03/07/2024
အညာလွမ်း
#တင်မိုး
မလာလျှင်လွမ်း၊ လာလျှင်လွမ်း
အညာခွင်က တမာပင်တန်း
ပန်းတွေ ပွင့်ကြပေရော့မယ်။
လှည်းသံကအီ၊ ဘုတ်ကမြည်
လေနီကကြမ်း၊ လမ်းက ကြမ်း
ထန်းသီးဒုန်းဒုန်း ကြွေရော့မယ်။
တလင်းက ခြောက်၊ နှင်းကပျောက်
မြေပဲခင်းမှာ၊ ကောက်သင်းကောက်
တောင်းမောက်ရပါမလားကွယ်။
မိုးဦးစိုစို၊ ကျီးညိုညို
ချုံကြို ချုံကြား၊ မှိုရှာသွား
မြွေပါး ကင်းပါး တွေ့တတ်တယ်။
အညာဓလေ့၊ ရွာဓလေ့
တောကပန်းနှင့်၊ တောလမ်းကွေ့
အောက်မေ့သေးတယ်၊ လွမ်းသေးတယ်။ ။
#တင်မိုး
#ကဗျာ
#လူငယ်
