28/07/2026
तनाव बढेपछि सुनसरी सदरमुकाम इनरुवा र महेन्द्र राजमार्ग क्षेत्रमा पनि कर्फ्यू थपिएको छ।
आज साढे ३ बजेबाट अनिश्चितकालका लागि पुन: कर्फ्यू लगाइएको हो। यसअघि राजमार्ग क्षेत्रमा कर्फ्यू हटाइएको थियो।
जिल्ला प्रशासन कार्यालय सुनसरीले एक सूचना जारी गर्दै महेन्द्र राजमार्ग आसपास तथा इनरुवा बजार क्षेत्रमा कर्फ्यू आदेश जारी गरिएको जनाएको छ। यो क्षेत्रमा आवतजावत, भेला, जुलुस, प्रदर्शन, सभा, बैठक, घेराउ गर्न नपाइने सूचनामा उल्लेख छ।
यसअघि स्थानीय प्रशासनले बिहान ७ बजेदेखि साँझ ७ बजेसम्मका लागि हरिनगर, भुटाहा, कप्तानगन्ज, घुस्की र देवानगन्ज बजार क्षेत्रमा कर्फ्यू तथा हरिनगर गाउँपालिका र देवानगन्ज गाउँपालिकाका सम्पूर्ण क्षेत्रमा निषेधादेश जारी गरेको थियो।
