်အထိ မိုးအလွန်ကျဲနေမည်။ ၂ မီလီမီတာမှ ၁၀ မီလီမီတာ ဝန်းကျင်သာရှိမည်) ဖြစ်ပြီး၊ ဩဂုတ် ၁၉ ရက်နောက်ပိုင်းမှသာ မိုးအသင့်အတင့် ပြန်လည် ရွာသွန်းလာမည်ဖြစ်သည်။

၃။ ရှမ်းပြည်အတွင်း ဖြစ်ပေါ်နိုင်သည့် မိုးလေဝသအခြေအနေ ကြိုတင်ခန့်မှန်းဆန်းစစ်ချက်

ရှမ်းပြည်(အရှေ့ပိုင်း)

📌 ဖြစ်နိုင်ခြေ - ဩဂုတ် ၁၈ ရက်မှ ၂၁ ရက်အတွင်း လာအိုနှင့် ထိုင်းနယ်စပ်တစ်လျှောက် ပူအိုက်စိုစွတ်မှုမှ မိုးတိမ်ထုကြီးများ အားကောင်းစွာ ဖြစ်ထွန်းကာ ရက်ရှည် မိုးသည်းထန်စွာ ရွာသွန်းနိုင်ခြေ ရာခိုင်နှုန်း မြင့်မားနေသည်။

⚠️ သဘာဝဘေးအန္တရာယ် သတိပေးချက်
တာချီလိတ်၊ မိုင်းဆတ်နှင့် ကျိုင်းတုံ မြို့နယ်များရှိ မဲခေါင်မြစ် tributary ချောင်းများ (ဥပမာ- မဲဆိုင်ချောင်း၊ နမ့်လွေချောင်း) အတွင်း တောင်ကျရေရုတ်တရက်လျှံတက်ခြင်း၊ ချောင်းရေကြီးခြင်းနှင့် မြေနိမ့်ပိုင်း ရေလွှမ်းမိုးခြင်းများ (Severe Flash Floods) အထူးစိုးရိမ်ရသဖြင့် ကြိုတင်သတိပြု ပြင်ဆင်ထားကြပါရန် အသိပေးအပ်ပါသည်။

ရှမ်းပြည်(မြောက်ပိုင်း)

📌 ဖြစ်နိုင်ခြေ - ရက်သတ္တပတ်၏ ဒုတိယဝက် (ဩဂုတ် ၁၉ မှ ၂၁ ရက်) တွင် နေ့လယ်နှင့် ညပိုင်းများ၌ မိုးကြီးမည့် တိမ်တိုက်များ အဆက်မပြတ် ဖြစ်ထွန်းမည်ဖြစ်သည်။

⚠️ သဘာဝဘေးအန္တရာယ် သတိပေးချက် - တောင်ကုန်းတောင်စောင်း မြို့နယ်များတွင် ရက်ရှည် မိုးရွာသွန်းမှုကြောင့် တောင်ကျရေစီးသန်ခြင်းနှင့် တောင်ကြားလမ်းမကြီးများ၌ မြေပြိုခြင်း (Landslides) ဖြစ်ပွားနိုင်သဖြင့် လမ်းပန်းဆက်သွယ်ရေး သွားလာရာတွင် အထူးသတိပြုရန် လိုအပ်ပါသည်။

ရှမ်းပြည်(တောင်ပိုင်း)

📌 ဖြစ်နိုင်ခြေ - ဩဂုတ် ၁၅ မှ ၁၈ ရက်အတွင်း သာမန်မိုး နေရာကျဲကျဲရွာရုံသာ ရှိမည်ဖြစ်ပြီး၊ ဩဂုတ် ၁၉ ရက်နောက်ပိုင်းမှ မိုးပိုလာနိုင်မည် ဖြစ်သည်။

⚠️ သတိပြုရန် သုံးသပ်ချက် - ဒေသတွင်း မိုးကြီးမှုထက် ညနေပိုင်း မိုးထစ်ချုန်းချိန်များတွင် ဖြစ်ပေါ်တတ်သော မိုးကြိုးပစ်ခြင်း (Lightning)၊ လေပြင်းတိုက်ခတ်ခြင်းများနှင့် ကုန်းမြင့်ဒေသများတွင် တောင်ကျရေစီးဆင်းမှုများကို သတိထားရပါမည်။

Crd MeKongNews
မိုးလေဝသခန့်မှန်းချက်

13/08/2026

ကျိုင်းတုံ ရွှေဆိုင် ဓါးပြမှုက တရားခံတွေကို “ဝ”တပ်ဖွဲ့က ဖမ်းဆီးပြီး ကျိုင်းတုံသို့ လွှဲပြောင်း

၁၃ သြဂုတ်လ ၂၀၂၆ (Eastern ThanLwin)

ကိုဇက်

လွန်ခဲ့တဲ့ (၆)လခန့်က ဖြစ်ပွားခဲ့တဲ့ ကျိုင်းတုံ
ခေမရဋ်ရွှေဆိုင်ပိုင်ရှင်ကို သတ်ဖြတ်ပြီး
ရွှေတွေ ဓါးပြတိုက်သွားတဲ့ တရားခံတွေကို
ပန်းဆန်းမှာ ဖမ်းမိတဲ့အတွက် ဒီနေ့ဘဲ
ကျိုင်းတုံ ရဲစခန်းကို ပြန်လည်လွှဲပြောင်းလိုက်ပြီး ဖြစ်ကြောင်း အရှေ့သံလွှင်သတင်းဌာနက စုံစမ်းသိရှိရပါတယ်။

မေလ(၁၃)ရက်နေ့ နေ့လည်ပိုင်းမှာ
ကျိုင်းတုံ ခေမရဋ် ရွှေဆိုင်ဓါးပြတိုက်သွားတဲ့သူတွေဟာ UWSA ထိန်းချုပ်မှု နယ်မြေအတွင်း ထွက်ပြေး ပုန်းအောင်နေတာဖြစ်ပြီး
ပြည်သူ့စစ် လက်နက်ကိုင်အဖွဲ့ဝင်တွေ
ပါဝင်တယ်လို့ သိရှိရပါတယ်။

“ဟုတ်ပါတယ် ဒီနေ့ဘဲ ကျွန်တော်တို့ အဖွဲ့က သက်ဆိုင်ရာကို လွှဲပြောင်းပေးလိုက်ပါပြီ၊
မကြာခင် သတင်းအပြည့်အစုံကို
Social Media ပေါ်တင်မှာဖြစ်ပါတယ်”လို့
“ဝ”ပြည်သွေးစည်းညီညွှတ်ရေးတပ်မတော်က
ပြောရေးဆိုခွင့်ရှိသူ ဦးညီရမ်းက အရှေ့သံလွင်သတင်းဌာနကို ပြောပါတယ်။

ရွှေဆိုင်ဓါးပြတိုက်မှုမှာ ခေမရဋ်ရွှေဆိုင်ပိုင်ရှင်ဖြစ်သူ ဦးစိုင်းယီတစ် မော်တော်ကားနဲ့ နေအိမ်ပြန်လာတဲ့အချိန်မှာ အိမ်ရှေ့မှာပင် သေနတ်နဲ့ပစ်သတ်ခဲ့ပြီး ရွှေ(၃)ပိဿကျော်ကို ယူဆောင်သွားခဲ့တာလို့ သိရှိရပါတယ်။

ဓါးပြမှုမှ တရားခံတွေကို ဖမ်းဆီးရမိပြီးနောက် ကျိုင်းတုံမှာ အမှုစစ်တရားစွဲဆိုနိုင်ဖို့ တပ်မတော်ဖက်က ပြန်လည်လွှဲပြောင်းပေးဖို့ “ဝ”တပ်ဖွဲ့ဆီ တောင်းဆိုလိုက်တာကြောင့် တရားခံကို ပြန်လည်လွှဲပြောင်းပေးခဲ့တာဖြစ်တယ်လို့ သိရှိရပါတယ်။

Crd Eastern ThanLwin

08/08/2026

ကျိုင်းတုံတွင် တရုတ် ၁၄၄ ဦး ပါဝင်သည့် ကျားဖြန့်ဂိုဏ်းကို ဖမ်းဆီး

မဲခေါင်၊ ဩဂုတ် ၈

စစ်ကောင်စီထိန်းချုပ်နယ်မြေ ရှမ်းပြည်အရှေ့ပိုင်း၊ ကျိုင်းတုံမြို့နယ်တွင် တရုတ် ၁၄၄ ဦးအပါအဝင် ကျားဖြန့်ဂိုဏ်း ၁၅၆ ဦးကို ဖမ်းဆီးရမိသည်ဟု စစ်ကောင်စီက သတင်းထုတ်ပြန်သည်။

စစ်ကောင်စီ တပ်ဖွဲ့ဝင်များသည် ယမန်နေ့ နံနက် ၇ နာရီခန့်တွင် ကျိုင်းတုံမြို့နယ်၊ ကတ်ဖကျေးရွာအုပ်စု၊ နောင်လေကျေးရွာ၊ နောင်လေငါးကန်စားသောက်ဆိုင်အနီးရှိ ခြံဝန်းအတွင်းကို ဝင်ရောက်စီးနင်းရာ တရုတ်နိုင်ငံသား အမျိုးသား ၁၄၀ ဦး၊ အမျိုးသမီး ၄ ဦး၊ လာအိုနိုင်ငံသား အမျိုးသမီး ၁ ဦး၊ မြန်မာနိုင်ငံသား အမျိုးသား ၈ ဦး၊ အမျိုးသမီး ၃ ဦး၊ စုစုပေါင်း ကျားဖြန့် ၁၅၆ ဦးတို့အား ဖမ်းဆီးရမိခဲ့ခြင်းဖြစ်သည်။

ယင်းဖမ်းဆီးမှုအတွင်း ဖုန်းမျိုးစုံ ၆၅၈ လုံး၊ All In One ကွန်ပျူတာ ၁၃၄ လုံး၊ Laptop ၂၈ လုံး၊ WIFI ROUTER စက် ၃ လုံး၊ STAR LINK GAN-3 ၁၃ လုံး၊ CPU ၁၅ လုံး၊ UPS ၅ လုံး၊ မီးစက် (120 KV) ၁ လုံး၊ မီးစက် (155KV) ၁ လုံး၊ ရေခဲသေတ္တာ ၁ လုံး၊ အအေးခံသေတ္တာ ၁ လုံး တို့ကိုလည်း သိမ်းဆည်းရမိခဲ့သည်ဟု စစ်ကောင်စီသတင်းထုတ်ပြန်ချက်တွင်ဖော်ပြသည်။

ယင်းနေရာတွင် တရုတ်ကျားဖြန့်မှား ရှိသည်ဟု သတင်းထွက်နေသည်မှာ တစ်နှစ်နီးပါးရှိပြီဖြစ်သော်လည်း စစ်ကောင်စီက ယခုအချိန်မှ ဖမ်းဆီးခြင်းသည် အလွန်နောက်ကျနေသည်ဟု ကျိုင်းတုံမြို့ခံတစ်ဦးကပြောသည်။

“အဲ့ဒီမှာ တရုတ်ကျားဖြန့်တွေရှိတယ်ဆိုတာက ဒေသခံတွေ သာမန်ပြည်သူတွေတောင် သတင်းကြားရတာကြာပြီ တစ်နှစ်လောက်ရှိပြီ။ အခုမှ ဖမ်းတာက နောက်ကျတာပေါ့။ ဒါပေမယ့် ဖမ်းတာကိုပဲ အကောင်းလို့ပြောရမှာပဲ”ဟု ၎င်းကပြောသည်။

အဆိုပါ ဖမ်းဆီးရမိသည့် အွန်လိုင်းလိမ်လည်ကျားဖြန့်သမားများအား လိုအပ်သည့် စစ်ဆေးမှုများ ဆောင်ရွက်ပြီးစီးပါက ထိရောက်ပြင်းထန်စွာ အရေးယူဆောင်ရွက်သွားမည်ဟု စစ်ကောင်စီကထုတ်ပြန်ချက်တွင်ဆိုသည်။

စစ်ကောင်စီက ထိုသို့ ထုတ်ပြန်သော်လည်း ဖမ်းဆီးရမိသည့် တရုတ်ကျားဖြန့်များကို မြန်မာဥပဒေဖြင့် အရေးယူလေ့မရှိပဲ သက်ဆိုင်ရာ တရုတ်နိုင်ငံကိုသာ ပြန်လည်လွဲပြောင်းပေးလျက်ရှိသည်။

Crd MeKongNews

05/08/2026

၂၄နာရီအတွင်း ရာနှုန်းပြည့် မိုးကြီးမည့်ဒေသများ

အခုပိုစ့်တင်ချိန်မှ နောက်၂၄နာရီအတွင်း ရာနှုန်းပြည့် မိုးကြီးမယ့်ဒေသများကိုသာ ရွေးတင်ပေးထားပါတယ်ဗျ။ ရာနှုန်းပြည့်မိုးကြီးမယ်ဆိုတာက သေချာပေါက် မိုးကြီးမယ်လို့ ပြောတာပါ။ ရာနှုန်းပြည့် မိုးရွာမယ့်ဒေသများနဲ့ ရာနှုန်းပြည့် မိုးကြီးမယ့်ဒေသများဆိုပြီး နှစ်ခုခွဲ တင်ပေးနေတာပါ။ တချို့က နားမလည်ကြလို့ ထပ်တလဲလဲ မေးကြတာကြောင့် သေသေချာချာ ရှင်းပြနေရတာပါ။ ဒီစာရင်းထဲမှာ ရာနှုန်းပြည့် မိုးကြီးမယ့်ဒေသတွေပဲ ပါဝင်ပါတယ်။ ရာနှုန်းပြည့် မိုးရွာမယ့်ဒေသတွေကိုတော့ သီးသန့် ခွဲတင်ပေးထားပါတယ်ဗျ။ ကျနော့်အကောင့်ထဲမှာ ဝင်ရှာဖတ်ရှုနိုင်ပါတယ်။

ကချင်ပြည်နယ်
မံစီ၊ ဗန်းမော်၊ မိုးမောက်၊ မိုင်းခေါင်၊ ရွှေကူ၊ မြို့လှ၊ မိုးညှင်း၊ ဟိုပင်၊ နန်းမား၊ အင်းတော်ကြီး။

ကယားပြည်နယ်
ရာနှုန်းပြည့် မိုးကြီးမယ့်ဒေသ မရှိပါ။

ကရင်ပြည်နယ်
ကမမောင်း၊ ရှမ်းရွာသစ်၊ လှိုင်းဘွဲ့၊ ပိုင်ကျုံ၊ ဘားအံ၊ ကျုံဒိုး၊ ကော့ကရိတ်။

ချင်းပြည်နယ်
ဒေသအားလုံး ရာနှုန်းပြည့် မိုးကြီးမည်။

မွန်ပြည်နယ်
ရာနှုန်းပြည့် မိုးကြီးမယ့်ဒေသ မရှိပါ။

ရှမ်းပြည်နယ်မြောက်ပိုင်း
ဒေသအားလုံး ရာနှုန်းပြည့် မိုးကြီးမည်။

ရှမ်းပြည်နယ်အရှေ့ပိုင်း
ဒေသအားလုံး ရာနှုန်းပြည့် မိုးကြီးမည်။

ရှမ်းပြည်နယ်တောင်ပိုင်း
ရာနှုန်းပြည့် မိုးကြီးမယ့်ဒေသ မရှိပါ။

စစ်ကိုင်းတိုင်း
လေရှီး၊ ထမံသီ၊ ဆွမ္မရာ၊ ဟုမ္မလင်း၊ မြို့သစ်၊ ဖောင်းပြင်၊ တမူး၊ ခမ်းပတ်၊ မော်လိုက်၊ ကလေး၊ ကလေးဝ၊ မင်းကင်း၊ ကနီ၊ ယင်းမာပင်၊ ပုလဲ၊ မုံရွာ၊ ဆားလင်းကြီး၊ ချောင်းဦး၊ မြောင်၊ မြင်းမူ၊ အရာတော်၊ ဘုတလင်၊ စစ်ကိုင်း၊ ဝက်လက်၊ ရွှေဘို၊ ရေဦး၊ ခင်ဦး၊ ဒီပဲယင်း၊ တန့်ဆည်၊ ကန့်ဘလူ၊ ကျွန်းလှ၊ ကောလင်း၊ ဝန်သို၊ ပင်လည်ဘူး၊ ကသာ၊ အင်းတော်၊ ဗန်းမောက်၊ ထီးချိုင့်။

မန္တလေးတိုင်း
တကောင်း၊ သပိတ်ကျင်း၊ မိုးကုတ်၊ မတ္တရာ၊ ပုသိမ်ကြီး၊ မဟာအောင်မြေ၊ အောင်မြေသာစံ၊ ပြည်ကြီးတံခွန်၊ ချမ်းအေးသာစံ၊ ချမ်းမြသာစည်၊ ပလိပ်၊ မြစ်ငယ်၊ အမရပူရ၊ ပြင်ဦးလွင်၊ တံတားဦး၊ စဉ့်ကိုင်၊ ကျောက်ဆည်၊ ငါန်းဇွန်၊ မြင်းခြံ၊ နွားထိုးကြီး။

မကွေးတိုင်း
ရေစကြို၊ ပခန်းကြီး၊ မြိုင်၊ အထက်ကံမ၊ ပေါက်၊ ဆော၊ ကျောက်ထု၊ ထီးလင်း၊ ဂန့်ဂေါ၊ ရေနံချောင်း၊ မြို့သစ်၊ နတ်မောက်၊ တောင်တွင်းကြီး။

နေပြည်တော်
ရာနှုန်းပြည့် မိုးကြီးမည့်ဒေသ မရှိပါ။

ပဲခူးတိုင်း
ရာနှုန်းပြည့် မိုးကြီးမယ့်ဒေသ မရှိပါ။

ရန်ကုန်တိုင်း
ရာနှုန်းပြည့် မိုးကြီးမယ့်ဒေသ မရှိပါ။

ဧရာဝတီတိုင်း
ရာနှုန်းပြည့် မိုးကြီးမယ့်ဒေသ မရှိပါ။

တနင်္သာရီတိုင်း
တနင်္သာရီ ကမ်းရိုးတန်းဒေသအချို့။

ဒီစာရင်းထဲမှာ ယာယီမိုးကြီးတာမျိုး၊ ယာယီမိုးသည်းထန်တာမျိုး၊ နေရာကွက် မိုးကြီးတာမျိုး၊ နေရာကွက် မိုးသည်းထန်တာမျိုးတွေ မပါဝင်ပါဘူးဗျ။ ရာနှုန်းပြည့်မိုးကြီးမယ့်ဒေသတွေကိုသာ ရွေးချယ်ပေးထားတာ ဖြစ်ပါတယ်ဗျ။

Issued Time: 5-08-2026/4:30PM
Derived from: Multi-Model Consensus (ECMWF, GFS, ICON, UKMO, GEM, JMA, WRF, PPD)
ဒေါက်တာ စိုင်းခွန်အာကာ

04/08/2026

နောက် ၄၈နာရီအတွင်း ရာနှုန်းပြည့် မိုးအလွန်ကြီးနိုင်တဲ့ဒေသများနှင့် မိုးကြီးနိုင်တဲ့ဒေသများ

ရာနှုန်းပြည့် မိုးအလွန်ကြီးနိုင်တဲ့ဒေသတွေက ဖားကန့်ဒေသ၊ မိုးညှင်းခရိုင်၊ မြစ်ကြီးနားခရိုင်၊ ဗန်းမော်ခရိုင်၊ ကသာခရိုင်၊ ဟုမ္မလင်းခရိုင်၊ မူဆယ်ခရိုင်၊ ကောလင်းခရိုင်၊ မိုးမိတ်ခရိုင်၊ ပလောင်ဒေသ။

ရာနှုန်းပြည့် မိုးကြီးနိုင်တဲ့ဒေသတွေက ဖားကန့်ဒေသ၊ တနိုင်းခရိုင်၊ မြစ်ကြီးနားခရိုင်၊ ချီဖွေခရိုင်၊ ဗန်းမော်ခရိုင်၊ ကသာခရိုင်၊ ခန္တီးခရိုင်၊ ဟုမ္မလင်းခရိုင်၊ တမူးခရိုင်၊ မော်လိုက်ခရိုင်၊ ကလေးခရိုင်၊ ကန့်ဘလူခရိုင်၊ ကောလင်းခရိုင်၊ လားရှိုးခရိုင်၊ တန့်ယန်းခရိုင်၊ လောက်ကိုင်ခရိုင်၊ မူဆယ်ခရိုင်၊ ကွတ်ခိုင်ခရိုင်၊ ကျောက်မဲခရိုင်၊ ပလောင်ဒေသ၊ မိုးမိတ်ခရိုင်၊ မက်မန်းခရိုင်၊ ဟိုပန်ခရိုင်၊ မိုင်းရှူးခရိုင်၊ လွိုင်လင်ခရိုင်၊ ကျိုင်းတုံခရိုင်အထက်ပိုင်း၊ သပိတ်ကျင်းခရိုင်၊ မိုးကုတ်ဒေသ၊ ဂန့်ဂေါခရိုင်၊ တီးတိန်ခရိုင်၊ ဖလမ်းခရိုင်၊ ဟားခါးခရိုင်၊ မတူပီခရိုင်၊ မင်းတပ်ခရိုင်၊ ပလက်ဝခရိုင်၊ မောင်တောခရိုင်၊ မြောက်ဦးခရိုင်၊ စစ်တွေခရိုင်၊ ကျောက်ဖြူခရိုင်၊ မင်းဘူးခရိုင် အထက်ပိုင်း၊ နေပြည်တော်၊ တောင်ငူခရိုင် အထက်ပိုင်း၊ ဘားအံခရိုင် အရှေ့ပိုင်း၊ ထားဝယ်ခရိုင်၊ မြိတ်ခရိုင်။

ဒီခန့်မှန်းချက်က အခုပိုစ့်တင်ချိန်မှ နောက်၄၈နာရီအထိ အကျုံးဝင်ပါတယ်နော်။ ဒီထဲက ဒေသအားလုံးကို ရက်ကြိုခန့်မှန်းပေးခဲ့ပြီးသား ဖြစ်ပါတယ်။ ရက်နီးရော ရက်ဝေးရော နေ့စဉ် အချိန်နဲ့တပြေးညီ တင်ပေးနေပါကြောင်း....

Issued Time: 4-08-2026/8:30PM
Derived from: Multi-Model Consensus (ECMWF, GFS, ICON, UKMO, GEM, JMA, WRF, PPD)
ဒေါက်တာ စိုင်းခွန်အာကာ

Kyaing Tong News Feed

07/09/2026

05/09/2026

31/08/2026

19/08/2026

18/08/2026

15/08/2026

13/08/2026

08/08/2026

05/08/2026

04/08/2026

Address

Website

Alerts

Shortcuts

Share

Listing takedown request